கல்வி அஞ்சல்: Equal Pay

இந்தசெய்தியைபகிர்ந்துகொள்ள...

கல்வி அஞ்சல் கல்வி அஞ்சல் வலைதளத்திற்கு அனைவரையும் அன்புடன் வரவேற்கிறோம்... கல்வி அஞ்சல் கல்வி சார்ந்தஅரசாணைகள், செயல்முறைகள் மற்றும் பொதுவானதகவல்களைப் பெறகல்வி அஞ்சல் வலைதளத்துடன் இணைந்திருங்கள்... கல்வி அஞ்சல் தங்களின் மேலானகருத்துகளையும், பகிர்ந்துகொள்ளவிரும்பும் முக்கியமானதகவல்களையும் kalvianjal@gmail.com என்றமின்னஞ்சல் முகவரிக்கு அனுப்புங்கள்... கல்வி அஞ்சல் கல்வி அஞ்சல் வலைதளத்திற்கு அனைவரையும் அன்புடன் வரவேற்கிறோம்... கல்வி அஞ்சல் கல்வி சார்ந்தஅரசாணைகள், செயல்முறைகள் மற்றும் பொதுவானதகவல்களைப் பெறகல்வி அஞ்சல் வலைதளத்துடன் இணைந்திருங்கள்... கல்வி அஞ்சல் தங்களின் மேலானகருத்துகளையும், பகிர்ந்துகொள்ளவிரும்பும் முக்கியமானதகவல்களையும் kalvianjal@gmail.com என்றமின்னஞ்சல் முகவரிக்கு அனுப்புங்கள்... கல்வி அஞ்சல்

Equal Pay லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

நாளை (10.03.2026) சம வேலைக்கு சம ஊதியக் கோரிக்கை தொடர்பான கூட்டம் - இயக்குநரின் செயல்முறைகள்

நாளை (10.03.2026) சம வேலைக்கு சம ஊதியக் கோரிக்கை தொடர்பான கூட்டம் - தமிழ்நாடு தொடக்கக்கல்வி இயக்குநரின் செயல்முறைகள் , நாள் : 09.03.2026

சம வேலைக்கு சம ஊதியக் கோரிக்கை (Equal Work, Equal Pay Demand) தொடர்பான கூட்டம் - நாளை (10.03.2026) சென்னையில் நடைபெறுகிறது

>>> தரவிறக்கம் செய்ய இங்கே சொடுக்கவும்

தமிழ்நாடு தொடக்கக் கல்வி இயக்குநரின் செயல்முறைகள், சென்னை-6.

ந.க.எண்.35372/இ1/2022, நாள். .03.2026

பொருள்:

தமிழ்நாடு தொடக்கக் கல்வி சார்நிலைப்பணி சம வேலைக்கு சம ஊதியம் கோரிக்கை குறித்து குழு அமைத்து அரசாணை வெளியிடப்பட்டது இக்கோரிக்கை சார்பாக அழைக்கப்படாத பிற சங்கங்களுக்கான ஐந்தாவது கூட்டம் 10.03.2026 அன்று பிற்பகல் 2.30 மணியளவில் நடைபெற உள்ளது -தகவல் தெரிவித்தல் - சார்ந்து.

பார்வை:

1. மாண்புமிகு தமிழ்நாடு முதலமைச்சர் அவர்களின் 01.01.2023 நாளிட்ட செய்தி வெளியீடு.

2. அரசாணை (நிலை) எண்.25 பள்ளிக் கல்வி (தொ.க.3(1)) துறை நாள்.30.01.2023.

3. அரசாணை (நிலை) எண்.229 பள்ளிக் கல்வித் (.5.3(1)) . நாள் 06.12.2023.

4. அரசுக் கடித எண் 730/தொக.5.3(1)/2023-3, 5, 6, 8, 11 01.06.2023, 18.10.2023, 30.10.2023, 08.12.2023, 08.01.2025, 18.06.2025, 04.09.2025 06.03.2026.

5. சென்னை-600 006, தமிழ்நாடு தொடக்கக் கல்வி இயக்குநரின் செயல்முறைகள். ந.க.எண்.35372/1/2022, 23.01.2025, 03.03.2023, 06.06.2023, 26.10.2023, 01.11.2023, 19.09.2024, 20.05.2025, 20.06.2025, 23.06.2025, 21.08.2025 மற்றும் 08.09.2025.

தொடக்கக் கல்வித் துறையின் கீழ் இயங்கும் பள்ளிகளில் 01.06.2009-க்கு பின் இடைநிலை ஆசிரியர் பணியில் நியமனம் பெற்றவர்கள் 01.06.2009-க்கு முன் இடைநிலை ஆசிரியர் பணியில் நியமனம் பெற்றவர்களுக்கு இணையான ஊதியம் கோரும் கோரிக்கைகளை ஆய்வு செய்து அரசுக்கு பரிந்துரை செய்ய பார்வை 3-ல் காணும் அரசாணையில் அமைக்கப்பட்ட குழுவின்படி ஐந்தாவது கூட்டம் 10:03.2026 அன்று கூட்டம் நடத்துவது சார்ந்து பார்வை 4-ல் காணுமாறு அரசுக் கடிதம் பெறப்பட்டுள்ளது.

இதனடிப்படையில், சம வேலைக்கு சம ஊதியம் குறித்த கோரிக்கை சார்பாக பார்வை 3-ல் காணும் அரசாணையின்படி குழுவின் தலைவர் பள்ளிக் கல்வித் துறை செயலாளர் மற்றும் உறுப்பினர்கள் முன்னிலையில் பார்வை 4-ல் காணும் 06.03.2026 நாளிட்ட அரசுக் கடிதத்தின்படி 10.03.2026 அன்று பிற்பகல் 02.30 மணியளவில் கீழ்க்காணும் அட்டவணையின்படி நடைபெறவுள்ள கருத்து கேட்பு கூட்டத்திற்கு பத்து சங்கங்களின் பிரதிநிதிகள் கலந்து கொள்ள அழைக்கப்படுகிறார்கள். மேலும் இக்கூட்டத்தில் ஒரு சங்கத்திற்கு ஒரு பிரதிநிதி வீதம் தவறாமல் கலந்து கொள்ளுமாறு கேட்டுக்கொள்ளப்படுகிறார்கள்.

எண் , சங்கத்தின் பெயர்

1. தமிழக ஆசிரியர் மன்றம்

2. ஆசிரியர் முன்னேற்ற சங்கம் 3. தமிழ்நாடு அனைத்து ஆசிரியர் சங்கம்

4. தமிழ்நாடு அனைத்து ஆசிரியர் சங்கம்-2

5. தமிழ்நாடு தொடக்கப் பள்ளி ஆசிரியர் கூட்டணி-2

6. தமிழ்நாடு பட்டதாரி ஆசிரியர் கூட்டமைப்பு

7. அனைத்து பள்ளி பட்டதாரி ஆசிரியர்கள் சங்கம்.

8. தமிழ்நாடு ஆசிரியர் சங்கம்

9. தமிழ்நாடு அனைத்து ஆசிரியர் முன்னேற்ற பேரவை

10. அனைத்திந்திய ஆசிரியர் பேரவை மற்றும் ஆசிரியர்கள் நலச்சங்கம்.

நாள் மற்றும் நேரம் : 10.03.2026 பிற்பகல் 02.30 மணி

இடம்

பள்ளிக் கல்வித் துறை கூட்டரங்கு. 6-வது தளம், நாமக்கல் கவிஞர் மாளிகை, தலைமைச் செயலகம், சென்னை-9.

சங்கப் மேற்குறிப்பிட்டுள்ள அங்கீகரிக்கப்பட்ட / அங்கீகரிக்கப்படாத பிரதிநிதிகளை தவிர்த்து மற்ற சங்கப் பிரதிநிதிகளை பிறிதொரு நாளில் நடைபெறும் கூட்டத்திற்கு அழைக்கப்படுவார்கள் எனத் தெரிவிக்கப்படுகிறது.

தொடக்கக் கல்வி இயக்குநர்

பெறுநர்

1. தமிழக ஆசிரியர் மன்றம்

2. ஆசிரியர் முன்னேற்ற சங்கம் 3. தமிழ்நாடு அனைத்து ஆசிரியர் சங்கம்

4. தமிழ்நாடு அனைத்து ஆசிரியர் சங்கம்-2

5. தமிழ்நாடு தொடக்கப் பள்ளி ஆசிரியர் கூட்டணி-2

6. தமிழ்நாடு பட்டதாரி ஆசிரியர் கூட்டமைப்பு

7. அனைத்து பள்ளி பட்டதாரி ஆசிரியர்கள் சங்கம்.

8. தமிழ்நாடு ஆசிரியர் சங்கம்

9. தமிழ்நாடு அனைத்து ஆசிரியர் முன்னேற்ற பேரவை

10. அனைத்திந்திய ஆசிரியர் பேரவை மற்றும் ஆசிரியர்கள் நலச்சங்கம்.

மின்னஞ்சல் வழியாக

"சம வேலைக்கு சம ஊதியம்" போராட்டத்திற்கு டிட்டோஜாக் மற்றும் தொடக்கக்கல்வி ஆசிரியர் சங்கங்கள் ஆதரவு கொடுக்க SSTA வேண்டுகோள்

"சம வேலைக்கு சம ஊதியம்" போராட்டத்திற்கு டிட்டோஜாக் மற்றும் தொடக்கக்கல்வி ஆசிரியர் சங்கங்கள் ஆதரவு கொடுக்க SSTA வேண்டுகோள் கடிதம்

>>> தரவிறக்கம் செய்ய இங்கே சொடுக்கவும்

இடைநிலை ஆசிரியர்களின் போராட்டத்திற்கு டிட்டோஜாக் மற்றும் ஏனைய தொடக்கக்கல்வி ஆசிரியர் சங்கங்கள் ஆதரவு கொடுக்க வேண்டுகோள்

இடைநிலை ஆசிரியர்களுக்கு ஆறாவது ஊதிய குழுவில் அடிப்படை ஊதியம் ₹.3,170 குறைக்கப்பட்டு தற்போது ஏழாவது ஊதியக் குழுவில் கடைநிலை ஊழியர்களின் ஊதியமான ₹.20,600 அடிப்படை ஊதியமாக வழங்கப்பட்டு வருகிறது. 16 ஆண்டுகளாக பல இயக்கங்கள் போராடி வரும் சூழ்நிலையில் எங்களது இயக்கமும் பல கட்ட போராட்டங்களை முன்னெடுத்தோம். அதிலும் குறிப்பாக கடந்த 8 ஆண்டுகளில் தீவிரமான போராட்டங்களை எங்களது SSTA இயக்கத்தின் சார்பாக நடத்தி வருகிறோம் என்பதை அனைவரும் அறிந்ததே. இதற்காக கடந்த ஆட்சியில் தற்போதைய மாண்புமிகு தமிழக முதல்வர் அவர்கள் நேரில் இரண்டு முறை வந்திருந்து ஆதரவு கொடுத்து திமுக அரசின் தேர்தல் அறிக்கை 311ல் இடம் பெற வைத்து ஆட்சி அமைந்ததும் 01-01-2023ல் முதல் அறிவிப்பாக இடைநிலை ஆசிரியர்களுக்கு "சமவேலைக்கு சம ஊதியம்" வழங்க பரிந்துரைக்க மூன்று நபர்கள் அடங்கிய குழு அமைத்து அரசாணை பிறப்பித்தார்.

மூன்று நபர்கள் அடங்கிய குழு அமைத்து மூன்றாண்டுகளாகியும் எந்த முடிவும் ஏற்படாததால் ஆட்சியும் இன்னும் சில நாட்களில் முடிவடைய போவதால் மிகத் தீவிரமான போராட்டத்தை சென்னையிலும் மாநிலத்தின் அனைத்து மாவட்டத் தலைநகரங்களிலும் முன்னெடுத்து வருகிறோம்.

இந்த போராட்டமானது ஒரு இயக்கம் நடத்தும் போராட்டம் என்று கடந்து செல்லாமல் ஒரு இடைநிலை ஆசிரியர் இனத்திற்கான போராட்டமாக கருதி தொடக்கக் கல்வித் துறையில் உள்ள டிட்டோஜாக் மற்றும் பிற ஆசிரிய இயக்கங்கள் இந்த போராட்டத்திற்கு தங்களின் முழு ஆதரவை வழங்கி நேரடியாக களத்தில் வந்து 20 ஆயிரம் இடைநிலை ஆசிரியர் குடும்பங்களை பாதுகாத்திட அன்போடு வேண்டுகிறோம். இயக்கங்களுக்குள் கருத்து முரண்பாடுகள் இருந்தாலும் இனத்திற்காக ஒன்றுபடுவோம்.

கடந்த பத்து நாட்களில் அரசின் கடுமையான அடக்குமுறைகளைத் தாண்டி ஆண் ஆசிரியர்கள் மற்றும் பெண் ஆசிரியர்கள் கடுமையாக தொடர்ந்து போராட்டக் களத்தில் பங்கெடுத்து வருவதை ஒட்டுமொத்த உலகமும் பார்த்து வருகிறது. கடந்த காலங்களில் ஜாக்டோ ஜியோ போராட்டங்களில் ஆசிரியர்களை கைது செய்த போதும் SSTA அதில் பங்கெடுத்து எங்கள் இயக்க 73 ஆசிரியர்களும் சிறைக்குச் சென்றார்கள். மேலும் தற்போதைய ஜாக்டோ ஜியோ ஒரு நாள் மற்றும் காலவரையற்ற போராட்டங்களிலும் பங்கெடுத்து வந்தது மேலும் பங்கெடுப்போம் என்ற உறுதியையும் சமூக வலைதளங்களில் கடிதம் வாயிலாக வெளியிட்டோம்.

தற்போதைய சூழ்நிலையில் இது ஒரு இயக்கத்திற்கான போராட்டம் என்று அமைதி காப்பது நமது ஒட்டுமொத்தமான ஆசிரியர்இன ஒற்றுமைக்கும் பேர் ஆபத்தாக மாறிவிடும்.

தொடக்கக் கல்வித் துறையில் உள்ள அனைத்து சங்கங்களும் இந்த ஊதிய முரண்பாட்டிற்கான போராட்டத்தில் பங்கெடுக்கும் போது இடைநிலை ஆசிரியர்கள் ஊதிய முரண்பாடு என்ற ஒற்றைக் கோரிக்கையில் அனைவரும் போராடி இந்த ஊதியத்தை வென்றெடுக்க வேண்டிய பொறுப்பும் கடமையும் அனைத்து தொடக்கக் கல்வித்துறை சங்கங்களுக்கும் உள்ளது. எனவே தயவு செய்து இதில் சங்க பிரிவினை பாராமல் அனைவரும் பங்கெடுக்க வேண்டுமாய் அன்புடன் வேண்டுகிறோம்.

அனைத்து இயக்கங்களுக்கும் SSTA ஆதரவு கேட்டு கடிதம் 17.12.2025 அன்று அனுப்பி வைக்கப்பட்டது. தொடக்கக் கல்வித் துறையின் ஆணிவேரான இடைநிலை ஆசிரியர்களின் வாழ்வாதாரத்தை பாதுகாத்திட ஒற்றுமையாக களம் கண்டு ஊதியத்தை வென்று கொடுத்த பெருமை மூத்த இயக்கங்களுக்கு கிடைத்திடட்டும்.

நடைபெற்று வரும் போராட்டத்திற்கு தமிழகத்திலுள்ள அனைத்து அரசியல் கட்சிகளும் ஆதரவு கொடுத்துள்ளது.

தொடக்கக்கல்வி இயக்கங்கள் மட்டும் இதுவரை பெரிதாக ஆதரவு கொடுக்கவில்லை.

ஒன்றுபட்ட போராட்டம் ஓர் இனத்தை வாழ வைக்க உதவட்டும்.

நன்றி

*தகவல் பகிர்வு*

SSTA-மாநிலத் தலைமை

>>> 2026-ஆம் ஆண்டின் சிறந்த இயர்பட்ஸ்...

"சமவேலைக்கு சமஊதியம்" வழங்கக்கோரி சென்னை DPI வளாகத்தை முற்றுகையிட முயன்ற ஆயிரத்துக்கும் மேற்பட்ட இடைநிலை ஆசிரியர்கள் கைது

சமவேலைக்கு சமஊதியம்’ வழங்கக்கோரி சென்னை டிபிஐ வளாகத்தை முற்றுகையிட முயன்ற ஆயிரத்துக்கும் மேற்பட்ட இடைநிலை ஆசிரியர்கள் நேற்று கைது செய்யப்பட்டனர். சாலையில் அமர்ந்து போராடியதால் போக்குவரத்து பாதிக்கப்பட்டது. ஆசிரியை ஒருவர் மயங்கி விழுந்ததால் பரபரப்பு ஏற்பட்டது.

அரசு மற்றும் அரசு உதவி பெறும் பள்ளிகளில் 31.5.2009க்கு முன்னர் பணியில் உள்ள இடைநிலை ஆசிரியர்களுக்கும், அதற்கு பின்னர் பணியில் சேர்ந்தவர்களுக்கும் அடிப்படை சம்பளத்தில் பெரிய அளவில் வேறுபாடு இருந்து வருகிறது. ஊதிய முரண்பாட்டை கண்டித்து சமவேலைக்கு சமஊதியம் என்ற கோரிக்கையை வலியுறுத்தி நீண்ட காலமாக போராடி வருகின்றனர்.

இந்நிலையில், டிசம்பர் 26-ம் தேதி காலை 10.30 மணிக்கு தொடக்கக் கல்வி இயக்குநர் உள்ளிட்ட கல்வித்துறை அலுவலகங்கள் அமைந்துள்ள DPI வளாகத்தை முற்றுகையிட்டு போராட்டம் நடத்தப் போவதாக அறிவிக்கப்பட்டிருந்தது. இதையடுத்து வளாகத்தின் அனைத்து வாயில்களும் மூடப்பட்டு போலீஸார் குவிக்கப்பட்டனர்.

போராட்டத்துக்காக வெளியூர்களில் இருந்து வந்த இடைநிலை ஆசிரியர்களை நுங்கம்பாக்கம், எழும்பூர் ரயில்நிலையங்கள் உள்ளிட்ட இடங்களில் வழிமறித்து போலீஸ் வாகனங்களில் ஏற்றிச்சென்றனர். இந்நிலையில், காலை 11.30 மணியளவில் இடைநிலை பதிவுமூப்பு ஆசிரியர்கள் இயக்கத்தின் பொதுச்செயலாளர் ஜே.ராபர்ட் மற்றும் நிர்வாகிகள் தலைமையில் 50-க்கும் மேற்பட்ட ஆசிரியர்கள் டிபிஐ வளாகத்தை முற்றுகையிட முயன்றனர்.

மற்றொருபுறம் ஏராளமானோர் குவியத்தொடங்கினர். அதில் ஒரு பிரிவினர் சாலையில் அமர்ந்து கோஷமிட்டனர். அவர்களை காவல் துறையினர் குண்டுக் கட்டாக தூக்கி போலீஸ் வாகனங்களில் ஏற்றினர்.

திடீர் மறியல்: தொடர்ந்து ஆசிரியர்கள் கூட்டம் கூட்டமாக வருவதும் சாலையில் அமர்ந்து கோஷமிடுவதும், அவர்களை போலீஸார் வாகனங்களில் ஏற்றிச் செல்வதும் என கல்லூரிச்சாலையில் போக்குவரத்து நெரிசல் ஏற்பட்டது. வாகனங்கள் மாற்றுப் பாதையில் திருப்பிவிடப்பப்பட்டன. இதற்கிடையே, போராட்டத்தில் ஈடுபட்ட நாமக்கல் ஆசிரியை மகேஸ்வரி என்பவர் மயங்கி விழுந்தார். இதையடுத்து அவர் அங்கு நிறுத்தப்பட்டிருந்த ஆம்புலன்ஸில் மருத்துவமனைக்கு அனுப்பி வைக்கப்பட்டார்.

போராட்டம் தொடரும்: போராட்டம் சற்று தணிந்த நிலையில் 50-க்கும் மேற்பட்ட ஆசிரியர்களை ஒய்எம்சிஏ கல்லூரி அருகே போலீஸார் தடுத்து நிறுத்தினர். இதனால் அவர்கள் அனைவரும் சாலையில் அமர்ந்து போராட்டத்தில் ஈடுபட்டனர். பின்னர் அவர்கள் போலீஸ் வாகனத்தில் ஏற்றி அப்புறப்படுத்தப்பட்டனர்.

முன்னதாக இடைநிலை பதிவுமூப்பு ஆசிரியர்கள் இயக்கத்தின் பொதுச்செயலாளர் ஜே.ராபர்ட் செய்தியாளர்களிடம் கூறும்போது, “திமுக தேர்தல் வாக்குறுதியை இதுவரை நிறைவேற்றவில்லை, தொடர்ந்து பேச்சுவார்த்தை, குழு அமைப்பது என தள்ளிக்கொண்டு செல்கிறார்கள்.

முன்கூட்டியே கைதுசெய்வது, வலுக்கட்டாயமாக அப்புறப்படுத்துவது என எங்கள் போராட்டத்தை ஒடுக்க நினைத்தாலும், கோரிக்கை நிறைவேறும் வரை போராடுவோம். போராடக்கூட அனுமதி மறுக்கிறார்கள். அறவழியில் போராடும் எங்களை தீவிரவாதிகளைப் போல நடத்துகிறார்கள்” என்றார்.

அரசியல் தலைவர்கள் கண்டனம்: சமவேலைக்கு சம ஊதியம் வழங்கக்கோரி போராட்டத்தில் ஈடுபட்ட இடைநிலை ஆசிரியர்கள் கைது செய்யப்பட்டதற்கு அரசியல் கட்சி தலைவர்கள் கண்டனம் தெரிவித்துள்ளனர். இதுதொடர்பாக அவர்கள் வெளியிட்ட அறிக்கை:

அதிமுக பொதுச்செயலாளர் பழனிசாமி: திமுக அளித்த தேர்தல் வாக்குறுதியை நிறைவேற்றக் கோரி போராட்டம் நடத்திய இடைநிலை ஆசிரியர்களை காவல்துறையினர் கைது செய்திருப்பது கடும் கண்டனத்துக்குரியது. முதல்வர் ஸ்டாலின் தான் கொடுத்த வாக்குறுதியை நிறைவேற்ற முடியவில்லை எனில், அதனை ஒப்புக்கொள்ள வேண்டும். ஆசிரியர்கள் மீதான அராஜகப் போக்கை கைவிட வேண்டும்.

பாஜக மாநில தலைவர் நயினார் நாகேந்திரன்: சமவேலைக்கு சம ஊதியம் கேட்டுப் போராடிய இடைநிலை ஆசிரியர்களின் மீது அடக்குமுறையை ஏவி அவர்களை வலுக்கட்டாயமாகக் கைது செய்துள்ளது கடும் கண்டனத்துக்குரியது.

ஆசிரியர்கள் முதல் செவிலியர்கள் வரை அனைவரையும் போராடும் அவல நிலைக்கு தள்ளுவதுதான் நல்லாட்சியின் அம்சமா? காலி பணியிடங்களை நிரப்பாமல், பணியில் இருப்பவர்களுக்கு முறையான ஊதியம் வழங்காமல், ஓய்வுபெற்ற அரசு ஊழியர்களுக்கான ஓய்வூதியப் பலன்களை விடுவிக்காமல் ஒட்டுமொத்த அரசு இயந்திரத்தையே பழுதாக்கியதுதான் திமுக அரசின் நான்காண்டு சாதனை.

பாமக தலைவர் அன்புமணி: சம வேலைக்கு சம ஊதியம் வழங்க வேண்டும் என்று போராட்டம் நடத்திய ஆசிரியர்கள் மீது திமுக அரசு அடக்குமுறைகளை கட்டவிழ்த்து விட்டிருப்பது கண்டிக்கத்தக்கது. ஆசிரியர்களின் போராட்டத்தை அடக்குமுறை மூலம் ஒடுக்கி விடலாம் என்ற எண்ணத்தை திமுக அரசு கைவிட்டு, அவர்களின் கோரிக்கையை உடனே நிறைவேற்ற வேண்டும்.

தமாகா தலைவர் ஜி.கே.வாசன்: திமுக அறிவித்த தேர்தல் வாக்குறுதிகளை இடைநிலை ஆசிரியர்களும் நம்பி வாக்களித்தனர். ஆனால் இன்னும் நிறைவேற்றப்படாதது ஏற்புடையதல்ல. போராட்டம் நடத்திய இடைநிலை ஆசிரியர்களை கைது செய்தது அடக்குமுறையான செயல். தொடர்ந்து அடக்குமுறைகளைக் கையாளாமல் இடைநிலை ஆசிரியர்களின் கோரிக்கைகளை உடனே நிறைவேற்ற முன்வர வேண்டும். இவ்வாறு அவர்கள் கூறியுள்ளனர்.

Car Washer High Pressure Gun Cordless Portable Wireless Pressure Washer Gun 48V 12000mah High Pressure Water Gun Car Wash Bike Washing Cleaning| Adjustable Nozzle and 5M Hose Pipe

https://amzn.to/4pLA6Qb

இடைநிலை ஆசிரியர்களின் சம வேலைக்கு சம ஊதியம் கோரிக்கை - 7 சங்கங்களுக்கு அழைப்பு

இடைநிலை ஆசிரியர்களின் சம வேலைக்கு சம ஊதியம் கோரிக்கை - 7 சங்கங்களுக்கு அழைப்பு

இடைநிலை ஆசிரியர்களின் சம வேலைக்கு சம ஊதியம் கோரிக்கை குறித்து ஆய்வு செய்து பரிந்துரை செய்ய குழு அமைக்கப்பட்டது - குழுவின் நான்காவது கூட்டம் 11-09-2025 பிற்பகல் 3 மணி அளவில் கூட்டம் நடைபெறவுள்ளது தகவல் தெரிவித்தல் சார்பாக தமிழ்நாடு தொடக்கக்கல்வி இயக்குநரின் செயல்முறைகள்

>>> தரவிறக்கம் செய்ய இங்கே சொடுக்கவும்

SG Teachers' "Equal pay for Equal work" demand - DEE Proceedings

இடைநிலை ஆசிரியர்களின் "சம வேலைக்கு சம ஊதியம்" கோரிக்கை - இன்று (24.06.2025) நடைபெற உள்ள 4வது கருத்து கேட்பு கூட்டத்தில் பங்கேற்க சங்கங்களுக்கு அழைப்பு - தொடக்கக் கல்வி இயக்குநரின் செயல்முறைகள்

Secondary Grade Teachers' demand for "equal pay for equal work" - Invitation to Federations to participate in the 4th consultation meeting to be held today (24.06.2025) - Proceedings of the Director of Elementary Education

>>> தரவிறக்கம் செய்ய இங்கே சொடுக்கவும்...

Negotiations on Demand for Equal Pay for Equal Work of SGTs on 04.02.2025 - DEE Proceedings

இடைநிலை ஆசிரியர்களின் சம வேலைக்கு சம ஊதியம் கோரிக்கை குறித்த பேச்சு வார்த்தை 04.02.2025 அன்று நடைபெறுகிறது - தொடக்கக் கல்வி இயக்குநரின் DEE செயல்முறைகள்

Negotiations on Demand for Equal Pay for Equal Work of Secondary Grade Teachers on 04.02.2025 - Directorate of Elementary Education - DEE Proceedings

>>> தரவிறக்கம் செய்ய இங்கே சொடுக்கவும்...

இடைநிலை ஆசிரியர்கள் போராட்டம் வாபஸ்...

19 நாட்களாக போராடி வந்த ஆசிரியர்களின் போராட்டம் வாபஸ்...

மாணவர் சேர்க்கை நாடாளுமன்றத் தேர்தல் வர உள்ளதை ஒட்டி போராட்டத்தை தற்காலிகமாக ஒத்திவைப்பு...

தமிழ்நாடு முதலமைச்சர் அவர்களின் கவனத்திற்கு கொண்டு சென்று கோரிக்கைகளை பரிசீலிப்பதாக பள்ளிக்கல்வி இயக்குநர் அவர்களின் உறுதிமொழி ஏற்று போராட்டம் வாபஸ்...

*_இடைநிலை ஆசிரியர்கள் போராட்டம் வாபஸ்_*

*19 நாட்களாக போராடி வந்த இடைநிலை ஆசிரியர்களின் போராட்டம் தற்காலிகமாக ஒத்திவைப்பு.*

*மாண்புமிகு பள்ளிக் கல்வித்துறை அமைச்சர் அவர்கள் டெல்லி சென்றிருக்கிறார். அங்கிருந்து போராட்ட களத்திலிருக்கும் மாநில தலைமை ஜே.ராபர்ட் அவர்களுடன் (இடைநிலை ஆசிரியர்களுடன்) தொலைபேசியில் பேசிய பின்பு மதிப்புமிகு பள்ளிகல்வித்துறை இயக்குனர் மற்றும் தொடக்கக் கல்வி இயக்குனர் அவர்கள் தலைமையில் பேச்சுவார்த்தை நடைபெற்றது. போராட்டத்திற்கான சுமுகமான தீர்வு மிக விரைவில் எட்டப்படும் என்பதால் தற்காலிகமாக 19 நாளாக நடைபெற்ற போராட்டம் ஒத்தி வைக்கப்படுகிறது.*

*போராட்ட நாட்கள் அனைத்தும் தகுதியான விடுப்பாக முறைப்படுத்தப்படும்.*

*மற்ற அனைத்து விபரங்களும் விரைவில் நடைபெறவுள்ள மாவட்ட பொறுப்பாளர்கள் கூட்டத்தில் தெரிவிக்கப்படும்.*

_நன்றி..!!_

_ஜே.ராபர்ட்_

*_SSTA மாநில தலைமை_*

இடைநிலை ஆசிரியர்கள் ஆர்ப்பாட்டத்தினை கைவிட்டு உடனடியாக பணிக்குத் திரும்ப பள்ளிக் கல்வித் துறை அமைச்சர் வேண்டுகோள் - செய்தி வெளியீடு எண்: 388, நாள்: 27-02-2024...

இடைநிலை ஆசிரியர்கள் ஆர்ப்பாட்டத்தினை கைவிட்டு உடனடியாக பணிக்குத் திரும்ப பள்ளிக் கல்வித் துறை அமைச்சர் வேண்டுகோள் - செய்தி வெளியீடு எண்: 388, நாள்: 27-02-2024...

தமிழ்நாடு அரசு இடைநிலை ஆசிரியர்களின் கோரிக்கைகள் குறித்து ஆய்வு செய்து பரிந்துரைகள் அளிக்க மூவர் குழு ஒன்றை அமைத்து அரசாணை வெளியிட்டுள்ளது.

இக்குழு ஆசிரியர் சங்கங்களின் பிரதிநிதிகளுடன் மூன்று சுற்று கருத்து கேட்புக்கூட்டங்களை நடத்தியுள்ளது.மற்ற சங்கப் பிரதிநிதிகளுடன் அடுத்த சுற்று கருத்துக் கேட்பு நடைபெற வேண்டியுள்ளது.

அதன் பின்னர் இப்பொருள் சார்ந்து விரிவான அறிக்கையினைப் பெற்று மாண்புமிகு தமிழ்நாடு முதலமைச்சர் அவர்களின் கவனத்திற்கு கொண்டுச் செல்லப்படும் எனத் தெரிவித்துக் கொள்கின்றேன் - பள்ளிக்கல்வி அமைச்சர் அன்பில் மகேஷ் அவர்கள்...

>>> செய்தி வெளியீடு எண்: 388, நாள்: 27-02-2024 - தரவிறக்கம் செய்ய இங்கே சொடுக்கவும்...

ஆசிரியர்கள் மாணவர்களின் இரண்டாம் பெற்றோர். தேர்வு காலம் என்பதால் மாணவர்களின் நலன் கருதி ஆசிரியர்கள் போராட்டத்தை விலக்கிக் கொண்டு பள்ளிக்குத் திரும்ப பள்ளிக் கல்வித் துறை அமைச்சர் வேண்டுகோள்...

01.06.2009க்கு பின் நியமிக்கப்பட்ட இடைநிலை ஆசிரியர்களுக்கு "சம வேலைக்கு" "சம ஊதியம்" கோரிக்கை குறித்த கருத்து கேட்புக் கூட்டம் 5 ஆசிரிய சங்கங்களுடன் வரும் 08.11.2023 அன்று பிற்பகல் 4-மணி அளவில் தலைமைச் செயலகத்தில் நடைபெற உள்ளது - தமிழ்நாடு தொடக்கக்கல்வி இயக்குநரின் செயல்முறைகள் ந.க. எண்: 35372/ இ1/ 2022, நாள்: 01-11-2023 (Proceedings of the Director of Elementary Education, TamilNadu Regarding on conducting a meeting of teachers union representatives on 08.11.2023 at 4pm regarding the equal work, equal salary demand of Secondary Grade Teachers - invitation to 5 teachers federations)...

01.06.2009க்கு பின் நியமிக்கப்பட்ட இடைநிலை ஆசிரியர்களுக்கு "சம வேலைக்கு" "சம ஊதியம்" கோரிக்கை குறித்த கருத்து கேட்புக் கூட்டம் 5 ஆசிரிய சங்கங்களுடன் வரும் 08.11.2023 அன்று பிற்பகல் 4-மணி அளவில் தலைமைச் செயலகத்தில் நடைபெற உள்ளது - தமிழ்நாடு தொடக்கக்கல்வி இயக்குநரின் செயல்முறைகள் ந.க. எண்: 35372/ இ1/ 2022, நாள்: 01-11-2023 (Proceedings of the Director of Elementary Education, TamilNadu Regarding on conducting a meeting of teachers union representatives on 08.11.2023 at 4pm regarding the equal work, equal salary demand of Secondary Grade Teachers - invitation to 5 teachers federations)...

>>> தமிழ்நாடு தொடக்கக்கல்வி இயக்குநரின் செயல்முறைகள் ந.க. எண்: 35372/ இ1/ 2022, நாள்: 01-11-2023 - தரவிறக்கம் செய்ய இங்கே சொடுக்கவும்...

>>> கல்வி அஞ்சல் Whatsapp குழுவில் இணைய...

>>> கல்வி அஞ்சல் Telegram குழுவில் இணைய...

>>> கல்வி அஞ்சல் Youtube Channel-ஐ Subscribe செய்ய...

சம வேலைக்கு சம ஊதியம் - கேட்டு போராடிவரும் இடைநிலை ஆசிரியர்களைக் கைது செய்ததற்கு அரசியல் தலைவர்கள் கண்டனம் (Political leaders condemn the arrest of Secondary Grade Teachers who are demanding equal pay for equal work)...

சம வேலைக்கு சம ஊதியம் - கேட்டு போராடிவரும் இடைநிலை ஆசிரியர்களைக் கைது செய்ததற்கு அரசியல் தலைவர்கள் கண்டனம் (Political leaders condemn the arrest of Secondary Grade Teachers who are demanding equal pay for equal work)...