Today's (25-08-2022) Wordle Answer...
.png)
Wordle விளையாடும் முறை:
ஒவ்வொரு நாளும், ஒரு ஐந்தெழுத்து சொல் தேர்ந்தெடுக்கப்படுகிறது, அதை விளையாடுவோர் ஆறு முயற்சிகளுக்குள் யூகிக்க வேண்டும். ஒவ்வொரு யூகத்திற்கும் பிறகு, ஒவ்வொரு எழுத்தும் பச்சை, மஞ்சள் அல்லது சாம்பல் என குறிக்கப்படும்.
பச்சை என்பது எழுத்து சரியானது மற்றும் சரியான இடத்தில் உள்ளது என்றும்,
மஞ்சள் என்பது பதிலில் உள்ளது ஆனால் சரியான நிலையில் இல்லை என்றும்,
சாம்பல் என்பது அது விடையில் இல்லை என்பதைக் குறிக்கிறது.
விளையாட்டில் "ஹார்ட் மோட்" விருப்பம் உள்ளது, இதற்கு வீரர்கள் பச்சை மற்றும் மஞ்சள் என குறிக்கப்பட்ட எழுத்துக்களை அடுத்தடுத்த யூகங்களில் சேர்க்க வேண்டும்.
தினசரி சொல் அனைவருக்கும் ஒன்றுதான்.
கருத்தியல் மற்றும் ஸ்டைலிஸ்டிக் ரீதியாக, இந்த விளையாட்டு 1955 பேனா மற்றும் பேப்பர் கேம் ஜோட்டோ மற்றும் கேம் ஷோ ஃபிரான்சைஸ் லிங்கோ போன்றது.
இந்த விளையாட்டானது இரண்டு-வீரர் பலகை விளையாட்டான மாஸ்டர்மைண்ட்-இதில் வார்த்தை யூகிக்கும் மாறுபாடு கொண்ட வேர்ட் மாஸ்டர்மைன்ட் மற்றும் புல்ஸ் அண்ட் கவ்ஸ் விளையாட்டு, குறிப்பிட்ட எழுத்துக்களை வேர்ட்லே (Wordle) உறுதிசெய்கிறது. ஒவ்வொரு தினசரி விளையாட்டும் தோராயமாக வரிசைப்படுத்தப்பட்ட 2,315 சொற்களின் பட்டியலிலிருந்து ஒரு வார்த்தையைப் பயன்படுத்துகிறது (ஆங்கில மொழியில் உள்ள தோராயமான 12,000 ஐந்தெழுத்து வார்த்தைகளில்).
Wordle Game Website Link:
Today's (25-08-2022) Wordle Answer: CLOWN
பள்ளி காலை வழிபாட்டு செயல்பாடுகள்- 25.08.2022 - School Morning Prayer Activities...
பள்ளி காலை வழிபாட்டு செயல்பாடுகள்- 25.08.2022 - School Morning Prayer Activities...
திருக்குறள் :
பால்:பொருட்பால்
இயல்:குடியியல்
அதிகாரம்: உழவு
குறள் : 1037
தொடிப்புழுதி கஃசா உணக்கின் பிடித்தெருவும்
வேண்டாது சாலப் படும்.
பொருள்:
ஒருபலம் புழுதி, காற்பலம் ஆகிற அளவுக்குப் பலமுறை உழுதாலே ஒரு பிடி எருவும் தேவையின்றிப் பயிர் செழித்து வளரும்
பழமொழி :
All happening is for the best.
நடப்பவை எல்லாம் பெரும் நன்மைக்கே.
இரண்டொழுக்க பண்புகள் :
1. இயற்கை வளங்களான நீர், காற்று, நிலத்தை பாதுகாத்து என்னால் முடிந்த அளவு அவற்றை மாசு படுத்தாமல் இருப்பேன்.
2.மின்சாரம் போன்ற எரி பொருட்கள் வீணாக்காமல் சிக்கனமான உபயோகிப்பேன்
பொன்மொழி :
அடுத்தவர் பின் நின்று புறம் பேசாதே, அறிந்து கொள் உன் பின்னாலும் ஒருவர் இருக்கிறார் என்று...
பொது அறிவு :
1.ஒலிம்பிக்கில் பதக்கம் வாங்கிய முதல் இந்தியப் பெண் யார்?.
பி.டி உஷா.
2. இந்தியாவின் மிக உயர்ந்த இலக்கிய விருது எது?
ஞானபீட விருது.
English words & meanings :
yarmulke - A skullcap worn by Jewish men and boys. Also called kippah. பெயர்ச் சொல். யூத ஆண்களும் சிறுவர்களும் தலையில் அணியும் தொப்பி
ஆரோக்ய வாழ்வு :
பப்பாளி இலை
1. நோய் எதிர்ப்பு ஆற்றலை தருகிறது.
2.டெங்கு காய்ச்சலுக்கு இதன் இலைச்சாற்றை குடித்து விரைவாக குணம்பெறலாம்.
NMMS Q 48:
Objection' என்ற வார்த்தையில் உள்ள எழுத்துக்கள் மூலம் உருவாக்க இயலாத வார்த்தை எது? a) Object. b) Caution c) Net.
விடை: Caution
ஆகஸ்ட் 25
நீல் ஆல்டன் ஆம்ஸ்ட்ராங் அவர்களின் நினைவுநாள்
நீல் ஆல்டன் ஆம்ஸ்ட்ராங் (Neil Armstrong, நீல் ஆம்ஸ்ட்ரோங், ஆகத்து 5, 1930 – ஆகத்து 25, 2012) ஓர் அமெரிக்க விண்வெளி வீரரும் சந்திரனில் தரையிறங்கிய முதல் மனிதரும் ஆவார். அத்தோடு இவர் வான்வெளிப் பொறியியலாளர், கப்பல்படை விமானி, வெள்ளோட்ட விமானி, மற்றும் பல்கலைக்கழகப் பேராசியர் போன்ற பதவிகளையும் வகித்துள்ளார். ஆம்ஸ்ட்ரோங், விண்வெளி வீரராக வருவதற்கு முன்னர் ஐக்கிய அமெரிக்கக் கடற்படையில் அதிகாரியாக இருந்து கொரியப் போரில் பணியாற்றினார்.
1969, சூலை 20 இல் அமெரிக்காவின் அப்போலோ - 11 விண்கலத்தில் எட்வின் ஆல்ட்ரின், மைக்கேல் கொலின்ஸ் ஆகியோருடன் பயணித்த ஆம்ஸ்ட்றோங் முதலில் சந்திரனில் காலடி வைத்தார். இவரைத் தொடர்ந்து ஆல்ட்ரினும் சந்திரனில் தரையிறங்கினார். இவர் சந்திரனில் காலடி எடுத்துவைக்கும் போது முதலில் இடது காலையே வைத்தார்.
ஜூலை,2012ல் இதய அறுவைச்சிகிச்சை செய்திருந்தார், அதில் ஏற்பட்ட கோளாறு காரணமாக இறந்தார்
நீதிக்கதை
அன்பை வெளிப்படுத்தும் விதம்
ஒரு நாள் வகுப்பறையில் ஆசிரியை மாணவர்களிடம், அன்பை வெளிப்படுத்தும் எதையும் கொண்டு வாருங்கள் என்று கூறி நான்கு மாணவிகளை அனுப்பினார். திரும்பி வந்த மாணவிகளில் ஒரு மாணவியின் கைகளில் மலர் இருந்தது. இன்னொரு மாணவியிடம் வண்ணத்துப் பூச்சி இருந்தது. மற்றொரு மாணவியிடம் ஒரு குஞ்சுப்பறவை இருந்தது.
நான்கு மாணவிகளில் முதலில் கிளம்பிப்போன மாணவி கடைசியில் வெறும் கையுடன் திரும்பி வந்தாள். ஆசிரியை அந்த மாணவியிடம் நீ ஏன் எதையும் கொண்டு வரவில்லை என்று கேட்டார்.
அதற்கு அந்த மாணவி, நானும் மலரைப் பார்த்தேன். அழகாய் இருந்தது. செடியிலேயே இருக்கட்டும் என்று விட்டுவிட்டேன். வண்ணத்துப் பூச்சியைப் பார்த்தேன். அழகாய் இருந்தது. சுதந்திரமாய்ப் பறக்கட்டும் என்று விட்டுவிட்டேன். குஞ்சுப் பறவையைப் பார்த்தேன். தாய்ப்பறவை தேடுமென்று விட்டுவிட்டேன் என்று பதில் கூறினாள்.
மாணவி கூறிய பதிலைக் கேட்டவுடன் ஆசிரியை அந்த மாணவியை அணைத்துக் கொண்டார். அன்பு என்றால் இது தான். ஒன்றுமே கொடுக்க வேண்டாம். எதையுமே பறிக்காமல் இருந்தால் அதுவே போதும் என்றார்.
இன்றைய செய்திகள்
25.08.22
* தமிழ்நாடு மின்சார ஒழுங்குமுறை ஆணையத்தில் சட்ட உறுப்பினர் பணியிடத்தை நிரப்பும் வரை மின் கட்டணத்தை உயர்த்த உயர் நீதிமன்றம் இடைக்கால தடை விதித்துள்ளது.
* நீட் தேர்வு முடிவுகள் இன்னும் வராததால், தேர்வு முடிவைப் பொருத்து கலந்தாய்வுக்கான தேதி நிர்ணயிக்கப்படவிருக்கிற காரணத்தால், இன்று நடைபெறுவதாக இருந்த பொதுப்பிரிவினருக்கான கலந்தாய்வு தள்ளிவைக்கப்படுகிறது என்று தமிழக உயர் கல்வித்துறை அமைச்சர் பொன்முடி கூறியுள்ளார்.
* காலணி உற்பத்தியில் முன்னணி இடத்தில்உள்ள தமிழகத்தில், காலணி, தோல் பொருட்கள் உற்பத்தியில் மேலும் ரூ.20 ஆயிரம்கோடி முதலீடு மற்றும் 2 லட்சம் வேலைவாய்ப்புகளை உருவாக்கும் வகையில் புதிய கொள்கை வெளியிடப்பட்டுள்ளது.
* உள்நாட்டிலேயே வடிவமைக்கப்பட்ட குறுகிய தொலைவு ஏவுகணை சோதனை வெற்றி.
* மிகச் சிறப்பான பணிக்காக பிரிட்டனை சேர்ந்த உலக சாதனை புத்தகத்தில் மிசோரம் போலீஸ் இடம் பிடித்துள்ளது.
* ஜேம்ஸ் வெப் தொலைநோக்கி சூரியக் குடும்பத்திலேயே பெரிய அளவிலான வியாழன் கோளை படம்பிடித்து அனுப்பியுள்ளது.
* வெப்ப அலை எதிரொலி: வரலாறு காணாத வறட்சியால் சீனா தவிப்பு.
* உலக பேட்மிண்டன் சாம்பியன்ஷிப் போட்டி: 3-வது சுற்றுக்கு ஜப்பான் வீராங்கனை முன்னேற்றம்.
* சென்னையில் நடைபெறும் சர்வதேச மகளிர் டென்னிஸ் போட்டிகளுக்கான டிக்கெட் விலை வெளியிடப்பட்டுள்ளது.
* இந்திய கால்பந்து சம்மேளனத்திற்கு நிர்வாகிகள் தேர்தல் வருகிற 2-ந்தேதி நடைபெறும் என்று அறிவிக்கப்பட்டுள்ளது.
Today's Headlines
* The High Court has imposed an interim stay on the increase in electricity tariff until the post of legal member is filled in the Tamil Nadu Electricity Regulatory Commission.
* Tamil Nadu Higher Education Minister Ponmudi has said that since the results of NEET are not yet available and the date of the consultation is to be fixed based on the result, the consultation for the general category which was to be held today has been postponed.
* In Tamil Nadu, which is a leader in footwear production, a new policy has been released to invest Rs. 20 thousand crores in footwear and leather products and create 2 lakh jobs.
* Indigenously Designed Short Range Missile Test Success
* Mizoram Police has been named in the British Book of World Records for Outstanding Performance.
* The James Webb Telescope has imaged the largest planet in the Solar System, Jupiter.
* Heat wave reverberations: China grapples with record drought.
* Badminton World Championships: Japan advances to 3rd round
*The ticket price for the International Women's Tennis Tournament in Chennai has been released.
* It has been announced that the Football Federation of India will hold executive elections on 2nd.
இன்றைய (25-08-2022) ராசி பலன்கள், நட்சத்திர பலன்கள்...
மேஷம்
ஆகஸ்ட் 25, 2022
வியாபாரம் நிமிர்த்தமான பணிகளில் புதிய வாய்ப்புகள் கிடைக்கும். மாணவர்களுக்கு உயர்கல்வி தொடர்பான சிந்தனைகள் அதிகரிக்கும். உடல் ஆரோக்கியத்தில் விழிப்புணர்வு வேண்டும். ஆடம்பர செலவுகளின் மூலம் சேமிப்பு குறையும். உறவினர்களின் வழியில் பொறுமையுடன் செயல்படவும். அலைச்சல்கள் நிறைந்த நாள்.
அதிர்ஷ்ட திசை : கிழக்கு
அதிர்ஷ்ட எண் : 5
அதிர்ஷ்ட நிறம் : இளநீலம்
அஸ்வினி : வாய்ப்புகள் கிடைக்கும்.
பரணி : விழிப்புணர்வு வேண்டும்.
கிருத்திகை : பொறுமையுடன் செயல்படவும்.
---------------------------------------
ரிஷபம்
ஆகஸ்ட் 25, 2022
ஆன்மிகம் தொடர்பான பணிகளில் ஆர்வத்துடன் கலந்து கொள்வீர்கள். மறைமுக திறமைகளின் மூலம் முன்னேற்றம் ஏற்படும். உடன்பிறந்தவர்களின் எண்ணங்களை புரிந்து கொள்வீர்கள். சிறு தூர பயணங்களின் மூலம் மனதில் மாற்றம் உண்டாகும். வாழ்க்கை துணைவரின் வழியில் ஒத்துழைப்பு ஏற்படும். பாகப்பிரிவினை தொடர்பான முயற்சிகள் கைகூடும். நிம்மதி நிறைந்த நாள்.
அதிர்ஷ்ட திசை : வடகிழக்கு
அதிர்ஷ்ட எண் : 3
அதிர்ஷ்ட நிறம் : மஞ்சள் நிறம்
கிருத்திகை : ஆர்வம் ஏற்படும்.
ரோகிணி : மாற்றம் உண்டாகும்.
மிருகசீரிஷம் : முயற்சிகள் கைகூடும்.
---------------------------------------
மிதுனம்
ஆகஸ்ட் 25, 2022
குடும்பத்தில் கலகலப்பான சூழ்நிலைகள் ஏற்படும். தடைபட்ட பணிகளை செய்து முடிப்பீர்கள். வியாபாரம் நிமிர்த்தமான புதிய முயற்சிகள் கைகூடும். சில அதிர்ஷ்டகரமான புதிய வாய்ப்புகள் கிடைக்கும். எதிர்பாராத தனவரவின் மூலம் மாற்றம் உண்டாகும். உயர் பொறுப்பில் இருப்பவர்களிடம் அனுசரித்து நடந்து கொள்ளவும். நன்மை நிறைந்த நாள்.
அதிர்ஷ்ட திசை : தெற்கு
அதிர்ஷ்ட எண் : 3
அதிர்ஷ்ட நிறம் : மஞ்சள் நிறம்
மிருகசீரிஷம் : கலகலப்பான நாள்.
திருவாதிரை : வாய்ப்புகள் கிடைக்கும்.
புனர்பூசம் : அனுசரித்து செல்லவும்.
---------------------------------------
கடகம்
ஆகஸ்ட் 25, 2022
குடும்பத்தில் உங்களின் பொறுப்புகள் அதிகரிக்கும். திறமைகளை வெளிப்படுத்தி பாராட்டுகளை பெறுவீர்கள். பழைய நினைவுகளின் மூலம் ஒருவிதமான சோர்வு ஏற்பட்டு நீங்கும். வியாபார பணிகளில் புதிய அறிமுகமும், ஆதாயமும் ஏற்படும். உயர் பொறுப்பில் இருப்பவர்களிடம் கவனத்துடன் செயல்படவும். சுபகாரியம் தொடர்பான அலைச்சல்கள் மேம்படும். வெற்றி நிறைந்த நாள்.
அதிர்ஷ்ட திசை : மேற்கு
அதிர்ஷ்ட எண் : 7
அதிர்ஷ்ட நிறம் : நீலநிறம்
புனர்பூசம் : பாராட்டுகளை பெறுவீர்கள்.
பூசம் : ஆதாயம் ஏற்படும்.
ஆயில்யம் : அலைச்சல்கள் மேம்படும்.
---------------------------------------
சிம்மம்
ஆகஸ்ட் 25, 2022
உத்தியோகம் சார்ந்த பணிகளில் மந்தமான சூழ்நிலைகள் ஏற்படும். விலை உயர்ந்த பொருட்களை கையாளும் பொழுது கவனத்துடன் செயல்படவும். மனதை உறுத்திய சில பிரச்சனைகளுக்கு தெளிவு பிறக்கும். உடனிருப்பவர்களை பற்றிய புதிய கண்ணோட்டம் உண்டாகும். கணவன், மனைவிக்கிடையே சிறு சிறு விவாதங்கள் ஏற்பட்டு நீங்கும். கனிவு வேண்டிய நாள்.
அதிர்ஷ்ட திசை : கிழக்கு
அதிர்ஷ்ட எண் : 4
அதிர்ஷ்ட நிறம் : பச்சை நிறம்
மகம் : மந்தமான நாள்.
பூரம் : கண்ணோட்டம் உண்டாகும்.
உத்திரம் : விவாதங்கள் நீங்கும்.
---------------------------------------
கன்னி
ஆகஸ்ட் 25, 2022
மனதில் நினைத்த காரியங்களை நிறைவேற்றி கொள்வதற்கான வாய்ப்புகள் உண்டாகும். ஆன்மிகம் தொடர்பான பணிகளில் ஈடுபாடு அதிகரிக்கும். உத்தியோக பணிகளில் துரிதம் ஏற்படும். குழந்தைகளின் வழியில் மகிழ்ச்சியான செய்திகள் கிடைக்கும். பூர்வீக சொத்துக்களின் மூலம் ஆதாயம் உண்டாகும். தன்னம்பிக்கை மேம்படும் நாள்.
அதிர்ஷ்ட திசை : வடக்கு
அதிர்ஷ்ட எண் : 6
அதிர்ஷ்ட நிறம் : வெள்ளை நிறம்
உத்திரம் : வாய்ப்புகள் உண்டாகும்.
அஸ்தம் : துரிதம் ஏற்படும்.
சித்திரை : ஆதாயகரமான நாள்.
---------------------------------------
துலாம்
ஆகஸ்ட் 25, 2022
அரசு தொடர்பான பணிகளில் இருந்துவந்த இழுபறியான சூழ்நிலைகள் மறையும். மனதில் எதையும் செய்ய முடியும் என்ற தன்னம்பிக்கை அதிகரிக்கும். பெற்றோர்களின் ஆதரவு புதிய நம்பிக்கையை உருவாக்கும். துறை சார்ந்த நிபுணர்களின் ஆலோசனைகள் மனதில் மாற்றத்தை ஏற்படுத்தும். வியாபாரம் நிமிர்த்தமான சில நுட்பங்களை புரிந்து கொள்வீர்கள். மகிழ்ச்சி நிறைந்த நாள்.
அதிர்ஷ்ட திசை : மேற்கு
அதிர்ஷ்ட எண் : 8
அதிர்ஷ்ட நிறம் : வெளிர் சிவப்பு
சித்திரை : இழுபறிகள் மறையும்.
சுவாதி : நம்பிக்கை உண்டாகும்.
விசாகம் : நுட்பங்களை அறிவீர்கள்.
---------------------------------------
விருச்சிகம்
ஆகஸ்ட் 25, 2022
உத்தியோக பணிகளில் மறைமுக எதிர்ப்புகள் ஏற்பட்டு நீங்கும். வாக்குறுதிகளை அளிக்கும் பொழுது சிந்தித்து செயல்படவும். பத்திரம் சார்ந்த துறைகளில் எதிர்பார்ப்புகள் நிறைவேறும். கொடுக்கல், வாங்கலில் முன்னேற்றமான சூழ்நிலைகள் ஏற்படும். எந்தவொரு செயலிலும் சுறுசுறுப்புடன் ஈடுபடுவீர்கள். வேலையாட்களிடம் அனுசரித்து செல்வது நல்லது. சலனம் நிறைந்த நாள்.
அதிர்ஷ்ட திசை : வடக்கு
அதிர்ஷ்ட எண் : 3
அதிர்ஷ்ட நிறம் : வெளிர் நீலம்
விசாகம் : எதிர்ப்புகள் நீங்கும்.
அனுஷம் : முன்னேற்றமான நாள்.
கேட்டை : அனுசரித்து செல்லவும்.
---------------------------------------
தனுசு
ஆகஸ்ட் 25, 2022
குடும்ப உறுப்பினர்களிடம் பயனற்ற விவாதங்களை தவிர்க்கவும். புதிய முயற்சிகளில் எதிர்பார்த்த முடிவு காலதாமதமாக கிடைக்கும். சகோதரர்களின் வழியில் அலைச்சல்கள் உண்டாகும். எதிர்பாராத சில செலவுகளின் மூலம் நெருக்கடியான சூழல் ஏற்பட்டு நீங்கும். பொருட்களை கையாளும் பொழுது கவனம் வேண்டும். விழிப்புணர்வு வேண்டிய நாள்.
அதிர்ஷ்ட திசை : கிழக்கு
அதிர்ஷ்ட எண் : 4
அதிர்ஷ்ட நிறம் : பிரவுன் நிறம்
மூலம் : விவாதங்களை தவிர்க்கவும்.
பூராடம் : அலைச்சல்கள் உண்டாகும்.
உத்திராடம் : கவனம் வேண்டும்.
---------------------------------------
மகரம்
ஆகஸ்ட் 25, 2022
புதிய நபர்களின் அறிமுகம் கிடைக்கும். குடும்ப உறுப்பினர்களின் மூலம் கலகலப்பான சூழ்நிலைகள் ஏற்படும். விலை உயர்ந்த பொருட்களின் சேர்க்கை உண்டாகும். சமூக பணிகளில் மதிப்பு மேம்படும். பேச்சுக்களில் இனிமை உண்டாகும். வியாபாரம் தொடர்பான பணிகளில் வாடிக்கையாளர்களின் ஒத்துழைப்பு மேம்படும். நிதானம் வேண்டிய நாள்.
அதிர்ஷ்ட திசை : மேற்கு
அதிர்ஷ்ட எண் : 3
அதிர்ஷ்ட நிறம் : மஞ்சள் நிறம்
உத்திராடம் : கலகலப்பான நாள்.
திருவோணம் : மதிப்பு மேம்படும்.
அவிட்டம் : ஒத்துழைப்பு கிடைக்கும்.
---------------------------------------
கும்பம்
ஆகஸ்ட் 25, 2022
எதிர்பாராத சில பயணங்களின் மூலம் அனுபவம் உண்டாகும். புதிய பொருட்கள் வாங்குவதில் ஆர்வம் ஏற்படும். நெருக்கமானவர்களிடம் ஏற்பட்ட கருத்து வேறுபாடுகள் குறையும். சவாலான பணிகளை சாதாரணமாக செய்து முடிப்பீர்கள். போட்டிகளில் கலந்து கொண்டு மனம் மகிழ்வீர்கள். உத்தியோகத்தில் புதிய பொறுப்புகள் கிடைக்கப் பெறுவீர்கள். போட்டி நிறைந்த நாள்.
அதிர்ஷ்ட திசை : கிழக்கு
அதிர்ஷ்ட எண் : 5
அதிர்ஷ்ட நிறம் : ஊதா நிறம்
அவிட்டம் : அனுபவம் உண்டாகும்.
சதயம் : கருத்து வேறுபாடுகள் குறையும்.
பூரட்டாதி : பொறுப்புகள் கிடைக்கும்.
---------------------------------------
மீனம்
ஆகஸ்ட் 25, 2022
குழந்தைகளின் எண்ணங்களை அறிந்து நிறைவேற்றி வைப்பீர்கள். உலகியல் வாழ்க்கை பற்றி புதுவிதமான கண்ணோட்டம் உண்டாகும். உத்தியோக பணிகளில் உடனிருப்பவர்களை அனுசரித்து நடந்து கொள்ளவும். எதிர்பார்த்த சில உதவி கிடைப்பதில் அலைச்சல்கள் உண்டாகும். சிந்தனைகள் மேம்படும் நாள்.
அதிர்ஷ்ட திசை : வடக்கு
அதிர்ஷ்ட எண் : 6
அதிர்ஷ்ட நிறம் : வெளிர் பச்சை
பூரட்டாதி : புதுவிதமான நாள்.
உத்திரட்டாதி : அனுசரித்து செல்லவும்.
ரேவதி : அலைச்சல்கள் உண்டாகும்.
---------------------------------------
தொடக்கப்பள்ளிகளில் காலை உணவு வழங்குதலில் பள்ளி மேலாண்மைக் குழுவின் பொறுப்புகள் - மாநிலத் திட்ட இயக்குநரின் செயல்முறைகள் ந.க.எண்: 2223/ C7/ பமேகு/ ஒபக/ 2022, நாள்: 23-08-2022 - இணைப்பு: அரசாணை (நிலை) எண்: 43, நாள்: 27-07-2022 (Responsibilities of School Management Committee on Breakfast in Primary Schools - Proceedings of State Project Director - Attachment: G.O. (Ms) No: 43, Dated: 27-07-2022)...
வரும் வெள்ளிக்கிழமை 26.08.2022 நடத்தப்படும் பள்ளி மேலாண்மை கூட்டத்தில் இல்லம் தேடி கல்வி தன்னார்வலர்கள் அனைவரும் சமர்ப்பிக்க வேண்டிய சுய அறிக்கை படிவம் (Self Report Form to be submitted by all Illam Thedi Kalvi Volunteers in the School Management Committee Meeting to be held on Friday 26.08.2022)...
இதற்கு குழுசேர்:
இடுகைகள் (Atom)
LO / CBT – 3rd Standard - November 2024 – Answer Key
3 ஆம் வகுப்பு - கற்றல் விளைவுகள் மற்றும் திறன் அடிப்படையிலான மதிப்பீட்டு தேர்வு - நவம்பர் 2024 - விடைகள் Class 3 - Learning Outcomes and...
