+1 & +2 பொதுத் தேர்வு - பள்ளி மாணவர்களுக்கான தேர்வுக் கூட நுழைவுச்சீட்டினை பதிவிறக்கம் செய்யும் தேதி அறிவிப்பு
+1 & +2 Public Examination – Admit Card Download Date Notification for School Students
>>> தரவிறக்கம் செய்ய இங்கே சொடுக்கவும்...
+1 & +2 பொதுத் தேர்வு - பள்ளி மாணவர்களுக்கான தேர்வுக் கூட நுழைவுச்சீட்டினை 17.02.2025 முதல் பதிவிறக்கம் செய்து கொள்ளலாம்
பிளஸ் 2 தேர்வுக்கு பிப்.17-ல் ஹால்டிக்கெட் வெளியீடு
பிளஸ் 1, பிளஸ் 2 வகுப்பு பொதுத்தேர்வு எழுதவுள்ள மாணவர்களுக்கான ஹால்டிக்கெட் பிப்ரவரி 17-ம் தேதி வெளியிடப்படும் என்று தேர்வுத் துறை தெரிவித்துள்ளது.
இதுதொடர்பாக தேர்வுத் துறை இயக்குநர் ந.லதா, அனைத்து மாவட்ட முதன்மைக் கல்வி அதிகாரிகளுக்கும் அனுப்பிய சுற்றறிக்கை:
தமிழக பள்ளிக்கல்வி பாடத்திட்டத்தில் பிளஸ் 1, பிளஸ் 2 வகுப்பு பயிலும் மாணவர்களுக்கான பொதுத் தேர்வு மார்ச் 3 முதல் 27-ம் தேதி வரை நடத்தப்பட உள்ளது. இதில் பிளஸ் 2 மாணவர்களுக்கான ஹால்டிக்கெட் பிப்ரவரி 17-ம் தேதியும், பிளஸ் 1 மாணவர்களுக்கான ஹால்டிக்கெட் பிப்ரவரி 19-ம் தேதியும் வெளியிடப்பட உள்ளது.
இதையடுத்து பள்ளிகளின் தலைமையாசிரியர்கள் https://www.dge.tn.gov.in/ எனும் வலைதளத்தில் சென்று மாணவர்களின் ஹால்டிக்கெட்களை பதிவிறக்கம் செய்துகொள்ளலாம். இதுதொடர்பாக அனைத்து பள்ளிகளின் தலைமை ஆசிரியர்களுக்கும் அந்தந்த மாவட்ட முதன்மைக் கல்வி அதிகாரிகள் தேவையான அறிவுறுத்தல்களை வழங்க வேண்டும். இவ்வாறு அதில் கூறப்பட்டுள்ளது.
தனித்தேர்வர்கள்: இதேபோல், 10, பிளஸ் 1, பிளஸ் 2 வகுப்பு பொதுத்தேர்வு எழுதும் தனித்தேர்வர்களுக்கான ஹால்டிக்கெட் பிப்ரவரி 14-ம் தேதி மதியம் வெளியிடப்பட உள்ளது. தனித்தேர்வர்கள் www.dge.tn.gov.in எனும் வலைதளத்தில் தங்களின் ஹால்டிக்கெட்களை பதிவிறக்கம் செய்துகொள்ளலாம். பிளஸ் 1 (அரியர்) மற்றும் பிளஸ் 2 பொதுத்தேர்வு எழுதவுள்ள தனித்தேர்வர்களுக்கு 2 தேர்வுக்கும் சேர்த்து ஒரே ஹால்டிக்கெட் மட்டுமே வழங்கப்படும் என்பது குறிப்பிடத்தக்கது.
