மலர் கிரீடம் சூடிய மாவட்டக் கல்வி அலுவலர் - தென்காசியில் இருந்து நீலகிரி மாவட்டம் கூடலூருக்கு மாற்றம் (Flower-crowned District Educational Officer - Transferred from Tenkasi to Gudalur in the Nilgiris District)...

 

மலர் கிரீடம் சூடிய மாவட்டக் கல்வி அலுவலர் சுடலை தென்காசியில் இருந்து நீலகிரி மாவட்டம் கூடலூருக்கு மாற்றம்.

தென்காசி மாவட்டக் கல்வி அலுவலர் திரு. சுடலை அவர்கள் சமீபத்தில் கடையம் பகுதியில் ஒரு பள்ளியில் வருடாந்திர ஆய்வு மேற்கொள்ள சென்றுள்ளார்.

அப்போது அவருக்கு மலர் மாலை, மலர் கிரீடம், பொன்னாடை என அமர்க்களமான வரவேற்பு அளிக்கப் பட்டிருக்கிறது.

தனது சிரத்தை மலர் கிரீடம் அலங்கரித்த ஆனந்தத்தில் அதை அகற்றாமலேயே தனது ஆய்வுப்பணியை மேற்கொண்ட மாவட்டக் கல்வி அலுவலர்  புகைப்படம் சமூக வலை தளங்களில் வைரல் ஆனது.

அதைத் தொடர்ந்து, கல்வித் துறை ஆணையர் நந்தகுமார் இது குறித்து விசாரணை நடத்தி அறிக்கை தருமாறு தென்காசி முதன்மைக் கல்வி அதிகாரிக்கு உத்தரவிட்டார். இதையடுத்து தென்காசி மாவட்டக் கல்வி அலுவலர் சுடலை அவர்கள் நீலகிரி மாவட்டம் கூடலூருக்கு மாற்றப்பட்டார்.

10, 11, 12ஆம் வகுப்பு மாணவர்களுக்கான பொதுத்தேர்வு கால அட்டவணை - ஓரிரு நாளில் வெளியிட முடிவு (Public Examination Schedule for 10th, 11th, 12th Class Students - Published in one or two days)...

 10, 11, 12ஆம் வகுப்பு மாணவர்களுக்கான பொதுத்தேர்வு கால அட்டவணை - ஓரிரு நாளில் வெளியிட முடிவு (Public Examination Schedule for 10th, 11th, 12th Class Students - Published in one or two days)...

அரையாண்டு விடுமுறை இல்லை - டிசம்பர் 20 ஆம் தேதி முதல் 30ஆம் தேதி வரை திருப்புதல் தேர்வு(No Half Yearly Examinations Holiday - Revision Exam announced from 20th to 30th December)...

 தமிழகத்தில் கொரோனா தொற்று குறைந்ததை தொடர்ந்து ஒன்று முதல் 12ஆம் வகுப்பு மாணவர்களுக்கு நேரடி வகுப்புகள் நடைபெற்று வருகின்றன. கடந்த மாதம் பருவமழை பாதிப்பால் பள்ளிகளுக்கு தொடர் விடுமுறை அளிக்கப்பட்டதால் பாடத்திட்டத்தை நடத்துவதில் கால தாமதம் ஏற்பட்டுள்ளது. பாடத்திட்டம் நடத்த அவகாசம் தரும் வகையில், இந்தாண்டு அரையாண்டு தேர்வு விடுமுறை இல்லை என பள்ளிகல்வித்துறை வட்டாரங்கள் தகவல் கூறியுள்ளன. பள்ளிகள் வழக்கம் போல் இயங்கும் என தெரிகிறது. அரையாண்டு தேர்வு விடுமுறை இல்லை என பரவும் தகவலால் பள்ளி மாணவர்கள் கவலை அடைந்துள்ளனர்.

இந்த ஆண்டு பள்ளிகள் திறப்பு என்பது மிகவும் காலதாமதமாக தொடங்கப்பட்டது. குறிப்பாக 9 முதல் 12 ஆம் வகுப்பு வரையான மாணவர்களுக்கு செப்டம்பர் 1ஆம் தேதி தான் பள்ளிகள் திறக்கப்பட்டன. அதைத்தொடர்ந்து சற்று தாமதமாக எட்டாம் வகுப்பு வரை பள்ளிகள் தொடங்கப்பட்டன. கடந்த செப்டம்பர் மாதம் முதல் சுழற்சி முறையில் படிப்படியாக அனைத்து வகுப்புகளும் துவங்கப்பட்டன. திங்கள் முதல் சனி வரை ஆறு நாட்களுக்கு பள்ளிகள் வேலைநாட்களாக செயல்பட்டு வருகின்றன. 

இந்த நிலையில் தொடர் மழை காரணமாகவும் பல நாட்கள் விடுமுறை அளிக்கப்பட்டதால் குறைக்கப்பட்ட பாடத்திட்டங்களை கூட நடத்தி முடிக்க முடியாத நிலைதான் தற்போது அனைத்து பள்ளிகளிலும் இருக்கிறது.

எனவே இந்த பாடத்திட்டங்களை நடத்தி முடிக்க வேண்டியதன் காரணமாகவும் ஏற்கனவே இந்த ஆண்டு, காலாண்டு அரையாண்டு தேர்வு நடத்தப்படாததன் காரணமாக அரையாண்டு தேர்வு விடுமுறையை ரத்து செய்ய பள்ளிக்கல்வித்துறை முடிவு செய்துள்ளது

வழக்கமாக கிறிஸ்துமஸ் பண்டிகைக்கு முன்னதாக அரையாண்டு தேர்வு விடுமுறை என்பது தொடங்கி ஜனவரி முதல் வாரம் வரை அரையாண்டு தேர்வு விடுமுறை விடப்படும். 

இந்த அரையாண்டு விடுமுறைக்கு மாணவர்கள் காத்திருந்தனர். வழக்கமாக கிறிஸ்துமஸ் மற்றும் புத்தாண்டு விடுமுறையுடன் இணைந்து, 10 நாள் வரை அரையாண்டு தேர்வு விடுப்பு வழங்கப்பட்டு வந்தது. 

ஆனால், நடப்பு கல்வியாண்டில் டிசம்பர் 20ஆம் தேதி முதல் 30 ஆம் தேதி வரையில் திருப்புதல் தேர்வு நடத்த பள்ளிக்கல்வித்துறை உத்தரவிட்டுள்ளதாக அதிகாரிகள் தரப்பில் தகவல் வெளியாகியுள்ளது. கிறிஸ்துமஸ் மற்றும் புத்தாண்டு சனிக்கிழமைகளில் வருவதால் அன்று மட்டும் விடுப்பு அளிக்கப்பட்டுள்ளது என தெரிவிக்கின்றனர். அரையாண்டு தேர்வு விடுமுறை இல்லை என பரவும் தகவலால் பள்ளி மாணவர்கள் கவலை அடைந்துள்ளனர்.

பள்ளி நேரத்தில் டீ குடிக்க வெளியே சென்ற நான்கு ஆசிரியர்கள் மீது நடவடிக்கை எடுக்க முதன்மைக் கல்வி அலுவலர் உத்தரவு...

 பள்ளி நேரத்தில் டீ குடிக்க வெளியே சென்ற நான்கு ஆசிரியர்கள் மீது நடவடிக்கை எடுக்க  முதன்மைக் கல்வி அலுவலர் உத்தரவு...

பள்ளி காலை வழிபாட்டுச் செயல்பாடுகள் 22-12-2021 - புதன் - (School Morning Prayer Activities)...

 

பள்ளி காலை வழிபாட்டுச் செயல்பாடுகள் - 22.12.21

திருக்குறள் :

பால்:பொருட்பால்

இயல்: அரணியல்

அதிகாரம்: நாடு

குறள் எண் : 731

குறள்:

தள்ளா விளையுளும் தக்காரும் தாழ்விலாச்

செல்வருஞ் சேர்வது நாடு

பொருள்:

செழிப்புக் குறையாத விளைபொருள்களும், சிறந்த பெருமக்களும், செல்வத்தைத் தீயவழியில் செலவிடாதவர்களும் அமையப்பெற்றதே நல்ல நாடாகும்.

பழமொழி :

A clean hand wants no washing

பொன் குடத்துக்கு பொட்டு வேண்டுமா?

இரண்டொழுக்க பண்புகள் :

1. காடழிந்தால் மழை கெடும் எனவே இயற்கை போற்றி பாதுகாப்பேன். 

2. மழை அழிந்தால் விவசாயம் கெடும், விவசாயம் கெட்டால் உணவு அழியும். எனவே விவசாயம் பேணி பாதுகாப்பேன்

பொன்மொழி :

வெற்றிபெறுவதற்கு நிறைந்த விடா முயற்சியையும், பெரும் மனஉறுதியையும் நீங்கள்பெற்றிருக்க வேண்டும். விடா முயற்சி பெற்றவன், சமுத்திரத்தையே குடித்துவிடுவான், எனது சங்கல்ப்பத்தால் மலைகள் நொறுங்கி விழுந்தாகவேண்டும்___விவேகானந்தர்

பொது அறிவு :

1. ஏழு தீவுகளின் நகரம் எது? 

மும்பை. 

2. நான்கு அறைகளுடன் கூடிய வயிறு உடைய விலங்கு எது? 

மான்.

English words & meanings :

Academic Achievement - கல்வி சாதனை, 

Academic Performance - கல்வி செயல் திறன்

ஆரோக்ய வாழ்வு :

முந்திரிப் பருப்பு இரத்த அழுத்தத்தை குறைக்கும். பித்தக்கற்களை தவிர்க்கும். வலுவான பற்கள், ஈறுகள் மற்றும் எழும்புகள் அமைய உதவும்.

கணினி யுகம் :

Play and pause a video: Press the spacebar or the K key on your keyboard to play and pause a video.

Tip

Holding down either of these keys also plays the video in slow motion.

Jump to the start of a video

Pressing the 0 (zero) key on your keyboard will jump to the beginning of a video. The Home key also works for jumping to the start of a video.

டிசம்பர் 22

தேசிய கணித தினம் 

தேசிய கணித தினம் (National Mathematics Day) இந்தியாவில், டிசம்பர் 22 ஆம் நாள் தேசிய கணித தினமாக அறிவிக்கப்பட்டுள்ளது. தேசிய கணித தினம் 26 பிப்ரவரி 2012 அன்று சென்னைப் பல்கலைக்கழக நூற்றாண்டு விழாக் கலையரங்கத்தில் நடைபெற்ற சீனிவாச ராமானுசனின் 125 வது பிறந்த நாள் கொண்டாட்டத்தின் தொடக்க விழாவில் இந்தியப் பிரதம மந்திரி டாக்டர் மன்மோகன் சிங் அவர்களால் பிரகடனம் செய்யப்பட்டது.[1]

இந்தியக் கணித மேதை ஸ்ரீனிவாச ராமானுஜன் 1887 ஆம் ஆண்டு டிசம்பர் மாதம் 22 ஆம் தேதி பிறந்தார். 1920 ஏப்ரல் 26 இல் இறந்தார். இந்திய தேசிய கணிதவியலாளரான கணித மேதை சீனிவாச இராமானுசன் அவர்கள் கணிதத்துறைக்குப் பங்காற்றியமைக்காக ஒவ்வொரு ஆண்டும் டிசம்பர் 22 ஆம் நாள் தேசிய கணித தினமாகக் கொண்டாடப்படுகிறது. 2012 ஆம் ஆண்டு தேசிய கணித ஆண்டாக அறிவிக்கப்பட்டுள்ளது.

சீனிவாச இராமானுஜன் அவர்களின் பிறந்தநாள்

சீனிவாச இராமானுஜன் (Srinivasa Ramanujan, டிசம்பர் 22, 1887 – ஏப்ரல் 26, 1920) இந்தியாவில் தமிழ்நாட்டில் ஈரோடு மாவட்டத்தில் கோட்டை பகுதியில் பிறந்த கணித அறிஞர். இராமானுசர் 33 அகவை முடியும் முன்னரே இறந்துவிட்டார். இவர் சிறு வயதிலேயே யாருடைய உதவியும் இல்லாமல் மிக மிக வியப்பூட்டும் விதத்தில் கணிதத்தின் மிக அடிப்படையான ஆழ் உண்மைகளைக் கண்டுணர்ந்தார். 1914-ஆம் ஆண்டுக்கும், 1918-ஆம் ஆண்டுக்கும் இடைப்பட்ட காலத்தில் மூவாயிரத்திற்கும் அதிகமான புதுக் கணிதத் தேற்றங்களைக் கண்டுபிடித்தார். எண்களின் பண்புகளைப் பற்றிய எண் கோட்பாடுகளிலும், செறிவெண் கோட்பாடுகளிலும் இவர் கண்டுபிடித்துக் கூறிய ஆழ் உண்மைகள் இன்று அடிப்படை இயற்பியற் துறை முதல் மின்தொடர்புப் பொறியியல் துறை வரை பல துறைகளில் உயர்மட்டங்களில் பயன்படுத்தப்பட்டு வருகின்றன. இராமானுசன் அவர்கள் பெயரால் 1997 இல் The Ramanujan Journal என்னும் கணித ஆய்விதழ் ஒன்று தொடங்கப்பட்டுள்ளது.

நீதிக்கதை

நன்மை தீமை இரண்டையும் ஏற்றுக்கொள்

ஒரு வயதான விவசாயி தன் வயலில் பாடுபட்டு உழைத்து அதில் வரும் சொற்பமான வருமானத்தில் வாழ்ந்துகொண்டிருந்தார். ஒரு நாள் அவர் வளர்த்து வந்த குதிரை காணாமல் போய்விட்டது. தகவலைக் கேள்விப்பட்ட அக்கம் பக்கத்தில் வசிப்பவர்கள் என்ன ஒரு துரதிர்ஷட நிலை? என்று பரிதாபமாக விசாரித்தனர். அவர்களின் ஆறுதலுக்கு விவசாயி மௌனமாக இருக்கலாம் என்று பதிலளித்தார்.

அடுத்த நாள் தொலைந்துப்போன அவருடைய குதிரை தன்னுடன் மூன்று குதிரைகளை அழைத்து வந்தது. இதை ஆச்சர்யமாக பார்த்த அக்கம் பக்கத்தினர், நீ ரொம்ப அதிர்ஷ்டசாலி, இப்பொழுது நான்கு குதிரை உனக்கு கிடைச்சிடுச்சு என்றனர். தனக்குக் கிடைத்த அதிர்ஷ்டத்தைப் பெரிதாக எடுத்துக்கொள்ளாமல் மறுபடியும் இருக்கலாம் என்று கூறினார் விவசாயி. 

ஒரு வாரத்துக்குப் பிறகு, விவசாயியின் மகன் குதிரையை வேகமாக ஓட்டிச்சென்று தவறுதலாக கீழே விழுந்து காலை உடைத்துக்கொண்டான். இப்பொழுது அக்கம் பக்கத்தில் இருந்தவர்கள், விவசாயிடம், உனக்கு ஒரு நல்லது நடந்தால், அடுத்து ஒரு கெட்டது நடக்குதே. உன் பையன் எழுந்து நடக்க பத்து மாதத்திற்கும்மேல் ஆகும் போல இருக்கிறதே, ரொம்ப கஷ்டமான நிலைமை என்று கூறி ஆதங்கப்பட்டனர். அப்போழுதும் அந்த விவசாயி பெரிதாக வருந்தாமல் இருக்கலாம் என்று அதே பதிலைக் கூறினார்.

ஒரே வாரத்தில் அந்த நாட்டில் போர் வந்துவிட்டது. வீட்டில் இருக்கும் எல்லா இளைஞர்களும் கட்டாயம் போரில் கலந்துகொள்ள வேண்டும் என்று கட்டளை பிறப்பிக்கப்பட்டது. வீடு வீடாக ராணுவத்தினர் புகுந்து இளைஞர்களை அழைத்துச் சென்றனர். ஆனால், அந்த ஏழை விவசாயியின் மகனுக்குக் கால் உடைந்து இருந்ததால் அவனை மட்டும் அழைத்துச் செல்லவில்லை. இதைக் கண்டு ஊர் மக்கள் அந்த விவசாயியின் அதிர்ஷ்டத்தைக் கண்டு புகழ்ந்தனர். இப்போதும் அந்த விவசாயி இருக்கலாம் என்று கூறினார்.

அந்த விவசாயி ஒவ்வொருமுறையும் கூறும் பதிலைக் கேட்டுக் கொண்டிருந்த அவருடைய நண்பர், அந்த விவசாயியைப் பார்த்து, உனக்கு நல்லது நடந்தாலும், கெட்டது நடந்தாலும் இருக்கலாம் இருக்கலாம் என்றே சொல்கிறாயே ஏன்? என்று கேட்டார்.

அதற்கு அந்த விவசாயி நல்லது, கெட்டது இரண்டும் நாணயத்தின் இருபக்கங்கள். யாருக்கும் என்ன வேண்டுமானாலும் நடக்கலாம். சுகம், துக்கம் இவை இரண்டும் ஒன்றுக்கு ஒன்று தொடர்புடையவை என்பதை உணர்ந்தாலே போதுமானது என்றார்.

இன்றைய செய்திகள்

22.12.21

◆கைது செய்யப்பட்ட தமிழக மீனவர்கள் மீது இலங்கையில் கிருமி நாசினி பீய்ச்சி அடித்து மனித உரிமை மீறல் நடந்துள்ளதாக தேசிய மீனவர் பேரவை குற்றம் சாட்டியுள்ளது.

◆டிசம்பர் 26-ல் கோவையில் நடைபெறும் விழாவில் கவிஞர் விக்ரமாதித்யனுக்கு விஷ்ணுபுரம் விருது வழங்கி கவுரவிக்கப்பட உள்ளதாக விழாக் குழுவினர் தெரிவித்தனர்.

◆வடகிழக்கு பருவமழை நீடித்ததால் உதகையில் தாமதமாக பொழியும் உறைபனி: கடும் குளிரால் பொதுமக்கள் அவதி; கருகும் தாவரங்கள்.

◆2020-21-ம் நிதியாண்டில் பெட்ரோல் மற்றும் டீசல் விற்பனை மூலம் மத்திய அரசு 4,55,069 கோடியும்,விற்பனை மற்றும் மதிப்பு கூட்டு வரியாக தமிழகம் 17,063 கோடியும் வசூல் செய்துள்ளது.

◆கரோனா தடுப்பில் இந்தியாவின் பங்களிப்பு அதிகம்: உலக சுகாதார அமைப்பு புகழாரம்.

◆அமெரிக்காவில் கடந்த வாரம் கரோனாவில் பாதிக்கப்பட்டவர்களில் 73 சதவீதம் பேருக்கு ஒமைக்ரான் இருப்பது தெரியவந்துள்ளது. கடந்த ஒரு வாரத்தில் மட்டும் ஒமைக்ரான் வைரஸ் பரவல் 6 மடங்குஅதிகரித்துள்ளதாக அமெரிக்க நோய்த்தடுப்பு மற்றும் பாதுகாப்பு மையம் தெரிவித்துள்ளது.

◆ஆசிய சாம்பியன்ஸ் கோப்பை ஹாக்கி: அரையிறுதியில் இந்தியா-ஜப்பான் மோதல்.

◆உலக நீச்சல் சாம்பியன்ஷிப் போட்டி: இந்திய வீரர் ஸ்ரீஹரி நடராஜ் புதிய சாதனை.

◆உலக பேட்மிண்டன் கூட்டமைப்பின் தடகள ஆணைய உறுப்பினராக பிவி சிந்து நியமிக்கப்பட்டுள்ளார்.

Today's Headlines

🌸 The National Fisheries Council has accused Sri Lanka of spraying disinfectant on the arrested Tamil Nadu fisherman as a violation of human rights. 

 🌸 Lyricist Vikramaditya will be honored with the Vishnupuram Award at a function to be held in Coimbatore on December 26 announced by the function committee

🌸Delayed frost in Udagai due to prolonged northeast monsoon: Public suffering from severe cold also can see the withering of plants 

🌸During the financial year 2020-21, the Central Government collected Rs. 4,55,069 crore from petrol and diesel sales and Rs. 17,063 crore from sales and value-added tax.

 🌸 India's contribution to corona prevention is high: World Health Organization praised India 

 🌸In the United States last week, 73 percent of corona victims were diagnosed with omega.  The U.S. Centers for Disease Control and Prevention says the spread of the omega-3 virus has increased six times in the past week alone.

🌸 Asian Champions Cup Hockey: India-Japan clash in the semi-finals.

 🌸 World Swimming Championship: Indian athlete Srihari Nataraj sets a new record.

 🌸P V Sindhu has been appointed as a member of the Athletics Commission of the World Badminton Federation.

 

 Prepared by

Covai women ICT_போதிமரம்

இன்றைய (22-12-2021) ராசி பலன்கள், நட்சத்திர பலன்கள்...

மேஷம்

டிசம்பர் 22, 2021

உறவினர்கள் வழியில் அனுகூலம் உண்டாகும். வியாபாரத்தில் செய்யும் முதலீடுகளால் லாபம் கிடைக்கும். புதிய பொருட்கள் வாங்குவதில் ஆர்வம் காட்டுவீர்கள். கடன் பிரச்சனைகள் தீரும்.  உடல் ஆரோக்கியத்தில் இருந்துவந்த இன்னல்கள் குறையும். குடும்பத்தில் ஒற்றுமையும், அமைதியும் நிலவும். மேன்மையான நாள்.

 

அதிர்ஷ்ட திசை : கிழக்கு

அதிர்ஷ்ட எண் : 2

அதிர்ஷ்ட நிறம் : வெள்ளை நிறம்

அஸ்வினி : அனுகூலமான நாள். 

பரணி : பிரச்சனைகள் குறையும். 

கிருத்திகை : அமைதியான நாள்.

---------------------------------------

ரிஷபம்

டிசம்பர் 22, 2021

வியாபாரத்தில் புதிய ஒப்பந்தம் சாதகமாகும். எண்ணிய எண்ணங்கள் நிறைவேறும். சுபகாரிய முயற்சிகளில் எதிர்பார்ப்புகள் நிறைவேறும். மனதில் தன்னம்பிக்கை அதிகரிக்கும். புதிய தொழில் தொடங்கும் முயற்சிகளில் வெற்றி கிடைக்கும். வருமானத்தை பெருக்குவதற்கான வாய்ப்புகள் ஏற்படும். உதவிகள் கிடைக்கும் நாள்.

 

அதிர்ஷ்ட திசை : வடக்கு

அதிர்ஷ்ட எண் : 7

அதிர்ஷ்ட நிறம் : பழுப்பு நிறம்

கிருத்திகை : எண்ணங்கள் நிறைவேறும்.

ரோகிணி : தன்னம்பிக்கை அதிகரிக்கும். 

மிருகசீரிஷம் : வாய்ப்புகள் ஏற்படும்.

---------------------------------------

மிதுனம்

டிசம்பர் 22, 2021

குடும்ப பொருளாதாரத்தில் ஏற்ற, இறக்கமான சூழல் நிலவும். நண்பர்களின் சந்திப்பு மனதிற்கு சந்தோஷத்தை தரும். வேலை செய்யும் இடத்தில் உயர்வான சூழல் காணப்படும். பிள்ளைகளால் அலைச்சல்கள் ஏற்படும். ஆடை, ஆபரணச் சேர்க்கை உண்டாகும். ஆன்மிக காரியங்களில் ஈடுபாடு அதிகரிக்கும். சோர்வின்றி செயல்பட வேண்டிய நாள்.

அதிர்ஷ்ட திசை : வடக்கு

அதிர்ஷ்ட எண் : 2

அதிர்ஷ்ட நிறம் : பச்சை நிறம்

மிருகசீரிஷம் : மகிழ்ச்சியான நாள். 

திருவாதிரை : அலைச்சல்கள் ஏற்படும். 

புனர்பூசம் : பொருட்சேர்க்கை உண்டாகும்.

---------------------------------------

கடகம்

டிசம்பர் 22, 2021

தள்ளிப்போன சில காரியங்கள் திடீரென முடியும். வாழ்க்கைத்துணைவர் வழியில் உதவிகள் கிடைக்கும். வேலை செய்யும் இடத்தில் கவனம் வேண்டும்.  வியாபாரத்தில் சில மாற்றங்கள் செய்வீர்கள். புதிய சிந்தனைகள் மனதில் தோன்றும். உடல் ஆரோக்கியத்தில் விழிப்புணர்வு தேவை. எதிர்மறை எண்ணங்கள் அவ்வப்போது ஏற்பட்டு மறையும். போட்டி நிறைந்த நாள்.

அதிர்ஷ்ட திசை : கிழக்கு

அதிர்ஷ்ட எண் : 5

அதிர்ஷ்ட நிறம் : சாம்பல் நிறம் 

புனர்பூசம் : உதவிகள் கிடைக்கும்.

பூசம் : மாற்றம் உண்டாகும். 

ஆயில்யம் : விழிப்புணர்வு வேண்டும். 

---------------------------------------

சிம்மம்

டிசம்பர் 22, 2021

எதிர்பாராத தனவரவும், அதற்கேற்ப செலவும் உண்டாகும். எந்தவொரு காரியத்தையும் துணிச்சலோடு செய்தால் எண்ணிய முடிவுகள் கிடைக்கும். உத்தியோக பணிகளில் உயர்வு ஏற்படும். தொழில், வியாபாரத்தில் கூட்டாளிகளின் ஒத்துழைப்பு கிடைக்கும். சுபகாரியம் தொடர்பான பயணங்கள் கைகூடும். ஆதரவு நிறைந்த நாள்.

அதிர்ஷ்ட திசை : தெற்கு

அதிர்ஷ்ட எண் : 8

அதிர்ஷ்ட நிறம் : நீலநிறம்

மகம் : துணிச்சல் வேண்டும்.

பூரம் : உயர்வு ஏற்படும்.

உத்திரம் : ஒத்துழைப்பு கிடைக்கும். 

---------------------------------------

கன்னி

டிசம்பர் 22, 2021

உத்தியோகத்தில் உயர் அதிகாரிகளின் ஆதரவு கிடைக்கும். நீண்ட நாள் பிரச்சனைகளுக்கு தீர்வு ஏற்படும். குடும்பத்தில் மகிழ்ச்சியான சூழல் உருவாகும். உத்தியோகத்தில் புதிய வாய்ப்புகள் தேடி வரும். போட்டிகளை எதிர்கொண்டு வெற்றி காண்பீர்கள். பிள்ளைகளின் உயர்கல்வி தொடர்பான சிந்தனைகள் மேலோங்கும். நட்பு மேம்படும் நாள்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : இளஞ்சிவப்பு

 

உத்திரம் : ஆதரவு கிடைக்கும்.

அஸ்தம் : மகிழ்ச்சியான நாள். 

சித்திரை : சிந்தனைகள் மேம்படும்.

---------------------------------------

துலாம்

டிசம்பர் 22, 2021

நீண்ட நாள் பிரார்த்தனைகளை நிறைவேற்றுவீர்கள். அரசாங்கத்தால் அனுகூலம் உண்டாகும். பிள்ளைகளின் திறமைகளை அறிவீர்கள். பேச்சில் அனுபவ அறிவு வெளிப்படும். வியாபாரத்தில் சில நுணுக்கங்களை கற்றுக் கொள்வீர்கள். உத்தியோக ரீதியான பயணங்களால் அலைச்சல் ஏற்பட்டாலும் அனுகூலமான பலன்கள் கிடைக்கும். நன்மை நிறைந்த நாள்.

அதிர்ஷ்ட திசை : தெற்கு

அதிர்ஷ்ட எண் : 1

அதிர்ஷ்ட நிறம் : சிவப்பு நிறம்

சித்திரை : அனுகூலம் உண்டாகும்.

சுவாதி : அறிவு வெளிப்படும். 

விசாகம் : நுணுக்கங்களை அறிவீர்கள்.

---------------------------------------

விருச்சிகம்

டிசம்பர் 22, 2021

புதிய முயற்சிகளில் எண்ணிய வெற்றி கிடைக்கும். உடன்பிறந்தவர்கள் ஒத்துழைப்பாக செயல்படுவார்கள். உடல் ஆரோக்கியம் நன்றாக இருக்கும். தொழிலில் எதிர்பாராத செலவுகள் உண்டாகும். எதிர்பாராத உதவிகள் கிடைக்கும். உயர் அதிகாரிகளுடன் வீண் வாக்குவாதங்களை தவிர்ப்பது நல்லது. செலவு நிறைந்த நாள்.

அதிர்ஷ்ட திசை : மேற்கு

அதிர்ஷ்ட எண் : 7

அதிர்ஷ்ட நிறம் : சாம்பல் நிறம்

விசாகம் : வெற்றி கிடைக்கும். 

அனுஷம் : செலவுகள் உண்டாகும். 

கேட்டை : உதவிகள் கிடைக்கும்.

---------------------------------------

தனுசு

டிசம்பர் 22, 2021

முடிவுகளில் நிதானம் வேண்டும். முன்கோபத்தால் தர்மசங்கடமான சூழ்நிலைகள் உண்டாகும். வியாபாரத்தில் வாடிக்கையாளர்களிடம் கனிவுடன் நடந்து கொள்ளவும்.  உத்தியோக பணிகளில் பொறுப்புகள் அதிகரிக்கும். மற்றவர்களை நம்பி எந்த வேலையையும் ஒப்படைக்கக்கூடாது என்று முடிவெடுப்பீர்கள். ஆதாயத்தில் கவனம் வேண்டிய நாள்.

அதிர்ஷ்ட திசை : தென்கிழக்கு

அதிர்ஷ்ட எண் : 3

அதிர்ஷ்ட நிறம் : மஞ்சள் நிறம் 

மூலம் : நிதானம் வேண்டும். 

பூராடம் : கனிவுடன் நடந்து கொள்ளவும். 

உத்திராடம் : பொறுப்புகள் அதிகரிக்கும்.

---------------------------------------

மகரம்

டிசம்பர் 22, 2021

அதிகார பதவியில் இருப்பவர்கள் அறிமுகமாவார்கள். குடும்ப உறுப்பினர்களின் எண்ணங்களை அறிந்து செயல்படுவீர்கள். வியாபாரத்தில் வாடிக்கையாளர்களின் ஆதரவு மேம்படும். தவறிப்போன சில வாய்ப்புகள் மீண்டும் கிடைக்கும். நட்பு வட்டம் விரிவடையும். சுபகாரிய முயற்சிகளில் எண்ணங்கள் நிறைவேறும். வீட்டு தேவைகள் பூர்த்தியாகும். கவலைகள் நீங்கும் நாள்.

அதிர்ஷ்ட திசை : கிழக்கு

அதிர்ஷ்ட எண் : 4

அதிர்ஷ்ட நிறம் : நீலநிறம்

உத்திராடம் : அறிமுகம் கிடைக்கும்.

திருவோணம் : ஆதரவு மேம்படும்.

அவிட்டம் : தேவைகள் பூர்த்தியாகும்.

---------------------------------------

கும்பம்

டிசம்பர் 22, 2021

எதிர்பாராத சில உதவிகளின் மூலம் இழுபறியான வேலைகள் நிறைவடையும். பயணங்களால் புதுவிதமான அனுபவம் உண்டாகும். மனதை உறுத்திகொண்டு இருந்த சில பிரச்சனைகளுக்கு முடிவு கிடைக்கும். வியாபாரத்தில் புதிய முதலீடுகள் உண்டாகும். உங்களின் பலம் மற்றும் பலவீனத்தை உணர்வீர்கள்.  தேவையற்ற செலவுகளை தவிர்க்கவும். வெற்றி கிடைக்கும் நாள்.

அதிர்ஷ்ட திசை : கிழக்கு 

அதிர்ஷ்ட எண் : 1

அதிர்ஷ்ட நிறம் : இளம் மஞ்சள்

அவிட்டம் : இழுபறிகள் குறையும்.

சதயம் : அனுபவம் உண்டாகும். 

பூரட்டாதி : செலவுகளை தவிர்க்கவும்.

---------------------------------------

மீனம்

டிசம்பர் 22, 2021

விலை உயர்ந்த பொருட்களின் மீதான ஆர்வம் அதிகரிக்கும். அனுபவப் பூர்வமான பேச்சுக்களின் மூலம் மதிப்பு அதிகரிக்கும். தாயாரின் உடல் நிலை சீராகும். நீண்ட நாள் ஆசைகள் நிறைவேறும். பிள்ளைகளுடன் சிறு சிறு மனஸ்தாபங்கள் ஏற்படும். பூர்வீக சொத்துக்களால் எதிர்பார்த்த லாபம் கிடைக்கும். சுகமான நாள்.

அதிர்ஷ்ட திசை : தெற்கு

அதிர்ஷ்ட எண் : 6

அதிர்ஷ்ட நிறம் : வெள்ளை நிறம்

பூரட்டாதி : ஆர்வம் அதிகரிக்கும். 

உத்திரட்டாதி : ஆசைகள் நிறைவேறும். 

ரேவதி : லாபம் கிடைக்கும். 

---------------------------------------

வட்டாரக் கல்வி அலுவலர்கள் பணியிட மாறுதல் மற்றும் நடுநிலைப்பள்ளி தலைமை ஆசிரியர்களுக்கு வட்டாரக் கல்வி அலுவலர்களாகப் பதவி உயர்வு கலந்தாய்வுக்கான அட்டவணை & விண்ணப்பம் - தொடக்கக் கல்வி இயக்குநரின் செயல்முறைகள் (Schedule & Application for Block Educational Officers Transfer and Promotion to Middle School Headmasters as Block Educational Officers - Proceedings of the Director of Elementary Education) ந.க.எண்: 16932/ஐ1/2021, நாள்: 20-12-2021 வெளியீடு...

>>> வட்டாரக் கல்வி அலுவலர்கள் பணியிட மாறுதல் மற்றும் நடுநிலைப்பள்ளி தலைமை ஆசிரியர்களுக்கு வட்டாரக் கல்வி அலுவலர்களாகப் பதவி உயர்வு கலந்தாய்வுக்கான அட்டவணை & விண்ணப்பம் - தொடக்கக் கல்வி இயக்குநரின் செயல்முறைகள் (Schedule & Application for Block Educational Officers Transfer and Promotion to Middle School Headmasters as Block Educational Officers - Proceedings of the Director of Elementary Education) ந.க.எண்: 16932/ஐ1/2021, நாள்: 20-12-2021 வெளியீடு...