இருசக்கர வாகனங்கள் பராமரிப்பு - கவனத்தில் கொள்ள வேண்டியவை...

 இருசக்கர  வாகனங்கள் பராமரிப்பு - கவனத்தில் கொள்ள வேண்டியவை...

🏍🏍🏍🏍🏍

பல ஆயிரங்கள் கொடுத்து வாங்கும் பைக்கை முறையாக பராமரிக்காவிட்டால், பாக்கெட்டில் இருக்கும் பணத்துக்கு பங்கம் வந்துவிடும். வாரத்தில், மாதத்தில் சில மணி நேரங்களை ஒதுக்கினாலே பைக் எந்த பிரச்னையும் கொடுக்காது. செலவும் வைக்காது. அதுபற்றிய பராமரிப்பு விவரம் இங்கே.... 

#வாரம் ஒருமுறை சுத்தம்: (cleaning)

வாரம் ஒருமுறையாவது பைக்கை சுத்தம் செய்வது அவசியம். சர்வீஸ் ஸ்டேஷன் சென்றுதான் வாட்டர் சர்வீஸ் செய்ய வேண்டும் என்பது அவசியம் இல்லாதது. பைக்கில் சேறு படிந்திருந்தால், வீட்டிலேயே தண்ணீர் கொண்டு சுத்தம் செய்யுங்கள். அப்போதுதான் இன்ஜின், கியர்பாக்ஸ், சஸ்பென்ஷன்ஸ் போன்றவற்றில் ஆயில் லீக் இருக்கிறதா என்பதை கவனிக்க முடியும். பேட்டரியில் டிஸ்டில்டு வாட்டர் அளவு சரியாக இருக்கிறதா என பார்க்க வேண்டும். இரண்டு வீல்களிலும் காற்று சரியான அளவு இருக்கிறதா என்பதையும் சோதிக்க வேண்டும். இது, மைலேஜ் டிராப் ஆகாமல் இருக்க உதவும்.

#இன்ஜின் ஆயில்Engine oil):

ஆயிலின் மசகு (lubrication) தன்மைதான் இன்ஜினை அதிகம் சூடாக்காமலும், உராய்வில் தேய்ந்து போகாமலும் காக்கிறது. எனவே, வாகன தயாரிப்பாளர் பரிந்துரைக்கும் குறிப்பிட்ட கி.மீ தூரம் அல்லது மூன்று மாதங்களுக்கு ஒருமுறை (எது முந்துகிறதோ அதன்படி) இன்ஜின் ஆயில் மாற்றுவது இன்ஜினின் ஆயுளை நீட்டிக்கும். பரிந்துரைத்த கிரேடு ஆயில் பயன்படுத்துவது முக்கியம். ஆயில் குறைந்துவிட்டது என்பதால், வேறு ஏதாவது ஆயிலை ஊற்றுவது தவறு.

#எலெக்ட்ரிக்கல்: (Electrical):

முடிந்தவரை மழையில் நனையாமல், வெயிலில் காயாமல் பைக்கை பாதுகாத்தால் எலெக்ட்ரிக்கல், பெயின்ட் போன்றவற்றில் பிரச்னை வராது. ஹெட்லைட் பல்பை அதிக வெளிச்சம் தருவதுபோல மாற்றுவதாக இருந்தால் அல்லது அதிக சத்தம் தரும் ஹாரன் பொருத்துவதாக இருந்தால், குறிப்பிட்ட வாட்ஸ் அளவுள்ளதுதான் பொருத்த வேண்டும். மாற்றிப்பொருத்தினால், எலெக்டரிக்கல் பாகங்கள் பாதிப்பதுடன், எலெக்ட்ரிக் ரெகுலேட்டரும் சேதமாகும். எனவே, எலெக்டரிக்கல் விஷயத்தில் கூடுதல் கவனத்துடன் இருக்கவேண்டும்.

#ஏர் ஃபில்ட்:டர் (Air filter):

ஏர் ஃபில்ட்டர் அவசியம் கவனிக்க வேண்டிய முக்கியமான பாகம். இன்ஜினுக்குள் செல்லும் காற்றை சுத்தமாக்கி அனுப்பும் வேலையை செய்யும் இது சேதம் அடைந்திருந்தாலோ அல்லது நீண்ட நாள் பயன்படுத்தியதால் தூசு அதிகம் சேர்ந்திருந்தாலோ பிரச்னைதான். காற்றில் உள்ள தூசு இன்ஜினுக்குள் சென்றால், சிலிண்டரில் ஸ்க்ராட்ச் ஏற்படும். இதனால், இன்ஜின் விரைவாக தேயும் வாய்ப்பு இருக்கிறது. எனவே, இரண்டு மாதங்களுக்கு ஒருமுறையாவது ஏர் ஃபில்ட்டரை சுத்தம் செய்ய வேண்டியது அவசியம். குறிப்பிட்ட காலக்கெடுவுக்குள் ஏர் ஃபில்ட்டரையே மாற்றுவது அவசியம்.

செல்ஃப் ஸ்டார்ட் இருக்கிறதா?(self start):

காலையில், முதல் தடவையாக பைக்கை ஸ்டார்ட் செய்யும்போது, கிக் ஸ்டார்ட் செய்வதுதான் சிறந்தது. ஏனெனில், இரவு முழுவதும் சும்மா நின்றிருந்த இன்ஜின் குளிர்ந்திருக்கும். அப்போது செல்ஃப் ஸ்டார்ட் செய்தால், உடனே ஸ்டார்ட் ஆகாது. அதனால், சிலமுறை கிக் செய்துவிட்டு செல்ஃப் பயன்படுத்தலாம் அல்லது கிக் ஸ்டார்ட்டையே பயன்படுத்தலாம். இதனால், பேட்டரி, செல்ஃப் மோட்டார் ஆயுள் நீடிக்கும். மேலும், செல்ஃப் ஸ்டார்ட்டரை ஒருமுறை பயன்படுத்தும்போது, பேட்டரியின் பெருமளவு சக்தி செலவாகிறது.

அது மீண்டும் சார்ஜ் ஆவதற்கு, குறைந்தது 20 கி.மீ தூரமாவது பயணிக்க வேண்டும். அதனால், குறைவான தூரம் பயணிப்பவர்கள் அடிக்கடி செல்ஃப் ஸ்டார்ட் பயன்படுத்துவதில் கவனம் கொள்வது நல்லது. அதேபோல், காலையில் ஸ்டார்ட் செய்தபிறகு, ஒருசில நிமிடங்களாவது ஆயில் இன்ஜின் முழுவதும் பரவ ஐடிலிங்கில் ஓட அனுமதியுங்கள். ஆக்ஸிலரேட்டரை முறுக்காதீர்கள். அப்படி செய்தால், இன்ஜின் பாதிக்கப்படும்.

#செயின் ஸ்பிராக்கெட்: (chain sprocket):

இன்ஜினையும், வீலையும் இணைக்கும் செயின் ஸ்பிராக்கெட், மிக முக்கியமான பாகம். இதன் செயின் அதிக இறுக்கமாகவோ அல்லது மிக தளர்வாகவோ இருக்கக்கூடாது. ஓட ஓட தேயும் செயினை மாதம் ஒருமுறை சோதித்து அட்ஜஸ்ட் செய்வது அவசியம். செயினில் தூசு இருந்தால் சுத்தம் செய்து, ஆயில் விட்டு பராமரிப்பது நீண்ட நாள் உழைக்க வழிவகுக்கும். நேக்கட் பைக் சிலவற்றில் செயின் வெளியே தெரியும்படி இருக்கும்.

இதில், ஆயிலுக்கு பதில் ஸ்ப்ரே பயன்படுத்த வேண்டும். மேலும், ஸ்பிராக்கெட்டில் இருக்கும் பற்கள் தேய்ந்துபோகாமல் இருக்கிறதா என கவனிப்பதும் அவசியம். அட்ஜஸ்ட் செய்ய முடியாத அளவுக்கு தேய்ந்திருந்தால் செயின் ஸ்பிராக்கெட்டை மாற்றி விடுவது நல்லது. பொதுவாக, செயின் ஸ்பிராக்கெட் 30,000 முதல் 35000 கி.மீ வரைதான் உழைக்கும்.

#வீல்:

சரியான காற்றழுத்தத்தை எப்போதும் கடைபிடித்தால் வீல் பெண்ட் ஆகாமல் இருக்கும். வீல் பஞ்சர் ஆனது தெரியாமல் பைக்கை ஓட்டும்போதுதான் பெரும்பாலும் வீல் பெண்ட் ஆகிறது. அலாய் வீல் சுலபத்தில் பெண்ட் ஆகாது என்றாலும், பெண்ட் ஆனால் சரிசெய்ய முடியாது. ஸ்போக் வீலை சரி செய்யலாம் என்றாலும், கவனமாக இருப்பது நல்லது, பெண்ட் ஆன வீலுடன் வாகனத்தை ஓட்டினால் செயின் ஸ்பிராக்கெட் பாதிக்கப்படும். டயர் ஏறுக்கு மாறாக தேயும். பைக்கின் பெர்ஃபாமென்ஸ், செயல்பாடு என ஓட்டுமொத்தமாக பாதிக்கும்.

#கார்புரேட்டர்:

காற்றும், பெட்ரோலும் கலக்கும் இடம் கார்புரேட்டர். இதில், பல ஸ்க்ரூ&க்கள் இருக்கும். சில சமயங்களில் பைக் ஸ்டார்ட் ஆகவில்லை என்றால், இதில் இருக்கும் ஏதாவது ஒரு ஸ்க்ரூவை திருக்குவது சிலருக்கு பழக்கமாக இருக்கிறது. அப்படி செய்யவே கூடாது. ஏனெனில், காற்றும், பெட்ரோலும் என்ன விகிதத்தில் கலக்க வேண்டும் என்பதற்கு ஏற்ப, இந்த ஸ்க்ரூ&க்கள் அட்ஜஸ்ட் செய்யப்பட்டிருக்கும். இதில், ஏதாவது ஒன்றை திருகினால், ஏறுக்குமாறாக மாறிவிடும்.

இதில், கைவைக்காமல் சுத்தமாக பராமரிப்பது மட்டுமே சிறந்தது. இதில் உள்ள சோக்கை அதிகாலை நேரத்தில் ஸ்டார்ட் செய்யும்போது அல்லது ஸ்டார்ட்டிங் டிரபுள் இருக்கும்போது மட்டுமே பயன்படுத்த வேண்டும். மற்ற சமயத்தில் சோக் ஆன் ஆகி இருக்கிறதா என்பதை உறுதிப்படுத்திக்கொண்டு ஓட்டுவது நல்லது. ஏனெனில், சோக் அமைப்பு அதிக பெட்ரோல், குறைவான காற்று இன்ஜினுக்கு செல்வதுபோல வடிவமைக்கப்பட்டது. கவனிக்காமல் ஓட்டினால், டேங்க்கில் இருக்கும் பெட்ரோல் காலியாகிவிடும்.

#டயர்:

பொதுவாக, இருசக்கர வாகனங்களின் டயர்கள் 35,000 கி.மீ முதல் 40,000 கி.மீ தூரம் வரை மட்டுமே உழைக்கும். சில பைக்குளில் 20 ஆயிரம் கி.மீ.லேயே மாற்ற வேண்டிவரும். அடிக்கடி பஞ்சர் ஆவதுதான் டயர் பலவீனமடைந்து விட்டது என்பதற்கான அறிகுறி. டயர்களின் பட்டன் தேய்ந்து சமதளமாக டயர் மாறும்வரை ஓட்டுவது ஆபத்து.

பட்டன்களின் ஆழம் குறைந்ததுமே மாற்றிவிடுவதுதான் பாதுகாப்பு. ஏனெனில், வளைவுகளில், மணற்பாங்கான சாலைகளில், வழுக்கும் தன்மைகொண்ட இடங்களில் தேய்ந்துபோன டயர் வாகனத்தை ஸ்கிட் ஆக்கிவிடும். மேலும், பிரேக் பிடிக்கும்போது ஸ்கிட் ஆவதுடன், பைக் தாறுமாறாக வளைந்து, நெளிந்து சுழல்வதும் நடக்கும். அதேபோல், குறிப்பிட்ட தூரத்தில் பைக் நிற்காது. எனவே, டயர் விஷயத்தில் எப்போதும் எச்சரிக்கையாக இருக்க வேண்டும்.

#கிளட்ச்:

கிளட்ச் லீவரை கியர் மாற்றுவதற்கு மட்டுமே பயன்படுத்த வேண்டும். வாகனம் ஓட்டிக்கொண்டிருக்கும்போது கிளட்ச் லீவரை லேசாக பிடித்துக்கொள்ளும் பழக்கம் பலருக்கு உண்டு. இது, நல்லதல்ல. இதன்மூலம், இன்ஜினில் இருந்து கிடைக்கும் சக்தி முழுமையாக வீலுக்கு செல்லாமல் விரயகுமாகும். இதனால், மைலேஜ் பெருமளவு குறையும்.

கிளட்ச் பிளேட் தேய்மானம் ஆகும். இதற்கு ஏற்ப லீவர் கேபிள் அட்ஜஸ்ட் செய்யப்பட வேண்டியது அவசியமாகிவிடும். இதை மாதம் ஒருமுறை செக் செய்வது நல்லது. தேய்ந்துபோன கிளட்ச்சை தொடர்ந்து பயன்படுத்துவது பெட்ரோல் விரயத்துக்கு வழி வகுப்பதுடன், கியர்பாக்ஸை பாதித்து, செலவை எகிற வைத்துவிடும். மேலும், டிராஃபிக் சமயங்களில் நம்மை தள்ளாட வைத்துவிடும்.

#ஸ்பார்க் பிளக்:

இன்ஜின் இயங்க மிக முக்கியமான பாகம் ஸ்பார்க் பிளக். மூன்று மாதங்களுக்கு ஒருமுறை சர்வீஸ் செய்யும்போது தவறாமல் இதையும் மெக்கானிக் சோதித்து பார்ப்பார் என்றாலும், அதை உறுதிப்படுத்திக்கொள்வது நல்லது. சரியாக தீப்பொறி வராத ஸ்பார்க் பிளக்கால் பைக்கின் பெர்ஃபாமென்ஸ் பாதிக்கப்படுவதுடன், பெட்ரோலும் வீணாகும். மேலும், எப்போதும் ஒரு ஸ்பேர் ஸ்பார்க் பிளக் உங்கள் பைக்கிலேயே வைத்திருங்கள். 50 ரூபாய் முதல் 100 ரூபாய் விலை கொண்ட இது பழுதடைந்தால், நடுரோட்டில் நிற்க வேண்டியது வரும். இரீடியம் ஸ்பார்க் பிளக் என்னும் வகை ஒன்று உண்டு. இது விலை அதிகம் என்றாலும், நீண்ட நாள் உழைப்பதுடன் சீராக இயங்கி நல்ல பெர்ஃபாமென்ஸ் அளிக்கும்.

#பிரேக்:

பிரேக்கில் கால் வைத்துக்கொண்டே அல்லது பிரேக் லீவரை பிடித்தவாறு பைக் ஓட்டுவது தவறு. அப்படி ஓட்டினால், பிரேக் பேட் விரைவில் தேய்ந்து போகும். மேலும், பிரேக்கை அழுத்தியவாறு ஓட்டுவதால், அதிக வெப்பம் உருவாகும். இதனால், பிரேக் ட்ரம் தேய்ந்துவிடுவதுடன், மைலேஜூம் கணிசமாக குறையும். எனவே, தேவை ஏற்படும்போது மட்டுமே பிரேக் பெடலில் கால் வைப்பதை பழக்கமாக்கிக்கொள்ள வேண்டும்.

மேலும், இன்ஜினும் ஒரு பிரேக்தான் என்பது பலருக்கு புரிவது இல்லை. அவசரமாக பிரேக் பயன்படுத்தும்போது, கிளட்ச்சையும் பயன்படுத்துவது தவறு. கிளட்ச் பிடிக்கவில்லை என்றால், இன்ஜின் ஆஃப் அகி விடாதா என கேள்வி எழும். கிளட்ச்சையும் சேர்த்து பிடிக்கும்போது, பைக் ஸ்டெபிளிட்டி பாதிக்கப்படும். மேலும், பைக் நிற்கும் தூரமும் அதிகரிக்கும். கிளட்ச் பிடிக்கவில்லையென்றால், இன்ஜினும், வீலும் நேராக இணைந்திருக்கும். ஆக்ஸிலரேட்டர் குறைவதும் பிரேக் பெடல் அழுத்தப்படுவதும் ஒரே சமயத்தில் நிகழும்போது, நீங்கள் திட்டமிட்ட தூரத்துக்கு முன்பாகவே பைக் நின்றுவிடும்.

அதேபோல், முன் & பின் இரு பிரேக்குகளையும் ஒரே சமயத்தில் பயன்படுத்துவதும் அவசியம். டிஸ்க் பிரேக்கை பொறுத்தவரை அதில் நாமாக செய்ய எதுவும் இல்லை. அதில் கவனிக்க வேண்டிய விஷயம் என்றால், பிரேக் ஃப்ளுயிட் லெவல் சரியாக இருக்கிறதா என்பதை மட்டும் கவனிக்க வேண்டும். அளவு குறைந்தால், உடனே சர்வீஸ் சென்டருக்கு கொண்டுசெல்வது நல்லது. அதேபோல், பிரேக் டிஸ்க்கில் சேறு படியாமல் சுத்தமாக பராமரித்து வரவேண்டியது அவசியம்.

#சஸ்பென்ஷன்: (suspension):

வாகனத்தில் அனுமதிக்கப்பட்ட அளவுக்கு மேல் எடையை ஏற்றினால், முதலில் பாதிக்கப்படுவது சஸ்பென்ஷன்தான். சஸ்பென்ஷன் பழுதடைந்தால், பைக்கின் பெர்ஃபாமென்ஸ், பிரேக், செயல்பாடு, மைலேஜ் என அனைத்துமே பாதிக்கும். மேலும், சஸ்பென்ஷன் சரியாக இயங்கவில்லை என்றால் கழுத்து வலி, முதுகு வலி, கை வலி வர வாய்ப்பு உண்டு. எனவே, சஸ்பென்ஷன் விஷயத்தில் அலட்சியம் காட்டாமல், உடனுக்குடன் சரிசெய்வது நல்லது.

ஷாக் அப்ஸார்பரை பொறுத்தவரை ரீகண்டிஷன் செய்து பொருத்த கூடாது. புதிதாக மாற்றுவதே நல்லது. முன்பக்க ஃபோர்க் சஸ்பென்ஷன் பழுதடைந்து ஆயில் கசிந்தால் உடனே சரிசெய்வதுதான் நல்லது. ஏனெனில், அதில் உள்ள ஆயில் முழுவதும் வெளியேறி ஆயில் இல்லாத நிலையில் இயங்கினால், ஃபோர்க் வளைந்துவிடும். ஃபோர்க்கை சரிசெய்வது என்பது நன்றாக இருந்த கையை உடைத்து மாவுக்கட்டு போடுவது போன்றதுதான்.

பள்ளி காலை வழிபாட்டு செயல்பாடுகள் - 24.06.2024...

 

 

பள்ளி காலை வழிபாட்டு செயல்பாடுகள் - 24.06.2024 - School Morning Prayer Activities...

 

திருக்குறள்:

பால் :பொருட்பால்

அதிகாரம்: கல்வி

குறள் எண்:400

கேடில் விழுச்செல்வம் கல்வி ஒருவருக்கு;

மாடு அல்ல மற்றை யவை

பொருள்: ஒருவனுக்கு அழிவு இல்லாத சிறந்த செல்வம் கல்வியே ஆகும்; கல்வி தவிர

மற்றப் பொருள்கள் (அத்தகைய சிறப்புடைய) செல்வம் அல்ல.

பழமொழி :

 

Hunger breaks stone walls.

பசி வந்தால் பத்தும் பறந்து போகும்.

இரண்டொழுக்க பண்புகள் :

*மழைநீரே குடிநீருக்கு ஆதாரம் என்பதால் மழை நீரை சேமிப்பேன்.

*தண்ணீரை சிக்கனமாகப் பயன்படுத்துவேன்.

பொன்மொழி :

படித்தல் என்பது ஒரு சிறந்த வாழ்க்கையை வாழ்வதற்கான அடிப்படை கருவியாகும். " ------ஜோசப் அடிசன்

பொது அறிவு :

1.எந்த மாநிலத்தின் பெண்கள் அதிகம் படித்தவர்கள்?

விடை: கேரளா

2. இந்தியாவின் தேசிய நிறம் எது?

விடை: குங்குமப்பூ நிறம்

English words & meanings :

press- அழுத்த,

pressure-அழுத்தம்

வேளாண்மையும் வாழ்வும் :

ஒரு நாட்டின் மக்களுக்கு தேவையான உணவை உற்பத்தி செய்வதே விவசாயத்தின் முக்கிய நோக்கமாகும்.

ஜூன் 24

கண்ணதாசன் அவர்களின் பிறந்தநாள்

கண்ணதாசன் (Kannadasan, 24 சூன் 1927 – 17 அக்டோபர் 1981) புகழ் பெற்ற தமிழ்த் திரைப்படப் பாடலாசிரியரும், கவிஞரும் ஆவார். நான்காயிரத்திற்கும் மேற்பட்ட கவிதைகள், ஐந்தாயிரத்திற்கும் மேற்பட்ட திரைப்படப் பாடல்கள், கட்டுரைகள் பல எழுதியவர். சண்டமாருதம், திருமகள், திரை ஒலி, தென்றல், தென்றல்திரை, முல்லை, கண்ணதாசன் ஆகிய இதழ்களின் ஆசிரியராக இருந்தவர். தமிழக அரசின் "அரசவைக் கவிஞராக" இருந்தவர். இவர் சேரமான் காதலி  என்ற நூலுக்காக சாகித்ய அகாதமி விருது (1980) பெற்றவர்.

நீதிக்கதை

அகத்தின் அழகு

முன்னொரு காலத்தில், பாரசீக மன்னர்  பீர்பாலை தனது  நாட்டிற்கு சிறப்பு விருந்தினராக அனுப்பி வைக்குமாறு அரசர் அக்பருக்கு ஒரு ஓலை அனுப்பினார். அக்பரும் பீர்பாலை பாரசீக மன்னரின் வேண்டுகோளுக்கிணங்க பரிசு பொருட்களுடன் அனுப்பி வைத்தார்.

பீர் பாலின் அறிவாற்றலை சோதிக்க விரும்பிய பாரசீக மன்னர், அரசரைப் போல் அலங்கரித்து தோற்றம் கொண்ட நால்வருடன் தானும் சேர்ந்து அரசர்கள் அமரக்கூடிய இருக்கையில் அமர்ந்தனர்.

பாரசீக மன்னரை பீர்பால் சந்திப்பது இதுவே முதல் முறை.  அரசரை சந்திக்க அரசவைக்குச் சென்ற பீர்பால் அரசர் இருக்கையில்  ஐந்து பேர் ஒரே தோற்றத்துடன் அமர்ந்திருப்பதை கண்டார்.

ஐவரையும் உற்றுப் பார்த்தார். பின்பு உண்மையான அரசர் அமர்ந்திருக்கும் இருக்கையின் அருகில் சென்று மாமன்னரே!

தங்களை சந்திப்பதில் பெரு மகிழ்ச்சி அடைகிறேன் என்று கூறி மன்னர் கொடுத்து அனுப்பிய  பரிசுப் பொருட்களை பாரசீக மன்னரிடம் அளித்தார் மாமேதை பீர்பால்.

பீர்பாலை பார்த்து பாரசீக மன்னர் "எப்படி நான் தான் அரசர் என்று கண்டுபிடித்தீர்கள்" என்று கேட்டார்

மேன்மை மிகு மன்னர் பெருமானே! இது ஒன்றும் சிரமமான காரியம் அல்ல. மற்ற நால்வரும் தங்களின் மீது கண்களை பதித்திருந்தனர். தாங்கள் மட்டுமே அரசருக்கு உரிய கம்பீரமான பார்வையுடன் என்னை நேருக்கு நேராக பார்த்துக் கொண்டிருந்தீர்கள். அதனைக் கொண்டு தாங்கள்தான் அரசன் என  தெரிந்து கொண்டேன். என்னதான் நாம்  வேஷம் போட்டாலும் நம்முடைய செயல்கள், முகத்தின் மூலம் உண்மையை வெளிப்படுத்தி விடுகின்றன இதைத்தான் அகத்தின் அழகு முகத்தில் தெரியும் என்று நமது பெரியோர்கள் கூறியுள்ளார்கள்"என்றார் பீர்பால்.

பீர்பாலின் அறிவுக்கூர்மையை வியந்து பாராட்டி, சில நாட்கள் அரச விருந்தினராக தங்கச் செய்து பின்பு பரிசுகள் கொடுத்து அனுப்பி வைத்தார்.

இன்றைய செய்திகள்

24.06.2024

* அரசுப் பள்ளிகளில் 6 முதல் 9-ம் வகுப்புகளில் பயிலும் மாணவர்களில் திறன் குறைந்தவர்களைக் கண்டறிந்து அவர்களுக்கு சிறப்பு பயிற்சி வழங்க பள்ளிக் கல்வித்துறை உத்தரவிட்டுள்ளது.

* ஊரகப் பகுதிகளில் மழை நீரை சேகரித்து வேளாண் பணிகளை மேம்படுத்தவும், நிலத்தடி நீர் மட்டத்தை உயர்த்தவும் 5,000 புதிய சிறு குளங்கள் ரூ.250 கோடியில் அமைக்கப்படும் என்று அமைச்சர் இ.பெரியசாமி அறிவிப்பு.

* கடந்த மே 5-ம் தேதி நடைபெற்ற நீட் தேர்வில் முறைகேடுகள் நடந்ததாக கூறப்படும் வழக்கில் சிபிஐ வழக்கு பதிவு செய்துள்ளது.

* விண்ணுக்கு செயற்கைக்கோள்களை சுமந்து சென்று மீண்டும் பூமிக்கு திரும்பும் புஷ்பக் ஏவுகலன் சோதனை வெற்றி பெற்றதாக இஸ்ரோ அறிவித்துள்ளது.

* முதுநிலை மருத்துவப் படிப்புகளுக்கான நீட் தேர்வு ஒத்திவைக்கப்பட்டு உள்ளதாக மத்திய சுகாதாரத்துறை அமைச்சகம் அறிவித்துள்ளது.

* கோபா அமெரிக்க கால்பந்து தொடர்: வெனிசுலா, மெக்சிகோ அணிகள் வெற்றி.

* ஒலிம்பிக் போட்டிக்கு தகுதி பெற்றுள்ளார் இந்திய டென்னிஸ் வீரர் சுமித் நாகல்.

* விளையாட்டு வில்வித்தை உலகக் கோப்பை: இந்திய பெண்கள் அணி தங்கம் வென்று சாதனை.

Today's Headlines

* The Department of School Education has ordered special training to be given to students with disabilities in classes 6 to 9 in government schools.

* Minister E.Periyasamy announced that 5,000 new small ponds will be constructed at a cost of Rs.250 crore to collect rain water in rural areas to improve agricultural activities and raise the ground water level.

* The CBI has registered a case of alleged irregularities in the NEET examination held on May 5.

* ISRO has announced the successful launch of Pushpak, which carries satellites into space and back to Earth.

* The Ministry of Health has announced that the NEET examination for postgraduate medical courses has been postponed.

* Copa America: Venezuela, Mexico win.

*  Indian tennis player Sumit Nagal has qualified for the Olympics.

* Sports Archery World Cup: Indian women's team wins gold.

Prepared by

Covai women ICT_போதிமரம்

கோவை - மருதமலை பாரதியார் பல்கலைக்கழகம் பின்புறம் உள்ள வீட்டின் அருகில் வந்த யானையிடமிருந்து நொடி நேரத்தில் உயிர் தப்பிய தம்பதியினர்...

 கோவை - மருதமலை பாரதியார் பல்கலைக்கழகம் பின்புறம் உள்ள வீட்டின் அருகில் வந்த யானையிடமிருந்து நொடி நேரத்தில் உயிர் தப்பிய தம்பதியினர்...

>>> காணொளியை காண இங்கே சொடுக்கவும்...

அமைதியான மனம்...

அமைதியான மனம்...

              

மன அமைதி’ என்கிற இரண்டெழுத்து வசப்பட்டால் போதும். எதிலும், எங்கும் வெற்றியே, ஆனால்!, அனைவருக்கும் எளிதாக அது வாய்ப்பது இல்லை. பரபரப்பான மனம் கொண்ட ஒருவரை விட, மன அமைதி உள்ளவர் சிறப்பாகச் சிந்திப்பார்...

அவர் ஒரு விவசாயி!. அமெரிக்காவின் வடக்குப் பகுதியில் ஒரு சிறிய பண்ணை வீட்டில் இருந்த அவர், பல ஆண்டுகளாகத் தன் கையில் ஒரு கடிகாரம் கட்டியிருந்தார்...

அவரைப் பொறுத்தவரை அது வெறும் கைக்கடிகாரம் அல்ல. உணர்வுகள். பல நல்ல தருணங்கள், வெற்றிகள் அவருக்கு நிகழ்ந்ததற்கு அந்தக் கடிகாரம் தான் காரணம் என்கிற நம்பிக்கை அவருக்கு இருந்தது...

ஒருநாள் பண்ணை வேலை எல்லாம் முடிந்து வெளியே வந்த பிறகுதான் கவனித்தார். அவர் கையில் கட்டி இருந்த கடிகாரத்தை காணவில்லை...

உடனே பரபரப்பாகி, தன் விவசாயக் கிடங்குக்குள் போய்த் தேட ஆரம்பித்தார். எவ்வளவு நேரம் தேடியும் கடிகாரம் கிடைக்கவில்லை. கவலையோடு வெளியே வந்தார்...

அவருடைய கிடங்குக்கு வெளியே சில சிறுவர்கள் விளையாடிக் கொண்டு இருந்தார்கள். அவருக்கு உடனே ஒரு ஆலோசனை கிடைத்தது..“சிறுவர்களே...!!” என்று அழைத்தார். சிறுவர்கள் ஓடிவந்தார்கள்...

இந்தக் கிடங்குக்குள் என் கடிகாரம் காணாமல் போய்விட்டது. கண்டு பிடித்து கொடுப்பவர்களுக்கு அருமையான பரிசு ஒன்ற தருவேன்” என்றார்...

மாணவர்கள் துள்ளிக் குதித்தபடி, அவருடைய வேளாண் கிடங்குக்குள் ஓடினார்கள். அத்தனைபேரும் உள்ளே இருந்த வைக்கோற்போர், புல், பூண்டு, இண்டு, இடுக்கு விடாமல் தேடியும் கிடைக்கவில்லை...

சோர்ந்து போனவர்களாக வெளியே திரும்பி வந்தார்கள் விவசாயி வசம், “மன்னியுங்கள் அய்யா!, எங்களால கண்டு பிடிக்க இயலவில்லை’’ என்றார்கள்...

அந்த நேரத்தில், தயங்கித் தயங்கி ஒரு சிறுவன் அவரருகே வந்தான். அய்யா!, எனக்கு மட்டும் இன்னொரு வாய்ப்பு கொடுங்கள். நான் அந்த கடிகாரம் கிடைக்கிறதா...? என்று முயற்சி செய்து பார்க்கிறேன்’’ என்றான்...

சிறுவன் கிடங்குக்குள் நுழைந்தான். கதவைச் சாத்திக் கொண்டான். அவன் உள்ளே நுழைந்து பதினைந்து நிமிடங்கள்தாம் ஆகியிருக்கும். கதவு திறக்கப் பட்டது. வெளியே வந்தான்.அவன் கையில் காணாமல் போயிருந்த அவரின் கடிகாரம் இருந்தது...

அவருக்கு ஒரே வியப்பு. தம்பி!, நீ மட்டும் எப்படி சரியாக கடிகாரத்தை கண்டுபிடித்தாயா...?’’ என்று கேட்டார்...

அய்யா!, நான் உள்ளே போய் ஒன்றுமே செய்யவில்லை. கிடங்கிற்கு நடுவில் கண்ணை மூடி அமர்ந்திருந்தேன். ஐந்து நிமிடங்கள் அப்படியே காத்திருந்தேன். அந்த அமைதியில் கடிகாரத்தின் `டிக்...டிக்... டிக்...’ ஒலியானது கேட்டது. ஒலித்த திசைக்கு சென்றேன், கடிகாரத்தை. கண்டு பிடித்தேன் என்றான்.

நாளும் சற்று நேரத்தை, மனதை அமைதிப்படுத்த செலவழித்துப் பாருங்கள்.

உங்களால் எவ்வளவு தெளிவாக, சிறப்பாகச் செயல்பட முடியும் என்பதை நீங்களே அறிவீர்கள்.

அரசு / ஊராட்சி ஒன்றிய /நகராட்சி/ மாநகராட்சி தொடக்க மற்றும் நடுநிலைப் பள்ளிகள் - ஒன்றுக்கு மேற்பட்ட வங்கிக் கணக்குகள் பள்ளியில் பராமரிப்பு செய்தல் - தொடக்கக் கல்வி இயக்குநரின் செயல்முறைகள், நாள்: 22-06-2024...

 அரசு / ஊராட்சி ஒன்றிய /நகராட்சி/ மாநகராட்சி தொடக்க மற்றும் நடுநிலைப் பள்ளிகள் - ஒன்றுக்கு மேற்பட்ட வங்கிக் கணக்குகள் பள்ளியில் பராமரிப்பு செய்தல் - தொடக்கக் கல்வி இயக்குநரின் செயல்முறைகள், நாள்: 22-06-2024...

>>> தரவிறக்கம் செய்ய இங்கே சொடுக்கவும்...

Career Guidance – Teacher Counsellor / Quiz Coordinator nomination செய்யும் முறை...

Career Guidance – Teacher Counsellor / Quiz Coordinator nomination for class 6 to 8 in Govt. Middle/ HS / HSS – Reg...

அனைத்து அரசு நடுநிலை, உயர்நிலை மற்றும் மேல்நிலைப் பள்ளிகளில் 6 முதல் 8 வகுப்பு வரை உள்ள மாணவர்களுக்கு உயர்கல்வி வழிகாட்டல் வழங்குதல் பொருட்டு, இணைப்பில் காணும் காணொளியில் தெரிவித்துள்ளவாறு,  6 முதல் 8 வகுப்பு வரை கற்பிக்கும் ஆசிரியர்களில் உயர்கல்வி வழிகாட்டி ஆசிரியரை (Quiz Coordinator) தெரிவு செய்து, School EMIS தளத்தில் பதிவு செய்திடுமாறு அனைத்து அரசு நடுநிலை,  உயர்நிலை மற்றும் மேல்நிலைப் பள்ளித் தலைமை ஆசிரியர்கள் கேட்டுக்கொள்ளப்படுகிறார்கள்.

>>> Career Guidance – Teacher Counsellor / Quiz Coordinator nomination செய்யும் முறை (காணொளி)...

துவக்கப்பள்ளி தலைமை ஆசிரியர்களுக்கு ஊதிய உயர்வு தர மறுத்தது சரியே - சென்னை உயர்நீதிமன்றம் தீர்ப்பு - நாளிதழ் செய்தி...

 

 துவக்கப்பள்ளி தலைமை ஆசிரியர்களுக்கு ஊதிய உயர்வு தர மறுத்தது சரியே - சென்னை உயர்நீதிமன்றம் தீர்ப்பு - நாளிதழ் செய்தி...

>>> செய்தி தரவிறக்கம் செய்ய இங்கே சொடுக்கவும்...

தொடக்கப் பள்ளி தலைமை ஆசிரியர்களாக 1995ம் ஆண்டுக்குப் பின்னர் பதவிஉயர்வு பெற்றவர்களுக்கு ஊதிய உயர்வு வழங்க மறுத்த அரசின் உத்தரவு செல்லும் என்று சென்னை உயர் நீதிமன்றம் உத்தரவிட்டுள்ளது.

 கடந்த 1988ஆம் ஆண்டுக்கு பின் தொடக்கப் பள்ளி தலைமை ஆசிரியர்களாக பதவி உயர்வு பெற்ற இடைநிலை ஆசிரியர்களுக்கு, சிறப்பு நிலை ஊதியம் வழங்கும் வகையில் கடந்த 2011ஆம் ஆண்டு தமிழக அரசு அரசாணை பிறப்பித்தது. 

இந்த அரசாணையின் பலன்களை தங்களுக்கும் வழங்கக் கோரி 1995ஆம் ஆண்டுக்குப் பின் தொடக்கப் பள்ளி தலைமை ஆசிரியர்களாக பதவி உயர்வு பெற்றவர்கள் அரசுக்கு கோரிக்கை விடுத்தனர்.ஆனால், மனுதாரர்கள் 1988 ஜூன் முதல் 1995 டிசம்பர் வரை தொடக்கப் பள்ளி தலைமை ஆசிரியர்களாக பணியாற்றவில்லை எனக் கூறி, அவர்களின் கோரிக்கையை அரசு நிராகரித்தது. 

இதை எதிர்த்து 1995ஆம் ஆண்டு டிசம்பருக்குப் பிறகு தலைமை ஆசிரியர்களாக பதவிஉயர்வு பெற்று தற்போது ஓய்வு பெற்ற ஆசிரியர்கள் சார்பில் சென்னை உயர் நீதிமன்றத்தில் வழக்கு தொடரப்பட்டது. 

இந்த வழக்கு நீதிபதிகள் டி.கிருஷ்ணகுமார் மற்றும் கே.குமரேஷ் பாபு ஆகியோர் அடங்கிய அமர்வில் விசாரணைக்கு வந்தது. அரசுத்தரப்பில் ஆஜரான வழக்கறிஞர், 1988 முதல் 1995 வரை பதவி உயர்வு பெற்றவர்களுக்கு மட்டுமே இந்த அரசாணை பொருந்தும். இந்த காலவரம்பு இல்லாமல் தொடக்கப் பள்ளி தலைமை ஆசிரியர்களுக்கு பணப் பலன்கள் வழங்குவதாக இருந்தால், ஓய்வு பெற்ற தொடக்கப் பள்ளி தலைமை ஆசிரியர்கள் 11,239 பேருக்கு ஓய்வூதியம் வழங்கும் போது அரசுக்கு 278 கோடி ரூபாய் வரை கூடுதல் செலவு ஏற்படும் என்று வாதிட்டார்.

அரசுத்தரப்பு வாதங்களை ஏற்றுக் கொண்ட நீதிபதிகள், 1995ஆம் ஆண்டு டிசம்பருக்கு பின் தொடக்கப் பள்ளி தலைமை ஆசிரியர்களாக பதவி உயர்வு பெற்றவர்களுக்கு ஊதிய உயர்வு வழங்க முடியாது என்று காலவரம்பு நிர்ணயிக்க அரசுக்கு அதிகாரம் உள்ளது. இந்த காலவரம்புக்குப் பின் பதவி உயர்வு பெற்றவர்களுக்கு பணப்பலன்கள் பெற உரிமையில்லை. அதனால் 1995 ஆம் ஆண்டுக்கு பின் பதவிஉயர்வு பெற்றவர்களுக்கு பணப்பலன்கள் வழங்க மறுத்த அரசு உத்தரவு செல்லும் எனக் கூறி வழக்கை தள்ளுபடி செய்து உத்தரவிட்டனர்.