புதிய தனியுரிமை கொள்கையை கைவிட வேண்டும் வாட்ஸ்அப் நிறுவனத்துக்கு மத்திய அரசு அறிவுறுத்தல்...

 

பொறியியல் மாணவர்களுக்கு ஜூனில் மறுதேர்வு வழக்கமான முறையில் நடத்த திட்டம்...

 

பொறியியல் மாணவர்களுக்கான மறுதேர்வு ஜூன் மாதம் நடைபெற உள்ளதாகவும் அதனை வழக்கமான முறையில் நடத்த திட்டமிட்டுள்ளதாகவும் தகவல் வெளியாகியுள்ளது

 

தேர்வுக்கு 30 நிமிடங்கள் முன்னதாக அந்த அந்த கல்லூரிகளுக்கு வினாத்தாள்கள் அனுப்பப்படும் தேர்வுக்குப் பிறகு மாணவர்கள் ஸ்கேன் செய்த விடைத் தாள்கள் மற்றும் அசல் விடைத்தாள்களை தங்களுடைய கல்லூரியின் வலைதளத்தில் பதிவேற்றம் வேண்டும் என அவர்கள் தெரிவித்தனர்.

புதிய பாடப்பிரிவுகள் துவங்கியும் பேராசிரியர் நியமனம் இல்லை - 3,000 பணியிடங்கள் காலி...

 கல்லுாரிகளில், 10 ஆண்டுகளில், 1,200 பாடப்பிரிவுகள் புதிதாக துவங்கப்பட்ட நிலையில், அதற்கான பேராசிரியர்கள் பணிநியமனம் இதுவரை மேற்கொள்ளப்படவில்லை என்ற அதிருப்தி எழுந்துள்ளது.

தமிழகத்தில், 149 அரசு கல்லுாரிகள் செயல்படுகின்றன. ஆண்டுதோறும், ஒவ்வொரு பகுதிகளின் வளர்ச்சி, அப்பகுதி மாணவர்களின் வேலைவாய்ப்புகளுக்கான தேவை ஆய்வு செய்யப்பட்டு, புதிய பாடப்பிரிவுகள் துவக்க கல்லுாரிகளுக்கு அனுமதியளிக்கப்படும். கடந்த, 10 ஆண்டுகளில் மட்டும், 1200 புதிய பாடப்பிரிவுகள் அரசு கல்லுாரிகளில் துவக்கப்பட்டுள்ளன.

 

மேலும், கடந்த பத்தாண்டுகளில் புதிதாக, 60க்கும் மேற்பட்ட அரசு கலை, கல்வியியல் கல்லுாரிகள் துவக்கப்பட்டுள்ளன. ஆனால், பணிநியமனங்கள் ஏதும் மேற்கொள்ளப்படவில்லை. புதிதாக செயல்படும் பல பாடப்பிரிவுகளில், ஒரு பேராசிரியர் கூட இல்லாத நிலை உள்ளது. உதாரணமாக, பழமைவாய்ந்த கோவை அரசு கலை கல்லுாரியில், சில ஆண்டுகளுக்கு முன் துவக்கப்பட்ட விலங்கியல், பாதுகாப்பியல் ஆகிய பாடப்பிரிவுகளில் ஒரு நிரந்தர பேராசிரியர் கூட இல்லை. வரலாற்று பேராசிரியருக்கு கூடுதல் பொறுப்பாக பாதுகாப்பியல் துறை கவனிக்க அறிவுறுத்தப்பட்டுள்ளது. 

மாநிலம் முழுவதும், இதே நிலை தொடர்கிறது.அரசு கல்லுாரி முதல்வர்கள் சங்க நிர்வாகி ஒருவர் கூறுகையில், 'அரசு கல்லுாரிகளில், கடந்த பத்தாண்டுகளாக ஒரு பணிநியமனம் கூட மேற்கொள்ளப்படவில்லை. தோற்றுவிக்கப்பட்ட பணியிடங்களில், 3,000க்கும் மேற்பட்ட காலியிடங்கள் உள்ளன. தவிர, 41 பல்கலை உறுப்பு கல்லுாரிகள், அரசு கல்லுாரிகளாக மாற்றப்பட்டன. அதற்கும் ஆசிரியர் நியமிக்கவில்லை. புதிய கல்லுாரிகளில் தோற்று விக்கப்படாத பணியிடங்களே பல உள்ளன. புதிதாக பொறுப்பேற்றுள்ள, தமிழக முதல்வர், அரசு கல்லுாரிகளில் பேராசிரியர் காலிப்பணியிடங்களை வெளிப்படைத் தன்மையுடன் நிரப்பவும் உரிய நடவடிக்கை மேற்கொள்ளவேண்டும்' என்றார்.

இன்றைய (20-05-2021) ராசி பலன்கள், நட்சத்திர பலன்கள்...

மேஷம்

மே 20, 2021

 

நீண்ட நாட்களாக இழுபறியாக இருந்துவந்த செயல்களை செய்து முடிப்பீர்கள். மனதில் பலதரப்பட்ட சிந்தனைகள் ஏற்பட்டு மறையும். முன்னேற்றத்திற்கான செயல்பாடுகளை செய்வதற்கான வாய்ப்புகள் உண்டாகும். எதிர்காலம் தொடர்பான செயல்பாடுகளில் தகுந்த ஆலோசனைகளை பெற்று முடிவு செய்யவும். மாணவர்களுக்கு கல்வி தொடர்பான பணிகளில் அவ்வப்போது சிறு சிறு குழப்பங்கள் ஏற்பட்டு நீங்கும்.

அதிர்ஷ்ட திசை : தெற்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

அஸ்வினி : இழுபறிகள் அகலும்.

பரணி : முன்னேற்றமான நாள்.

கிருத்திகை : குழப்பங்கள் நீங்கும்.

---------------------------------------

ரிஷபம்

மே 20, 2021

வீடு மற்றும் மனை தொடர்பான விஷயங்களில் இருப்பவர்களுக்கு லாபகரமான சூழ்நிலைகள் உண்டாகும். தாய்வழி உறவினர்களின் மூலம் இருந்துவந்த கருத்து வேறுபாடுகள் குறையும். பூர்வீக சொத்துக்களின் மூலம் ஆதாயம் அடைவீர்கள். நறுமணப்பொருட்கள் தொடர்பான வியாபாரத்தில் இருப்பவர்களுக்கு முன்னேற்றம் உண்டாகும். அரசு தொடர்பான பணிகளில் இருந்துவந்த பிரச்சனைகள் குறையும். மனதில் தன்னம்பிக்கையும், நம்பிக்கையும் மேம்படும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : இளம் பச்சை

கிருத்திகை : லாபகரமான நாள்.

ரோகிணி : கருத்து வேறுபாடுகள் குறையும்.

மிருகசீரிஷம் : நம்பிக்கை மேம்படும்.

---------------------------------------

மிதுனம்

மே 20, 2021

சிறு தூரப் பயணங்களின் மூலம் மனதில் மாற்றங்கள் ஏற்படும். மனதில் இருந்துவந்த குழப்பங்கள் நீங்கி தெளிவு பிறக்கும். பொழுதுபோக்கு தொடர்பான விஷயங்களில் ஆர்வம் அதிகரிக்கும். வேலையாட்களிடம் இருந்துவந்த கருத்து வேறுபாடுகள் நீங்கி ஒற்றுமை உண்டாகும். திட்டமிட்ட காரியங்களில் எதிர்பார்த்த செயல்கள் நடைபெறும். பழக்கவழக்கங்களில் மாற்றங்கள் உண்டாகும்.

அதிர்ஷ்ட திசை : வடக்கு

அதிர்ஷ்ட எண் : 6

அதிர்ஷ்ட நிறம் : வெள்ளை நிறம்

மிருகசீரிஷம் : மாற்றங்கள் பிறக்கும்.

திருவாதிரை : ஆர்வம் அதிகரிக்கும்.

புனர்பூசம் : எதிர்பார்ப்புகள் நிறைவேறும்.

---------------------------------------

கடகம்

மே 20, 2021

மனதில் புதிய இலக்கை நிர்ணயம் செய்து அதற்கான பணிகளை மேற்கொள்வீர்கள். எதிர்பாராத ஆதரவின் மூலம் மாற்றங்கள் ஏற்படும். தனவரவுகள் தொடர்பான முயற்சிகளின் மூலம் ஆதாயம் அடைவீர்கள். புதிய நபர்களின் அறிமுகத்தின் மூலம் உதவிகள் கிடைக்கும். வர்த்தகம் தொடர்பான பணிகளில் லாபம் மேம்படும். வாகனப் பயணங்களின்போது விதிகளை மதித்து நடப்பது சிறப்பாகும்.

அதிர்ஷ்ட திசை : கிழக்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

புனர்பூசம் : ஆதரவு கிடைக்கும்.

பூசம் : ஆதாயம் உண்டாகும்.

ஆயில்யம் : லாபம் மேம்படும்.

---------------------------------------

சிம்மம்

மே 20, 2021

மனதில் ஆரோக்கியம் தொடர்பான சிந்தனைகள் மேம்படும். வாழ்க்கை பற்றிய புதிய கண்ணோட்டங்கள் உண்டாகும். மற்றவர்களை குறை சொல்லும் பழக்கத்தை குறைத்துக்கொள்வது நல்லது. கால்நடைகள் தொடர்பான வியாபாரத்தில் லாபம் உண்டாகும். மற்றவர்களின் விருப்பங்களை அறிந்து நிறைவேற்றி வைப்பீர்கள்.

அதிர்ஷ்ட திசை : தெற்கு

அதிர்ஷ்ட எண் : 3

அதிர்ஷ்ட நிறம் : இளம் மஞ்சள்

மகம் : சிந்தனைகள் மேம்படும்.

பூரம் : புதுமையான நாள்.

உத்திரம் : விருப்பங்களை நிறைவேற்றுவீர்கள்.

---------------------------------------

கன்னி

மே 20, 2021

மனதில் இனம்புரியாத கவலைகள் ஏற்பட்டு நீங்கும். உத்தியோகம் தொடர்பான பணிகளில் எதிர்பாராத இடமாற்றங்கள் ஏற்படும். கோபமான பேச்சுக்களை குறைத்துக்கொள்ளவும். கடன் தொடர்பான பிரச்சனைகள் படிப்படியாக குறையும். மற்றவர்களுக்கு வாக்குறுதிகளை அளிக்கும்போது சிந்தித்து செயல்படுவது நல்லது. தந்தையிடம் இருந்துவந்த கருத்து வேறுபாடுகள் குறையும்.

அதிர்ஷ்ட திசை : மேற்கு

அதிர்ஷ்ட எண் : 8

அதிர்ஷ்ட நிறம் : இளநீலம்

உத்திரம் : கவலைகள் நீங்கும்.

அஸ்தம் : இடமாற்றங்கள் உண்டாகும்.

சித்திரை : சிந்தித்து செயல்படவும்.

---------------------------------------

துலாம்

மே 20, 2021

குடும்ப உறுப்பினர்களின் விருப்பங்களை அறிந்து கொள்வதற்கான வாய்ப்புகள் உண்டாகும். மனதில் இருக்கும் கவலைகள் நீங்கி புத்துணர்ச்சியுடன் செயல்படுவீர்கள். உத்தியோகத்தில் உங்களின் மீதான நம்பிக்கை மேம்படும். புதிய ஆடைகள் மற்றும் பொருட்களின் மீது ஆர்வம் உண்டாகும். நண்பர்களின் சந்திப்பு மனதிற்கு புதிய தெளிவினை ஏற்படுத்தும்.

அதிர்ஷ்ட திசை : தென்மேற்கு

அதிர்ஷ்ட எண் : 7

அதிர்ஷ்ட நிறம் : பழுப்பு நிறம்

சித்திரை : வாய்ப்புகள் உண்டாகும்.

சுவாதி : புத்துணர்ச்சியான நாள்.

விசாகம் : தெளிவு உண்டாகும்.

---------------------------------------

விருச்சகம்

மே 20, 2021

வியாபாரம் தொடர்பான எண்ணங்கள் மற்றும் முயற்சிகள் அதிகரிக்கும். அரசாங்கத்தில் எதிர்பார்த்த சில உதவிகள் கிடைக்கும். ஆசிரியர்களின் வழிகாட்டுதல்கள் மாணவர்களுக்கு முன்னேற்றத்தை ஏற்படுத்தும். வழக்கு தொடர்பான பணிகளில் இருந்துவந்த இன்னல்கள் குறையும். மற்றவர்களிடம் எதிர்பார்த்த உதவிகள் கிடைக்கும்.

அதிர்ஷ்ட திசை : கிழக்கு

அதிர்ஷ்ட எண் : 3

அதிர்ஷ்ட நிறம் : அடர் மஞ்சள்

விசாகம் : முயற்சிகள் அதிகரிக்கும்.

அனுஷம் : உதவிகள் கிடைக்கும்.

கேட்டை : இன்னல்கள் குறையும்.

---------------------------------------

தனுசு

மே 20, 2021

வாழ்க்கைத்துணைவருடன் வெளியூர் பயணங்களை மேற்கொள்வதற்கான வாய்ப்புகள் உண்டாகும். ஆன்மிகம் தொடர்பான செயல்பாடுகளில் ஈடுபாடு ஏற்படும். கொடுத்த வாக்குறுதிகளை நிறைவேற்றி வைப்பதற்கான வாய்ப்புகள் உண்டாகும். குடும்பத்தில் புதிய நபர்களின் வருகையினால் மகிழ்ச்சியான சூழ்நிலைகள் ஏற்படும். ஆராய்ச்சி தொடர்பான கல்விகளில் முன்னேற்றமான சூழ்நிலைகளும், அலைச்சல்களும் உண்டாகும்.

அதிர்ஷ்ட திசை : வடக்கு

அதிர்ஷ்ட எண் : 9

அதிர்ஷ்ட நிறம் : ஆரஞ்சு நிறம்

மூலம் : ஈடுபாடு ஏற்படும்.

பூராடம் : மகிழ்ச்சியான நாள்.

உத்திராடம் : அலைச்சல்கள் உண்டாகும்.

---------------------------------------

மகரம்

மே 20, 2021

மூத்த உடன்பிறந்தவர்களிடம் சூழ்நிலைக்கேற்ப அனுசரித்து செல்லவும். மருத்துவம் தொடர்பான செலவுகள் உண்டாகும். மற்றவர்களின் செயல்பாடுகளில் தலையிடாமல் இருப்பது நல்லது. உத்தியோக பணிகளில் ஏற்படும் பொறுப்புகளால் காலம் தவறி உணவு உண்ண வேண்டிய சூழ்நிலைகள் ஏற்படும். வாழ்க்கைத்துணையை அனுசரித்து செல்வதன் மூலம் ஒற்றுமை உண்டாகும்.

அதிர்ஷ்ட திசை : தெற்கு

அதிர்ஷ்ட எண் : 6

அதிர்ஷ்ட நிறம் : வெள்ளை நிறம்

உத்திராடம் : அனுசரித்து செல்லவும்.

திருவோணம் : செலவுகள் ஏற்படும்.

அவிட்டம் : ஒற்றுமை உண்டாகும்.

---------------------------------------

கும்பம்

மே 20, 2021

பொதுப்பணி தொடர்பான விஷயங்களில் ஆர்வத்துடன் கலந்து கொள்வீர்கள். ஒப்பந்தம் தொடர்பான பணிகளில் இருப்பவர்களுக்கு மேன்மையான சூழ்நிலைகள் உண்டாகும். பயணங்களில் சிறு சிறு மாற்றங்கள் ஏற்படும். உங்களுக்கு எதிராக செயல்பட்டவர்கள் சாதகமாக செயல்படுவார்கள். சர்வதேச வணிகம் தொடர்பான விஷயங்களில் லாபம் உண்டாகும். பழகும் தன்மையில் மாற்றங்கள் ஏற்படும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : மயில் நீலம்

அவிட்டம் : ஆர்வம் உண்டாகும்.

சதயம் : மேன்மையான நாள்.

பூரட்டாதி : லாபம் உண்டாகும்.

---------------------------------------

மீனம்

மே 20, 2021

கொடுக்கல், வாங்கல் தொடர்பான விஷயங்களில் கவனத்துடன் இருக்க வேண்டும். எதிர்பாராத உதவிகளும், பொருளாதாரம் சார்ந்த பிரச்சனைகளும் உண்டாகும். சந்தேக உணர்வுகளால் நெருக்கமானவர்களிடம் கருத்து வேறுபாடுகள் ஏற்படும். எதிர்பாலின மக்களின் மூலம் அனுகூலமான சூழ்நிலைகள் உண்டாகும். உடல் உழைப்பிற்கேற்ப முன்னேற்றம் ஏற்படும்.

அதிர்ஷ்ட திசை : வடக்கு

அதிர்ஷ்ட எண் : 2

அதிர்ஷ்ட நிறம் : பிங்க் நிறம்

பூரட்டாதி : கவனம் வேண்டும்.

உத்திரட்டாதி : அனுகூலமான நாள்.

ரேவதி : முன்னேற்றம் உண்டாகும்.

---------------------------------------

மாவட்ட வாரியாக கொரோனா கட்டளை மையங்களின் (War Room) தொடர்பு எண்கள் வெளியீடு...

COVID 19 WAR ROOMS

Unified Command Center at Districts

Contact Numbers

 >>> மாவட்ட வாரியாக கொரோனா கட்டளை மையங்களின் (War Room) தொடர்பு எண்கள்...

பள்ளிக் கல்வித்துறைக்கு மீண்டும் இயக்குநர் பதவியே வேண்டும் - தமிழக அரசுக்கு நாடாளுமன்ற உறுப்பினர் திரு. தொல்.திருமாவளவன் அவர்கள் வேண்டுகோள்...

பள்ளிக் கல்வித்துறைக்கு மீண்டும் இயக்குநர் பதவியே வேண்டும் - தமிழக அரசுக்கு நாடாளுமன்ற உறுப்பினர் திரு. தொல்.திருமாவளவன் அவர்கள்  வேண்டுகோள்...

------------------------------------------------

கடந்த 200 ஆண்டுகளாக பள்ளிக் கல்வித்துறையில் இருந்த இயக்குநர் பதவியை ஒழித்துவிட்டு அதற்குப்பதிலாக ஆணையராக  ஐஏஎஸ் அதிகாரி ஒருவரை தமிழக அரசு நியமித்திருக்கிறது.  பள்ளிக்கல்வித்துறையை மேம்படுத்துவதற்காக சீர்திருத்தங்கள் செய்யப்பட வேண்டும் என்பதில் எவருக்கும் கருத்து மாறுபாடு இல்லை. ஆனால் இயக்குநர் பதவி பல விதங்களில் தமிழகக் கல்விச் சூழலுக்கு அவசியமானதாகும். எனவே அதை மீண்டும் கொண்டுவர வேண்டும் என்று தமிழக அரசை விடுதலைச் சிறுத்தைகள் கட்சியின் சார்பில் வலியுறுத்துகிறோம்.

பள்ளிக்கல்வித்துறை இயக்குநர் பொறுப்புக்கு ஆசிரியர்கள் பதவி உயர்வின் மூலம் வந்துகொண்டிருந்தனர். மாவட்ட கல்வி அலுவலர் தேர்வு எழுதி தேர்ச்சி பெற்றவர்கள் பின்னர் முதன்மைக் கல்வி அலுவலராகவும், அதன் பின்னர் கல்வித்துறை இணை இயக்குநராகவும் பின்னர் இயக்குநராகவும் பதவி உயர்வு பெற்று அத்துறையை நிர்வகித்து வந்தனர். இப்போது அந்தப் பதவி  ஒழிக்கப்பட்டு ஐஏஎஸ் அதிகாரி ஆணையராக நியமிக்கப் படுவதால் இதுவரை பள்ளிக்கல்வியை நன்கு அறிந்த ஒருவர் இயக்குநராக வருவதற்கு இருந்த வாய்ப்பு மறுக்கப்படுகிறது. மாவட்ட கல்வி அலுவலர் பணிகளுக்கான தேர்வில் இட ஒதுக்கீடு இருக்கிற காரணத்தினால் இயக்குநர் பொறுப்புக்கு பதவி உயர்வின்மூலம்  எஸ்சி, எஸ்டி, ஓபிசி பிரிவுகளைச் சேர்ந்தவர்கள் வர வாய்ப்பு இருந்தது. அது சமூகநீதிக்கு உகந்ததாகவும் இருந்தது.

கடந்த அதிமுக ஆட்சியின்போதுதான் ஆணையர் என்ற பதவி உருவாக்கப்பட்டு அதில் ஐஏஎஸ் அதிகாரி ஒருவர் நியமிக்கப்பட்டார். பாஜக அரசின் நிர்ப்பந்தத்துக்குப் பணிந்தே அதிமுக அரசு அவ்வாறு செய்தது எனப் பலரும் அப்போது குற்றம் சாட்டினார்கள். ஆணையர் பதவி தேவையற்றது என்றும் கூறினார்கள். புதிதாகப் பொறுப்பேற்றுள்ள அரசு ஆணையர் பதவியை நீக்கும் என எதிர்பார்த்திருந்த நேரத்தில் இயக்குநர் பதவி ஒழிக்கப்பட்டிருப்பது வியப்பையும் அதிர்ச்சியையும் அளிக்கிறது. 

மத்திய அரசு இப்போது தேசிய கல்விக் கொள்கை என்ற பெயரில் சனாதனக் கொள்கையைத் திணிக்க முற்படும் நேரத்தில் ஆசிரியர்களின் மத்தியிலிருந்து ஒருவர் இயக்குநராக வருவது தமிழக அரசுக்கு உதவியாகவே இருக்கும். அதுமட்டுமின்றி பள்ளிக் கல்வித் துறைச் செயலாளராக ஏற்கனவே ஒரு ஐஏஎஸ் அதிகாரி இருக்கும்போது மேலும் ஒரு ஐஏஎஸ் அதிகாரியை அவருக்கு கீழே நியமிப்பது தேவையா? என்பதையும் தமிழக அரசு சிந்திக்க வேண்டும்.

ஆசிரியர்களின் குரலுக்கு எப்போதுமே மதிப்பளித்துவரும் திமுக அரசு, இப்போதும் அந்த மரபைப் பின்பற்றி மீண்டும் இயக்குநர் பதவியை முன்பு இருந்தது போலவே உருவாக்கிடவேண்டும்  என்று கேட்டுக் கொள்கிறோம். 

இவண்:

தொல். திருமாவளவன்,

நாடாளுமன்ற உறுப்பினர்,

நிறுவனர்- தலைவர், விசிக.

+2 மாணவர்களுக்கு அலகுத்தேர்வு நடத்த எவ்வித உத்தரவும் பிறப்பிக்கப்படவில்லை - அரசு தேர்வுகள் இயக்குனர் உஷாராணி அவர்கள் விளக்கம்...

மேல்நிலைப்பள்ளிகளில் அலகுத்தேர்வு நடத்த அதிகாரப்பூர்வமாக எவ்வித உத்தரவும் பிறப்பிக்கப்படவில்லை - ஒருசில மாவட்ட முதன்மைக்கல்வி அலுவலர்களே அலகுத்தேர்வு குறித்து அறிக்கை வெளியிட்டுள்ளனர் - அரசு தேர்வுகள் இயக்குனர் உஷாராணி அவர்கள் விளக்கம்...

>>> காணொளியைக் காண இங்கே சொடுக்கவும்...