சீருடை வழங்க சத்துணவு உண்ண விருப்பமுள்ள மாணவர்கள் பெயர் EMIS Portalல் பதிவுசெய்ய இறுதி நாள் 06.08.2026 - Director Proceedings
தமிழ்நாடு தொடக்கக் கல்வி இயக்குநரின் செயல்முறைகள், சென்னை-06.
ந.க. எண். 1593680/கே2/2025, நாள் 04.08.2026.
பொருள்:
தொடக்கக் கல்வி - விலையில்லா சீருடை வழங்கும் திட்டம் 2026-27 ஆம் கல்வியாண்டிற்கான 1 ஆம் வகுப்பு மற்றும் 2 முதல் 8 ஆம் வகுப்பு வரை புதியதாக சேர்ந்த மாணவ/மாணவிகள் சேர்க்கை அடிப்படையில் சீருடை அளவுகள் எடுப்பதற்கு ஏதுவாக EMIS விவரப்படி மாணவ/மாணவிகளின் விவரங்கள்-சத்துணவு உண்ணும் மாணவ/மாணவிகள் விவரங்களை EMIS portal-ல் உள்ளீடு செய்ய அறிவுறுத்துதல் தொடர்பாக.
பார்வை :
சென்னை-5, சமூக நல இயக்குநரின் ந.க. எண்.1577426/சிதி-3/2025, நாள் 22.07.2026. கடிதம்
பார்வையில் காணும் சமூக நல இயக்குநரின் கடிதத்தில், 2026-27 ஆம் கல்வியாண்டிற்கு புதிய மாணவர்களின் சேர்க்கை நடைபெறும் என்பதால், மாணவர்களுக்கு அளவெடுத்து நான்கு இணை சீருடைகள் தைத்து உரிய காலத்திற்குள் வழங்கப்பட வேண்டும். எனவே சங்க உறுப்பினர்கள் பள்ளிகளுக்கு சென்று புதியதாக சேர்ந்த மாணக்கர்களை அளவெடுப்பதற்கு ஏதுவாக வட்டார வாரியாக (BEO, DEO wise) மற்றும் பள்ளி மற்றும் வகுப்பு வாரியாக மாணாக்கர்களின் விவரம் EMIS portal-ல் பதிவேற்றம் செய்து வழங்கிடுமாறு தெரிவிக்கப்பட்டுள்ளது.
மேலும், 2026-27 ஆம் கல்வியாண்டில் 1 ஆம் வகுப்பு மற்றும் 2 முதல் 8 ஆம் வகுப்பு ஆகியவற்றில் புதியதாக சேர்க்கப்பட்ட மாணவ/மாணவிகள் விவரங்கள் தனித்தனியாக Hilly/Non-Hilly வாரியாக பிரித்து வழங்கிடவும் தெரிவிக்கப்பட்டுள்ளது.
எனவே, 2026-27 ஆம் கல்வியாண்டிற்கு 1 ஆம் வகுப்பு மற்றும் 2 முதல் 8 ஆம் வகுப்பு வரை புதியதாக சேர்ந்த மாணவ/மாணவிகள் சேர்க்கையின் அடிப்படையில் சீருடைகள் அளவுகள் எடுப்பதற்கு ஏதுவாக மாணவ/மாணவிகள் விவரங்கள் சமூக நல இயக்ககத்திற்கு அனுப்பும்பொருட்டு, பள்ளிகளில் புதியதாக சேர்ந்த சத்துணவு உண்ண விருப்பமுள்ள மாணவ/மாணவிகள் விவரங்களை EMIS portal-ல் 06.08.2026 அன்று பிற்பகல் 1.00 மணிக்குள் உள்ளீடு செய்யுமாறு சார்ந்த தலைமை ஆசிரியர்களுக்கு வட்டாரக் கல்வி அலுவலர்கள் மூலம் தெரிவிக்குமாறு அனைத்து மாவட்டக் கல்வி அலுவலர்களுக்கு அறிவுறுத்தப்படுகிறது.
(தொடக்கக் கல்வி) தொடக்கக் கல்வி இயக்குநர்
பெறுநர்
1. அனைத்து மாவட்டக் கல்வி அலுவலர்கள் (தொடக்கக் கல்வி)- மின்னஞ்சல் மூலமாக.
2 அனைத்து வட்டாரக் கல்வி அலுவலர்கள் (மாவட்டக் கல்வி அலுவலர்கள்
(தொடக்கக் கல்வி) மூலமாக )
>>> செயல்முறைகள் தரவிறக்கம் செய்ய இங்கே சொடுக்கவும்
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.