13-12-2024 - School Morning Prayer Activities

 

 

 பள்ளி காலை வழிபாட்டுச் செயல்பாடுகள் 13-12-2024 - School Morning Prayer Activities...

திருக்குறள்:

"பால்: பொருட்பால்

அதிகாரம்: சூது

குறள் எண்:934

சிறுமை பலசெய்து சீர்அழிக்கும் சூதின்

வறுமை தருவதுஒன்று இல்.

பொருள்: ஒருவனுக்குத் துன்பம் பலவற்றையும் உண்டாக்கி அவனுடைய புகழைக் கெடுக்கின்ற சூதைப்போல் வறுமை தருவது வேறொன்றும் இல்லை."

பழமொழி :

Humility often gains more than pride

அடக்கம் ஆயிரம் பொன் தரும்.

இரண்டொழுக்க பண்புகள் : 

*நான் எந்த உயிரினத்தையும் துன்புறுத்த மாட்டேன்.

*என்னால் இயன்ற அளவு எனது வீட்டிலும் பள்ளியிலும் செடிகள் வளர்ப்பேன்.

பொன்மொழி :

உலக வரலாற்றை படிப்பதை விட, உலகில் வரலாறு படைப்பதை இனிமை -- ஜவஹர்லால் நேரு

பொது அறிவு :

1. வெள்ளை நிற ரத்தம் உள்ள உயிரினம் எது?

விடை:  கரப்பான் பூச்சி.         

  2. எலும்புக்கூடு இல்லாத உயிரினம் எது?

விடை:  ஜெல்லி மீன்

English words & meanings :

Bowling.      -       பந்து வீச்சு

Chess.       -         சதுரங்கம்

டிசம்பர் 13

நா.பார்த்தசாரதி அவர்களின் நினைவுநாள்

நா.பார்த்தசாரதி (டிசம்பர் 18, 1932 - டிசம்பர் 13, 1987) புகழ் பெற்ற தமிழ் நெடுங்கதை எழுத்தாளர் ஆவார். தீரன், அரவிந்தன், மணிவண்ணன், பொன்முடி, வளவன், கடலழகன், இளம்பூரணன், செங்குளம் வீரசிங்கக் கவிராயர் ஆகிய புனைப்பெயர்களிலும் அறியப்படும் இவர் தீபம் என்ற இலக்கிய இதழை நடத்தி வந்ததால் 'தீபம்' நா.பார்த்தசாரதி என்றும் அழைக்கப்படுகிறார். பெரும்பாலும் இவருடைய கதைகள் சமகால சமூகப் பிரச்சினைகளைத் தீர்க்கப் போராடும் கொள்கைப் பிடிப்புள்ள கதைமாந்தர்களைப் பற்றியதாய் அமைந்துள்ளது. இவருடைய புகழ் பெற்ற நெடுங்கதைகளான குறிஞ்சி மலர் மற்றும் பொன் விலங்கு தொலைக்காட்சித் தொடர்களாகவும் வந்துள்ளன. சாகித்திய அகாதமி விருது பெற்றுள்ளார்.இவர் எழுதிய "சாயங்கால மேகங்கள்" எனும் நூல் தமிழ் வளர்ச்சித் துறையின் 1983 ஆம் ஆண்டுக்கான சிறந்த நூல்களில் நாவல் வகைப்பாட்டில் முதல் பரிசு பெற்றிருக்கிறது. இவர் 93 நூல்களை எழுதியிருக்கிறார்.

நீதிக்கதை

பாட முயன்ற கழுதை

ஒரு காலத்தில் ஒரு காட்டில் முரட்டுக் கழுதை ஒன்று வசித்து வந்தது. அதற்கு நண்பர்கள் இல்லாததால் அது தனியே அலைந்து கொண்டிருந்தது. ஒரு நாள் அந்த வழியே ஒரு நரி வந்தது.

கழுதையைக் கண்டவுடன் அதன் அருகே சென்று, “என்ன செய்தி ? ஏன் கவலையாய் இருக்கிறாய், தோழனே ?” என்று கேட்டது.

“எனக்கு நண்பர்களே கிடையாது. நான் தனியாக வாழ்ந்து வருகிறேன், ” என்று வருத்தத்தோடு கழுதை பதிலளித்தது.

” நல்லது, கவலைப்படாதே. இன்றிலிருந்து நான் உனக்கு நண்பனாக இருப்பேன், ” என்று கழுதைக்கு ஆறுதல் கூறியது நரி. அன்றிலிருந்து கழுதையும் நரியும் நல்ல நண்பர்களானார்கள்.ஒரு பின்மாலைப் பொழுதில்,  நடந்து காட்டின் எல்லையை அடைந்தனர்.

அங்கு, ஒரு கிராமப் பகுதி காணப்பட்டது. மரங்கள் நிறைந்த ஒரு தோட்டம் தென்பட்டது. அதில் பழங்கள் கொத்துக் கொத்தாகப் பழுத்துத் தொங்கிக் கொண்டிருந்தன.

ஆகா! அருமையான ருசியுள்ள பழங்கள் அவை! அவற்றில் சிலவற்றை நாம் சாப்பிடலாமா ? ” என்று கழுதை கேட்டது.

“சரி, நாம் பழங்களைச் சாப்பிடலாம். ஆனால், நாம் சிறிதும் சத்தம் செய்யாமல் இந்த வேலையைச் செய்ய வேண்டும்,” என்று எச்சரித்தது நரி. அவை தோட்டத்திற்குள் சென்றன; சிறிதும் சத்தம் செய்யாமல் பழங்களை உண்ணத் தொடங்கின.

இரண்டும் தேவையான அளவு திருப்தியாக உண்டதற்குப் பிறகு, மிகுந்த மகிழ்ச்சியோடு ஒரு மரத்தடியில் இளைப்பாறிக் கொண்டிருந்தன.

“மிகவும் சுவையான பழங்களை உண்டு மகிழ்ச்சியாக இருக்கிறோம். ஆனால், இந்த இனிமையான சூழலில் இப்போது ஒரே ஒரு குறைதான் உள்ளது என்றது கழுதை.

“அது என்ன ?” என்று நரி கேட்டது. “இசை இல்லாததுதான் குறையாக உள்ளது. ஏன், அதை நீ உணரவில்லையா ? ” என்று சற்று வியப்புடன் கேட்டது கழுதை.

“நமக்கு எங்கிருந்து இசை கிடைக்கப் போகிறது ?,” என்று கேட்ட நரிக்கு, “நான் ஒரு சிறந்த பாடகன் என்று உனக்குத் தெரியாதா ?” என்று கழுதை கேட்டது.

இதைக் கேட்ட நரி மிகவும் கவலை அடைந்தது. “மறந்து விடாதே, நண்பா ! நாம் இப்போது ஒரு தோட்டத்தில் இருக்கிறோம்.

தோட்டக்காரன் நம் குரலைக் கேட்டால் நமக்குப் பிரச்சினை ஏற்படும். ,” என்று நரி கழுதைக்கு அறிவுரை கூறியது.

தன்னுடைய நல்ல அறிவுரையை அந்தக் கழுதை ஏற்க மறுப்பதை  உணர்ந்து கொண்ட நரி அங்கிருந்து நகர்ந்தது.

கழுதை, தலையை உயர்த்தி, அண்ணாந்து பார்த்தவாறு பெரிய குரலில் கத்தத் தொடங்கியது. இந்தச் சத்தத்தைக் கேட்டுத் தோட்டக்காரனும் மற்ற விவசாயிகளும் அந்த இடத்திற்கு விரைந்து வந்தனர். கழிகளால் அக்கழுதையை அடித்தனர்.

அப்போது அங்கே வந்த நரி

“உண்மையான நண்பனின் நல்ல அறிவுரையைக் கேட்காவிட்டால் இப்படித்தான் நடக்கும்,"என்று கூறியது.

நீதி : நல்லதை கேட்டால் நன்மை; மறுத்தால் தீமை.

இன்றைய செய்திகள்

13.12.2024

* வரலாறு படைத்த தமிழக வீரர் குகேஷ்: டிங் லிரனை வீழ்த்தி இளம் உலக செஸ் சாம்பியன் பட்டத்தை  வென்றார்.

* டிஎன்பிஎஸ்சி குரூப் 2, 2ஏ தேர்வு முடிவுகள் வெளியிடப்பட்டுள்ளது.

* வைக்கத்தில் புனரமைக்கப்பட்ட  பெரியார் நினைவகத்தை முதல்வர் ஸ்டாலின் நேற்று திறந்து வைத்தார்.

* ஆழ்ந்த காற்றழுத்தத் தாழ்வுப் பகுதி அடுத்த 12 மணி நேரத்தில் வலுவிழந்து விடும், ஆனாலும் மழை தொடரும் என வானிலை ஆய்வு மையம் அறிவிப்பு.

Today's Headlines

* Tamil Nadu player Kukesh creates history: Defeats Ding Liran to win the Young World Chess Championship title.

* TNPSC Group 2, 2A exam results have been released.

* Chief Minister Stalin inaugurated the renovated Periyar Memorial in Vaikom yesterday.

* The deep depression will weaken in the next 12 hours, but the Meteorological Department has announced that the rain will continue.

Covai women ICT_போதிமரம்

கனமழை விடுமுறை அறிவிப்பு - 13-12-2024

 

கனமழை காரணமாக 13-12-2024 அன்று பள்ளிகள், கல்லூரிகளுக்கு விடுமுறை அறிவிக்கப்பட்டுள்ள மாவட்டங்கள் (Districts declared holiday to Schools & Colleges on 13-12-2024 due to heavy rain) விவரம்...

 கனமழை விடுமுறை அறிவிப்பு - 13-12-2024

தற்போது வரை விடுமுறை அறிவிக்கப்பட்டுள்ள மாவட்டங்கள் (பள்ளிகளுக்கு மட்டும்)

💥 வால்பாறை - பள்ளிகளுக்கு மட்டும் இன்று விடுமுறை

💥 பெரம்பலூர் (பள்ளிகள் & கல்லூரிகள்)

💥 திருப்பூர்

💥 நாமக்கல்

💥 நாகப்பட்டினம்

💥 திருவாரூர்

💥 தர்மபுரி

💥 அரியலூர்

💥 தேனி

💥 கரூர்

💥 சிவகங்கை

💥 திருச்சி (பள்ளிகள் & கல்லூரிகள்)

💥 மயிலாடுதுறை

💥 சேலம்

💥 விருதுநகர்

💥 ராமநாதபுரம்

💥 புதுக்கோட்டை

💥 கடலூர்

💥 தஞ்சாவூர் (பள்ளிகள் & கல்லூரிகள்)

💥 மதுரை

💥 திண்டுக்கல்

💥 திருநெல்வேலி (பள்ளிகள் & கல்லூரிகள்)

💥 தென்காசி (பள்ளிகள் & கல்லூரிகள்)

💥 விழுப்புரம் (பள்ளிகள் & கல்லூரிகள்)

💥 தூத்துக்குடி (பள்ளிகள் & கல்லூரிகள்)

💥 புதுச்சேரி & காரைக்கால் (பள்ளிகள் & கல்லூரிகள்)

💥 திருவண்ணாமலை (உள்ளூர் விடுமுறை)

திருவள்ளூர் மாவட்டத்தில் இன்று வழக்கம்போல் பள்ளிகள், கல்லூரிகள் இயங்கும் - மாவட்ட ஆட்சியர் அறிவிப்பு

Gukesh from Tamilnadu won the world chess championship title

உலக செஸ் சாம்பியன் போட்டியில் தமிழ்நாட்டைச் சேர்ந்த குகேஷ் என்பவர் சாம்பியன் பட்டம் வென்று சாதனை

Gukesh from Tamilnadu won the world chess championship title

”11 வயதில் கனவு கண்டேன்” உலக செஸ் சாம்பியன் குகேஷ் வெற்றி மகிழ்ச்சியில் சொன்ன வார்த்தைகள்

இந்திய கிராண்ட்மாஸ்டர் குகேஷ் மற்றும் நடப்பு சாம்பியன் சீனாவின் டிங் லிரென் இடையிலான உலக செஸ் சாம்பியன்ஷிப் போட்டி சிங்கப்பூரில் நடைபெற்றது. 14 சுற்றுகள் கொண்ட உலக சாம்பியன்ஷிப் போட்டியில் 12 சுற்றுகள் வரை குகேஷ் மற்றும் டிங் லிரென் இருவரும் 6-6 என சமபுள்ளிகளை பெற்று சாம்பியன் பட்டத்திற்காக போராடினர்.

அதற்குபிறகுநடைபெற்ற 13வது சுற்று ஆட்டமும் டிராவில் முடிந்த நிலையில் இருவரும் 6.5-6.5 புள்ளிகளுடன் மீண்டும் சமநிலையிலேயே இருந்தனர்.

இந்நிலையில் இன்று நடைபெற்ற 14வது மற்றும் கடைசி சுற்று போட்டியானது வெற்றியாளரை தீர்மானிக்கும் ஒரு போட்டியாக நடைபெற்றது. ஒருவேளை இந்த ஆட்டத்திலும் முடிவு எட்டப்படாவிட்டால் டைபிரேக்கர் முறையில் வெற்றியாளருக்கான போட்டி நடைபெறும் என கூறப்பட்டது.

ஆனால் அதற்கு வாய்ப்பளிக்காத இந்திய கிராண்ட்மாஸ்டர் குகேஷ், நடப்பு உலக சாம்பியனான டிங் லிரெனை வீழ்த்தி புதிய உலக சாம்பியனாக மகுடம் சூடிக்கொண்டார்.

போட்டியில் நடந்தது என்ன?

விறுவிறுப்பாக நடைபெற்ற 14வது சுற்று போட்டியில், இருவருமே இறுதிவரை அழுத்தத்தின் போது கூட விட்டுக்கொடுக்காமல் விளையாடினர். ஆனால் இரண்டாம் பாதியில் அழுத்தத்தை சீனா சாம்பியன் பக்கம் திருப்பிய குகேஷ், இருவரும் குயின்களை இழந்தபோதும் சிப்பாய்களை கூடுதலாக பெற்றிருந்த குகேஷ் முன்னிலை பெற்றார்.

இருப்பினும் கடைசி 15 நிமிடம் வரை போட்டி டிராவை நோக்கியே சென்றுகொண்டிருந்த நிலையில், கூடுதலாக காய்களை இழந்த டிங் லிரென் அதிகமான அழுத்தம் காரணமாக ரூக் F2 வை நகர்த்தி தவறு செய்ததால், குகேஷ் வெற்றி பெறும் வாய்ப்பு கிடைத்தது. 

முடிவில் 18 வயதில் உலக செஸ் சாம்பியனாக மகுடம் சூடிய குகேஷ், இளம் வயதில் உலக செஸ் சாம்பியனான முதல் வீரர் என்ற வரலாற்று சாதனையையும் தனதாக்கி கொண்டார்.

11 வயதில் கனவு கண்டேன்..

உலக செஸ் சாம்பியன் படத்தை வென்றபிறகு பேசிய இந்திய கிராண்ட்மாஸ்டர் குகேஷ், லீரென் தோல்வியடைந்ததற்கு எனது வருத்தத்தை தெரிவித்துக்கொள்கிறேன். இதுபோன்ற ஒரு தருணத்தை ஒவ்வொரு செஸ் வீரரும் அனுபவிக்க வேண்டும். சாம்பியனான மகிழ்ச்சியில் திளைத்துக்கொண்டிருக்கிறேன். இப்போது உள்ள சந்தோஷத்தில் பேசினால் எதாவது முட்டாள்தனமாக பேசிவிடுவேன்.

ஆட்டம் டிராவில் முடிவடையும் என்றே நினைத்தேன். 11 வயதில்,செஸ் வரலாற்றில் இளம் உலக சாம்பியன் பட்டம் வென்று சாதனை படைக்க வேண்டும் என்று கூறி இருந்தேன். தற்போது அது நிறைவேறி உள்ளதாக மகிழ்ச்சியான கண்களுடன் பேசினார் குகேஷ்.

உலக சாம்பியன்ஷிப் பட்டத்தை வென்ற பிறகு குகேஷ் - நெகிழ்ச்சியான தருணம்

Stunning emotions as Gukesh cries after winning the World Championship title 

>>> காணொளியை காண இங்கே சொடுக்கவும்...

TNPSC Group 2, 2A Result Released

டிஎன்பிஎஸ்சி குரூப் 2, 2 ஏ தேர்வு முடிவுகள் வெளியீடு

TNPSC Group 2, 2A Result Released

57 நாட்களில் தேர்வு முடிவுகள் வெளியிடப்பட்டுள்ளதாக டிஎன்பிஎஸ்சி விளக்கம்

✨குரூப் - 2, 2ஏ தேர்வு முடிவுகள் வெளியானது

டிஎன்பிஎஸ்இ குரூப் - 2, 2ஏ முதல்நிலை தேர்வு முடிவுகளை வெளியிட்டது தமிழ்நாடு அரசுப்பணியாளர் தேர்வாணையம்.

tnpscresults.tn.gov.in, tnpscexams.in இணையதளங்கள் வாயிலாக தேர்வு முடிவுகளை தெரிந்துகொள்ளலாம்.

தமிழ்நாடு அரசு பணியாளர் தேர்வாணையம் (டி.என்.பி.எஸ்.சி) குரூப் 2 பணியில் 507 இடங்கள், குரூப் 2ஏ பணியில் 1820 பணியிடங்கள் என மொத்தம் 2327 பணியிடங்கள் உள்ளன. இதற்கான குரூப்2, 2ஏ முதல் நிலை போட்டித் தேர்வு கடந்த 14-ந்தேதி தமிழகம் முழுவதும் நடைபெற்றது. தேர்வை 5 லட்சத்து 81 ஆயிரத்து 305 பேர் எழுதினர். . இந்த தேர்வுக்கான தற்காலிக விடைகுறியீடுகளை டி.என்.பி.எஸ்.சி. https://tnpsc.gov.in என்ற இணையதளத்தில் சமீபத்தில் வெளியிட்டது.

இந்தத் தேர்வுக்கான முடிவுகள் உத்தேசமாக வருகிற டிசம்பர் மாதத்தில் வெளியாகும் என்று டிஎன்பிஎஸ்சி சார்பில் தெரிவிக்கப்பட்டிருந்தது.

இந்த நிலையில், டி.என்.பி.எஸ்.சி.குரூப்2, 2ஏ முதல் நிலை தேர்வு முடிவுகள் தற்போது வெளியாகியுள்ளன. தேர்வு குறித்த முடிவுகளை டி.என்.பி.எஸ்.சி. வெளியிட்டுள்ள அதிகாரப்பூர்வ  https://www.tnpsc.gov.in/  இணையதளத்தில் அறிந்துகொள்ளலாம்.

தேர்வு நடந்த 57 நாட்களில் முடிவுகள் வெளியிடப்பட்டுள்ளன. இந்தத் தேர்வுகளில் வெற்றி பெறுபவர்களுக்கான முதன்மைத் தேர்வுகள் அடுத்தாண்டு பிப்ரவரி மாதத்தில் நடைபெறும் என்றும் தெரிவிக்கப்பட்டுள்ளது. அதில் தேர்ச்சி அடையும் தேர்வர்கள் நேர்காணல் தேர்வை எதிர்கொள்வார்கள்.

FA(A&B) deadline till December 23

வளரறி மதிப்பீடு அ மற்றும் ஆ (FA(A&B)) கால அவகாசம் டிசம்பர் 23 வரை நீட்டிப்பு

Formative Assessment A and B - FA(A&B) deadline till December 23

தமிழ்நாடு ஊரகத் திறனாய்வு (TRUST Exam) தேர்வு தள்ளிவைப்பு

தமிழ்நாடு ஊரகத் திறனாய்வு (TRUST Exam) தேர்வு தள்ளிவைப்பு

 தமிழ்நாட்டில் தற்போது பரவலாகப் பெய்துவரும் கனமழையின் காரணமாக, 14.12.2024 (சனிக்கிழமை) அன்று நடைபெறுவதாக இருந்த தமிழ்நாடு ஊரகத் திறனாய்வுத் தேர்வு(TRUST) மாணாக்கர்களின் நலன் கருதி தள்ளி வைக்கப்படுகிறது.

தேர்வு நடைபெறும் தேதி பின்னர் அறிவிக்கப்படும்.

அரசுத் தேர்வுகள் இயக்குநர் கடிதம் & செய்திக் குறிப்பு

>>> அரசுத் தேர்வுகள் இயக்குநர் கடிதம் & செய்திக் குறிப்பு - தரவிறக்கம் செய்ய இங்கே சொடுக்கவும்...

Half yearly examinations - Today's (December 12) Exam is postponed in 16 districts due to heavy rains - Director of School Education Kannappan

 கனமழை காரணமாக விடுமுறை விடப்பட்ட 16 மாவட்டங்களில் இன்று (டிசம்பர் 12) நடைபெறவிருந்த அரையாண்டுத் தேர்வுகள் ஒத்திவைப்பு - பள்ளிக்கல்வித்துறை இயக்குநர் திரு. கண்ணப்பன் தகவல்

Postponement of Half yearly examinations scheduled to be held today (December 12) in 16 districts which were closed due to heavy rains - Director of School Education Mr.Kannappan Information