Deferred U.G.C. NET exam re-date notification

 ஒத்திவைக்கப்பட்ட யு.ஜி.சி. நெட் தேர்வுக்கான மறுதேதி அறிவிப்பு

Deferred U.G.C. NET exam re-date notification

நாடு முழுவதும் உள்ள பல்கலைக்கழகங்கள் மற்றும் கல்லூரிகளில் உதவி பேராசிரியர் பணிக்கான தகுதித் தேர்வாகவும், இளநிலை ஆராய்ச்சி உதவித் தொகை பெறுவதற்கான தகுதித் தேர்வாகவும், பி.எச்டி. படிப்புக்கான தகுதித் தேர்வாகவும் 'யு.ஜி.சி. நெட்' தகுதித் தேர்வு நடத்தப்படுகிறது.

இந்த தேர்வானது, ஒவ்வொரு ஆண்டும் ஜூன் மற்றும் டிசம்பர் மாதங்களில் நடத்தப்படும். அந்த வகையில் டிசம்பர் மாதத்துக்கான யு.ஜி.சி நெட் தேர்வு 2025-ம் ஆண்டு ஜனவரி 3-ந்தேதி தொடங்கி ஜனவரி 16-ந்தேதி வரையில் நடைபெறும் என அறிவிக்கப்பட்டு, தேர்வு நடைபெற்று வருகிறது.

ஆனால் தமிழகத்தில் பொங்கல் பண்டிகை கொண்டாடப்படுவதால், அதற்கான விடுமுறை நாட்களில் தேர்வு நடத்துவதற்கு எதிர்ப்பு கிளம்பியது. இது தொடர்பாக தமிழக முதல்-அமைச்சர் மு.க.ஸ்டாலின், மத்திய கல்வித்துறை மந்திரி தர்மேந்திர பிரதானுக்கு கடிதம் எழுதினார். அதில், 'யு.ஜி.சி. நெட் தேர்வு மற்றும் பிற தேர்வுகளை ஜனவரி 13-ந்தேதி முதல் 16-ந்தேதி வரை நடத்துவதை தவிர்த்து, வேறு நாட்களில் மாற்றியமைக்க வேண்டும்' என வலியுறுத்தி இருந்தார். மேலும் பல்வேறு அரசியல் கட்சி தலைவர்களும் இந்த தேர்வை ஒத்திவைக்க கோரிக்கை வைத்தனர்.

இதைத்தொடர்ந்து இன்று (ஜனவரி 15) நடைபெற இருந்த யு.ஜி.சி நெட் தேர்வு ஒத்திவைக்கப்படுவதாக தேசிய தேர்வுகள் முகமை தெரிவித்தது. மேலும் நாளை (ஜனவரி 16) நடைபெறும் தேர்வு திட்டமிட்டபடி நடைபெறும் என்றும் தெரிவித்தது. இந்த நிலையில் ஒத்திவைக்கப்பட்ட தேர்வுகள் நடைபெறும் மறுதேதியை தேசிய தேர்வுகள் முகமை அறிவித்துள்ளது. அதன்படி இன்று நடைபெற இருந்த 17 பாடங்களுக்கான தேர்வுகள் வருகிற 21 மற்றும் 27 ஆகிய தேதிகளில் நடைபெறும் என்று தெரிவிக்கப்பட்டுள்ளது.

Chennai IIT Student Sexually Harassed - Uttar Pradesh State Youth Arrested

 சென்னை ஐஐடி மாணவிக்கு பாலியல் தொல்லை -  உத்தரபிரதேச மாநில இளைஞர் கைது

Chennai IIT Student Sexually Harassed - Uttar Pradesh State Youth Arrested

சென்னை ஐஐடி மாணவிக்கு பாலியல் தொல்லைக் கொடுத்த குற்றச்சாட்டில் வடமாநில இளைஞரை போலீஸார் கைது செய்தனர்.

சென்னை ஐ.ஐ.டியில் படிக்கும் ஆராய்ச்சி மாணவி ஒருவர் பொங்கல் பண்டிகை அன்று கோட்டூர்புரத்தில் உள்ள டீக்கடைக்கு நண்பருடன் சென்றிருக்கிறார். அப்போது அந்த டீக்கடையில் வேலை செய்யும் இளைஞர் ஒருவர் திடீரென மாணவிக்கு பாலியல் தொல்லைக் கொடுத்ததாகக் கூறப்படுகிறது. அதனால் அதிர்ச்சியடைந்த மாணவி, சத்தம் போட்டிருக்கிறார். இதையடுத்து அந்த டீக்கடையிலிருந்தவர்கள் என்னவென்று மாணவியிடம் விசாரித்துள்ளனர். அப்போது மாணவியும் அவருடன் வந்த நண்பரும் டீக்கடையில் வேலை செய்யும் இளைஞர், அத்துமீறி நடந்த தகவலைத் தெரிவித்தனர்.

அதனால் ஆத்திரமடைந்தவர்கள், அந்த இளைஞரை மடக்கிப் பிடித்து கோட்டூர்புரம் காவல் நிலையத்தில் ஒப்படைத்தனர். பின்னர் இந்தச் சம்பவம் தொடர்பாக ஐஐடி மாணவி, கோட்டூர்புரம் காவல் நிலையத்த்தில் புகாரளித்தார். அதன்பேரில் கோட்டூர்புரம் போலீஸார், சம்பவ இடத்துக்கு வந்து மாணவி குற்றம் சாட்டிய இளைஞரிடம் விசாரணை நடத்தினர். விசாரணையில் அவரின் பெயர் ஸ்ரீராம் (29) என்றும் உத்தரபிரதேச மாநிலத்தைச் சேர்ந்தவர் என்றும் தெரியவந்தது. விசாரணைக்குப்பிறகு அவரை போலீஸார் கைது செய்து சிறையில் அடைத்தனர்.

“Nature Camps” for Government School Students at Sathyamangalam Tiger Reserve – Ordinance G.O. Ms. No. 9, Dated : 03-01-2025 Issued

சத்தியமங்கலம் புலிகள் காப்பகத்தில் அரசுப் பள்ளி மாணவர்களுக்கான “இயற்கை முகாம்கள்” - அரசாணை G.O. Ms. No. 9, Dated : 03-01-2025 வெளியீடு

Environment, Climate Change & Forest Dept - “Nature camps” for TamilNadu Government School Students at Sathyamangalam Tiger Reserve for ₹6 lakh (six lakh) for the year 2024-2025 by utilizing the Discretionary fund of Secretary - Orders - Issued

சுற்றுச்சூழல், காலநிலை மாற்றம் மற்றும் வனத்துறை - சத்தியமங்கலம் புலிகள் காப்பகத்தில் தமிழ்நாடு அரசுப் பள்ளி மாணவர்களுக்கான “இயற்கை முகாம்கள்” 2024-2025 ஆம் ஆண்டிற்கான செயலாளரின் விருப்ப நிதியைப் பயன்படுத்தி ₹6 லட்சத்திற்கு (ஆறு லட்சம்) - உத்தரவு - வெளியிடப்பட்டது.

>>> தரவிறக்கம் செய்ய இங்கே சொடுக்கவும்...

Nature Camps for Government School Students at Kalakkadu Mundanthurai Tiger Reserve - Ordinance G.O. Ms. No. 8, Dated : 03-01-2025 Issued

 

களக்காடு முண்டந்துறை புலிகள் காப்பகத்தில் அரசுப் பள்ளி மாணவர்களுக்கான இயற்கை முகாம்கள் - அரசாணை G.O.Ms. No. 8, Dated : 03-01-2025 வெளியீடு

சுற்றுச்சூழல், காலநிலை மாற்றம் - வனத்துறை - தமிழ்நாடு அரசுப் பள்ளி மாணவர்களுக்கான இயற்கை முகாம்கள் களக்காடு முண்டந்துறை புலிகள் காப்பகத்தில் 2024-2025 ஆம் ஆண்டுக்கான ₹6.00 லட்சத்திற்கு (ஆறு லட்சம்) செயலாளரின் விருப்ப நிதியைப் பயன்படுத்தி - உத்தரவுகள் - வெளியிடப்பட்டது.

Environment, Climate Change - Forest Department - Nature camps for TamilNadu Government School Students at Kalakad  Mundanthurai Tiger Reserve for ₹6.00 lakh (six lakh) for the year 2024-2025 by utilizing the Discretionary fund of Secretary - Orders - Issued

>>> தரவிறக்கம் செய்ய இங்கே சொடுக்கவும்...

NHIS - Madurai teacher ordered by High Court to pay medical expenses

 

 மதுரை ஆசிரியைக்கு மருத்துவ செலவு தொகையை வழங்க உயர்நீதிமன்றம் உத்தரவு

NHIS - Madurai teacher ordered by High Court to pay medical expenses

தமிழக அரசின் அங்கீகரிக்கப்பட்ட மருத்துவமனைகள் பட்டியலில் இடம்பெறாத மருத்துவமனையில் சிகிச்சை பெற்ற மதுரை ஆசிரியைக்கு மருத்துவ செலவு தொகையை வழங்க உயர் நீதிமன்றம் உத்தரவிட்டுள்ளது.

மதுரை மாநகராட்சி பள்ளியில் பட்டதாரி ஆசிரியராக பணிபுரிந்து வரும் தனலெட்சுமி. இவர் நாகர்கோவிலில் உள்ள தனியார் மருத்துவமனையில் பல் சீரமைப்பு அறுவை சிகிச்சை செய்து கொண்டார். இதற்கு ரூ.1,22,254 செலவானது. இந்த தொகையை அரசு ஊழியர் மருத்துவக் காப்பீட்டு திட்டத்தின் கீழ் திரும்பக் கோரி மனு அளித்தார். அரசு ஊழியர் மருத்துவக் காப்பீட்டு திட்டத்தின் கீழ் அங்கீகரிக்கப்பட்டுள்ள மருத்துவமனைகள் பட்டியலில் இடம்பெறாத மருத்துவமனையில் சிகிச்சை பெற்றிருப்பதால் சிகிச்சைக்கான செலவு தொகையை திரும்ப வழங்க மறுக்கப்பட்டது. இதை எதிர்த்து தனலெட்சுமி உயர் நீதிமன்ற மதுரை அமர்வில் மனு தாக்கல் செய்தார்.

இதனை விசாரித்த தனி நீதிபதி, மனுதாரருக்கு மருத்துவ செலவு தொகை வழங்க மறுத்து பிறப்பித்த உத்தரவை ரத்து செய்து, மனுதாரருக்கு 12 வாரத்தில் பணம் வழங்க நடவடிக்கை எடுக்க வேண்டும் என மதுரை மாவட்ட முதன்மை கல்வி அலுவலருக்கு 25.3.2019-ல் உத்தரவிட்டார். அதன்பிறகும் பணம் வழங்கப்படாத நிலையில் மனுதாரர் மீண்டும் மனு தாக்கல் செய்தார். அந்த மனுவை விசாரித்த தனி நீதிபதி, மாவட்ட அளவிலான குழு பரிந்துரையின் பேரில் 4 வாரத்தில் பணம் வழங்க வேண்டும் என 28.11.2019ல் உத்தரவிட்டார்.

இந்த உத்தரவுகளை ரத்து செய்யக் கோரி மாநில நிதித்துறை செயலாளர் தரப்பில் உயர் நீதிமன்ற மதுரை அமர்வில் மேல்முறையீடு செய்யப்பட்டது. இதனை விசாரித்து நீதிபதிகள் ஜி.ஆர்.சுவாமிநாதன், எஸ்.ஸ்ரீமதி அமர்வு பிறப்பித்த உத்தரவு: ''அரசு ஊழியர்கள் மருத்துவ காப்பீடு விஷயத்தில் மாவட்ட அளவிலான குழுவின் முடிவு இறுதியாது. இந்தக் குழுவில் காப்பீட்டு நிறுவனங்களின் பிரதிநிதிகளும் உள்ளனர். மருத்துவ செலவு தொகை வழங்குவதில் காப்பீட்டு நிறுவனத்துக்கு ஆட்சேபம் இருந்தால் குழுவிடம் தான் தெரிவிக்க வேண்டும்.

மாவட்ட அளவிலான குழு மருத்துவ சிகிச்சைக்கான தொகையை வழங்க உத்தரவிட்டால் அந்தப் பணத்தை வழங்க காப்பீட்டு நிறுவனம் மறுக்க முடியாது. அவ்வாறு மறுக்கும் அதிகாரம் காப்பீட்டு நிறுவனத்துக்கு கிடையாது. மாவட்ட குழுவில் காப்பீட்டு நிறுவனத்தின் அங்கீகரிக்கப்பட்ட பிரதிநிதி இருப்பதால் மாவட்ட குழுவின் முடிவுக்கு மாறாக வேறு முடிவெடுக்க முடியாது.

இந்த வழக்கில் மாவட்ட குழுவின் பரிந்துரையில் பிரச்சினை இருந்தால் காப்பீட்டு நிறுவனம் மாநில அளவிலான குழுவிடம் மேல்முறையீடு செய்யலாம். அவ்வாறு எந்த மேல்முறையீடும் செய்யவில்லை. எனவே மாவட்ட குழு 25.9.2019-ல் எடுத்த இறுதியானது. அதன்படி ஆசிரியை தனலெட்சுமிக்கு 8 வாரத்தில் மருத்துவ செலவு தொகையை காப்பீட்டு நிறுவனம் வழங்க வேண்டும். தவறினால் 7 சதவீத வட்டி சேர்த்து வழங்க வேண்டும்.'' இவ்வாறு நீதிபதிகள் உத்தரவில் கூறியுள்ளனர்.

Letter Writing Competition - First Prize Rs 50,000 : Can be sent by 31st January

 

கடிதம் எழுதும் போட்டி - முதல் பரிசு ரூ 50,000 : ஜனவரி 31க்குள் அனுப்பலாம்

Letter Writing Competition - First Prize Rs 50,000 : Can be sent by 31st January

அஞ்சல் துறை சாா்பில் தமிழ், ஆங்கிலம் , இந்தி ஆகிய மூன்று மொழிகளில் கடிதம் எழுதும் போட்டி நடைபெறவுள்ளது.

வரும் ஜனவரி 31 ஆம் தேதிக்குள் கடிதங்களை அனுப்பலாம் என தெரிவிக்கப்பட்டுள்ளது.

இது குறித்து அஞ்சல் துறை சாா்பில் வெளியிடப்பட்ட செய்திக் குறிப்பு: தேசிய அளவில் அஞ்சல் துறை சாா்பில் கடிதம் எழுதும் போட்டி ஆண்டுதோறும் நடத்தப்பட்டு வருகிறது.

நிகழாண்டில் 'எண்ம யுகத்தில் கடிதத்தின் முக்கியத்துவம்' எனும் தலைப்பில் கடிதம் எழுதும் போட்டி நடைபெறவுள்ளது.

இதில் பள்ளி மாணவா்கள் உள்ளிட்ட அனைத்து வயதினரும் கலந்து கொள்ளலாம்.

இந்த கடிதம் ஆங்கிலம், தமிழ், இந்தி மொழிகளில் உள்நாட்டு கடிதத்தில் 500 வாா்த்தைகளுக்கு மிகாமலும், 'ஏ4' தாளில் 1,000 வாா்த்தைகளுக்கு மிகாமலும் எழுதி அனுப்ப வேண்டும்.

18 வயதுக்கு கீழ் / மேல் உள்ளேன் என சுயச்சான்று அளித்து போட்டியில் பங்கேற்கலாம்.

இப்போட்டியில் தேசிய அளவில் முதல் பரிசு ரூ.50,000, இரண்டாம் பரிசு ரூ.25,000, மூன்றாம் பரிசு ரூ.10,000 வழங்கப்படும்.

அதேபோல் மாநில அளவில் முதல் பரிசு ரூ.25,000, இரண்டாம் பரிசு ரூ.10,000, மூன்றாம் பரிசு ரூ.5,000 வழங்கப்படும்.

கடிதத்தை தலைமை அஞ்சல் துறை பொது மேலாளா், தமிழ்நாடு வட்டம், சென்னை  -600002 எனும் முகவரிக்கு வரும் ஜனவரி 31ஆம் தேதிக்குள் அனுப்ப வேண்டும் எனத் தெரிவிக்கப்பட்டுள்ளது.

UPS, NPS & CPS - Comparison

Comparison of UPS vs NPS vs CPS in Tamilnadu 

UPS - Unified Pension Scheme Effect from 01.04.2025 for Central Govt Employees

>>> Click Here to Download...