18-12-2024 - School Morning Prayer Activities

 

 பள்ளி காலை வழிபாட்டுச் செயல்பாடுகள் 18-12-2024 - School Morning Prayer Activities...

திருக்குறள்:

"பால்: பொருட்பால்

அதிகாரம்: சூது

குறள் எண்:937

பழகிய செல்வமும் பண்பும் கெடுக்கும்

கழகத்துக் காலை புகின்.

பொருள்:

சூதாடுமிடத்தில் ஒருவனுடைய காலம் கழியுமானால், அது அவனுடைய பழைமையாய் வந்த செல்வத்தையும் இயல்பான நற்பண்பையும் கெடுக்கும்."

பழமொழி :

வைகறைத் துயில் எழு.   

Rise at dawn..

இரண்டொழுக்க பண்புகள் : 

  *இரவில் அதிக நேரம் கண் விழிக்காமல் விரைவாக தூங்கி அதிகாலையில் எழுவேன்.

*தினமும் அதிகாலையில் உடற்பயிற்சி மேற்கொள்வேன்.

பொன்மொழி :

நம்பிக்கை போன்ற சிறந்த மருந்து வேறு எதுவுமில்லை - - ஒரிசற் மார்டென்

பொது அறிவு :

1. அதிக மக்கள் அடர்த்தியை கொண்ட கண்டம் எது?

விடை: ஐரோப்பா

2. உலகின் மிக நீளமான மலை எது?

விடை: அந்தீஸ் மலை

English words & meanings :

Gardening.      -     தோட்டக்கலை

Hunting.   -          வேட்டையாடுதல்

வேளாண்மையும் வாழ்வும் :

வர்த்தக மற்றும் மேம்பாட்டிற்கான ஐக்கிய நாடுகள் அறிக்கை 24 ஆப்பிரிக்க நாடுகளில் 114 விவசாயத் திட்டங்களை மதிப்பீடு செய்தது. ""இரண்டு மடங்குக்கும் அதிகமான விளைச்சல்கள் கரிம முறைப்படியானவை அல்லது, அதற்கு மிக நெருக்கமான முறைமைகளைப் பயன்படுத்தியவை"" என்று இது கண்டறிந்தது."

டிசம்பர் 18

ஜெ.ஜெ. தாம்சன்  அவர்களின் பிறந்தநாள்

ஜெ.ஜெ. தாம்சன்(Joseph John Thomson) என்று பொதுவாக அறியப்படுகின்ற சர் ஜோசப் ஜான் தாம்சன்(டிசம்பர் 18, 1856 - ஆகஸ்ட் 30, 1940)அணுவின் அடிப்படைப் பொருளான மின்னணு எனப்படும் எலக்ட்ரானைக் கண்டுபிடித்த ஆங்கில இயற்பியலார் ஆவார். இவர் மின்சாரவியல், காந்தவியல், ஐசோடோப்புகள் குறித்து ஆய்வுகள் செய்தவர். 'நவீன அணு இயற்பியலின் தந்தை' எனப் போற்றப்படுபவர். நிறை நிறமாலையைக் கண்டறிந்தவர்.இயற்பியல் பேராசிரியராக விளங்கியது மட்டுமல்லாமல் தனது ஆய்வுகளுக்காக 'ஆதம்சு பரிசு' மற்றும் 1906 -ல் இயற்பியலுக்கான நோபல் பரிசு ஆகியவற்றைப் பெற்றவர்.

நா.பார்த்தசாரதி  அவர்களின் பிறந்தநாள்

நா.பார்த்தசாரதி (Na. Parthasarathy, டிசம்பர் 18, 1932 - டிசம்பர் 13, 1987) புகழ் பெற்ற தமிழ் நெடுங்கதை எழுத்தாளர் ஆவார். தீரன், அரவிந்தன், மணிவண்ணன், பொன்முடி, வளவன், கடலழகன், இளம்பூரணன், செங்குளம் வீரசிங்கக் கவிராயர் ஆகிய புனைப்பெயர்களிலும் அறியப்படும் இவர் தீபம் என்ற இலக்கிய இதழை நடத்தி வந்ததால் 'தீபம்' நா.பார்த்தசாரதி என்றும் அழைக்கப்படுகிறார். பெரும்பாலும் இவருடைய கதைகள் சமகால சமூகப் பிரச்சினைகளைத் தீர்க்கப் போராடும் கொள்கைப் பிடிப்புள்ள கதைமாந்தர்களைப் பற்றியதாய் அமைந்துள்ளது. இவருடைய புகழ் பெற்ற நெடுங்கதைகளான குறிஞ்சி மலர் மற்றும் பொன் விலங்கு தொலைக்காட்சித் தொடர்களாகவும் வந்துள்ளன. சாகித்திய அகாதமி விருது பெற்றுள்ளார்.இவர் எழுதிய "சாயங்கால மேகங்கள்" எனும் நூல் தமிழ் வளர்ச்சித் துறையின் 1983 ஆம் ஆண்டுக்கான சிறந்த நூல்களில் நாவல் வகைப்பாட்டில் முதல் பரிசு பெற்றிருக்கிறது. இவர் 93 நூல்களை எழுதியிருக்கிறார்

நீதிக்கதை

உண்மையான நண்பன்

ஒரு நாட்டின் அரசரிடம் பெரிய யானை ஒன்று இருந்தது. அது எப்ப பார்த்தாலும் சேட்டை பண்ணிக்கொண்டே இருக்கும். ஒரு நாள் சேவகர்கள் அந்த யானைக்கு சாப்பாடு கொடுக்கும் போது அந்த யானை அதை சாப்பிடாமல் அழுது கொண்டே இருந்தது.

“இந்த யானைக்கு என்னதான் ஆச்சு இன்றைக்கு குளிக்கவும் இல்லை சாப்பிடவும் இல்லை அழுது கொண்டே இருக்கிறது” என்று சேவகர்கள் தங்களிடையே பேசிக்கொண்டு இருந்தார்கள்.

அவர்கள் அரசனிடம் சென்று, “அரசே யானை இன்று குளிக்கவும் இல்லை, சாப்பிடவும் இல்லை எப்போ பார்த்தாலும் அழுது கொண்டே இருக்கிறது. அதற்கு உடல்நிலை சரியில்லாமல் போய் இருக்குமோ” என்று எங்களுக்கு சந்தேகமாக உள்ளது என்று கூறினார்கள்.

உடனே அரசர், அமைச்சரிடம் என்ன பிரச்சனை என்று சென்று பார்க்க கட்டளையிட்டார். அமைச்சரும் யானையுடன் சென்று,” உனக்கு என்ன ஆச்சு ஏன் சோகமாக இருக்கிறாய்” என்று கேட்டார்.

அதற்கு யானை எந்த பதிலும் கூறாமல் அழுது கொண்டே இருந்தது. அப்போது அமைச்சர் சேவகர்களிடம், “இந்த யானையின் தினசரி வாழ்க்கை முறையில் ஏதாவது மாற்றம் ஏற்பட்டுள்ளதா” என்று கேட்டார்.அதற்கு சேவகர்கள் அப்படி எல்லாம் இல்லை.

ஆனால் கொஞ்ச நாட்களுக்கு முன்பு நாய்க்குட்டி ஒன்று இந்த யானையிடம் மிகவும் நட்பாக பழகியது.

இந்த ஊரில் உள்ள ஒருவர் பார்த்துக்கொண்டு அந்த நாய் குட்டியை விலைக்கு கேட்டார், நாங்களும் அவரிடம் அந்த நாய்க்குட்டியை விற்றுவிட்டோம் என்று கூறினார்கள். அமைச்சர் தான் கேட்டவை அனைத்தும் அரசரிடம் சென்று கூறினார்.

அமைச்சர், அரசரிடம் “அந்த நாய்க்குட்டி மீண்டும் திரும்பி வந்தால், இந்த யானை பழையபடி மாறிவிடும்” என்று கூறினார். அப்போது அரசர் அந்த நாய்க்குட்டியை கொண்டு வர கட்டளையிட்டார். சேவகர்கள் ஊர் மக்களிடம் சென்று அரசர் கட்டளை பிறப்பித்துள்ளதை கூறினார்கள்.

“யார் அந்த நாய்க்குட்டியை கொண்டு சென்றார்களோ அவர்கள் இன்றைக்கு அந்த நாய்க்குட்டியை மீண்டும் அரசரிடம் கொண்டு ஒப்படைக்க வேண்டும்,” என்று சொன்னார்கள்.

இதைக் கேட்ட அந்த நபர்  அந்த நாய் குட்டியை மீண்டும் கொண்டு வந்து அரசவையில் ஒப்படைத்தார். அந்த நாய்க்குட்டியை பார்த்த யானை மிகவும்  மகிழ்ச்சி அடைந்தது. மீண்டும் அந்த யானையும் நாய்க்குட்டியும் நண்பர்களாக இருந்தனர்.

இன்றைய செய்திகள்

18.12.2024

* தமிழகத்தில் பைக் டாக்சி இயங்க தடையில்லை என தமிழக அரசு அறிவிப்பு - தொழிலாளர்கள் மகிழ்ச்சி.

* தமிழகத்தில் உள்ள கிராம ஊராட்சிகளில், கட்டிடம், மனைப்பிரிவுகளுக்கு அனுமதி வழங்குவதற்கான கட்டணங்களை தனித்தனியாக நிர்ணயித்து ஊரக வளர்ச்சித் துறை அறிவித்துள்ளது.

* போதைப் பொருட்களுக்கு எதிராக தேசிய செயல்திட்டம் உருவாக்கப்பட்டுள்ளதாக மத்திய சமூக நீதி மற்றும் அதிகாரமளித்தல் அமைச்சகம் தெரிவித்துள்ளது.

* அமெரிக்காவின் சட்டவிரோத அடக்குமுறையை ஏற்றுக்கொள்ள முடியாது என சீனா தெரிவித்துள்ளது.

* புரோ கபடி லீக்: புனேரி பால்டன் அணியை வீழ்த்தி பாட்னா பைரேட்ஸ் வெற்றி.

* நியூசிலாந்து முன்னணி வீரரான டிம் சவுதி சர்வதேச டெஸ்ட் கிரிக்கெட் போட்டியில் இருந்து ஓய்வு பெற்றார்.

Today's Headlines

* Tamil Nadu government announces that there is no ban on bike taxis in Tamil Nadu - workers are happy.

* The Rural Development Department has announced separate fees for granting permission for buildings and plots in rural panchayats in Tamil Nadu.

* The Union Ministry of Social Justice and Empowerment has formulated a national action plan against drugs.

* China has said that it cannot accept the illegal oppression of the United States.

* Pro Kabaddi League: Patna Pirates win by defeating Puneri Baldwin.

* New Zealand leading player Tim Southee has retired from international Test cricket.

Covai women ICT_போதிமரம்

Free Travel Token for Senior Citizens will be issued from December 21 to January 31

சென்னையில் முதியவர்களுக்கான இலவச பயண டோக்கன் டிசம்பர் 21 முதல் ஜனவரி 31 வரை வழங்கப்படும்

Free Travel Token for Senior Citizens will be issued from December 21 to January 31

LMS - Inclusive Education Training - M1 to M7 - Baseline & Endline Assessment - Quiz Questions & Answers

கற்போர் மேலாண்மைத் திட்டம் (LMS) - இணையவழிப் பயிற்சி - Learning Management System

LMS - உள்ளடங்கிய கல்விப் பயிற்சி - கட்டகம் 1 முதல் கட்டகம் 7 வரை - முன் திறனறி & பின் திறனறி மதிப்பீடு - வினாடி வினா கேள்விகள் & உத்தேச பதில்கள்

 LMS - Inclusive Education Training - M1 to M7 - Baseline & Endline Assessment - Quiz Questions & Tentative Answers 

>>> தரவிறக்கம் செய்ய இங்கே சொடுக்கவும்...

Timeline Fixing for LMS Online Training for Teachers Teaching Classes 1-12 - Proceedings of SCERT Joint Director

 

1-12ஆம் வகுப்புகள் கற்பிக்கும் ஆசிரியர்கள் LMS இணைய வழி பயிற்சியை மேற்கொள்ள காலக்கெடு நிர்ணயம் - SCERT இணை இயக்குநரின் செயல்முறைகள்

Timeline Fixing for LMS Online Training for Teachers Teaching Classes 1-12 - Proceedings of SCERT Joint Director

 LMS இணைய வழி பயிற்சியை 1-12ஆம் வகுப்புகள் கற்பிக்கும் ஆசிரியர்கள் 10-01-2025க்குள் முடிக்க அறிவுறுத்தல் - SCERT (JD)

Baseline & Endline Assessment - 10.01.2025க்குள் மேற்கொள்ள SCERT இணை இயக்குநர் உத்தரவு

>>> தரவிறக்கம் செய்ய இங்கே சொடுக்கவும்...

மாநிலக்‌ கல்வியியல்‌ ஆராய்ச்சி மற்றும்‌ பயிற்சி நிறுவன இணை இயக்குநரின்‌ (பயிற்சி) செயல்முறைகள்‌, சென்னை-06.

நக.எண்‌:1068093 / எஃப்‌-4/ 2024, நாள்‌. 16-12-2024.

பொருள்‌: மாநிலக்‌ கல்வியியல்‌ ஆராய்ச்சி மற்றும்‌ பயிற்சி நிறுவனத்தின்‌ மூலம்‌ உள்ளடக்கிய கல்வி பயிற்சியினை 1 முதல்‌ 12 ஆம்‌ வகுப்பு வரை கற்பிக்கும்‌ ஆசிரியர்களுக்கு Baseline & Endline Assessment மூலமாக மதிப்பீடு செய்து அதனை LMS தளம்‌ வாயிலாக பதிவேற்றம்‌ மேற்கொண்டும்‌ இணையவழியில்‌ பயிற்சியானது மாவட்டங்களில்‌ 14.12.2024 முதல்‌ காணொலி மூலம்‌ வழங்குதல்‌ - பயிற்சி முடிவுற்ற பின்னர்‌ முன்னேற்ற அறிக்கை விவரம்‌ தெரிவிக்க கோருதல்‌ - தொடர்பாக.

பார்வை : 1 தமிழ்நாடு மாநிலத்திட்ட இயக்குநர்‌ மற்றும்‌ பள்ளிக்‌ கல்வி இயக்குநரின்‌ இணை செயல்முறைகள்‌ கடித ந.க.எண்‌.170/ ஆ3/ 1E/ ஒபக/ 2024, நாள்‌: 03:12.2024.

2. இந்நிறுவன இயக்குநரின்‌ செயல்முறைகள்‌ ந.க.எண்‌.1068093/எஃப்‌-4/2024 நாள்‌.05:12.2024.

பார்வையில்‌ காணும்‌ வழிகாட்டுதல்‌ மற்றும்‌ நெறிமுறைகளின்படி, 2024 - 2025ஆம்‌ கல்வியாண்டில்‌ சிறப்பு தேவையுடைய குழந்தைகளுக்கான உள்ளடக்கிய கல்வியின்‌ மூலம்‌ முறையான கல்வியை மேம்படுத்தும்‌ நோக்கில்‌ கட்டகம்‌ உருவாக்கப்பட்டும்‌, அதனை மதிப்பீடு செய்தும்‌ (Assessment) உள்ளடக்கிய கல்வி பற்றி ஆசிரியர்கள்‌. அறிந்திடும்‌ வகையில்‌ LMS தளத்தின்‌ மூலம்‌ பதிவேற்றம்‌ மேற்கொள்ளப்பட்டு, இணைய வழி வாயிலாக EMIS தளத்தின்‌ வழியே 14.12.2024 முதல்‌ அனைத்து மாவட்டங்களில்‌ ஆசிரியர்கள்‌ பயன்பெறும்‌ வகையில்‌ காணொலி மூலம்‌ இ- பயிற்சி அளிக்கப்பட்டு வருகிறது. மேற்படி இக்காணொலிப்பயிற்சியினை ஆசிரியர்கள்‌ 10.01.2025-க்குள்‌ மேற்கொள்ள வேண்டும்‌ என அறிவுறுத்தப்படுகிறது.

எனவே, மாநிலம்‌ முழுவதும்‌ 1 முதல்‌ 12 ஆம்‌ வகுப்பு வரை கையாளும்‌ அனைத்து வகை பள்ளி ஆசிரியர்களுக்கு LMS வழியாக பயிற்சி அளிக்கப்படும்‌ நிலையில்‌, இப்பயிற்சியினை உரிய காலத்தில்‌ மேற்கொள்ள அறிவுறுத்திடுமாறும்‌, இப்பயிற்சி முடிவுற்ற பின்னர்‌ முன்னேற்ற அறிக்கை விவரத்தினை இந்நிறுவன tnscertjd3@gmail.com என்ற மின்னஞ்சல்‌ முகவரிக்கு அனுப்பி வைக்குமாறு அனைத்து மாவட்ட முதன்மைக்கல்வி அலுவலர்கள்‌ மற்றும்‌ மாவட்ட ஆசிரியர்‌ கல்வி மற்றும்‌ பயிற்சி நிறுவன முதல்வர்களுக்கு அறிவுறுத்தப்படுகிறது.

இணை இயக்குநர் (பயிற்சி)

பெறுநர்‌

1 அனைத்து மாவட்ட முதன்மைக்கல்வி அலுவலர்கள்‌ 

2. முதல்வர்கள்‌, அனைத்து மாவட்ட ஆசிரியர்‌ கல்வி மற்றும்‌ பயிற்சி நிறுவனம்‌,

New website address of TNEB

 மின்சார வாரியத்தின் புதிய இணையதள முகவரி 

www.tnpdcl.org

New website address of Tamilnadu Electricity Board

www.tnpdcl.org

At Palani Temple at 3 AM, trekking is permitted

பழனி கோயிலில் அதிகாலை 3 மணிக்கு மலையேற அனுமதி

At Palani Temple at 3 AM, trekking is permitted

பழனி அருள்மிகு தண்டாயுதபாணி சுவாமி திருக்கோவிலில் 16-12-2024 முதல் 32 நாட்களுக்கு அதிகாலை 3 மணிக்கு மலையேற அனுமதி

திண்டுக்கல் மாவட்டம் பழனி அருள்மிகு தண்டாயுதபாணி சுவாமி திருக்கோவிலில் மார்கழி மாதம் முழுவதும் திருப்பள்ளி எழுச்சி பூஜை நடைபெறுவதால் அதிகாலை 3 மணி முதல் பக்தர்கள் மலையேற நிர்வாகம் அனுமதி வழங்கியது.

அதிகாலை 4 மணிக்கு நடை திறக்கப்பட்டு மூலவருக்கு சிறப்பு அபிஷேக பூஜைகள் நடத்தப்படும், அதிகாலை 4.30 மணி முதல் பக்தர்கள் தரிசனம் செய்ய அனுமதிக்கப்படுவார்கள்.

Quality of primary education improved through Ennum Ezhuthum Scheme – information on State Planning Commission evaluation

 

 எண்ணும் எழுத்தும் திட்டத்தின் மூலம் தொடக்க கல்வியின் தரம் உயர்வு - மாநிலத் திட்டக்குழு மதிப்பீட்டாய்வில் தகவல்

Quality of primary education improved through Ennum Ezhuthum Scheme – information on State Planning Commission evaluation

எண்ணும் எழுத்தும் 1 முதல் 3ம் வகுப்பு வரை பயிலும் 8 வயதிற்குட்பட்ட அனைத்து மாணவர்களும் கற்றலின் அடிப்படைகளான வாசித்தல், எழுதுதல், எண்ணறிவு ஆகியவற்றைக் கற்று அவற்றை உறுதிப்படுத்துவது “எண்ணும் எழுத்தும்” திட்டம். இத்திட்டம் மாணவர்கள் படித்துப் புரிந்து கொண்டு பிழையின்றி எழுத, எண்ண வகை செய்யும் புதிய திட்டமாகும். தமிழ்நாடு முதல்வர் மு.க.ஸ்டாலின் 2022ம் ஆண்டு ஜூன் 13ம் தேதியன்று தொடங்கிவைத்த இத்திட்டம், 1ம் வகுப்பு முதல் 5ம் வகுப்பு வரை படிக்கும் ஒவ்வொரு குழந்தையும் 2025ம் ஆண்டுக்குள் வாசித்தல், எழுதுதல் மற்றும் அடிப்படை எண் கணிதத் திறன்கள் அடைவதை உறுதி செய்யும் திட்டமாகும்.

இத்திட்டம் குறித்த மாநில திட்டக் குழுவின் ஆய்வின் மூலம் தொடக்க கல்வியின் தரம் உயர்ந்துள்ளது தெரியவந்துள்ளது. மாணவர்கள் வகுப்பறையில் கற்கும்போது ஏற்பட்ட நேர விரயம் நீங்கி குறித்த நேரத்தில் கற்பதற்கு இத்திட்டம் வழிவகுத்துள்ளது. பாடத்திட்டத்துடன் உள்ளடக்கத்தைச் சீரமைத்தல், கற்பித்தல் அணுகுமுறைகள், பொருள் உள்ளடக்கம், ஆசிரியர் பயிற்சி, நேர மேலாண்மை மற்றும் மதிப்பீட்டு முறைகள் ஆகியவை மேம்பட்டுள்ளன. இத்திட்டம் ஒவ்வொரு குழந்தைக்கும் அதன் செயலாக்கத்தைச் செம்மைப்படுத்தவும், கல்வித் தரத்தை மேம்படுத்தவும் உதவியுள்ளது.

>>> செய்தி வெளியீடு - தரவிறக்கம் செய்ய இங்கே சொடுக்கவும்...