மாணவர்களின் விலையில்லாப் பாடப்புத்தகங்களை எடைக்கு விற்ற தலைமை ஆசிரியை பணியிடை நீக்கம்

 

Headmistress suspended for selling students' free textbooks by weight

மாணவர்களின் இலவச பாடப்புத்தகங்களை எடைக்கு விற்ற தலைமை ஆசிரியை சஸ்பெண்ட்

டெங்கு காய்ச்சல் பரவாமல் தடுப்பதற்காக புத்தகங்களை விற்பனை செய்ததாக அவர் அளித்த விளக்கம் பரபரப்பை ஏற்படுத்தியுள்ளது.

திருச்சி மாவட்டம் முசிறி அருகே அரசு பள்ளி மாணவர்களுக்கு விலையில்லாமல் வழங்கப்பட்ட முதல் பருவ பாடப்புத்தகங்களை திரும்பப் பெற்று, பழைய பேப்பர் கடையில் எடைக்கு விற்பனை செய்த தலைமை ஆசிரியை பணியிடை நீக்கம் செய்யப்பட்டுள்ளார்.

ஊராட்சி ஒன்றிய தொடக்கப்பள்ளி

திருச்சி மாவட்டம் முசிறி அருகே தும்பலம் கிராமத்தில் ஊராட்சி ஒன்றிய தொடக்கப்பள்ளி செயல்பட்டு வருகிறது. இந்த பள்ளியில் 75-க்கும் மேற்பட்ட மாணவ, மாணவிகள் படித்து வருகின்றனர். இவர்களுக்கு அரசு சார்பில் விலையில்லா பாடப்புத்தகங்கள் வழங்கப்பட்டு வருகின்றன.

இந்த நிலையில், தற்போது முதல் பருவத்தேர்வு முடிவடைந்து, இரண்டாம் பருவத்துக்கான பாடப்புத்தகங்கள் மாணவர்களுக்கு வழங்கப்பட்டுள்ளன.

பழைய புத்தகங்களை எடைக்கு விற்பனை

இதற்கிடையே, முதல் பருவத்தேர்வு முடிவடைந்ததும் மாணவர்களிடம் இருந்து அரசு இலவசமாக வழங்கிய முதல் பருவ பாடப்புத்தகங்களை பள்ளியின் தலைமை ஆசிரியை மஞ்சுளா திரும்பப் பெற்றுள்ளார். பின்னர் அந்த புத்தகங்களை பழைய பேப்பர் வியாபாரியிடம் எடைக்கு விற்பனை செய்ததாக கூறப்படுகிறது.

அரசு சார்பில் மாணவர்களின் கல்விக்காக இலவசமாக வழங்கப்பட்ட பாடப்புத்தகங்கள் இவ்வாறு விற்பனை செய்யப்பட்ட சம்பவம் அப்பகுதியில் அதிர்ச்சியை ஏற்படுத்தியது.

டெங்கு பரவாமல் தடுக்கவே விற்றதாக விளக்கம்

இதுகுறித்து தகவல் அறிந்தவர்கள் பள்ளிக்கு சென்று விசாரித்தனர். அப்போது, பள்ளியில் கொசுக்களின் உற்பத்தி அதிகரித்து டெங்கு காய்ச்சல் பரவும் அபாயம் ஏற்படாமல் தடுக்கும் நோக்கில், பழைய பாடப்புத்தகங்களை எடைக்கு விற்பனை செய்ததாக தலைமை ஆசிரியை மஞ்சுளா விளக்கம் அளித்ததாக கூறப்படுகிறது.

தலைமை ஆசிரியை பணியிடை நீக்கம்

இந்த சம்பவம் தொடர்பாக விசாரணை மேற்கொள்ளப்பட்டதை தொடர்ந்து, பள்ளியின் தலைமை ஆசிரியை மஞ்சுளாவை பணியிடை நீக்கம் செய்து அதிகாரிகள் நடவடிக்கை எடுத்துள்ளனர்.

மாணவர்களுக்கு அரசு இலவசமாக வழங்கிய பாடப்புத்தகங்களை திரும்பப் பெற்று விற்பனை செய்த சம்பவம் திருச்சி மாவட்ட கல்வித்துறை வட்டாரத்தில் பரபரப்பை ஏற்படுத்தியுள்ளது.

தலைமையாசிரியர் பணியிடை நீக்கம் - மாவட்ட கல்வி அலுவலரின் செயல்முறைகள் 

HM Suspension Order - DEO Proceedings 

>>> தரவிறக்கம் செய்ய இங்கே சொடுக்கவும் 

Cyber fraud assistance, Helpline Number and Website Link

 

Cyber fraud assistance, Helpline Number and Website Link 

For cyber fraud assistance, 

call 24x7 Helpline 1930 

or 

visit www.cybercrime.gov.in. 

Stay Cyber Safe. 

Issued by Tamil Nadu Police Cyber Crime Wing.

Happy Diwali

 தங்களுக்கும் தங்கள் குடும்பத்தினருக்கும் இனிய தீபாவளி திருநாள் வாழ்த்துகள்...

கல்வி அஞ்சல் 

Wishing you and your family a very Happy Diwali... 

Kalvi Anjal

பள்ளிக்கு பதில் அலுவலகத்தில் ஆசிரியர்கள் - ஆய்வுக்கு சென்ற அதிகாரிகள் அதிர்ச்சி

பள்ளிக்கு பதில் அலுவலகத்தில் ஆசிரியர்கள் - ஆய்வுக்கு சென்ற அதிகாரிகள் அதிர்ச்சி (நாளிதழ் செய்தி)

 பள்ளிக்கு வராமல் கல்வி அலுவலகங்களுக்குச் செல்லும் ஆசிரியர்கள்

⚠️ ஆய்வுக்கு சென்ற அதிகாரிகள் அதிர்ச்சி!

மதுரையில் பள்ளி வேலை நேரத்தில் ஆசிரியர்கள் கல்வி அலுவலகங்களுக்குச் சென்று வருவது அதிகாரிகளின் ஆய்வில் தெரியவந்துள்ளது.

🎂 குழந்தைகள் தினத்தை முன்னிட்டு, நவம்பர் 10ஆம் தேதி பள்ளி மாணவர்களுக்கு ‘கேக்’ வழங்க அரசு உத்தரவிட்டுள்ளது. இதற்காக பள்ளிகளில் கேக்குகளைப் பாதுகாப்பாக வைப்பது தொடர்பாக கல்வி அதிகாரிகள் ஆய்வு மேற்கொண்டு வருகின்றனர்.

இந்த ஆய்வின்போது, சில பள்ளிகளில் ஆசிரியர்கள் பணியில் இல்லாதது தெரியவந்தது. விசாரணையில், அவர்கள் பி.இ.ஓ. (BEO), டி.இ.ஓ. (DEO) அலுவலகங்களுக்குப் பணிநிமித்தமாகச் சென்றுள்ளதாகக் கூறப்பட்டது.

இதுகுறித்து அதிகாரிகள், “பள்ளி வேலை நேரத்தில் ஆசிரியர்கள் எவ்வாறு வெளியே செல்லலாம்?” எனக் கேள்வி எழுப்பி விளக்கம் கேட்டுள்ளனர்.

🔹 பள்ளி வேலை நேரத்தில் ஆசிரியர்கள் வெளியே செல்லக் கூடாது என்றும், கல்வி அலுவலகங்களுக்குச் செல்லவும் அனுமதி இல்லை என்றும் இயக்குநர் உத்தரவிட்டுள்ளதாக அதிகாரி ஒருவர் தெரிவித்துள்ளார்.

🔹 இருப்பினும், சில தொடக்கப்பள்ளி ஆசிரியர்கள் பி.இ.ஓ. , DEO அலுவலகங்களுக்குத் தொடர்ந்து சென்று, ஆசிரியர்களின் சம்பளப் பட்டியல் (Salary Bill) தயாரிக்கும் பணிகளில் ஈடுபடுவது தெரியவந்துள்ளது.

🔹 இதையடுத்து, சம்பந்தப்பட்ட ஆசிரியர்கள் எச்சரிக்கப்பட்டுள்ளதாக அதிகாரி தெரிவித்துள்ளார்.

📌 ஆசிரியர்கள் பள்ளிப் பணிகளைப் பாதிக்காமல், அலுவலகப் பணிகளையும் உரிய நடைமுறைகளின்படி மேற்கொள்ள வேண்டிய அவசியத்தை இந்தச் செய்தி எடுத்துரைக்கிறது.

TN EMIS மூலம் ஆசிரியர்கள் மற்றும் மாணவர்களின் Attendanceஐ 11:30 மணிக்குள் 100% நிறைவு செய்திட இணை இயக்குநர் உத்தரவு

TN EMIS  மூலம் ஆசிரியர்கள் மற்றும் மாணவர்களின் வருகைப் பதிவை காலை 11:30 மணிக்குள் 100% நிறைவு செய்திட பள்ளிக் கல்வி இணை இயக்குநர் செயல்முறைகள் 

ஒருங்கிணைந்த பள்ளிக்கல்வி TN EMIS இணையதளம் - மாணவர் மற்றும் ஆசிரியர் வருகைப் பதிவினை முழுமையாக மேற்கொள்ளுதல் சார்ந்து - தமிழ்நாடு பள்ளிக்கல்வி இணை இயக்குநர் (தொழிற்கல்வி) அவர்களின் செயல்முறைகள்

>>> தரவிறக்கம் செய்ய இங்கே சொடுக்கவும் 

TRB Press News 05-11-2026

புதுச்சேரி ஆசிரியர்கள் TET எழுதுதல் தொடர்பாக TRB செய்தி வெளியீடு

புதுச்சேரி ஆசிரியர்கள் ஆசிரியர் தகுதி தேர்வு எழுதுதல் தொடர்பாக TRB Press News 05-11-2026

Diwali Precautionary Measures | DSE Proceedings

தீபாவளி பண்டிகையின் பொழுது மேற்கொள்ள வேண்டிய முன்னெச்சரிக்கை நடவடிக்கைகள் - பள்ளிக் கல்வி இயக்குநரின் செயல்முறைகள்

Precautionary measures to be taken during the Deepavali festival – Proceedings of the Director of School Education

Diwali Celebration - Precaution and Safety Measures to students

தீபாவளி பண்டிகையின்போது தீ விபத்து ஏற்படாமல் பாதுகாப்பு முன்னெச்சரிக்கை நடவடிக்கை மேற்கொள்ளுதல் சார்ந்து தமிழ்நாடு பள்ளிக் கல்வி இயக்குநர் அவர்களின் செயல்முறைகள்

>>> தரவிறக்கம் செய்ய இங்கே சொடுக்கவும் 

/தனிக்கவனம்/ மிக அவசரம்/

தமிழ்நாடு பள்ளிக் கல்வி இயக்குநரின் செயல்முறைகள், சென்னை-6.

முன்னிலை: திருமதி ந. லதா

ந.க. எண். 000936/எம்2/இ1/2026 , நாள். 02.11.2026

பொருள் : பள்ளிக் கல்வி - தீபாவளி 2026 மகிழ்ச்சியாக கொண்டாடுதல் -தீபாவளி பண்டிகையின்போது தீ விபத்து ஏற்படாமல் பாதுகாப்பு முன்னெச்சரிக்கை நடவடிக்கை மேற்கொள்ளுதல் - தொடர்பாக.

தீபாவளி பண்டிகை 08.11.2026 அன்று கொண்டாடப்பட உள்ளது. இத்தகைய மகிழ்ச்சிகரமான நன்னாளில் சில இடங்களில் கவனக் குறைவாக பட்டாசு வெடிப்பதால் தீ விபத்து ஏற்பட்டு குடிசைப் பகுதிகளில் உயிர் மற்றும் பொருட்சேதங்கள் ஏற்படுகிறது. மேலும், சிறார்களுக்கு தீக்காயங்களும் சில நேரங்களில் பார்வை இழப்பும் ஏற்படுகிறது. இத்தகைய நிகழ்வுகளை தவிர்ப்பதும் தடுப்பதும் நமது முக்கிய கடமையாகும்.

தீபாவளி நன்னாளில் சிறியவர்களும், பெரியவர்களும் பட்டாசு பயன்படுத்தும் வேளையில் முறையாக. கவனமாக பட்டாசுகளை வெடிக்க வேண்டும். கவனக்குறைவு காரணமாக தீ விபத்துகள் ஏற்பட வாய்ப்புகள் உள்ளதால், விபத்துக்கள் மகிழ்ச்சி நிறைந்த தீபாவளி கொண்டாட அற்ற கேட்டுக்கொள்ளப்படுகிறது.

காலை இறைவணக்கத்தின்போது, பள்ளி மாணவ/மாணவியர்களுக்கு தலைமையாசிரியர்கள் பள்ளியில் தீபாவளிப் பண்டிகையின்போது பின்பற்றப்படவேண்டிய கீழ்க்கண்ட அறிவுரைகளை வழங்க உரிய நடவடிக்கை எடுத்திடுமாறு அனைத்து மாவட்ட முதன்மைக் கல்வி அலுவலர்களுக்கும் தெரிவிக்கப்படுகிறது.

பட்டாசுகள் கொளுத்துமிடத்திற்கு அருகாமையில் ஒரு வாளி தண்ணீர் வைத்துக்கொள்ள வேண்டும்.

பட்டாசுகளை கொளுத்தி கையில் வைத்துக்கொண்டோ அல்லது உடலுக்கு அருகாமையிலோ வெடிக்க கூடாது. மாறாக பாதுகாப்பான தொலைவில் வைத்தே வெடிக்க வேண்டும்.

ராக்கெட்டுகளை வெட்ட வெளியில் குடிசைகள் இல்லாத பகுதிகளில் மட்டுமே செலுத்த வேண்டும்.

குழந்தைகள் பட்டாசுகளை பெற்றோர்களின் முன்னிலையில் அவர்களது பாதுகாப்பின் கீழ் வெடிக்க வேண்டும்.

வெடிக்காத பட்டாசுகளை குனிந்து பரிசோதிப்பதைத் தவிர்க்க வேண்டும்.

விவரம் அறியாத இளஞ்சிறார்களை வெடிகளைக் கொளுத்த அனுமதிக்காமல் இருத்தல் வேண்டும்.

உடல் ஊனமுற்றவர்கள் மற்றும் சாலைகளில் இருசக்கர வாகனங்களில் பயணிப்போர் ஆகியோர் பட்டாசு வெடிக்கும்போது வந்தால் அவர்கள் பாதுகாப்பாக கடந்து சென்ற பின்னர் பட்டாசுகளை வெடிக்க வேண்டும்.

பட்டாசுகளை மின் சாதன பொருட்கள் மற்றும் சமையல் எரிவாயு உருளை அருகில் வைத்து வீடுகளில் பயன்படுத்துவதைத் தவிர்க்க வேண்டும்.

விலங்குகளை துன்புறுத்தும் வகையிலும் அவைகள் பயப்படும் வகையிலும் பட்டாசுகளை வெடிக்கக்கூடாது. பறவைகள் அடைக்கலமாகும் பகுதிகளிலும் பட்டாசுகளை வெடிக்கச் செய்வதை தவிர்த்திட வேண்டும்.

மூடிய பெட்டிகளில்/ பாட்டில்களில் பட்டாசுகளை உள்ளிட்டு கொளுத்தி வெடிக்கக்கூடாது.

பட்டாசுகளை கொளுத்தும்போது தளர்வான ஆடைகள், டெரிகாட்டன். டெரிலின் ஆகிய எளிதில் தீ பற்றக்கூடிய ஆடைகளை அணியக்கூடாது.

பட்டாசுகளை கூட்டமான பகுதிகளிலும் தெருக்களிலும் மற்றும் சாலைகளிலும் வெடிக்கக்கூடாது.

பட்டாசுகளை விற்பனை செய்யும் கடைக்கு முன்னரோ அருகிலோ வெடிக்கக்கூடாது.

நோயாளர்கள் சிகிச்சை பெற்று வரும் மருத்துவமனைக்கு அருகாமையில் பட்டாசுகளை வெடிக்கக்கூடாது.

பெட்ரோல் மற்றும் எளிதில் தீப்பற்றக்கூடிய பொருள்களுக்கு அருகாமையில் பட்டாசுகளை வெடிக்கவோ கொளுத்தவோ கூடாது.

அதிக சப்தமுள்ள பட்டாசுகளை வெடிக்கக்கூடாது. ஏனெனில் அது உடலையும் மனநிலையையும் பாதிக்கும். காதுகள் செவிடாகக் கூடும். கொண்டாட்டத்திற்காக வாழ்நாள் முழுவதும் துன்பப்படவேண்டாம். 

 சென்ற ஆண்டைப் போன்றே இவ்வாண்டும் மேற்கண்ட நடைமுறைகளைப் பின்பற்றி மகிழ்ச்சி நிறைந்த விபத்தற்ற தீபாவளியாக கொண்டாடும் வகையில் விழிப்புணர்வு ஏற்படுத்திட அனைத்து பள்ளி தலைமை ஆசிரியர்களுக்கும் அறிவுறுத்துமாறு அனைத்து மாவட்ட முதன்மைக் கல்வி அலுவலர்களும் கேட்டுக்கொள்ளப்படுகிறார்கள்.

பள்ளிக் கல்வி இயக்குநர் (மு.கூ.பொ) 

பெறுநர்

முதன்மைக் கல்வி அலுவலர். முதன்மைக் கல்வி அலுவலகம், அனைத்து மாவட்டங்கள்.

நகல்

அரசுச் செயலாளர், பள்ளிக் கல்வித் துறை, தலைமைச் செயலகம், சென்னை-09

அவர்களுக்கு பணிந்து அனுப்பப்படுகிறது.

இன்று அனைத்து நியாய விலை கடைகளுக்கும் (Ration Shops) வேலை நாள் : தமிழ்நாடு அரசு அறிவிப்பு

 

தீபாவளியையொட்டி இன்று (06-11-2026) அனைத்து நியாய விலை கடைகளும் செயல்படும் : தமிழ்நாடு அரசு அறிவிப்பு

பொதுவாக மாதத்தின் முதல் மற்றும் இரண்டாவது வெள்ளிக்கிழமைகள் ரேஷன் கடைகளுக்கு விடுமுறை நாளாகும்.

ஆனால், இந்த வாரம் ஞாயிற்றுக்கிழமை (நவம்பர் 8, 2026) அன்று தீபாவளி பண்டிகை கொண்டாடப்பட உள்ளதால், பொதுமக்கள் தங்களுக்குரிய அத்தியாவசியப் பொருட்களையும் (OAP), இலவச வேட்டி மற்றும் சேலைகளையும் முன்கூட்டியே தடையின்றி பெற்றுக் கொள்வதற்காக தமிழ்நாடு அரசு இந்த வெள்ளிக்கிழமையை வேலை நாளாக அறிவித்துள்ளது.

UPSC Exam Results வெளியீடு

யுபிஎஸ்சி தேர்வு முடிவுகள் வெளியீடு

மத்திய அரசுப் பணியாளர் தேர்வாணையம் (UPSC) 2026-ஆம் ஆண்டுக்கான குடிமைப் பணிகள் முதன்மைத் தேர்வு (Civil Services Main Examination) முடிவுகளை நவம்பர் 5, 2026 அன்று அதிகாரப்பூர்வ வலைத்தளமான UPSC Official Website (https://www.upsc.gov.in/) இல் வெளியிட்டுள்ளது.

முக்கியத் தகவல்கள்:

• தேர்வு நடைபெற்ற நாட்கள்: ஆகஸ்ட் 21 முதல் ஆகஸ்ட் 30, 2026 வரை.

• காலிப்பணியிடங்கள்: 1,016 இடங்கள்.

• தேர்ச்சி பெற்றவர்கள்: அடுத்த கட்டமான ஆளுமைத் தேர்வுக்கு (Personality Test / Interview) மொத்தம் 2,526 பேர் தகுதி பெற்றுள்ளனர்.

• சான்றிதழ் பதிவேற்றம்: தேர்ச்சி பெற்றவர்கள் நவம்பர் 11 முதல் நவம்பர் 25, 2026 அன்று மாலை 6:00 மணிக்குள் தேவையான சான்றிதழ்கள் மற்றும் ஆவணங்களை இணையதளத்தில் பதிவேற்றம் செய்ய வேண்டும்.

பள்ளி காலை வழிபாட்டுச் செயல்பாடுகள் 06-11-2026

 பள்ளி காலை வழிபாட்டுச் செயல்பாடுகள் 06-11-2026 | School Morning Prayer Activities

>>> தரவிறக்கம் செய்ய இங்கே சொடுக்கவும்