மத்திய அரசுப் பணியாளர்களுக்கு ஃபிட்மெண்ட் ஃபாக்டர் 2.57லிருந்து 3.68ஆக அதிகரிக்கப்பட வாய்ப்பு - நாளிதழ் செய்தி (Fitment factor likely to increase from 2.57 to 3.68 for central government employees - Paper News)...
மத்திய அரசுப் பணியாளர்களுக்கு ஃபிட்மெண்ட் ஃபாக்டர் 2.57லிருந்து 3.68ஆக அதிகரிக்கப்பட வாய்ப்பு - நாளிதழ் செய்தி (Fitment factor likely to increase from 2.57 to 3.68 for central government employees - Paper News)...
அதிக உதவித் தேவைப்படும் (High Support Need) மாற்றுத்திறனாளிகள் தங்களுடன் ஒரு உதவியாளரை வைத்துக் கொள்ள ஏதுவாக அவர்களுக்கு மாதம் ரூ.1000/- உதவித்தொகை - அரசாணை (D) எண்: 29, நாள்: 26-08-2022 வெளியீடு (Allowance of Rs.1000/- per month for Differently Abled persons with High Support Need to keep an assistant with them - G.O. (D) No: 29, Dated: 26-08-2022)...
Today's (08-09-2022) Wordle Answer...
.png)
Wordle விளையாடும் முறை:
ஒவ்வொரு நாளும், ஒரு ஐந்தெழுத்து சொல் தேர்ந்தெடுக்கப்படுகிறது, அதை விளையாடுவோர் ஆறு முயற்சிகளுக்குள் யூகிக்க வேண்டும். ஒவ்வொரு யூகத்திற்கும் பிறகு, ஒவ்வொரு எழுத்தும் பச்சை, மஞ்சள் அல்லது சாம்பல் என குறிக்கப்படும்.
பச்சை என்பது எழுத்து சரியானது மற்றும் சரியான இடத்தில் உள்ளது என்றும்,
மஞ்சள் என்பது பதிலில் உள்ளது ஆனால் சரியான நிலையில் இல்லை என்றும்,
சாம்பல் என்பது அது விடையில் இல்லை என்பதைக் குறிக்கிறது.
விளையாட்டில் "ஹார்ட் மோட்" விருப்பம் உள்ளது, இதற்கு வீரர்கள் பச்சை மற்றும் மஞ்சள் என குறிக்கப்பட்ட எழுத்துக்களை அடுத்தடுத்த யூகங்களில் சேர்க்க வேண்டும்.
தினசரி சொல் அனைவருக்கும் ஒன்றுதான்.
கருத்தியல் மற்றும் ஸ்டைலிஸ்டிக் ரீதியாக, இந்த விளையாட்டு 1955 பேனா மற்றும் பேப்பர் கேம் ஜோட்டோ மற்றும் கேம் ஷோ ஃபிரான்சைஸ் லிங்கோ போன்றது.
இந்த விளையாட்டானது இரண்டு-வீரர் பலகை விளையாட்டான மாஸ்டர்மைண்ட்-இதில் வார்த்தை யூகிக்கும் மாறுபாடு கொண்ட வேர்ட் மாஸ்டர்மைன்ட் மற்றும் புல்ஸ் அண்ட் கவ்ஸ் விளையாட்டு, குறிப்பிட்ட எழுத்துக்களை வேர்ட்லே (Wordle) உறுதிசெய்கிறது. ஒவ்வொரு தினசரி விளையாட்டும் தோராயமாக வரிசைப்படுத்தப்பட்ட 2,315 சொற்களின் பட்டியலிலிருந்து ஒரு வார்த்தையைப் பயன்படுத்துகிறது (ஆங்கில மொழியில் உள்ள தோராயமான 12,000 ஐந்தெழுத்து வார்த்தைகளில்).
Wordle Game Website Link:
Today's (08-09-2022) Wordle Answer: CLASS
இன்றைய (08-09-2022) ராசி பலன்கள், நட்சத்திர பலன்கள்...
மேஷம்
செப்டம்பர் 08, 2022
உறவினர்களின் வழியில் மகிழ்ச்சியான சூழல் அமையும். சிந்தனையின் போக்கில் மாற்றம் ஏற்படும். அரசு சார்ந்த பணிகளில் ஆதரவான சூழ்நிலைகள் உண்டாகும். மனதில் வீடு மாற்றம் தொடர்பான சிந்தனைகள் அதிகரிக்கும். சுயதொழில் நிமிர்த்தமான பயணங்கள் கைகூடும். மேன்மை நிறைந்த நாள்.
அதிர்ஷ்ட திசை : தெற்கு
அதிர்ஷ்ட எண் : 2
அதிர்ஷ்ட நிறம் : வெள்ளை நிறம்
அஸ்வினி : மகிழ்ச்சி ஏற்படும்.
பரணி : ஆதரவான நாள்.
கிருத்திகை : பயணங்கள் கைகூடும்.
---------------------------------------
ரிஷபம்
செப்டம்பர் 08, 2022
சொத்துக்கள் தொடர்பான பாகப்பிரிவினை விஷயங்களில் எதிர்பார்ப்புகள் நிறைவேறும். திட்டமிட்ட காரியங்களில் வெற்றி கிடைக்கும். புதிய இடங்களுக்கு செல்வதற்கான சூழ்நிலைகள் உண்டாகும். ரகசிய செயல்பாடுகளின் மூலம் எதிர்பார்ப்புகள் நிறைவேறும். உணர்ச்சிவேகமின்றி பொறுமையுடன் செயல்படவும். உதவி கிடைக்கும் நாள்.
அதிர்ஷ்ட திசை : கிழக்கு
அதிர்ஷ்ட எண் : 1
அதிர்ஷ்ட நிறம் : ஆரஞ்சு நிறம்
கிருத்திகை : எதிர்பார்ப்புகள் நிறைவேறும்.
ரோகிணி : வெற்றி கிடைக்கும்.
மிருகசீரிஷம் : பொறுமையுடன் செயல்படவும்.
---------------------------------------
மிதுனம்
செப்டம்பர் 08, 2022
எதிர்பாராத சில செலவுகளின் மூலம் சேமிப்பு குறையும். அஞ்ஞான சிந்தனைகளின் மூலம் மனதில் குழப்பம் உண்டாகும். குடும்பத்தில் உள்ள பெரியோர்களிடம் விட்டுக்கொடுத்து செல்லவும். பயனற்ற விவாதங்களை தவிர்ப்பது நல்லது. பொதுமக்கள் தொடர்பான பணிகளில் இருப்பவர்களுக்கு பலதரப்பட்ட அனுபவமும், அலைச்சலும் உண்டாகும். விவேகம் வேண்டிய நாள்.
அதிர்ஷ்ட திசை : தென்மேற்கு
அதிர்ஷ்ட எண் : 9
அதிர்ஷ்ட நிறம் : மஞ்சள் நிறம்
மிருகசீரிஷம் : சேமிப்பு குறையும்.
திருவாதிரை : விட்டுக்கொடுத்து செல்லவும்.
புனர்பூசம் : அனுபவம் உண்டாகும்.
---------------------------------------
கடகம்
செப்டம்பர் 08, 2022
சமூகம் தொடர்பான பணிகளில் இருப்பவர்களுக்கு மேன்மையான சூழ்நிலைகள் ஏற்படும். காணாமல் போன சில பொருட்கள் மீண்டும் கிடைக்கும். சுபகாரியம் தொடர்பான எண்ணங்கள் ஈடேறும். வியாபாரம் தொடர்பான பணிகளில் முன்னேற்றமான சூழ்நிலைகள் ஏற்படும். கணவன், மனைவிக்கிடையே நெருக்கம் அதிகரிக்கும். திருப்தி நிறைந்த நாள்.
அதிர்ஷ்ட திசை : வடக்கு
அதிர்ஷ்ட எண் : 3
அதிர்ஷ்ட நிறம் : வெளிர் நீலம்
புனர்பூசம் : மேன்மையான நாள்.
பூசம் : எண்ணங்கள் ஈடேறும்.
ஆயில்யம் : நெருக்கம் அதிகரிக்கும்.
---------------------------------------
சிம்மம்
செப்டம்பர் 08, 2022
வெளியூர் தொடர்பான பயணங்களின் மூலம் அனுகூலமான சூழ்நிலைகள் ஏற்படும். போட்டி தேர்வுகளில் எதிர்பார்த்த முடிவு கிடைக்கும். இயந்திரம் சார்ந்த பணிகளில் லாபகரமான சூழல் அமையும். சக ஊழியர்களின் ஒத்துழைப்பு மனதிற்கு மகிழ்ச்சியை ஏற்படுத்தும். எதிர்பாராத சில வாய்ப்புகளின் மூலம் மாற்றம் உண்டாகும். அன்பு நிறைந்த நாள்.
அதிர்ஷ்ட திசை : கிழக்கு
அதிர்ஷ்ட எண் : 5
அதிர்ஷ்ட நிறம் : இளஞ்சாம்பல்
மகம் : முடிவு கிடைக்கும்.
பூரம் : லாபகரமான நாள்.
உத்திரம் : மாற்றம் உண்டாகும்.
---------------------------------------
கன்னி
செப்டம்பர் 08, 2022
புதிய விஷயங்களில் ஆர்வத்துடன் கலந்து கொள்வீர்கள். பூர்வீக சொத்துக்களின் மூலம் ஆதாயம் உண்டாகும். வர்த்தகம் தொடர்பான பணிகளில் லாபம் மேம்படும். மாணவர்களுக்கு கல்வியில் முன்னேற்றமான வாய்ப்புகள் கிடைக்கும். வாதத்திறமையின் மூலம் இழுபறியான காரியங்களை நிறைவேற்றி கொள்வீர்கள். மனதில் கற்பனையான சிந்தனைகள் அதிகரிக்கும். அமைதி நிறைந்த நாள்.
அதிர்ஷ்ட திசை : தென்மேற்கு
அதிர்ஷ்ட எண் : 2
அதிர்ஷ்ட நிறம் : பச்சை நிறம்
உத்திரம் : ஆர்வம் உண்டாகும்.
அஸ்தம் : லாபம் மேம்படும்.
சித்திரை : சிந்தனைகள் அதிகரிக்கும்.
---------------------------------------
துலாம்
செப்டம்பர் 08, 2022
கூட்டாளிகளிடம் சிறு சிறு கருத்து வேறுபாடுகள் ஏற்பட்டாலும் சாதகமான முடிவு கிடைக்கும். உடல் ஆரோக்கியத்தில் முன்னேற்றம் உண்டாகும். மனக்கவலைகள் நீங்கி புத்துணர்ச்சியுடன் காணப்படுவீர்கள். நெருக்கமானவர்களின் மூலம் விரயங்கள் ஏற்பட்டாலும் மகிழ்ச்சியான தருணங்கள் உண்டாகும். உத்தியோகம் தொடர்பான பணிகளில் பொறுப்பும், அதிகாரமும் மேம்படும். கீர்த்தி நிறைந்த நாள்.
அதிர்ஷ்ட திசை : தென்மேற்கு
அதிர்ஷ்ட எண் : 4
அதிர்ஷ்ட நிறம் : ஊதா நிறம்
சித்திரை : சாதகமான நாள்.
சுவாதி : முன்னேற்றம் உண்டாகும்.
விசாகம் : பொறுப்புகள் மேம்படும்.
---------------------------------------
விருச்சிகம்
செப்டம்பர் 08, 2022
சுபகாரியம் தொடர்பான முயற்சிகள் ஈடேறும். வர்த்தகம் சார்ந்த பணிகளில் முன்னேற்றம் உண்டாகும். தாய்மாமன் வழியில் ஆதரவான சூழ்நிலைகள் ஏற்படும். நெருக்கமானவர்களிடத்தில் எதிர்பார்த்திருந்த உதவி சாதகமாக அமையும். எதிர்பாலின மக்களின் மூலம் அனுகூலமான வாய்ப்புகள் கிடைக்கும். பூர்வீக சொத்துக்களில் சில மாற்றத்தை செய்வீர்கள். உழைப்பு மேம்படும் நாள்.
அதிர்ஷ்ட திசை : கிழக்கு
அதிர்ஷ்ட எண் : 1
அதிர்ஷ்ட நிறம் : அடர் சிவப்பு
விசாகம் : முயற்சிகள் ஈடேறும்.
அனுஷம் : ஆதரவான நாள்.
கேட்டை : வாய்ப்புகள் கிடைக்கும்.
---------------------------------------
தனுசு
செப்டம்பர் 08, 2022
இழுபறியாக இருந்துவந்த தனவரவு கிடைக்கும். மனதில் எதிர்காலம் தொடர்பான சிந்தனைகள் மேம்படும். புத்திக்கூர்மையான செயல்பாடுகளின் மூலம் பாராட்டுகள் கிடைக்கப் பெறுவீர்கள். மறைமுகமாக இருக்கக்கூடிய சில எதிர்ப்புகளை அறிந்து கொள்வீர்கள். சமூக பணிகளில் இருப்பவர்களுக்கு புதுவிதமான அனுபவம் உண்டாகும். விருத்தி நிறைந்த நாள்.
அதிர்ஷ்ட திசை : தென்கிழக்கு
அதிர்ஷ்ட எண் : 6
அதிர்ஷ்ட நிறம் : பச்சை நிறம்
மூலம் : தனவரவு மேம்படும்.
பூராடம் : பாராட்டுகள் கிடைக்கும்.
உத்திராடம் : அனுபவம் உண்டாகும்.
---------------------------------------
மகரம்
செப்டம்பர் 08, 2022
கூட்டு வியாபாரத்தில் லாபம் மேம்படும். வாகனம் தொடர்பான பயணங்களின் மூலம் அனுகூலமான சூழ்நிலைகள் உண்டாகும். நண்பர்களின் சந்திப்பு மனதில் புதிய மாற்றத்தை ஏற்படுத்தும். வாழ்க்கை துணைவருடன் மகிழ்ச்சியான தருணங்கள் உண்டாகும். மனதில் ஒருவிதமான குழப்பமும், அமைதியின்மைக்கான சூழ்நிலையும் ஏற்படும். வரவு நிறைந்த நாள்.
அதிர்ஷ்ட திசை : மேற்கு
அதிர்ஷ்ட எண் : 7
அதிர்ஷ்ட நிறம் : பழுப்பு நிறம்
உத்திராடம் : லாபம் மேம்படும்.
திருவோணம் : மாற்றம் ஏற்படும்.
அவிட்டம் : குழப்பமான நாள்.
---------------------------------------
கும்பம்
செப்டம்பர் 08, 2022
வெளியூர் தொடர்பான பயண வாய்ப்புகள் சாதகமாக அமையும். சிற்றின்பம் சார்ந்த செயல்பாடுகளால் விரயங்கள் உண்டாகும். வேலையாட்களிடம் சூழ்நிலைக்கு ஏற்ப அனுசரித்து செல்வது நல்லது. உடனிருப்பவர்களை பற்றிய புரிதல் உண்டாகும். உங்களின் திறமையை வெளிப்படுத்துவதற்கான வாய்ப்புகள் அமையும். அனுகூலம் நிறைந்த நாள்.
அதிர்ஷ்ட திசை : மேற்கு
அதிர்ஷ்ட எண் : 9
அதிர்ஷ்ட நிறம் : சிவப்பு நிறம்
அவிட்டம் : சாதகமான நாள்.
சதயம் : அனுசரித்து செல்லவும்.
பூரட்டாதி : வாய்ப்புகள் அமையும்.
---------------------------------------
மீனம்
செப்டம்பர் 08, 2022
மாணவர்களுக்கு கல்வியில் முன்னேற்றமான சூழல் அமையும். உடல் ஆரோக்கியம் மேம்படும். சுயதொழில் சார்ந்த சில நுட்பங்களை புரிந்து கொள்வீர்கள். தனவரவின் மூலம் சேமிப்பு அதிகரிக்கும். பொன், பொருட்களின் மீது ஆர்வம் ஏற்படும். உயர் பொறுப்பில் இருப்பவர்களின் அறிமுகம் கிடைக்கும். தேர்ச்சி நிறைந்த நாள்.
அதிர்ஷ்ட திசை : தென்கிழக்கு
அதிர்ஷ்ட எண் : 5
அதிர்ஷ்ட நிறம் : இளநீலம்
பூரட்டாதி : முன்னேற்றம் உண்டாகும்.
உத்திரட்டாதி : புரிதல் ஏற்படும்.
ரேவதி : அறிமுகம் கிடைக்கும்.
---------------------------------------
பள்ளி காலை வழிபாட்டு செயல்பாடுகள் - 08.09.2022 - School Morning Prayer Activities...
பள்ளி காலை வழிபாட்டு செயல்பாடுகள் - 08.09.2022 - School Morning Prayer Activities...
திருக்குறள் :
பால்: பொருட்பால்
அதிகாரம்/Chapter: இரவு / Mendicancy
குறள் 1053:
கரப்பிலா நெஞ்சின் கடனறிவார் முன்நின்று
இரப்புமோ ரேஎர் உடைத்து. பொருள் - ஒளிப்பு இல்லாத நெஞ்சும், கடைமையுணர்ச்சியும், உள்ளவரின் முன்னே நின்று இரந்து பொருள் கேட்பதும் ஓர் அழகு உடையதாகும்
பழமொழி :
The secret of success is the consistency of purpose.
நோக்கத்தின் உறுதியே வெற்றியின் ரகசியம்
இரண்டொழுக்க பண்புகள் :
1. தேனீ எறும்பு போல சுறுசுறுப்பாக உழைக்க முயற்சிப்பேன்.
2. என்னுடைய உழைப்பு பெயருக்காக அல்ல பேர் வாங்கும் அளவுக்கு உழைப்பேன்.
பொன்மொழி :
ஊக்கத்தை கைவிடாதே. அதுதான் வெற்றியின் முதல் படிக்கட்டு - அறிஞர் அண்ணா
பொது அறிவு :
1.தமிழ்நாட்டில் மதுவிலக்கை முதலில் கொண்டு வந்தது யார் ?
ராஜாஜி .
2.பாரதியார் நடத்தி வந்த பத்திரிக்கையின் பெயர் என்ன?
இந்தியா.
English words & meanings :
hon·ey·creep·er - a type of bird that sucks nectar from flowers. Noun. தேன் சிட்டு. பெயர்ச் சொல்
ஆரோக்ய வாழ்வு :
பசும்பாலை போன்று தேங்காய் பாலில் லாக்டோஸ் கிடையாது. அதனால் லாக்டிக் அழற்சி பிரச்சினை உள்ளவர்கள் பசும் பாலுக்கு பதிலாக உணவில் தேங்காய் பாலை சேர்த்துக் கொள்ளலாம்.
செப்டம்பர் 08
அனைத்துலக எழுத்தறிவு நாள்
அனைத்துலக எழுத்தறிவு நாள் உலகெங்கும் செப்டம்பர் 8ம் நாளன்று கொண்டாடப்பட்டு வருகிறது. இந்நாளை யுனெஸ்கோ நிறுவனம் நவம்பர் 17, 1965 இல் உலக எழுத்தறிவு நாளாகப் பிரகடனம் செய்தது. இது 1966ம் ஆண்டு தொடக்கம் கொண்டாடப்படுக்கிறது. எழுத்தறிவின் முக்கியத்துவத்தை தனிப்பட்ட மக்களுக்கும், சமூகத்துக்கும், அமைப்புக்களுக்கும் அறியவைப்பது இதன் முக்கிய நோக்கம் ஆகும்..
நீதிக்கதை
உருவத்தை பார்த்து எடை போடாதே!
28 வயது வாலிபன் ரயில் ஜன்னல் வழியே பார்த்து கத்தினான். அப்பா இங்கே பாருங்கள்... மரங்கள் எல்லாம் நமக்கு பின்னால் ஓடுகின்றன என்று! அவனருகில் இருந்த அவனது அப்பா சிரித்துக்கொண்டார். ஆனால் அவர்கள் அருகில் இருந்த இளம் தம்பதியினர் அவனைப் பார்த்து பரிதாபபட்டுக்கொண்டனர். மறுபடியும் அந்த வாலிபன் கத்தினான்.
அப்பா மேலே பாருங்கள், மேகங்கள் நம்மோடு வருகின்றன என்றான். இதைக்கேட்டு தாங்க முடியாத தம்பதியினர் வாலிபனின் தந்தையிடம் நீங்கள் ஏன் உங்கள் மகனை ஒரு நல்ல டாக்டரிடம் காட்டக் கூடாது என்றனர். அதற்கு அந்த வயதான அப்பா சிரித்துக் கொண்டே சொன்னார்.
நாங்கள் டாக்டரிடம் இருந்துதான் வந்து கொண்டிருக்கிறோம்… என் மகன் பிறவிக் குருடு இன்றைக்கு தான் அவனுக்கு பார்வை கிடைத்தது என்றார். அன்பு நண்பர்களே... உண்மையில் ஒவ்வொரு மனிதனுக்கும் ஒரு கதை உண்டு. மற்றவரை தீர்மானிக்க நினைத்தால் நாம் உண்மையை இழந்துவிடலாம். சில நேரங்களில் உண்மை நம்மை ஆச்சிரிய பட வைக்கலாம். உருவத்தை பார்த்து யாரும் யாரையும் எடை போடவேண்டாம்.
இன்றைய செய்திகள்
08.09.22
# கிருஷ்ணகிரி அணையில் இருந்து 2வது நாளாக உபரி நீர் திறப்பு: 5 மாவட்டங்களுக்கு வெள்ள அபாய எச்சரிக்கை.
# நெசவாளர்கள், கைவினைக் கலைஞர்களின் தயாரிப்புகளை அரசு மின்னணு சந்தை மூலம் விற்பனை செய்வதற்கு ஏற்பாடு: அஞ்சல் துறை, பொது சேவை மையத்துடன் ஒப்பந்தம்.
# தமிழ்நாட்டுக்கான மாநில கல்விக் கொள்கை வடிவமைப்புப் பணிகள் துரிதமாக முடிக்கப்பட்டு, விரைவில் மாநில கல்விக் கொள்கை வெளியிடப்படும் என்று உயர்கல்வித் துறை அமைச்சர் க.பொன்முடி தெரிவித்துள்ளார்.
# கடந்த 2018-19 மற்றும் 2019-20ம்ஆண்டுகளில் ‘முதல்வர் மாநில விளையாட்டு விருதுக்கு’ தேர்வானவர்கள் குறித்த அறிவிப்பு வெளியிடப்பட்டுள்ளது. விருது தொகைக்காக தமிழக அரசு ரூ.16.30 லட்சம் நிதி ஒதுக்கியுள்ளது.
# 11 டெல்டா மாவட்ட மக்களுக்கு வெள்ள அபாய எச்சரிக்கை: மேட்டூர் அணையில் இருந்து 1.10 லட்சம் கன அடி நீர் வெளியேற்றம்.
# டெல்லியில் வரும் ஜனவரி 1, 2023 வரை பட்டாசு உற்பத்தி, விற்பனை, பயன்பாட்டுக்கு தடை விதிக்கப்படுவதாக அம்மாநில சுற்றுச்சூழல் துறை அமைச்சர் கோபால் ராய் தெரிவித்துள்ளார்.
# கடந்த 75 ஆண்டுகளில் இல்லாத அளவுக்கு கனமழையால் வெள்ளத்தில் மிதக்கிறது பெங்களூரு நகரம்.
# கரோனா வைரஸுக்கு எதிராக பாரத் பயோடெக் நிறுவனம் தயாரித்துள்ள மூக்குவழி சொட்டு மருந்துக்கு இந்திய மருந்து கட்டுப்பாட்டு ஆணையம் ஒப்புதல் அளித்துள்ளது.
# உலகில் போக்குவரத்து நெரிசல் மிகுந்த நகரங்கள்: மும்பைக்கு 3-ம் இடம்.
# இந்தியா மற்றும் சீனாவுடன் உறவை மேம்படுத்தும் வெளியுறவு கொள்கை: ரஷ்ய அதிபர் புதின் ஒப்புதல்.
# ஒரே சீசனில் இரண்டு இரானி கோப்பை கிரிக்கெட் - இந்திய கிரிக்கெட் வாரியம் அறிவிப்பு.
Today's Headlines
# Surplus water release from Krishnagiri dam for 2nd day: Flood alert for 5 districts
# Arrangement for sale of weavers, and artisans' products through Government e-market: agreement with Department of Posts, Public Service Centre.
# Minister of Higher Education K. Ponmudi has said that the work of framing the state education policy for Tamil Nadu will be completed quickly and the state education policy will be published soon.
# In 2018-19 and 2019-20, the announcement has been made about the candidates for the 'Multavar State Sports Award'. The Government of Tamil Nadu has allocated a fund of Rs 16.30 lakh for the award.
# Flood alert for 11 Delta districts: 1.10 lakh cubic feet of water released from Mettur dam.
# Environment Minister Gopal Roy has said that firecrackers' production, sale, and use will be banned in Delhi until January 1, 2023.
# The city of Bengaluru is flooded due to the heaviest rain record in the last 75 years.
# The Drug Control Authority of India has approved Bharat Biotech's anti-coronavirus nasal drops.
# Most traffic-congested cities in the world: Mumbai in 3rd place.
# Russian President Putin approves foreign policy to improve relations with India and China.
# Two Irani Cup cricket in one season - Cricket Board of India announced.
மாற்றுத்திறனாளி ஆசிரியையுடன் கவிஞர் வைரமுத்து அவர்களை அலைபேசியில் பேசவைத்தார் அமைச்சர் அன்பில் மகேஷ் அவர்கள் (School Education Minister Anbil Mahesh made the Poet Vairamuthu talk to the Differently Abled Teacher on the phone)...
தருமபுரி : பள்ளிக்கல்வித்துறை அமைச்சர் அன்பில் மகேஷ் பொய்யாமொழி, மாற்றுத்திறனாளி ஆசிரியையின் வகுப்பில் முதல் வரிசையில் அமர்ந்து பாடம் கவனித்துள்ளார்.
மேலும், வைரமுத்து கவிதைகளை நடத்திய அந்த மாற்றுத்திறனாளி ஆசிரியைக்கு ஒரு 'ஸ்வீட்' சர்ப்ரைஸையும் கொடுத்திருக்கிறார் அமைச்சர் அன்பில் மகேஷ்.
அமைச்சர் அன்பில் மகேஷின் செயலால், மகிழ்ச்சியில் திளைத்த அந்த ஆசிரியை, அமைச்சரின் செயலால் நெகிழ்ந்து அவரை மனம் திறந்து பாராட்டியுள்ளார். இந்நிகழ்வு பெரும் நெகிழ்ச்சியை ஏற்படுத்தியுள்ளது.
தமிழக அரசின் பள்ளிக்கல்வித்துறை அமைச்சராக இருக்கும் அன்பில் மகேஷ் பொய்யாமொழி, தமிழகம் முழுவதும் பல்வேறு பள்ளிகளுக்கும் சென்று அவ்வப்போது அதிரடி ஆய்வுகளை மேற்கொண்டு வருகிறார். மேலும், பள்ளிக் கல்வித்துறை சார்பில், மாணவர்களின் கல்வி நலனுக்காக பல்வேறு சீரிய நடவடிக்கைகளும் மேற்கொள்ளப்பட்டு வருகின்றன.
இந்நிலையில் இன்று தருமபுரி அரசு மகளிர் மேல்நிலைப்பள்ளியில் ஆய்வு மேற்கொண்டார் பள்ளிக்கல்வித்துறை அமைச்சர் அன்பில் மகேஷ் பொய்யாமொழி. அப்போது மாற்றுத்திறனாளி ஆசிரியையான தமிழ்ச்செல்வியின் வகுப்பறைக்குச் சென்று முதல் பெஞ்ச்சில் பவ்யமாக அமர்ந்து, ஆசிரியை நடத்துவதை கவனித்தார் அன்பில் மகேஷ். மாணவர் போலவே அமர்ந்து ஆர்வமாக கவனித்தது அங்கிருந்தவர்கள் மத்தியில் ஆச்சர்யத்தை ஏற்படுத்தியது.
மாற்றுத்திறனாளி ஆசிரியை தமிழ்ச்செல்வி, அப்போது வகுப்பில் வைரமுத்து கவிதைகளை பிரெய்லி முறை மூலம் கற்பித்தார். அதனை, அருகில் இருந்த மாணவியின் புத்தகத்தில் பார்த்து ஆர்வமாகக் கவனித்தார் அமைச்சர் அன்பில் மகேஷ் பொய்யாமொழி.
இதையடுத்து, கவிஞர் வைரமுத்துவை போனில் அழைத்து, விவரத்தைச் சொல்லி, ஆசிரியை தமிழ்ச்செல்வியுடன் உரையாட வைத்தார். இதனால், மிகவும் மகிழ்ந்த ஆசிரியை, 'இன்று எனது வாழ்நாளில் மகிழ்ச்சிகரமான நாள்' என அமைச்சர் அன்பில் மகேஷிடம் நெகிழ்ச்சியோடு தெரிவித்துள்ளார். இதனை ட்விட்டரில் பதிவிட்டுள்ள அமைச்சர் அன்பில் மகேஷ், "ஆம், எனது வாழ்நாளிலும் மகிழ்ச்சிகரமான நாள்தான்!" எனக் குறிப்பிடுள்ளார்.
இதற்கு குழுசேர்:
இடுகைகள் (Atom)
பள்ளி காலை வழிபாட்டுச் செயல்பாடுகள் 09-11-2024
பள்ளி காலை வழிபாட்டுச் செயல்பாடுகள் 09-11-2024 - School Morning Prayer Activities... திருக்குறள்: பால்: அறத்துப்பால். இயல்: இல்லறவியல...
