பொதுத்துறை வங்கிகளின் இணையவழி சேவை வாடிக்கையாளர் பராமரிப்பு எண்கள்...
வங்கி வாடிக்கையாளர்கள் கவனத்திற்கு – வீட்டில் பாதுகாப்பாக இருங்கள், நாங்கள் இணையவழி சேவைகளை வழங்குகிறோம் என முழு ஊரடங்கு நீட்டிப்பு காரணமாக வங்கிகள் தங்கள் வாடிக்கையாளர்களுக்கான ஆன்லைன் சேவைகளுக்கான அறிவிப்புகளை வெளியிட்டுள்ளன.
நாடு முழுவதும் கொரோனா தொற்று பரவல் அச்சுறுத்தல் காரணமாக வங்கிகள் தங்கள் வாடிக்கையாளர்களுக்கான ஆன்லைன் சேவைகளுக்கான அறிவிப்புகளை வெளியிட்டுள்ளது.
நாடு முழுவதும் கொரோனா தொற்று காரணமாக வங்கிகள் தங்களின் வாடிக்கையாளர்களை முக்கிய தேவைகளை தவிர வங்கிக்கு வர வேண்டாம் என்று அறிவுறுத்தியுள்ளது. இதனால் பல வங்கிகள் வாடிக்கையாளர் பராமரிப்பு எண்களை வழங்கியுள்ளன மற்றும் அவற்றின் ஆன்லைன் சேவைகளை புதுப்பித்துள்ளன, இதனால் வாடிக்கையாளர்கள் வங்கி சேவைகளைப் பெறுவதற்காக வங்கிக்கு செல்ல வேண்டிய அவசியமில்லை.
ஸ்டேட் பாங்க் ஆப் இந்தியா (எஸ்பிஐ), பஞ்சாப் நேஷனல் வங்கி (பிஎன்பி), கனரா வங்கி மற்றும் பாங்க் ஆப் பரோடா (பிஓபி) ஆகியவை தங்களது அதிகாரப்பூர்வ ட்விட்டர் கணக்குகள் மூலம் இந்த தகவலை வெளியிட்டுள்ளது.
ஸ்டேட் பாங்க் ஆப் இந்தியா (எஸ்பிஐ) இரண்டு வாடிக்கையாளர் பராமரிப்பு எண்களை வழங்கியுள்ளது. “வீட்டில் பாதுகாப்பாக இருங்கள், நாங்கள் இணையவழி சேவைகளை வழங்குகிறோம். இது உங்கள் அவசர வங்கி தேவைகளுக்கு உதவும். எங்கள் கட்டணமில்லா எண்ணை 1800 112 211 அல்லது 1800 425 3800 ஐ அழைக்கவும்” என்று SBI வங்கி ட்வீட் செய்துள்ளது.
கனரா வங்கி வாடிக்கையாளர் சேவைக்காக 1800 425 0018, 1800 208 3333, 1800 103 0018, மற்றும் 1800 3011 3333 என்ற பராமரிப்பு எண்களை வழங்கியுள்ளது. இதனால் வங்கியின் வாடிக்கையாளர்கள் எந்த சிரமமும் இல்லாமல் வங்கி சேவைகளைப் பெற முடியும். வாடிக்கையாளர்கள் நேரடியாக வங்கிக்கு வராமல் இணையவழி சேவையை பெற்றுக் கொள்ளுமாறு அறிவுறுத்தியுள்ளது.
பாங்க் ஆப் பரோடா வாடிக்கையாளர் சேவைக்காக 1800 1213721 மற்றும் 1800 1037188 என்ற வாடிக்கையாளர் பராமரிப்பு எண்களையும் பாங்க் ஆஃப் பரோடா வழங்கியுள்ளது. பாங்க் ஆப் பரோடா, பணத்தை பெறுவதற்கு வங்கிகளில் நீண்ட வரிசையில் நிற்பதை தவிர்த்து. பாதுகாப்பான முறையில் உங்கள் பணத்தை இணையவழியில் பெற்றுக் கொள்ளுங்கள் என்று ட்வீட் செய்துள்ளது.
பஞ்சாப் நேஷனல் வங்கி தனது வாடிக்கையாளர் சேவைக்காக 1-800-180-2222 மற்றும் 1-800-103-2222 என்ற எண்களை வழங்கியுள்ளது. இந்த வங்கியின் வாடிக்கையாளர்கள் இணைய வழியில், காசோலை புத்தகம், கட்டண ஆர்டர்கள், வரைவு, வாழ்க்கை சான்றிதழ், டி.டி.எஸ் / படிவம் 16 சான்றிதழ், 15 ஜி / எச் படிவங்கள் மற்றும் கணக்கு அறிக்கை போன்ற வசதிகளை பெறலாம் என்று தனது அதிகாரபூர்வ அறிக்கையில் வங்கி நிர்வாகம் தெரிவித்துள்ளது.
