பட்டியலின (SC /ST) மாணவ மாணவிகளுக்கு வருமானச் சான்றிதழ் கணக்கீட்டில் அரசு ஊழியராகப் பணிபுரியும் தாய்/ தந்தையின் ஊதியத்தில் அகவிலைப்படி (DA) மற்றும் வீட்டு வாடகைப் படி (HRA) கணக்கிடக்கூடாது என்பதற்கான நெறிமுறை - ஆதிதிராவிடர் நல இயக்குநரின் கடிதம் (Norms for Non-Caluculation of DA and HRA in income certificate calculation of Government Servant mother/father for Scheduled Castes (SC/ST) students - Letter from Director of Adi Dravidar Welfare) நே.மு.க.எண்: அய்1/ 28791/ 2015, நாள்: 01-03-2016...

அரசுப் பணியில் இருக்கும் எஸ்சி / எஸ்டி பணியாளர்களின் குழந்தைகள் கல்வி உதவித்தொகை பெற வருமானச் சான்று, அரசு அறிவித்த அகவிலைப்படி இல்லாமல் அடிப்படை ஊதியத்தின் அடிப்படையில் வருமானச் சான்று வழங்கும் அரசுக் கடிதம்...

>>> பட்டியலின (SC /ST) மாணவ மாணவிகளுக்கு வருமானச் சான்றிதழ் கணக்கீட்டில் அரசு ஊழியராகப் பணிபுரியும் தாய்/ தந்தையின் ஊதியத்தில் அகவிலைப்படி (DA) மற்றும் வீட்டு வாடகைப் படி (HRA) கணக்கிடக்கூடாது என்பதற்கான நெறிமுறை - ஆதிதிராவிடர் நல இயக்குநரின் கடிதம் (Norms for Non-Caluculation of DA and HRA in income certificate calculation of Government Servant mother/father for Scheduled Castes (SC/ST) students - Letter from Director of Adi Dravidar Welfare) நே.மு.க.எண்: அய்1/ 28791/ 2015, நாள்: 01-03-2016...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

பட்டியலின (SC /ST) மாணவ மாணவிகளுக்கு வருமானச் சான்றிதழ் கணக்கீட்டில் தாய்/ தந்தையின் ஊதியத்தில் DA மற்றும் HRA கணக்கிடக்கூடாது என்பதற்கான நெறிமுறை....

நடுவணரசு  திட்டத்தின் கீழ் பார்வை ஆறில் குறிப்பிட்டுள்ள அரசானைப்படி 2012-13 ஆம் ஆண்டு  முதல் வருமான வரம்பு 2.50 லட்சம் என நிர்ணயம் செய்யப்பட்டுள்ளது. அதேபோல் மாநில அரசு போஸ்ட் மெட்ரிக் திட்டத்தின் கீழ் பார்வை மூன்றில் குறிப்பிட்டுள்ள அரசாணைப்படி 2012-13  ஆம் கல்வியாண்டு முதல் வருமானவரம்பு 2 லட்சம் என நிர்ணயம் செய்யப்பட்டுள்ளது.

 நடுவணரசு  மெட்ரிக் உதவி தொகை திட்டத்தின்  வரைமுறைகளின் படி அரசு ஊழியர்களின் பிள்ளைகளுக்கு கல்வி உதவித்தொகை விண்ணப்பிக்கும் போது அரசு ஊழியரின் ஊதியம் உள்ளிட்ட பல்வேறு வகை மூலங்களின் மூலம் அவர்கள் குடும்ப ஆண்டு வருமான கணக்கிடும் பொழுது அத்தகைய கணக்கீட்டின் மூலம் அவர் பெறும் வீட்டு வாடகை எப்படி கணக்கில் கொள்ளாமல் வருமானம் கணக்கிட வேண்டும் என்பது அறிவுறுத்தப்பட்டுள்ளது.

அதே போன்று மாநில அரசு ஊழியர்களின் போஸ்ட் மெட்ரிக் கல்வி உதவித்தொகை திட்ட வரைமுறைகளின் படி தமிழக அரசு ஊழியரின் ஊதியம் உள்ளிட்ட பல்வேறு வகையை மூலங்களின் மூலம் அவர்தம் குடும்ப ஆண்டு வருமானம் கணக்கிடும் பொழுது அவர் பெரும் அகவிலைப்படியை நீக்கி வருமானம் கணக்கிட அறிவுறுத்தப்பட்டுள்ளது.

 இதன் மூலம் வருமானவரம்பு காரணமாக மைய அரசு போஸ்ட் மெட்ரிக் கல்வி உதவித்தொகை திட்டத்தில் பயன்பெற இயலாத ஆதிதிராவிடர் பழங்குடியினர் மற்றும் கிறிஸ்தவ மதத்தினருக்கு மாறிய ஆதிதிராவிடர் இனத்தினை சார்ந்த தமிழக அரசு ஊழியரின் பிள்ளை வேறு வருமான மூலங்கள் ஏதும் இல்லாத நிலையில் அரசு ஊழியர் பெறும் அகவிலைப்படி நீக்கி வருமானம் கணக்கிடும் பொழுது மாநில அரசு திட்டத்தின் கீழ் பயன்பெற இயலும்.

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

கரூர் புத்தக கண்காட்சி 2022 - 19-08-2022 முதல் 29-08-2022 வரை - நாள்தோறும் நடைபெறும் தொடர் நிகழ்வுகள் (Karur Book Fair 2022 - 19th to 29th August - Daily Events)...

>>> கரூர் புத்தக கண்காட்சி 2022 - 19-08-2022 முதல் 29-08-2022 வரை - நாள்தோறும் நடைபெறும் தொடர் நிகழ்வுகள் (Karur Book Fair 2022 - 19th to 29th August - Daily Events)...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

பள்ளி காலை வழிபாட்டு செயல்பாடுகள்- 15.08.2022 - School Morning Prayer Activities...

 பள்ளி காலை வழிபாட்டு செயல்பாடுகள்- 15.08.2022 - School Morning Prayer Activities...

 திருக்குறள் :

பால்:பொருட்பால்

இயல்:குடியியல்

அதிகாரம்: குடி செயல் வகை

குறள் : 1027

அமரகத்து வன்கண்ணர் போலத் தமரகத்தும்

ஆற்றுவார் மேற்றே பொறை.

பொருள்:

போர்க்களத்தில் எதிர்ப்புகளைத் தாங்கிப் படை நடத்தும் பொறுப்பு அதற்கான ஆற்றல் படைத்தவர்களிடம் இருப்பது போலத்தான் குடிமக்களைக் காப்பாற்றி உயர்வடையச் செய்யும் பொறுப்பும் அவர்களைச் சேர்ந்த ஆற்றலாளர்களுக்கே உண்டு

பழமொழி :

The end must justify the means.

இலட்சியத்தை அடைவதில் நேர்மை வேண்டும்.

இரண்டொழுக்க பண்புகள் :

1. நமக்கு சுதந்திரம் பெற்று தந்த தியாகிகள் குறித்து அறிந்து கொள்ள முயல்வேன்.

2.அவர்களின் தியாகம் மற்றும் ஒழுக்கம் நிறைந்த வாழ்வை போலவே நானும் வாழ முயற்சி செய்வேன்.

பொன்மொழி :

நாம் எப்போதும் நம்பிக்கையை

தளரவிடாமல்.. மேலும் நல்லதை

செய்ய முயற்சிக்க வேண்டும்..!

பொது அறிவு :

 1. சுதந்திர தினத்தன்று இந்திய படைவீரர்களுக்கு வழங்கப்படும் விருதுகள் யாவை

போர்கால வீரதீர விருது:

பரம் வீர் சக்ரா, மகாவீர் சக்ரா, வீர் சக்ரா

  அமைதிகால வீரதீர விருது :

அசோக சக்ரா , கீர்த்தி சக்ரா , செளரியா சக்ரா

2. ஆகஸ்ட் - 15 ஆம் சுதந்திர தினத்தை அனுசரிக்கும் மற்ற நாடுகள் எவை?

தென்கொரியா , காங்கோ , பஹ்ரைன்

English words & meanings :

re·flec·tiv·i·ty - the ability to reflect something. எதிரொளிக்க கூடிய அல்லது அமைதியாக சிந்திக்க கூடிய தன்மை

ஆரோக்ய வாழ்வு :

நாவல் மரத்தின் பழம் ,இலை ,மரப்பட்டை  மற்றும்  விதை என அனைத்துமே மருத்துவ குணங்கள் கொண்டவை ஆகும் .

NMMS Q 41:

தாஜ்மஹாலின் தலைமை சிற்பி யார்? 

விடை : உஸ்தத் இஷா

ஆகஸ்ட்  15

இந்திய விடுதலை நாள் ஒவ்வொரு ஆண்டும் ஆகஸ்ட் 15 ஆம் தேதி கொண்டாடப்படுகிறது. 1947 ஆகஸ்ட் 15ல் பிரிட்டிஷ் ஆட்சியிலிருந்து விடுதலை அடைந்து தனி விடுதலை நாடானதை குறிக்கும் இந்த நாள் அரசு விடுமுறையாகும். இந்த நாளில் நாடு முழுவதும் தேசியக்கொடி ஏற்றப்பட்டு மரியாதை செலுத்தப்படும்.

இந்த நாளில் இந்தியப் பிரதமர் தில்லி செங்கோட்டையில் தேசியக்கொடி ஏற்றி நாட்டு மக்களுக்கு உரையாற்றுவார். அப்போது சுதந்திர போராட்ட தியாகிகள் நினைவுகூரப்பட்டு மரியாதை செலுத்தப்படுவர். பிரதமர் சென்ற ஆண்டு நாடு அடைந்த வளர்ச்சியையும், வரும் ஆண்டுக்கான குறிக்கோள்களையும் நாட்டு மக்களுக்கு அறிவிப்பார்.

ஒவ்வொரு மாநிலத் தலைநகரத்திலும் மாநில முதலமைச்சர் தேசியக் கொடியை ஏற்றி வைத்து நாட்டு மக்களுக்கு உரையாற்றுவதுடன் நலத்திட்ட உதவிகளையும் வழங்குவர். இதுபோல் மாவட்ட அளவில் மாவட்ட ஆட்சித் தலைவர்களும், அரசு அலுவலகங்களில் அதன் உயரதிகாரிகளும், பள்ளி, கல்லூரிகளில் தலைமை ஆசிரியர்/முதல்வர் அல்லது சிறப்பு விருந்தினராக அழைக்கப் பெற்றவர்கள் கொடியேற்றி வைத்து சிறப்புரையாற்றுவர்.[

நீதிக்கதை

பூவா தலையா

ஒரு முறை ராஜா எதிரிகளை தாக்க ஓர் இராணுவ படை ஒன்றை தயார் செய்து போருக்கு தயாரானார். அவர் எப்படியும் இந்த போரில் வெற்றி பெறுவோம் என்று நம்பிக்கையுடன் இருந்தார். ஆனால் அந்த படையினரோ பெரும் சந்தேகத்துடனேயே இருந்தனர். அனைவரும் சோர்ந்து போய் நம்பிக்கையின்றி இருந்தார்கள். 

இதனால் அந்த ராஜா தன் படை வீரர்களுக்கு தைரியத்தை வரவழைக்க என்ன செய்யலாம் என்று ஒரு ஜென் துறவியைப் பார்த்து, கேட்கச் சென்றார். 

அப்போது அந்த துறவி ராஜாவிடம், ஒரு யோசனையை சொன்னார். அதேப்போல் ராஜாவும் செய்தார். அது என்னவென்றால்,

அந்த ராஜா போர் செல்லும் வழியில், அவர்கள் குல தெய்வ கோவிலில் நிறுத்தி பிரார்த்தனை செய்து விட்டு ஒரு நாணயத்தை எடுத்து வீரர்களின் முன் காண்பித்து நான் இப்போது இந்த நாணயத்தை சுழற்றி விடுவேன், தலை விழுந்தால் நாம் வெற்றி பெறுவோம் இல்லையேல் போரில் தோற்போம் என்று துறவி சொன்னதைச் சொன்னார். 

வீரர்களிடம் நம் தலை விதியை இந்த நாணயம் நிர்ணயிக்கட்டும் என்று கூறி நாணயத்தை சுழற்றினார். அனைவரும் அதை கூர்ந்து கவனித்தனர். 

அப்போது தலை விழுந்தது. அதனால் அந்த வீரர்கள் நாம் நிச்சயம் வெற்றி பெறுவோம் என்று நம்பிக்கையுடனும் சந்தோசத்துடனும் எதிரிகளை தாக்க தயாரானார்கள். 

யுத்தத்தில் வெற்றியும் பெற்றனர். யுத்தத்திற்கு பின்னர், துணை மந்திரி விதியை யாராலும் மாற்ற முடியாது என்று ராஜாவிடம் சொல்ல ஆம், என்று ராஜா சொல்லி அந்த நாணயத்தின் இரு பக்கத்திலும் தலை இருப்பதை காண்பித்தார். 

நம்பிக்கையுடன் செயல்பட்டால் எத்தகைய காரியத்தையும் எளிதில் வெல்லலாம், விதியையும் மாற்றி அமைக்கலாம்.

இன்றைய செய்திகள்

15.08.22

# நம் இந்திய நாட்டின் 75-வது சுதந்திர தினம் இன்று நாடு முழுவதும் கோலாகலமாக கொண்டாடப்படுகிறது.

# பள்ளிகளில் காலை உணவு திட்டத்துக்கு ஒருங்கிணைப்பு அலுவலர் நியமனம் - அரசாணை வெளியிட்டது தமிழக அரசு.

# 2022-ம் ஆண்டு சுதந்திர தினத்தை முன்னிட்டு 15 காவல்துறை அதிகாரிகளுக்கு பொதுச் சேவைக்கான பதக்கங்கள் மற்றும், காவல் புலன் விசாரணைக்கான சிறப்புப்பணிப் பதக்கங்களை அறிவித்து தமிழக அரசு அறிவிப்பு வெளியிட்டுள்ளது.

# உலகின் மிக உயரமானதாக கருதப்படும் செனாப் ரயில்வே பாலம்  ஜம்மு காஷ்மீரில் திறப்பு.

# நமது தேசிய கீதம் ரவீந்திரநாத் தாகூரால் இயற்றப்பட்டு, அதனை ஆந்திர மாநிலம் மதனபள்ளியில் ஆங்கிலத்தில் ‘மார்னிங் சாங் ஆஃப் இந்தியா’ என மொழி பெயர்க்கப்பட்டு, அவர் மூலமாகவே பாடப்பட்டு 104 ஆண்டுகள் ஆகின்றன.

# சர்ச்சையை ஏற்படுத்திய சீன உளவுக் கப்பலான யுவான் வாங்க்-5 வருகைக்கு இலங்கை அரசு அனுமதி அளித்துள்ளது.

# ரஷ்யாவின் சொத்துகளை அமெரிக்கா முடக்கும் பட்சத்தில் அந்த நாட்டுடனான உறவை முறித்துக் கொள்ள  தயங்காது என ரஷ்யா எச்சரிக்கை.

# ஆசிய ஜூனியர் கைப்பந்து: இந்திய அணி அறிவிப்பு.

# உலக ஸ்னூக்கர் போட்டியில் சென்னை வீரர், வீராங்கனை பங்கேற்பு.

# கேலோ இந்தியா யு-16 மகளிர் ஹாக்கி லீக் - ஆகஸ்ட் 16 ஆம் தேதி தொடக்கம்.

Today's Headlines

# Today the 75th Independence Day of our country India is being celebrated with great fervor across the country.

# Government of Tamil Nadu has issued an order appointing a coordination officer for the breakfast program in schools.

 # The Tamil Nadu government has issued a notification announcing the public service medals and special service medals for the police investigation to 15 police officers on the eve of Independence Day 2022.

 # Chenab Railway Bridge, considered to be the highest in the world was inaugurated in Jammu and Kashmir.

# It has been 104 years since our National Anthem was composed by Rabindranath Tagore, translated into English as 'Morning Song of India' in Madanapally, Andhra Pradesh, and sung by him.

 # The Sri Lankan government has given permission for the visit of the controversial Chinese spy ship Yuan Wang-5.

 # Russia has warned that it will not hesitate to cut its relationship with the country if the US freezes its assets.

 # Asian Junior Volleyball: Indian Team Announcement

 # Chennai player participated in world snooker tournament.

 # Gallow India U-16 Women's Hockey League - Starts on 16th August.

சுதந்திர திருநாளையொட்டி தமிழ்நாடு முதலமைச்சர் இன்று (15.8.2022) தலைமைச் செயலகக் கோட்டை முகப்பில் தேசியக் கொடியை ஏற்றி வைத்து ஆற்றிய உரை (பக்கம் 8ல் அகவிலைப் படி குறித்த செய்தி) செய்தி வெளியீடு எண்: 1411, நாள்: 15-08-2022 [Tamil Nadu Chief Minister's speech today (15.8.2022) on the occasion of Independence Day by hoisting the national flag in front of the Chief Secretariat Fort (Dearness Allowance news on page 8)]......

>>> சுதந்திர திருநாளையொட்டி தமிழ்நாடு முதலமைச்சர் இன்று (15.8.2022) தலைமைச் செயலகக் கோட்டை முகப்பில் தேசியக் கொடியை ஏற்றி வைத்து ஆற்றிய உரை (பக்கம் 8ல் அகவிலைப் படி குறித்த செய்தி) [Tamil Nadu Chief Minister's speech today (15.8.2022) on the occasion of Independence Day by hoisting the national flag in front of the Chief Secretariat Fort (Dearness Allowance news on page 8)]...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

சென்னை ஜார்ஜ் கோட்டையில் தேசியக் கொடியை ஏற்றினார் முதலமைச்சர் ஸ்டாலின். பின்னர் சுதந்திர தின உரை நிகழ்த்தினார். அப்போது அவர் கூறியதாவது:

எண்ணற்ற தியாகிகளின் தன்னலமற்ற தியாகத்தால் பெற்ற விடுதலை இது. விடுதலை போராட்ட வீரர்களுக்கான மாதாந்திர ஒய்வூதியத்தொகை இன்று முதல் 18 ஆயிரத்திலிருந்து 20 ஆயிரமாக உயர்த்தி வழங்கப்படும்.

குடும்ப ஒய்வூதியம் ரூ.9,000 லிருந்து ரூ.10,000 ஆக உயர்த்தி வழங்கப்படும். வழித் தோன்றல்களுக்கான மாதாந்திர சிறப்பு ஒய்வூதியம் ரூ 9,000 லிருந்து ரூ.10,000 ஆக உயர்த்தி வழங்கப்படும்.

மத்திய அரசுப் பணியாளர்களுக்கு இணையாக மாநில அரசுப் பணியாளர்களுக்கும் அகவிலைப்படியை உயர்த்தி வழங்கிடும் கோரிக்கையை ஏற்று கடுமையான நிதிச்சுமைக்கு இடையிலும் அரசு அலுவலர்கள் மற்றும் ஒய்வூதியதாரர்கள் மற்றும் குடும்ப ஒய்வூதியர்களுக்கு 1.07.22 முதல் அகவிலைப்படி 31% இருந்து 34% உயர்த்தி வழங்கப்படும்.

இதன்மூலம் 16 இலட்சம் பேர் பயன்பெறுவர். அரசுக்கு ஆண்டுக்கு ரூ.1,947 கோடி  கூடுதலாக செலவாகும்.

இந்திய விடுதலைப் போராட்டத்தில் தமிழ்நாட்டின் 260 ஆண்டுகால தொடர் பங்களிப்பு குறித்து எதிர்கால இளம் சமுதாயம் அறிந்துகொள்ளும் வகையில் விடுதலை நாள் அருங்காட்சியகம் சென்னையில் அமைக்கப்படும்.

எளிமை, இனிமை, நேர்மை, ஒழுக்கம், மனித நேயம், மதச்சார்பின்மை, சமத்துவம், சகோதரத்துவம் ஆகியவற்றின் அடையாளமாக இருக்கிறார் அண்ணல் காந்தியடிகள்.

இன்றைக்கு நாட்டுக்கு அவசிய, அவசரமான கொள்கைகள் இவைதான். இத்தகைய அனைத்து மனித நேயக் கொள்கைகளும் கொண்ட திராவிட மாடல் ஆட்சியைத்தான் நாம் நடத்தி வருகிறோம்.

சென்னையில் விடுதலை நாள் அரங்காட்சியகம் அமைக்கப்படும்.

சுதந்திரப் போராட்ட வீரர்களின் வழித்தோன்றல்களுகக்கான ஓய்வூதியம் உயர்த்தப்படும். அவர்களுக்கு சிறப்பு ஓய்வூதியம் ரூ.9 ஆயிரம் வழங்கப்பட்டு வந்தது. இனி ரூ.10ஆயிரம் வழங்கப்படும். காசியில் உள்ள பாரதியார் நினைவு இல்லத்தை மேம்படுத்த நிதி ஒதுக்கப்படும்.

கடந்த ஓராண்டில் தமிழக பல்துறை சார்ந்த வளர்ச்சியை சந்தித்து வருகிறது. மகளிர் இலவச பேருந்து பயணத் திட்டம், வேளாண்மைக்கு தனி பட்ஜெட் என உள்ளிட்ட சாதனைகளை திமுக அரசு நிகழ்த்தி வருகிறது. செஸ் விளையாட்டுப் போட்டியையும் சிறப்பாக நடத்திக் காட்டியிருக்கிறோம் என்றார் முதலமைச்சர் ஸ்டாலின்.

இன்றைய முக்கிய நிகழ்வுகள் சில:

சென்னை, தலைமைச் செயலகக் கோட்டை முகப்பில், தேசியக் கொடியேற்று விழாவிற்கு வருகை தந்த மாண்புமிகு முதலமைச்சர் அவர்களுக்கு முப்படைகளின் உயர் அதிகாரிகள், தமிழ்நாடு காவல்துறை உயர் அதிகாரிகள் ஆகியோரை தலைமைச் செயலாளர் முனைவர் வெ.இறையன்பு, இ.ஆ.ப., அவர்கள் அறிமுகப்படுத்தி வைத்தார்...

சென்னை, தலைமைச் செயலகக் கோட்டை முகப்பில் நடைபெற்ற சுதந்திரத் திருநாள் விழாவில், துணிவு மற்றும் சாகசச் செயலுக்கான கல்பனா சாவ்லா விருதினை நாகப்பட்டினம் மாவட்டத்தைச் சேர்ந்த திருமதி பா. எழிலரசி அவர்களுக்கு மாண்புமிகு முதலமைச்சர் அவர்கள் வழங்கி சிறப்பித்தார்...

சென்னை, தலைமைச் செயலகக் கோட்டை முகப்பில் நடைபெற்ற சுதந்திரத் திருநாள் விழாவில், இந்தியக் கம்யூனிஸ்ட் கட்சியின் மூத்த தலைவர் திரு.ஆர்.நல்லகண்ணு அவர்களுக்கு தகைசால் தமிழர் விருதுடன் ரூ.10 லட்சத்திற்கான காசோலை, பாராட்டுச் சான்றிதழை மாண்புமிகு முதலமைச்சர் அவர்கள் வழங்கினார்...

பரிசுத்தொகை ரூ.10,00,000உடன் ரூ.5000 சேர்த்து முதலமைச்சர் நிவாரண நிதிக்கு அளித்தார் திரு.நல்லகண்ணு அவர்கள்...

சென்னை, தலைமைச் செயலகக் கோட்டை முகப்பில் நடைபெற்ற சுதந்திரத் திருநாள் விழாவில், டாக்டர் ஆ.ப.ஜெ.அப்துல்கலாம் விருதுக்கான தங்கப் பதக்கம், காசோலை மற்றும் பாராட்டுச் சான்றிதழை பாளையங்கோட்டை, தூய சவேரியார் கல்லூரி, சவேரியார் ஆய்வு நிறுவனத்தின் இயக்குநர் முனைவர் ச. இஞ்ஞாசிமுத்து அவர்களுக்கு மாண்புமிகு முதலமைச்சர் அவர்கள் வழங்கி சிறப்பித்தார்...

அரசு ஊழியர் ஆசிரியர்களுக்கு 01.07.22 முதல் அகவிலைப்படியானது 3% உயர்த்தி 31%ல் இருந்து  34% ஆக  வழங்க உத்தரவு - முதல்வர் மு.க.ஸ்டாலின் அறிவிப்பு...

சென்னை தலைமைச் செயலகத்தில் உள்ள கோட்டை கொத்தளத்தில் 76ஆவது சுதந்திர தின விழாவில் தமிழ்நாடு முதலமைச்சர் மு.க.ஸ்டாலின் தேசியக்கொடியை ஏற்றிவைத்தார்.

நிகழ்ச்சியில் கலந்து கொள்வதற்காக வீட்டில் இருந்து வந்த முதலமைச்சர் மு.க.ஸ்டாலினை, போர் நினைவுச்சின்னத்தில் இருந்து அவரது காரின் முன்னாலும் பின்னாலும் சென்னை போலீசாரின் மோட்டார் சைக்கிள்கள் புடைசூழ அழைத்து வந்தனர். கோட்டை கொத்தளத்தின் முன் அணிவகுப்பு மரியாதை மேடை அருகே இறங்கிய ஸ்டாலினை பூங்கொத்து கொடுத்து தலைமைச் செயலாளர் இறையன்பு வரவேற்றார்.

தமிழ்நாடு காவல்துறையின் அணிவகுப்பை பார்வையிட்ட முதலமைச்சர் ஸ்டாலின் தென்னிந்திய தலைமை படைத்தலைவர், தமிழ்நாடு மற்றும் புதுச்சேரி கடற்படை அதிகாரி, தாம்பரம் விமானப்படைத்தளம் விமானப்படை அதிகாரி, கிழக்கு மண்டல கடலோர காவல்படை இன்ஸ்பெக்டர் ஜெனரல், தமிழக டி.ஜி.பி. சைலேந்திர பாபு, சென்னை போலீஸ் கமிஷனர் சங்கர் ஜிவால், கூடுதல் டி.ஜி.பி. (சட்டம் ஒழுங்கு) ஆகியோரை மரபுப்படி முதலமைச்சருக்கு தலைமைச் செயலாளர் இறையன்பு அறிமுகம் செய்துவைத்தார்.

 பின்னர் முதலமைச்சர் ஸ்டாலின் கமாண்டோ படை, குதிரைப்படை, பெண் காவலர்கள் உள்ளிட்ட 7 படைப்பிரிவினரின் அணிவகுப்பு மரியாதையை ஏற்றுக்கொண்டார். அதைத்தொடர்ந்து முதலமைச்சர் மு.க.ஸ்டாலின் திறந்தவெளி ஜீப்பில் சென்று போலீஸ் அணிவகுப்பை பார்வையிட்டார். பின்னர் கோட்டை கொத்தளத்துக்கு திரும்பிய முதலமைச்சர் மு.க ஸ்டாலின், தேசியக்கொடியை ஏற்றி வைத்தார். அப்போது மூவர்ண பலூன்கள் பறக்கவிடப்பட்டு, போலீஸ் பேண்டு வாத்தியக்குழுவினர் தேசிய கீதத்தை இசைத்தனர். அதைத்தொடர்ந்து முதலமைச்சர் மு.க.ஸ்டாலின் உரையாற்றினார்.

அப்போது , 'மாநில அரசின் இந்திய விடுதலைப் போராட்ட வீரர்களுக்கான மாதாந்திர ஓய்வூதியத் தொகை, ஆகஸ்ட் - 15 ஆம் நாள் முதல், ரூபாய் 18 ஆயிரத்தில் இருந்து ரூபாய் 20 ஆயிரம் ரூபாயாக உயர்த்தி வழங்கப்படும். குடும்ப ஓய்வூதியம் ரூபாய் 9 ஆயிரத்தில் இருந்து 10 ஆயிரம் ரூபாயாக உயர்த்தி வழங்கப்படும்.

வீரபாண்டிய கட்டபொம்மனின் வழித்தோன்றல்கள், சிவகங்கை மருதுபாண்டியர் சகோதரர்களின் வழித்தோன்றல்கள், சிவகங்கை முத்துராமலிங்க விஜயரகுநாத சேதுபதியின் வழித்தோன்றல்கள், வ.உ.சிதம்பரனார் வழித்தோன்றல்களுக்கான மாதாந்திர சிறப்பு ஓய்வூதியம் 9 ஆயிரம் ரூபாயில் இருந்து 10 ஆயிரம் ரூபாயாக உயர்த்தி வழங்கப்படும். மற்றுமொரு மகிழ்ச்சியான அறிவிப்பையும் இந்த இனிய தருணத்தில் வெளியிட விரும்புகிறேன்.

ஒன்றிய அரசுப் பணியாளர்களுக்கு இணையாக, மாநில அரசுப் பணியாளர்களுக்கும் அகவிலைப் படியை உயர்த்தி வழங்கிடும் கோரிக்கையை ஏற்று, கடுமையான நிதிச்சுமைக்கு இடையிலும், அரசு அலுவலர்கள் மற்றும் ஓய்வூதியதாரர்கள் மற்றும் குடும்ப ஓய்வூதியதாரர்களுக்கு 1-7-2022 முதல் அகவிலைப்படி 31 விழுக்காட்டில் இருந்து 34 விழுக்காடாக உயர்த்தி வழங்கப்படும் என்பதை மகிழ்ச்சியோடு தெரிவித்துக் கொள்கிறேன். இதன் மூலம், 16 இலட்சம் பேர் பயன்பெறுவர். அரசுக்கு ஆண்டுக்கு 1,947 கோடியே 60 லட்சம் ரூபாய் கூடுதலாகச் செலவாகும்.

இந்திய விடுதலைப் போராட்டத்தில் தமிழ்நாட்டின் 260 ஆண்டு கால தொடர் பங்களிப்பு குறித்து, எதிர்கால இளம் சமுதாயம் அறிந்து கொள்ளும் வகையில், நவீன தொழில்நுட்ப வசதிகளுடன் கூடிய ‘விடுதலை நாள் அருங்காட்சியகம்’ ஒன்று சென்னையில் அமைக்கப்படும் என தெரிவித்தார்.

எளிமை - இனிமை - நேர்மை - ஒழுக்கம் - மனித நேயம் - மதச்சார்பின்மை - சமத்துவம் - சகோதரத்துவம் ஆகியவற்றின் அடையாளமாக இருக்கிறார் அண்ணல் காந்தி அவர்கள். இன்றைக்கு நாட்டுக்கு அவசிய, அவசரமான கொள்கைகள் இவைதான். இத்தகைய அனைத்து மனிதநேயக் கொள்கைகளும் கொண்ட "திராவிட மாடல்" ஆட்சியைத்தான் நாம் நடத்தி வருகிறோம்.

 சமூகநீதி - சமத்துவம் - சுயமரியாதை - மொழிப்பற்று - இன உரிமை - மாநில சுயாட்சி ஆகிய அடித்தளத்தில் நிற்கும் இயக்கம்தான் திராவிட முன்னேற்றக் கழகம். அந்த அடிப்படையில்தான் ஆட்சியும் அமைந்துள்ளது. வளர்ச்சி என்பதும் இதனை அடிப்படையாகக் கொண்டதாக அமைய வேண்டும் என்று திட்டமிட்டுச் செயல்பட்டு வருகிறோம்.தொழில் வளர்ச்சி - சமூக மாற்றம் - கல்வி மேம்பாடு ஆகிய அனைத்தும் ஒரே நேரத்தில் நடக்க வேண்டும். வளர்ச்சி என்பது பொருளாதார வளர்ச்சியாக மட்டுமல்ல, சமூக வளர்ச்சியாக இருக்க வேண்டும். பொருளாதாரம் - கல்வி - சமூகம் - சிந்தனை - செயல்பாடு ஆகிய ஐந்தும் ஒருசேர வளர வேண்டும். அதுதான் தந்தை பெரியாரும், அண்ணாவும், கருணாநிதியும் காண விரும்பிய வளர்ச்சி. அதுதான் திராவிட மாடல் வளர்ச்சி" என்று முதலமைச்சர் தெரிவித்தார்.

Today's (15-08-2022) Wordle Answer...

                                       

Wordle விளையாடும் முறை: 

ஒவ்வொரு நாளும், ஒரு ஐந்தெழுத்து சொல் தேர்ந்தெடுக்கப்படுகிறது, அதை விளையாடுவோர் ஆறு முயற்சிகளுக்குள் யூகிக்க வேண்டும். ஒவ்வொரு யூகத்திற்கும் பிறகு, ஒவ்வொரு எழுத்தும் பச்சை, மஞ்சள் அல்லது சாம்பல் என குறிக்கப்படும்.

பச்சை என்பது எழுத்து சரியானது மற்றும் சரியான இடத்தில் உள்ளது என்றும்,

 

மஞ்சள் என்பது பதிலில் உள்ளது ஆனால் சரியான நிலையில் இல்லை என்றும், 

சாம்பல் என்பது அது விடையில் இல்லை என்பதைக் குறிக்கிறது.  

 விளையாட்டில் "ஹார்ட் மோட்" விருப்பம் உள்ளது, இதற்கு வீரர்கள் பச்சை மற்றும் மஞ்சள் என குறிக்கப்பட்ட எழுத்துக்களை அடுத்தடுத்த யூகங்களில் சேர்க்க வேண்டும்.

தினசரி சொல் அனைவருக்கும் ஒன்றுதான்.

 கருத்தியல் மற்றும் ஸ்டைலிஸ்டிக் ரீதியாக, இந்த விளையாட்டு 1955 பேனா மற்றும் பேப்பர் கேம் ஜோட்டோ மற்றும் கேம் ஷோ ஃபிரான்சைஸ் லிங்கோ போன்றது.

 இந்த விளையாட்டானது இரண்டு-வீரர் பலகை விளையாட்டான மாஸ்டர்மைண்ட்-இதில் வார்த்தை யூகிக்கும் மாறுபாடு கொண்ட வேர்ட் மாஸ்டர்மைன்ட்  மற்றும் புல்ஸ் அண்ட் கவ்ஸ் விளையாட்டு, குறிப்பிட்ட எழுத்துக்களை வேர்ட்லே (Wordle) உறுதிசெய்கிறது. ஒவ்வொரு தினசரி விளையாட்டும் தோராயமாக வரிசைப்படுத்தப்பட்ட 2,315 சொற்களின் பட்டியலிலிருந்து ஒரு வார்த்தையைப் பயன்படுத்துகிறது (ஆங்கில மொழியில் உள்ள தோராயமான 12,000 ஐந்தெழுத்து வார்த்தைகளில்). 

Wordle Game Website Link: 

>>> Click Here...

Today's (15-08-2022) Wordle Answer: POKER

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

இன்றைய (15-08-2022) ராசி பலன்கள், நட்சத்திர பலன்கள்...

மேஷம்

ஆகஸ்ட் 15, 2022

வியாபாரம் நிமிர்த்தமான முதலீடுகள் அதிகரிக்கும். எதிர்பாராத சில செலவுகளின் மூலம் சேமிப்பு குறையும். மூத்த உடன்பிறப்புகளிடம் அனுசரித்து நடந்து கொள்ளவும். செயல்பாடுகளில் இருந்துவந்த கட்டுப்பாடுகள் குறையும். வெளியூர் தொடர்பான பயண வாய்ப்புகள் கைகூடும். தாமதம் குறையும் நாள்.

அதிர்ஷ்ட திசை : மேற்கு 

அதிர்ஷ்ட எண் : 7

அதிர்ஷ்ட நிறம் : இளநீலம்

அஸ்வினி : முதலீடுகள் அதிகரிக்கும். 

பரணி : அனுசரித்து செல்லவும்.

கிருத்திகை : வாய்ப்புகள் கைகூடும்.

---------------------------------------

ரிஷபம்

ஆகஸ்ட் 15, 2022

உயர் பொறுப்பில் இருப்பவர்களின் ஆதரவு கிடைக்கப் பெறுவீர்கள். மனதிற்கு விரும்பிய பொருட்களை வாங்கி மகிழ்வீர்கள். நீண்ட நாள் ஆசைகள் நிறைவேறும். அரசு தொடர்பான பணிகளில் இழுபறியான சூழ்நிலைகள் மறையும். வியாபார அபிவிருத்திக்கான எண்ணங்கள் மேம்படும். தந்தைவழி உறவினர்களின் மூலம் ஆதாயம் உண்டாகும். லாபம் நிறைந்த நாள்.

அதிர்ஷ்ட திசை : வடக்கு 

அதிர்ஷ்ட எண் : 6

அதிர்ஷ்ட நிறம் : அடர் பச்சை 

கிருத்திகை : ஆதரவு கிடைக்கும்.

ரோகிணி : இழுபறியான நாள்.

மிருகசீரிஷம் : எண்ணங்கள் மேம்படும். 

---------------------------------------

மிதுனம்

ஆகஸ்ட் 15, 2022

வெளிவட்டாரங்களில் செல்வாக்கு அதிகரிக்கும். உத்தியோக பணிகளில் பொறுப்புகள் மேம்படும். எதிராக செயல்பட்டவர்கள் விலகி செல்வார்கள். அதிர்ஷ்டகரமான சில வாய்ப்புகளின் மூலம் முன்னேற்றம் உண்டாகும். வாழ்க்கை துணைவரின் வழியில் ஒத்துழைப்பு அதிகரிக்கும். மருத்துவம் சார்ந்த துறைகளில் சாதகமான வாய்ப்புகள் அமையும். சிந்தனைகள் அதிகரிக்கும் நாள்.

அதிர்ஷ்ட திசை : கிழக்கு 

அதிர்ஷ்ட எண் : 4

அதிர்ஷ்ட நிறம் : இளநீலம் 

மிருகசீரிஷம் : செல்வாக்கு அதிகரிக்கும்.

திருவாதிரை : முன்னேற்றம் உண்டாகும்.

புனர்பூசம் : வாய்ப்புகள் அமையும்.

---------------------------------------

கடகம்

ஆகஸ்ட் 15, 2022

மனதளவில் இருந்துவந்த கவலைகள் நீங்கி புத்துணர்ச்சி பெறுவீர்கள். புதிய நபர்களின் அறிமுகம் கிடைக்கும். ஆன்மிகம் சார்ந்த தொழிலில் சாதகமான வாய்ப்புகள் உண்டாகும். சமூகம் தொடர்பான பணிகளில் ஈடுபாடு அதிகரிக்கும். ஆராய்ச்சி தொடர்பான சிந்தனைகள் மேம்படும். நிதானமான செயல்பாடுகளின் மூலம் பலரின் ஆதரவினை பெறுவீர்கள். உழைப்பு மேம்படும் நாள்.

அதிர்ஷ்ட திசை : வடக்கு 

அதிர்ஷ்ட எண் : 3

அதிர்ஷ்ட நிறம் : ஆரஞ்சு நிறம் 

புனர்பூசம் : புத்துணர்ச்சியான நாள்.

பூசம் : வாய்ப்புகள் உண்டாகும்.

ஆயில்யம் : ஆதரவு கிடைக்கும்.

---------------------------------------

சிம்மம்

ஆகஸ்ட் 15, 2022

உத்தியோகம் தொடர்பான பணிகளில் பொறுப்புகள் அதிகரிக்கும். குடும்ப விவகாரங்களில் புதிய நபர்களின் தலையீடுகளை தவிர்க்கவும். நண்பர்களின் வழியில் அலைச்சல்கள் உண்டாகும். சஞ்சலமான சிந்தனைகளின் மூலம் குழப்பம் ஏற்படும். உடல் சோர்வின் மூலம்  செயல்பாடுகளில் காலதாமதம் உண்டாகும். உதவி கிடைக்கும் நாள்.

அதிர்ஷ்ட திசை : கிழக்கு 

அதிர்ஷ்ட எண் : 4

அதிர்ஷ்ட நிறம் : பொன் நிறம்

மகம் : பொறுப்புகள் அதிகரிக்கும்.

பூரம் : அலைச்சல்கள் ஏற்படும். 

உத்திரம் : காலதாமதம் உண்டாகும்.

---------------------------------------

கன்னி

ஆகஸ்ட் 15, 2022

மனதில் வித்தியாசமான சிந்தனைகள் அதிகரிக்கும். உத்தியோக பணிகளில் பாராட்டுகளும், மதிப்புகளும் மேம்படும். சுபகாரியம் தொடர்பான எண்ணங்கள் கைகூடும். அரசு வழியில் எதிர்பார்த்த உதவி கிடைக்கும்.  நெருக்கமானவர்களின் ஒத்துழைப்பால் மகிழ்ச்சியான தருணங்கள் உண்டாகும். விழிப்புணர்வு வேண்டிய நாள்.

அதிர்ஷ்ட திசை : வடகிழக்கு 

அதிர்ஷ்ட எண் : 3

அதிர்ஷ்ட நிறம் : பிங்க் நிறம் 

உத்திரம் : மதிப்பு மேம்படும். 

அஸ்தம் : உதவி கிடைக்கும்.

சித்திரை : மகிழ்ச்சியான நாள்.

---------------------------------------

துலாம்

ஆகஸ்ட் 15, 2022

உடல் ஆரோக்கியத்தில்  இருந்துவந்த இன்னல்கள் குறையும். சொத்துக்களின் மீதான கடன் சார்ந்த உதவி சாதகமாக அமையும். சிறிய வருமானம் தரும் தொழில் தொடர்பான சிந்தனைகள் அதிகரிக்கும். மற்றவர்களின் பொருட்கள் மீதான ஆசைகள் மேம்படும். வழக்கு சார்ந்த விஷயங்களில் சில நுணுக்கங்களை புரிந்து கொள்வீர்கள். பயணங்கள் ஈடேறும் நாள்.

அதிர்ஷ்ட திசை : தென்கிழக்கு 

அதிர்ஷ்ட எண் : 5

அதிர்ஷ்ட நிறம் : இளஞ்சிவப்பு 

சித்திரை : இன்னல்கள் குறையும்.

சுவாதி : சிந்தனைகள் அதிகரிக்கும். 

விசாகம் : நுணுக்கங்களை அறிவீர்கள்.

---------------------------------------

விருச்சிகம்

ஆகஸ்ட் 15, 2022

இன்ப சுற்றுலா தொடர்பான முயற்சிகள் கைகூடும். இணையம் சார்ந்த துறைகளில் நிதானம் வேண்டும். குலதெய்வ கோவிலுக்கு செல்வதற்கான பயணங்கள் கைகூடும். தாய்மாமன் வழியில் அனுசரித்து செல்வது நல்லது. செயல்பாடுகளின் தன்மையை அறிந்து முடிவு எடுக்கவும்.  அனுபவ அறிவின் மூலம் பலதரப்பட்ட பிரச்சனைகளுக்கு தீர்வு கிடைக்கும். விவேகம் வேண்டிய நாள்.

அதிர்ஷ்ட திசை : தெற்கு 

அதிர்ஷ்ட எண் : 8

அதிர்ஷ்ட நிறம் : அடர் நீலம் 

விசாகம் : முயற்சிகள் கைகூடும். 

அனுஷம் : அனுசரித்து செல்லவும்.

கேட்டை : தீர்வு கிடைக்கும்.

---------------------------------------

தனுசு

ஆகஸ்ட் 15, 2022

நண்பர்களின் ஒத்துழைப்பு கிடைக்கப் பெறுவீர்கள். ரகசியமான செயல்பாடுகளின் மூலம் ஆதாயம் உண்டாகும். வீட்டின் தேவைகளை அறிந்து நிறைவேற்றி வைப்பீர்கள். சங்கம் தொடர்பான பணிகளில் பொறுப்புகள் அதிகரிக்கும். உடன்பிறந்தவர்களுடன் இருந்துவந்த கருத்து வேறுபாடுகள் குறையும். கால்நடை தொடர்பான பணிகளில் அனுகூலம் உண்டாகும். களிப்பு நிறைந்த நாள்.

அதிர்ஷ்ட திசை : வடக்கு 

அதிர்ஷ்ட எண் : 3

அதிர்ஷ்ட நிறம் : பொன் நிறம் 

மூலம் : ஒத்துழைப்பு கிடைக்கும். 

பூராடம் : பொறுப்புகள் அதிகரிக்கும். 

உத்திராடம் : அனுகூலம் உண்டாகும்.

---------------------------------------

மகரம்

ஆகஸ்ட் 15, 2022

அரசு வழியில் எதிர்பார்த்த உதவி கிடைக்கும். எதையும் சமாளிக்க முடியும் என்ற தன்னம்பிக்கை மேம்படும். தகவல் தொடர்பு துறைகளில் முன்னேற்றம் ஏற்படும். எழுத்து சார்ந்த துறைகளில் இருப்பவர்களுக்கு புதிய வாய்ப்புகள் உண்டாகும். பத்திரம் தொடர்பான செயல்பாடுகளில் ஆதாயம் மேம்படும். மாற்றம் நிறைந்த நாள்.

அதிர்ஷ்ட திசை : தெற்கு 

அதிர்ஷ்ட எண் : 8

அதிர்ஷ்ட நிறம் : மஞ்சள் நிறம் 

உத்திராடம் : உதவி கிடைக்கும். 

திருவோணம் : முன்னேற்றம் ஏற்படும். 

அவிட்டம் : ஆதாயம் மேம்படும்.

---------------------------------------

கும்பம்

ஆகஸ்ட் 15, 2022

ஆடம்பர சிந்தனைகள் அதிகரிக்கும். கருத்துக்களை தெரிவிக்கும் பொழுது சூழ்நிலைகளை அறிந்து செயல்படவும். பிடித்த உணவுகளை உண்டு மகிழ்வீர்கள். சுயமான சிந்தனைகளின் மூலம் மாற்றத்தை ஏற்படுத்துவீர்கள். உண்மை நிலையை அறிந்து பேசுவது நல்லது. கணிதம் சார்ந்த துறைகளில் புதிய அனுபவம் ஏற்படும். புதிய கலை சார்ந்த ஆர்வமும், தேடலும் அதிகரிக்கும். திறமைகள் வெளிப்படும் நாள்.

அதிர்ஷ்ட திசை : கிழக்கு 

அதிர்ஷ்ட எண் : 5

அதிர்ஷ்ட நிறம் : சாம்பல் நிறம் 

அவிட்டம் : சூழ்நிலையறிந்து செயல்படவும்.

சதயம் : மாற்றம் உண்டாகும்.

பூரட்டாதி : தேடல் அதிகரிக்கும்.

---------------------------------------

மீனம்

ஆகஸ்ட் 15, 2022

சேமிப்பு தொடர்பான சிந்தனைகள் மேம்படும். இணையம் சார்ந்த துறைகளில் நிதானம் வேண்டும். மற்றவர்களின் தேவைகளை அறிந்து நிறைவேற்றி வைப்பீர்கள். புதிய முயற்சிகளில் எதிர்பார்ப்புகள் நிறைவேறும். கணவன், மனைவிக்கிடையே நெருக்கம் அதிகரிக்கும். பெருந்தன்மையான செயல்பாடுகளின் மூலம் முன்னேற்றமான சூழ்நிலைகள் உண்டாகும். விருத்தி நிறைந்த நாள்.

அதிர்ஷ்ட திசை : வடகிழக்கு 

அதிர்ஷ்ட எண் : 6

அதிர்ஷ்ட நிறம் : வெளிர் நீலம்

பூரட்டாதி : சிந்தனைகள் மேம்படும். 

உத்திரட்டாதி : எதிர்பார்ப்புகள் நிறைவேறும். 

ரேவதி : முன்னேற்றமான நாள்.

---------------------------------------

கல்வி அஞ்சல் வலைதளத்தின் இனிய சுதந்திர தின அமுதப் பெருவிழா வாழ்த்துகள் (Happy Independence Day - Wishes from Kalvi Anjal Website)...

 கல்வி அஞ்சல் வலைதளத்தின் இனிய சுதந்திர தின அமுதப் பெருவிழா வாழ்த்துகள் (Happy Independence Day - Wishes from Kalvi Anjal Website)...

சுதந்திர தினம் , இந்தியாவில் ஆண்டுதோறும் ஆகஸ்ட் 15 அன்று கொண்டாடப்படுகிறது. சுதந்திர தினம் 1947இல் பிரிட்டிஷ் ஆட்சியின் முடிவு மற்றும் சுதந்திரமான இந்திய தேசத்தை நிறுவுவதைக் குறிக்கிறது.