TNSED Schools App New Version: 0.2.3 - Updated on 25-10-2024 - Schemes Module Changes

 

 

* TNSED schools App

* What's is new..?

*🎯  Schemes Module Changes...

*🎯Bug Fixes and Performance Improvement....

*_UPDATED ON  25 October 2024

*_Version: Now 0.2.3

Link:

https://play.google.com/store/apps/details?id=in.gov.tnschools.tnemis

Official app for the teachers by State School Education Department, Tamil Nadu

The app will be used by the teachers, Heads of schools, and other administrative staff to enter student, staff and school data and track the same. The app currently has modules for entering students and staff attendance, modules for screening the health of the students and referring them to the doctors, module for identifying and tracking the out of school students and module for teachers to register for teacher training.

சுயமரியாதை வாழ்வே சுகவாழ்வு

..................................................................

.*'' சுயமரியாதை வாழ்வே சுகவாழ்வு..''*

.....................................................................

‘மரியாதையாகப் பேசு’ ‘மரியாதை கொடுத்து மரியாதை வாங்கு’ இவை போன்ற சொற்றொடர்களை நமது அன்றாட வாழ்வில் கேட்டு இருக்கிறோம். 

சரி, மரியாதை என்றால் என்ன?

*நம்முடைய நற்குணங்கள், நற்செயல்கள், நன்னடத்தை நமக்குச் சமுதாயத்தில் தேடித் தரும் நன்மதிப்பு தான் மரியாதை ஆகும்*. 

பணம், பதவியினால் வரும் மதிப்பு நிலையானதன்று; பணமும், பதவியும் நம்மை விட்டுச் செல்லும் போது, மதிப்பும், மரியாதையும் நம்மை விட்டுச் சென்று விடும்.

ஒருவர் உடல்நலம் குன்றி ஓய்வு எடுக்கும் போது, நாம் அவரை மரியாதை நிமித்தமாக நலம் விசாரிப்பது மனித நேயம் மிக்க செயல். மனிதப் பண்பாடும் அது தான்.

ஆனால் செல்வமும், செல்வாக்கும் உடையவரை சிலர் அடிக்கடி சந்திப்பதை நாம் பார்க்கிறோம். 

ஒரு சாதாரண மனிதரை அப்படி யாரும் சந்திப்பது இல்லையே ஏன் என்பதை நாம் எண்ணிப் பார்க்க வேண்டும். 

*பணம் , பதவி படைத்தோரை மரியாதை நிமித்தமாக சந்திப்பதில் ஒரு சுயநலம் இருக்கிறது.* 

இன்று ஒரு வணக்கம் போட்டு வைத்தால், நாளை ஒன்றுக்குப் பயன்படும் என்னும் நினைப்பில் தன்னலம் இருக்கிறது அல்லவா.?

காலில் நெடுஞ்சாண் கிடையாக விழுவதை ஒரு கலையாகக் கற்று ஒரு நிறுவனத்தில் பெரிய பதவிக்கு ஒரு நண்பர் வந்து விட்டார். 

உனது உயர்நிலையை எண்ணியாவது இனிமேல் காலில் விழுவதைக் கைவிடுக என்று அவருடைய நண்பர் அறிவுரை அவருக்குக் கூறினார். 

நான் இப்படி விழுந்து, விழுந்து தான் இந்த உயர்ந்த நிலைக்கு வந்திருக்கிறேன். அதை மட்டும் என்னால் கைவிட முடியாது’ என்று மறுமொழி சொன்னார். 

காலமாறுதலில், எதிர்பாராதவை சில நடக்கக் கூடும். இப்படிக் காலில் விழுந்து கிடப்பவர்களை சிலர் விரும்பி ,வரவேற்று மகிழலாம். 

ஆனால் காலப்போக்கில் காலைத் தொட்டுத் தொழுது கிடப்பவன், காலை வாரி விடவும் தயங்க மாட்டான்.

காலில் விழுந்து கிடப்பவனை அவனது உண்மையான பண்பு அறிந்தவர்கள் ஒதுக்கி விடுவதும் ஒரு கட்டத்தில் நடக்கக் கூடும். 

நடிப்பும் நயவஞ்சகமும் நீண்ட நாள் வெற்றி பெற முடியாது அல்லவா?

சுயமரியாதை இழந்து, குனிந்து கும்பிட்டுக் கிடப்பவர்கள் வாழ்வில் ஒருநாள் கூனிக்குறுகி நிற்கும் நிலை ஏற்படும், 

நாம் ஒருவருக்கு அளவுக்கு அதிகமாக மரியாதை கொடுத்து நமது சுயமரியாதையைக் காயப்படுத்தி விடக்கூடாது. 

*ஆம்.,தோழர்களே..,*

*நம்முடைய நற்செயல்கள், நன்னடத்தை குறித்து நாம் பெருமையும், பெருமிதமும் கொள்வது நமக்குச் சுயமரியாதை உணர்வை உருவாக்கும்; அடிமை மனத்தை அகற்றும்.*

*சுயமரியாதை வாழ்வே சுகவாழ்வு,எழிலார்ந்த ஏற்றம் மிகு வாழ்வு,* 

*உயிரனைய உரிமை வாழ்வு என்பதை மனதில் நிறுத்தி மாண்புற வாழ்வோம்.*

*தன்மானத்தோடு தலைநிமிர்ந்து தொண்டறம் செய்து மனிதநேயத்தோடு வாழ்வோம்!✍🏼🌹*

விமானத்தில் இருமுடியை கொண்டு செல்ல அனுமதி

விமானத்தில் இருமுடியை கொண்டு செல்ல அனுமதி

சபரிமலை செல்லும் பக்தர்களுக்கு விமானத்தில் சிறப்பு சலுகை.

 - உடனடியாக அமலுக்கு வருவதாக BCAS அறிவிப்பு!

சபரிமலை ஐயப்பன் கோயிலுக்கு செல்லும் பக்தர்களின் வசதிக்காக விமானத்தில் சிறப்பு சலுகை அறிவித்ததுடன், அவை உடனடியாக அமலுக்கு வருவதாக சிவில் விமான பாதுகாப்பு பணியகம் தெரிவித்துள்ளது.

இன்னும் சில தினங்களில் கார்த்திகை மாதம் தொடங்க உள்ள நிலையில், சபரிமலைக்கு விமானத்தில் பயணிக்கும் பக்தர்களின் வசதிக்காக தற்போது புதிய நடைமுறையை விமான போக்குவரத்து துறை அமைச்சகம் வெளியிட்டுள்ளது.

 குறிப்பாக, தேங்காய் சரக்கு பட்டியலில் இடம் பெறும் என்பதால் அதனை விமானத்தில் எடுத்து செல்ல அனுமதி வழங்கப்படுவதில்லை.

ஆனால் சபரிமலைக்கு செல்லும் பக்தர்கள் இருமுடி கட்டி செல்லும் போது அதில் தேங்காய் இருக்கும் என்பதால் விமானத்தில் எந்த விதமான கூடுதல் கட்டணமும் இன்றி எடுத்து செல்ல அனுமதிப்பதாக அறிவிக்கப்பட்டுள்ளது. 

மேலும், தற்போது முதல் ஜனவரி மாதம் 20ஆம் தேதி வரை சபரிமலை செல்லும் ஐயப்ப பக்தர்கள் விமானத்தில் இருமுடியை கொண்டு செல்ல அனுமதி வழங்கப்பட்டுள்ளதாகவும், இந்த நடைமுறை உடனடியாக அமலுக்கு வருவதாகவும் சிவில் விமான பாதுகாப்பு பணியகம் வெளியிட்டுள்ள அறிக்கையில் தெரிவித்துள்ளது.

Ennum Ezhuthum -Term 2 For classes 1-3 and 4 & 5 - Training Materials

 

எண்ணும் எழுத்தும் - பருவம் 2 - 1-3 மற்றும் 4 & 5 வகுப்புகளுக்கு - பயிற்சிக் காணொளிகள் தொகுப்பு - அனைத்துப் பாடங்கள்

Ennum Ezhuthum -Term 2 For classes 1-3 and 4 & 5 - Training Materials Collection - All Subjects 

>>> தரவிறக்கம் செய்ய இங்கே சொடுக்கவும்...

சாலை விபத்தில் உயிரிழந்த அரசு ஊழியர் - குடும்பத்தினருக்கு ரூ.25 லட்சம் நிவாரணம் - முதலமைச்சர் அறிவிப்பு

 சாலை விபத்தில் உயிரிழந்த அரசு ஊழியர் - குடும்பத்தினருக்கு ரூ.25 லட்சம் நிவாரணம் - முதலமைச்சர் அறிவிப்பு

சாலை விபத்தில் உயிரிழந்த வீரவநல்லூர் காவல் நிலைய உதவி ஆய்வாளர் குடும்பத்திற்கு முதல்வர் மு.க.ஸ்டாலின் ஆறுதல் மற்றும் ரூ.25 லட்சம் நிதியுதவியை அறிவித்துள்ளார்.

இது தொடர்பாக முதலமைச்சர் திரு. மு.க.ஸ்டாலின் அவர்கள் வெளியிட்டுள்ள செய்திக் குறிப்பு:

திருநெல்வேலி மாவட்டம், வீரவநல்லூர் காவல் நிலையத்தில் உதவி ஆய்வாளராகப் பணிபுரிந்துவந்த சுப்பையா (57) கடந்த 21 ஆம் தேதி பணி முடிந்து இருசக்கர வாகனத்தில் வீடு திரும்பிக்கொண்டிருந்தபோது எதிர்பாராதவிதமாக தவறி விழுந்து காயமடைந்த நிலையில் சிகிச்சைக்காக திருநெல்வேலி அரசு மருத்துவமனையில் அனுமதிக்கப்பட்டு சிகிச்சை பலனின்றி வெள்ளிக்கிழமை (அக் 25) உயிரிழந்தார் என்ற துயரமான செய்தியைக் கேட்டு மிகுந்த வருத்தமும் வேதனையும் அடைந்தேன்.

காவல் உதவி ஆய்வாளர் சுப்பையா மறைவு தமிழ்நாடு காவல்துறைக்கும் அவரது குடும்பத்திற்கும் ஈடுசெய்ய முடியாத பேரிழப்பாகும்.

ரூ.25 லட்சம் நிவாரணம்

காவல் உதவி ஆய்வாளர் சுப்பையாவை இழந்து வாடும் அவரது குடும்பத்தினருக்கும் அவருடன் பணியாற்றும் காவல் துறையினருக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்வதோடு, அவரது குடும்பத்திற்கு ரூ.25 லட்சம் நிவாரண நிதியாக வழங்கிடவும் உத்தரவிட்டுள்ளேன் என கூறியுள்ளார்.

Voter registration special camp in Tamil Nadu - Date change

 வாக்காளர் பட்டியலில் பெயர் சேர்த்தல், நீக்குதல், திருத்தம் செய்தலுக்கான சிறப்பு முகாம் நடைபெறும் தேதி மாற்றம்

தமிழகத்தில், வாக்காளர் பட்டியலில் பெயர் சேர்த்தல், நீக்கம், முகவரி/ பெயர் மாற்றம் உள்ளிட்ட திருத்தங்களை மேற்கொள்ளும் வாக்காளர் சிறப்பு முகாம்...

நவம்பர் மாதம் 9-10 மற்றும் 23-24 ஆகிய தேதிகளில் நடைபெறும் என முன்னர் அறிவிக்கப்பட்ட நிலையில்...

தற்போது, நவம்பர் மாதம் 16-17 மற்றும் 23-24 ஆகிய தேதிகளில் நடைபெறும் என அறிவிக்கப்பட்டுள்ளது.

ஒருங்கிணைந்த வரைவு வாக்காளர் பட்டியல் வரும் *29*-ம் தேதி வெளியிடப்படும்.

வாக்காளர்கள், வாக்காளர் பட்டியலில் வரும் *29ஆம் தேதி முதல் நவம்பர் *28*-ம் தேதி வரை திருத்தங்களை மேற்கொள்ளலாம்.

இறுதி வாக்காளர் பட்டியல் வரும் ஜனவரி 6ஆம் தேதி வெளியிடப்படும்.

அங்கீகரிக்கப்பட்ட அரசியல் கட்சிகள் ஒவ்வொரு வாக்குச்சாவடிக்கும், வாக்குச்சாவடி நிலை முகவர்களை *(BLA)* நியமித்துக் கொள்ளலாம்.

*- தமிழ்நாடு தேர்தல் ஆணையம் செய்திக்குறிப்பு வெளியீடு

>>> செய்தி வெளியீடு எண் 1770, நாள் : 24-10-2024 - தரவிறக்கம் செய்ய இங்கே சொடுக்கவும்...

பள்ளி காலை வழிபாட்டுச் செயல்பாடுகள் 25-10-2024

 

 பள்ளி காலை வழிபாட்டுச் செயல்பாடுகள் 25-10-2024 - School Morning Prayer Activities...

திருக்குறள்:

பால் : பொருட்பால்

அதிகாரம்: மடியின்மை

குறள் எண்: 602

மடியை மடியா ஒழுகல் குடியைக்

குடியாக வேண்டு பவர்.

பொருள் : தாம் பிறந்த குடியை மேலும் சிறப்புடைய நற்குடியாக்க விரும்புகின்றவர், சோம்பலைக் கடிந்து முயற்சியுடையவராய் ஒழுக வேண்டும்.

பழமொழி :

கல்வியால் பரவும் நாகரிகம்.

Education is the transmission of civilization.

இரண்டொழுக்க பண்புகள் : 

1.விலை கொடுத்து வாங்கும் பொருளை பொறுப்புடன் கையாளுங்கள்.

2. அவசியம் தேவை என்றால் மட்டுமே விலை கொடுத்து வாங்குங்கள் .

பொன்மொழி :

வெற்றிக்கும் தோல்விக்கும் சிறு வித்தியாசம் தான், கடமையை சரியாக செய்தால் வெற்றி,கடமைக்கு செய்தால் தோல்வி.

பொது அறிவு :

1. இந்திய மாநிலங்கள் எதன் அடிப்படையில் பிரிக்கப்பட்டுள்ளன?

விடை: மக்கள் பேசும் மொழி அடிப்படையில்

2. இந்திய கட்டுப்பாட்டு தணிக்கை அலுவலரை நியமனம் செய்பவர் யார்?

விடை : குடியரசுத் தலைவர்

English words & meanings :

Broom- துடைப்பம்

Clay Pot- களிமண் பானை

வேளாண்மையும் வாழ்வும் :

மலிவான விலையிலும், எளிதில் இட மாற்றம் செய்யக் கூடியனவாகவும் இருந்ததால் விவசாயிகள் இரசாயன உரம் மற்றும் பூச்சிக்கொல்லிகளில் அதிக நாட்டம் காட்டினார்கள்.

அக்டோபர் 25

பிகாசோ, 1881-ம் ஆண்டு அக்டோபர் மாதம் 25-ம் நாள் ஸ்பெயின் நாட்டில் உள்ள மால்கா என்னுமிடத்தில் பிறந்தார். இவருடைய தந்தை, ஜோச் ரூயிசு பால்சுகா. தாய், மரியா பிகாசோ. தந்தை ஓவிய ஆசிரியர். தன்னுடைய தாய் பெயரையே பிரதானப் பெயராக வைத்துக்கொண்டார். ஓவியத்துக்காகவே தன்னுடைய வாழ்க்கையை அர்ப்பணித்த பிகாசோ, ஓவியம் வரைவதே தனி ஸ்டைல் என்றுதான் சொல்ல வேண்டும்.சிந்திக்கும் இடைவெளிகூட இல்லாமல் வேகமாக வரைவதில் பிகாசோவுக்கு இணை பிகாசோவே. தன்னுடைய வாழ்நாள் முழுவதும் கிட்டத்தட்ட 13,000-க்கும் மேற்பட்ட ஓவியங்களை வரைந்துள்ளார். பிகாசோவின் மற்றொரு பிரபலமான ஓவியம், அவர் வரைந்த ஒற்றைப் புறா. இதுதான் உலக அமைதிக்கான சின்னமாக இன்றும் பறந்துகொண்டிருக்கிறது. ``ஓவியன், இருப்பதைப் பார்த்து அப்படியே வரைந்துவிட்டுப்போவதில் என்ன புதுமையான விஷயம் இருக்கிறது? பார்க்கும் காட்சி அவன் மனதினுள் ஏற்படுத்தும் உணர்ச்சிகளைத்தான் ஓவியன் ஓவியமாக வரையவேண்டும்” என்று கூறும் பிகாசோ தன்னுடைய ஒவ்வொரு படைப்பின் வழியாகவும் சமூக, தனிமனித உணர்வுகளை தன்னுடைய இறுதிக்காலம் வரை பிரதிபலித்துக்கொண்டே இருந்தார்.

இன்று (அக்டோபர் 25) இந்த மகத்தான ஓவியனின் பிறந்தநாள்!

நீதிக்கதை

இறைவன் பெற்றது.

செல்வந்தர் ஒருவர் இருந்தார். ஒரு நாள் அவர் தனது தோட்டத்தில் இருந்த வாழை

குலை ஒன்றை கோவிலில் கொடுத்து வருமாறு தனது பணியாளரிடம் கொடுத்து அனுப்பினார்.

பணியாளர் எடுத்துச் செல்லும் வழியில் மிகவும் பசியாக இருந்ததால, அந்த வாழைக் குலையிலிருந்து  இரண்டு பழங்களை சாப்பிட்டு விட்டார்.

மீதியை கோவிலில் ஒப்படைத்தார்.

அன்று இரவு செல்வந்தர் ஒரு கனவு கண்டார். கனவில் இறைவன் வந்து  "நீ கொடுத்த இரண்டு பழங்களை நான் சாப்பிட்டேன். மிகவும் ருசியாக இருந்தது" என்றார்.

செல்வந்தர் மிகவும் கோபம் கொண்டார். ஒரு வாழை குலை நிறைய பழங்களை கொடுத்து அனுப்பிய போதும் இறைவனுக்கு இரண்டு பழங்கள் மட்டுமே  சென்றடைந்துள்ளது மீதி பழங்கள் எங்கே? என்று   கோபத்துடன் மனதில் எண்ணினார்.

அடுத்த நாள் காலை அந்த பணியாளரை அழைத்து  அதைப்பற்றி விசாரித்தார். அப்போது அந்தப் பணியாளர் "ஐயா நான்  பசியாக இருந்ததால் இரண்டு பழங்களை மட்டும் சாப்பிட்டு விட்டேன். மீதியை கோவிலில் ஒப்படைத்தேன்"என்று கூறினார்.அப்பொழுதுதான்  அவர் பசியுடன் சாப்பிட்ட இரண்டு பழங்கள் மட்டுமே இறைவனுக்கு கொடுத்ததாக அர்த்தம் என்று செல்வந்தருக்கு புரிந்தது.

நீதி:   தேவைப்படுபவருக்கு கொடுப்பதே, இறைவனுக்குக் கொடுத்ததற்கு சமம்.

இன்றைய செய்திகள்

25.10.2024

* புதுடில்லி: டில்லியில், 2025 ஜன. 1ம் தேதி வரை பட்டாசு விற்க தடை விதிக்கவும், பட்டாசு கிடங்குகளுக்கு சீல் வைக்கவும், டில்லி கோர்ட் உத்தரவிட்டுள்ளது.

• டானா' புயல் கரையை கடக்க உள்ள நிலையில் ஒடிசா மற்றும் மேற்கு வங்காளத்தில் தீவிர முன்னெச்சரிக்கை நடவடிக்கைகள் மேற்கொள்ளப்பட்டுள்ளன.

• 20 பேரை ஏற்றிச் செல்லும் திறன் கொண்ட ரோபோவான் என்ற பெரிய தானியங்கி டாக்சியை எலான்மஸ்க் அறிமுகப் படுத்தினார்.

• சென்னை:முதல்வர் கோப்பைக்கான விளையாட்டு போட்டியில் வெற்றி பெற்ற வீரர்களுக்கு கோப்பைகள் வழங்கும் போது  '' விளையாட்டு துறையில் இந்தியா மட்டுமல்லாமல், உலகத்தின் கவனத்தை ஈர்க்கும் மாநிலமாக தமிழகம் புகழ்பெற்றுள்ளது,'' என முதல்வர் ஸ்டாலின் பேசினார்.

• தீபாவளி பண்டிகைக்காக நாடு முழுதும் 7 ஆயிரம் சிறப்பு ரயில்கள்: மத்திய அரசு ஏற்பாடு.

• வியன்னா ஓபன் டென்னிஸ்; அலெக்சாண்டர் ஸ்வெரேவ் காலிறுதிக்கு முன்னேற்றம்.

Today's Headlines

* New Delhi: In Delhi, 2025 Jan. The Delhi court has ordered that the sale of firecrackers be banned and that firecracker warehouses be sealed until the 1st.

* Extreme precautionary measures have been taken in Odisha and West Bengal as Cyclone Dana approaches the coast.

* Elanmusk introduced RoboVan, a large automated taxi capable of carrying 20 people.

.• Chennai: "Tamil Nadu is renowned as a state that attracts the attention of not only India but also the world in the field of sports," said Chief Minister Stalin while handing over the trophies to the players who won the sports competition for the Chief Minister's Cup.

* 7,000 special trains across the country for Diwali festival: Central Govt.

* Vienna Open Tennis; Alexander Zverev advances to quarterfinals

Prepared by

Covai women ICT_போதிமரம்