மாணவர் சேர்க்கை, தலைமை ஆசிரியர்கள் பள்ளிக்கு வருகை புரிதல் சார்பாக மாவட்ட முதன்மை கல்வி அலுவலரின் செயல்முறைகள்...

 மாணவர் சேர்க்கை, பள்ளி தலைமை ஆசிரியர்கள் பள்ளிக்கு வருகை புரிதல் சார்பாக ராணிப்பேட்டை மாவட்ட முதன்மை கல்வி அலுவலரின் (CEO) செயல்முறைகள்...

75% கட்டணம் மட்டுமே வசூலிக்க வேண்டும், மாணவர்களை கட்டாயப்படுத்தக் கூடாது” - தனியார் பள்ளிகளுக்கு பள்ளிக்கல்வித் துறை எச்சரிக்கை...

 அரசின் உத்தரவுகளை கண்டிப்பாக பின்பற்ற வேண்டும்; 75% கட்டணம் மட்டுமே வசூலிக்கப்பட வேண்டும், கட்டணம் செலுத்தாத மாணவர்களை கட்டாயப்படுத்தக் கூடாது” - தனியார் பள்ளிகளுக்கு பள்ளிக்கல்வித் துறை எச்சரிக்கை...

மின் கட்டணம் செலுத்த 11 மாவட்டங்களுக்கு கூடுதல் கால அவகாசம் நீட்டித்து தமிழ்நாடு அரசு உத்தரவு...

 மின் கட்டணம் செலுத்த 11 மாவட்டங்களுக்கு கூடுதல் கால அவகாசம் நீட்டித்து தமிழ்நாடு அரசு உத்தரவு...

இன்றைய (23-06-2021) ராசி பலன்கள், நட்சத்திர பலன்கள்...

மேஷம்

ஜூன் 23, 2021

 

உடன்பிறந்தவர்களிடம் சூழ்நிலைக்கேற்றவாறு அனுசரித்து செல்ல வேண்டும். உத்தியோகம் தொடர்பான பணிகளில் பொறுப்புகள் அதிகரிக்கும். குடும்ப உறுப்பினர்களிடம் தேவையற்ற வாக்குவாதங்களை தவிர்க்கவும். மனதில் இருக்கும் ரகசியங்களை மற்றவரிடம் பகிர்வதை குறைத்துக் கொள்வது நல்லது. 

அதிர்ஷ்ட திசை : தெற்கு

அதிர்ஷ்ட எண் : 6

அதிர்ஷ்ட நிறம் : இளம் பச்சை

அஸ்வினி : அனுசரித்து செல்லவும்.

பரணி : பொறுப்புகள் அதிகரிக்கும்.

கிருத்திகை : வாதங்களை தவிர்க்கவும்.

---------------------------------------

ரிஷபம்

ஜூன் 23, 2021

 

மனதிற்கு மகிழ்ச்சி தரக்கூடிய செய்திகள் கிடைக்கும். புத்திரர்களின் வழியில் மகிழ்ச்சியான சூழ்நிலைகள் உண்டாகும். பொருளாதாரம் தொடர்பான நெருக்கடிகள் குறையும். புதுவிதமான ஆசைகளும், நுணுக்கமான விஷயங்களை அறிந்து கொள்வதற்கான தருணங்களும் உண்டாகும். கணவன், மனைவிக்கிடையே நெருக்கம் அதிகரிக்கும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : இளஞ்சிவப்பு

கிருத்திகை : மகிழ்ச்சியான நாள்.

ரோகிணி : நெருக்கடிகள் குறையும்.

மிருகசீரிஷம் : நெருக்கம் அதிகரிக்கும்.

---------------------------------------

மிதுனம்

ஜூன் 23, 2021

 

மனதில் இருந்துவந்த கவலைகள் நீங்கி புத்துணர்ச்சியுடன் காணப்படுவீர்கள். செயல்பாடுகளில் துரிதம் மேம்படும். எதிர்பாராத பொருட்சேர்க்கை உண்டாகும். உடல் ஆரோக்கியம் தொடர்பான இன்னல்கள் குறையும். உத்தியோகம் தொடர்பான பணிகளில் நிலுவையில் இருந்துவந்த பணிகளை செய்து முடிப்பீர்கள். நெருக்கமானவர்களிடம் இருந்துவந்த கருத்து வேறுபாடுகள் குறையும்.

அதிர்ஷ்ட திசை : கிழக்கு

அதிர்ஷ்ட எண் : 1

அதிர்ஷ்ட நிறம் : சந்தன நிறம்

மிருகசீரிஷம் : புத்துணர்ச்சியான நாள்.

திருவாதிரை : துரிதம் உண்டாகும்.

புனர்பூசம் : கருத்து வேறுபாடுகள் குறையும்.

---------------------------------------

கடகம்

ஜூன் 23, 2021

 

திடீர் தனவரவுகளின் மூலம் சேமிப்புகள் அதிகரிக்கும். உயர் அதிகாரிகளின் மூலம் ஆதரவான சூழ்நிலைகள் உண்டாகும். கடன் சார்ந்த பிரச்சனைகள் குறையும். குழந்தைகளின் எதிர்காலம் தொடர்பான சிந்தனைகள் அதிகரிக்கும். கல்வி தொடர்பான வெளியூர் பயணங்களின் மீதான ஆர்வம் மேம்படும். திறமைகளை வெளிப்படுத்துவதற்கான வாய்ப்புகள் சிலருக்கு சாதகமாக அமையும். அக்கம்-பக்கம் இருப்பவர்கள் பற்றிய புரிதல் அதிகரிக்கும்.

அதிர்ஷ்ட திசை : மேற்கு

அதிர்ஷ்ட எண் : 5

அதிர்ஷ்ட நிறம் : சில்வர் நிறம்

புனர்பூசம் : ஆதரவு கிடைக்கும்.

பூசம் : ஆர்வம் மேம்படும்.

ஆயில்யம் : சாதகமான நாள்.

---------------------------------------

சிம்மம்

ஜூன் 23, 2021

 

உறவினர்களின் வருகையால் மகிழ்ச்சியான சூழ்நிலைகள் உண்டாகும். வாடிக்கையாளர்களின் விருப்பங்களை அறிந்து அதற்கு தகுந்தாற்போல வியாபாரத்தின் போக்கினை மாற்றி அமைப்பீர்கள். இணையம் சார்ந்த பணிகளில் இருப்பவர்களுக்கு முன்னேற்றமான சூழ்நிலைகள் உண்டாகும். உடல் ஆரோக்கியம் தொடர்பான விஷயங்களில் கவனத்துடன் இருக்க வேண்டும்.

அதிர்ஷ்ட திசை : தென்மேற்கு

அதிர்ஷ்ட எண் : 6

அதிர்ஷ்ட நிறம் : ஆரஞ்சு நிறம்

மகம் : சுபிட்சமான நாள்.

பூரம் : மாற்றங்கள் பிறக்கும்.

உத்திரம் : கவனம் வேண்டும்.

---------------------------------------

கன்னி

ஜூன் 23, 2021

 

திட்டமிட்ட காரியங்களில் எதிர்பார்த்த வெற்றி கிடைக்கும். வியாபாரம் தொடர்பான பணிகளில் இருந்துவந்த தடை, தாமதங்கள் குறையும். வீட்டிற்கு தேவையான பொருட்களை வாங்கி மகிழ்வீர்கள். புதிய தொழில்நுட்பம் சார்ந்த செயல்பாடுகளில் ஆர்வம் அதிகரிக்கும். ஆராய்ச்சி தொடர்பான கல்விகளில் முன்னேற்றமான வாய்ப்புகள் சிலருக்கு சாதகமாக அமையும். எழுத்து சார்ந்த துறைகளில் இருப்பவர்களுக்கு அங்கீகாரம் கிடைக்கும்.

அதிர்ஷ்ட திசை : வடக்கு

அதிர்ஷ்ட எண் : 9

அதிர்ஷ்ட நிறம் : அடர் சிவப்பு

உத்திரம் : வெற்றி கிடைக்கும்.

அஸ்தம் : தாமதங்கள் குறையும்.

சித்திரை : அங்கீகாரம் கிடைக்கும்.

---------------------------------------

துலாம்

ஜூன் 23, 2021

 

குடும்ப உறுப்பினர்களிடம் தேவையற்ற வாக்குவாதங்களை தவிர்க்கவும். காப்பீடு தொடர்பான பணிகளில் இருப்பவர்களுக்கு புதிய நபர்களின் அறிமுகம் கிடைக்கும். உயர் அதிகாரிகளிடம் பொறுமையுடன் சூழ்நிலையை கையாளுவது நல்லது. உலக வாழ்க்கை பற்றிய புதுவிதமான கண்ணோட்டங்கள் மனதில் அதிகரிக்கும். அலைச்சல்களின் மூலம் உடல் சோர்வு அவ்வப்போது ஏற்பட்டு நீங்கும். 

அதிர்ஷ்ட திசை : கிழக்கு

அதிர்ஷ்ட எண் : 6

அதிர்ஷ்ட நிறம் : நீலநிறம்

சித்திரை : வாதங்களை தவிர்க்கவும்.

சுவாதி : அறிமுகம் கிடைக்கும்.

விசாகம் : சோர்வு உண்டாகும்.

---------------------------------------

விருச்சிகம்

ஜூன் 23, 2021

 

மனதில் பலதரப்பட்ட சிந்தனைகளின் மூலம் குழப்பங்கள் ஏற்பட்டு நீங்கும். நண்பர்களின் அறிமுகம் மற்றும் ஆதரவு மனதிற்கு மகிழ்ச்சியை ஏற்படுத்தும். சுபகாரியம் தொடர்பான முயற்சிகளில் நற்செய்திகள் கிடைக்கும். எதிர்பார்த்த சில உதவிகள் சாதகமாக அமையும். நீண்ட நாட்களாக தடையாக இருந்துவந்த சில செயல்களை செய்து முடிப்பீர்கள். பொருளாதார நெருக்கடிகள் தொடர்பான பிரச்சனைகள் படிப்படியாக குறையும்.

அதிர்ஷ்ட திசை : வடக்கு

அதிர்ஷ்ட எண் : 9

அதிர்ஷ்ட நிறம் : கருஞ்சிவப்பு

விசாகம் : குழப்பங்கள் நீங்கும்.

அனுஷம் : நற்செய்திகள் கிடைக்கும்.

கேட்டை : பிரச்சனைகள் விலகும்.

---------------------------------------

தனுசு

ஜூன் 23, 2021

 

எதிர்பாராத சில பயணங்களின் மூலம் அனுபவம் கிடைக்கும். நெருக்கமானவர்களின் மூலம் மகிழ்ச்சியான தருணங்கள் ஏற்படும். வர்த்தக வியாபாரத்தில் பொருள் வரவுகள் மேம்படும். உணவு சார்ந்த விஷயங்களில் கவனத்துடன் இருக்க வேண்டும். ஆடம்பர எண்ணங்கள் மனதில் அதிகரிக்கும். அரசு தொடர்பான பணிகளில் புதுவிதமான முயற்சிகளின் மூலம் முன்னேற்றம் உண்டாகும்.

அதிர்ஷ்ட திசை : கிழக்கு

அதிர்ஷ்ட எண் : 1

அதிர்ஷ்ட நிறம் : இளநீலம்

மூலம் : அனுபவம் கிடைக்கும்.

பூராடம் : பொருள் வரவுகள் மேம்படும்.

உத்திராடம் : முன்னேற்றம் உண்டாகும்.

---------------------------------------

மகரம்

ஜூன் 23, 2021

 

உத்தியோகத்தில் சக ஊழியர்கள் ஆதரவாக செயல்படுவார்கள். குழந்தைகளின் வழியில் மகிழ்ச்சியான செய்திகள் கிடைக்கும். உடல் ஆரோக்கியத்தில் முன்னேற்றம் உண்டாகும். கடன் சார்ந்த பிரச்சனைகள் குறையும். பூர்வீகத்தில் இருந்துவந்த கருத்து வேறுபாடுகள் நீங்கி சாதகமான முடிவுகள் கிடைக்கும். நுணுக்கமான விஷயங்களை அறிந்து கொள்வதன் மூலம் லாபம் மேம்படும். வெளியூர் தொடர்பான வேலைவாய்ப்புகளில் மகிழ்ச்சியான செய்திகள் கிடைக்கும்.

அதிர்ஷ்ட திசை : தெற்கு

அதிர்ஷ்ட எண் : 8

அதிர்ஷ்ட நிறம் : பொன் நிறம்

உத்திராடம் : ஆதரவான நாள்.

திருவோணம் : முடிவுகள் சாதகமாகும்.

அவிட்டம் : லாபம் அதிகரிக்கும்.

---------------------------------------

கும்பம்

ஜூன் 23, 2021

 

மாணவர்களுக்கு கல்வி தொடர்பான பணிகளில் இருந்துவந்த குழப்பங்கள் நீங்கி தெளிவு பிறக்கும். உறவினர்களிடத்தில் எதிர்பார்த்திருந்த சில உதவிகள் சாதகமாக அமையும். பணிபுரியும் இடத்தில் இருந்துவந்த பொறுப்புகள் குறைந்து திருப்தியான சூழ்நிலைகள் உண்டாகும். கலை சார்ந்த எண்ணங்கள் மனதில் மேம்படும். கால்நடைகள் தொடர்பான விஷயங்களில் சற்று பொறுமையுடன் செயல்பட வேண்டும்.

அதிர்ஷ்ட திசை : தென்மேற்கு

அதிர்ஷ்ட எண் : 3

அதிர்ஷ்ட நிறம் : இளஞ்சிவப்பு

அவிட்டம் : தெளிவு பிறக்கும்.

சதயம் : பொறுப்புகள் குறையும்.

பூரட்டாதி : பொறுமை வேண்டும்.

---------------------------------------

மீனம்

ஜூன் 23, 2021

 

புதிய முயற்சிகள் தொடர்பான கருத்துக்களை எடுத்துரைக்கும் பொழுது சூழ்நிலைகளை அறிந்து செயல்பட வேண்டும். இளைய சகோதரர்களின் மூலம் சிறு சிறு வாதங்கள் ஏற்பட்டு நீங்கும். வாழ்க்கைத்துனைவருடன் சிறு தூரப் பயணங்களை மேற்கொள்வீர்கள். உடல் ஆரோக்கியத்தில் முன்னேற்றமான சூழ்நிலைகள் அமையும். இணையம் மற்றும் வர்த்தகம் தொடர்பான பணிகளில் தகுந்த ஆலோசனைகளை பெற்று புதிய முதலீடுகளை மேற்கொள்வது நல்லது.

அதிர்ஷ்ட திசை : வடக்கு

அதிர்ஷ்ட எண் : 2

அதிர்ஷ்ட நிறம் : இளம் மஞ்சள்

பூரட்டாதி : நிதானம் தேவை.

உத்திரட்டாதி : பயணங்களை மேற்கொள்வீர்கள். 

ரேவதி : சிந்தித்து செயல்படவும்.

---------------------------------------

படிப்பு மற்றும் வேலை காரணமாக வெளி நாடு செல்பவர்கள் 2வது டோஸ் கோவிஷீல்டு தடுப்பூசி பெற தொடர்பு கொள்ள வேண்டிய தொலைபேசி எண்களை தமிழ்நாடு அரசு அறிவித்துள்ளது...

 

படிப்பு மற்றும் வேலை காரணமாக வெளிநாடு செல்பவர்கள் 2வது டோஸ்  கோவிஷீல்டு தடுப்பூசி பெற தொடர்பு கொள்ள வேண்டிய தொலைபேசி எண்களை தமிழ்நாடு அரசு அறிவித்துள்ளது.. 

28 நாட்களிலேயே இரண்டாவது டோஸ் Covishield Vaccine போட்டுக்கொள்ளலாம் என மருத்துவத் துறை செயலாளர்  அண்மையில் அறிவித்த நிலையில் தற்போது இந்த அறிவிப்பு வெளியாகியுள்ளது..  

தேவையானவர்கள் இதில் இணைக்கப்பட்டுள்ள அதிகாரிகளின் அலைபேசி எண்ணை தொடர்பு கொள்ளலாம்...

>>> வெளிநாடு செல்பவர்கள் 2வது டோஸ் கோவிஷீல்டு தடுப்பூசி பெற மையங்கள் மற்றும் அலைபேசி எண்கள்...

எஸ்.பி.ஐ வங்கி ஏ.டி.எம்-ல் மோசடி நடந்தது எப்படி?

 

எந்த அளவுக்குத் தகவல் தொழில்நுட்பம் வளர்ந்திருக்கிறதோ, அந்த அளவுக்கு மோசடியும் புதுப்புது ஃபார்முலாக்களில் நடக்கிறது. ஏடிஎம் இயந்திரங்களில் ஸ்கிம்மர் கருவி மூலம் கார்டின் விவரங்களைச் சேகரித்து, போலி கார்டை தயாரித்து மோசடி செய்ததெல்லாம் பழைய டெக்னிக். தற்போது ஏடிஎம் கார்டுகளைக்கொண்டு சென்சாரை விரல்கள் மூலம் தடை செய்து பணத்தை நூதன முறையில் வடமாநில இளைஞர்கள் மோசடி செய்திருக்கின்றனர். அது தொடர்பாக சென்னை வேளச்சேரி, தரமணி, வடபழனி உள்ளிட்ட காவல் நிலையங்களுக்கு வங்கி தரப்பில் புகாரளிக்கப்பட்டிருக்கிறது.

ஏடிஎம்-மில் நூதன முறையில் பண மோசடியில் ஈடுபடும் கும்பல்

இது குறித்து நம்மிடம் பேசிய மத்திய குற்றப்பிரிவின், வங்கி மோசடி பிரிவின் போலீஸ் உயரதிகாரி ஒருவர், ``சென்னையிலுள்ள எஸ்.பி.ஐ வங்கியின் ஏடிஎம் மையங்களில்தான் இந்த நூதன மோசடி நடந்திருப்பதாக வங்கி நிர்வாகம் தரப்பில் புகாரளிக்கப்பட்டிருக்கிறது. பணத்தை டெபாசிட் மற்றும் பணம் எடுக்கும் வசதியுள்ள சிடிஎம் (Cash Deposit Machine) இயந்திரங்களில் ஏடிஎம் கார்டுகளைப் பயன்படுத்தி பணத்தை எடுக்கும் வடமாநிலங்களைச் சேர்ந்த இளைஞர்கள், பணம் வந்தவுடன் அதை உடனடியாக எடுக்க மாட்டார்கள். பணம் எடுக்கவில்லை என்றால் குறிப்பிட்ட நிமிடத்துக்குப் பிறகு அது மீண்டும் இயந்திரத்துக்குள் உள்ளே சென்றுவிடும். பணம் உள்ளே செல்வதற்குச் சில நொடிகளுக்கு முன் இயந்திரத்தில் உள்ள சென்சாரையும் ஷட்டரையும் விரல்கள் மூலம் மோசடிக் கும்பல் தடுத்து நிறுத்தி பணத்தை எடுத்திருக்கிறது. ஆனால் சம்பந்தப்பட்ட வங்கிக் கணக்கில் பணம் எடுக்கவில்லை என்று மெஸேஜ் வரும். இந்தத் தொழில்நுட்பத்தை பயன்படுத்தி பணத்தை எடுத்து, லட்சக்கணக்கில் வங்கிக்கு இழப்பை ஏற்படுத்தியிருக்கிறது இந்தக் கும்பல். இந்த மோசடி குறித்து ஆரம்பத்தில் வங்கி நிர்வாகத்துக்கு தகவல் தெரியவில்லை. ஆனால் ஏடிஎம் மையங்களில் வைக்கப்படும் பணத்தையும், அதை எடுத்தவர்களின் விவரங்களையும் வங்கி நிர்வாகம் ஆய்வு செய்தபோதுதான் இந்த மோசடி நடப்பது தெரியவந்திருக்கிறது. இது பழைய டெக்னிக் என்றாலும் ஜூன் மாதம் 17-ம் தேதி இந்த மோசடியில் வடமாநில இளைஞர்கள் வளசரவாக்கம், வடபழனி, ராமாபுரம், வேளச்சேரி, தரமணி உள்ளிட்ட இடங்களிலுள்ள ஏடிஎம் மையங்களில் ஈடுபட்டிருக்கிறார்கள்.

இந்த மோசடி குறித்து வேளச்சேரி, தரமணி, வடபழனி உள்ளிட்ட காவல் நிலையங்களுக்குப் புகார்கள் கொடுக்கப்பட்டிருக்கின்றன. சென்னை முழுவதும் இந்த மோசடி நடந்திருப்பதால், மத்திய குற்றப்பிரிவின் வங்கி மோசடிப் பிரிவு போலீஸார் இந்த வழக்கை விசாரித்துவருகிறார்கள். ஏடிஎம் மையங்களிலுள்ள சிசிடிவி ஆதாரங்களை வங்கித் தரப்பில் கொடுத்திருக்கிறார்கள். அதை ஆய்வு செய்தபோது ஹெல்மெட் அணிந்தபடி இளைஞர் ஒருவரும், அவருடன் இன்னொரு இளைஞனும் ஏடிஎம் மையத்தின் முன் நிற்கிறார்கள். பிறகு அவர்கள் ஆட்கள் வருகிறார்களா என நோட்டமிட்ட பிறகு உள்ளே செல்கின்றனர். அப்போது சிடிஎம் இயந்திரத்தில் ஏடிஎம் கார்டைப் பயன்படுத்தி பணம் எடுக்கிறார்கள். பணம் வந்ததும் அதை எடுக்காமல், பணம் உள்ளே செல்லும் சமயத்தில் சென்சாரைத் தடை செய்து பணத்தை எடுத்து பாக்கெட்டில் வைக்கும் காட்சிகள் பதிவாகியிருக்கின்றன.

அது தொடர்பாக விசாரித்தபோது டெல்லியிலுள்ள வங்கிக் கணக்கை இந்தக் கும்பல் பயன்படுத்தியிருப்பது தெரியவந்திருக்கிறது. அவர்கள் குறித்த விவரங்களைச் சேகரித்துவருகிறோம். இந்த மோசடி சம்பவத்துக்குப் பிறகு குறிப்பிட்ட மாடல் கொண்ட சிடிஎம் இயந்திரங்களில் பணம் எடுக்க எஸ்.பி.ஐ வங்கி தடை விதித்திருக்கிறது. சிடிஎம் இயந்திரத்தில் நூதன முறையில் பணத்தை எடுத்த கும்பலைப் பிடித்தால் மட்டுமே எவ்வளவு ரூபாய் எடுத்தார்கள் என்ற விவரம் தெரியவரும். வங்கித் தரப்பில் 15 லட்சம் ரூபாய் வரை மோசடி நடந்திருப்பதாகத் தகவல் தெரிய வந்திருக்கிறது. மோசடிக் கும்பல் டூ வீலரைப் பயன்படுத்தியிருக்கிறது. அந்த வாகன பதிவு நம்பர் அடிப்படையிலும் விசாரணை நடந்துவருகிறது" என்றார்.

இந்த மோசடி குறித்து சென்னை போலீஸ் கமிஷனர் சங்கர் ஜிவால், சென்னை மத்திய குற்றப்பிரிவின் போலீஸ் உயரதிகாரிகள், வங்கி அதிகாரிகள் ஆகியோருடன் இன்று ஆலோசனை நடத்தினார். அப்போது மோசடி நடந்தது குறித்து கூட்டத்தில் ஆலோசிக்கப்பட்டிருக்கிறது.

நன்றி : விகடன்

NMMS தேர்வில் தேர்ச்சி பெற்ற மாணாக்கர்களுக்கு ரூ.12000 அவர்களது வங்கிக் கணக்கில் வரவு வைக்கப்பட்டுள்ளது...

 2019-20ஆம் கல்வியாண்டில் NMMS தேர்வில் தேர்ச்சி பெற்ற மாணாக்கர்களுக்கு  (தற்போது 10ஆம் வகுப்பு பயில்பவர்கள்)  ரூ.12000 அவர்களது வங்கிக் கணக்கில் வரவு வைக்கப்பட்டுள்ளது. மேலும் 2017_18 மற்றும் 2018_19 கல்வி ஆண்டுகளில் வெற்றி பெற்ற விடுபட்ட மாணாக்கர்களுக்கும் அவர்தம் வங்கிக் கணக்கில் வரவு வைக்கப்பட்டுள்ளது.