G.O. (1D) No.547 , Dated : 28-10-2026 - Diwaliக்கு அடுத்த நாள் 09-11-2026 அன்று Local Holiday அறிவிப்பு

அரசாணை (1டி) எண்.547 , நாள். 28.10.2026 - தீபாவளிக்கு அடுத்த நாள் 09.11.2026 திங்கட்கிழமை அன்று தமிழ்நாடு முழுவதும் உள்ள அனைத்து அரசு அலுவலகங்கள், பொதுத்துறை நிறுவனங்கள், பள்ளிகள், கல்லூரிகள் மற்றும் அனைத்து கல்வி நிறுவனங்களுக்கும் உள்ளூர் விடுமுறை அறிவிப்பு

G.O. (1D) No.547 , Dated : 28-10-2026 - தீபாவளிக்கு அடுத்த நாள் 09-11-2026 அன்று உள்ளூர் விடுமுறை அறிவிப்பு

Government Order (1D) No. 547, Dated 28.10.2026 - Declaration of a local holiday for all government offices, public sector undertakings, schools, colleges, and all educational institutions across Tamil Nadu on Monday, 09.11.2026 (the day following Deepavali)

>>> தரவிறக்கம் செய்ய இங்கே சொடுக்கவும் 

தீபாவளி பண்டிகையை முன்னிட்டு, அடுத்த நாளான 09.11.2026 (திங்கட்கிழமை) அன்று தமிழகத்தில் உள்ள அனைத்து அரசு அலுவலகங்கள், பொதுத்துறை நிறுவனங்கள் மற்றும் கல்வி நிறுவனங்களுக்கு உள்ளூர் விடுமுறை அறிவிக்கப்பட்டுள்ளது.

  இந்த உள்ளூர் விடுமுறையை ஈடுசெய்யும் வகையில் 28.11.2026 (சனிக்கிழமை) பணிநாளாகச் செயல்படும்.

  அவசரப் பணிகளுக்காக மாவட்டக் கருவூலங்கள் மற்றும் சார்நிலைக் கருவூலங்கள் குறைந்தபட்சப் பணியாளர்களுடன் இயங்க ஏற்பாடு செய்ய அறிவுறுத்தப்பட்டுள்ளது.

விடுமுறை தீபாவளி பண்டிகை 08.11.2026 ஞாயிற்றுக்கிழமை அன்று கொண்டாடப்படுவதை முன்னிட்டு தீபாவளிக்கு அடுத்த நாள் 09.11.2026 திங்கட்கிழமை அன்று தமிழ்நாடு முழுவதும் உள்ள அனைத்து அரசு அலுவலகங்கள், பொதுத்துறை நிறுவனங்கள், பள்ளிகள், கல்லூரிகள் மற்றும் அனைத்து கல்வி நிறுவனங்களுக்கும் உள்ளூர் விடுமுறை வழங்கி - ஆணை வெளியிடப்படுகிறது.

பொது (பல்வகை)த் துறை

அரசாணை (1டி) எண்.547 , நாள். 28.10.2026

பராபவ வருடம், ஐப்பசி-11 திருவள்ளுவர் ஆண்டு-2057

படிக்க:-

1. அரசாணை (நிலை) எண்.154, பொது(பல்வகை)த் துறை, நாள்: 03.09.2009.

2. அரசு கடித எண்.8585/பல்வகை/2013-7. பொது (பல்வகை)த் துறை. நாள்: 21.02.2014.

3. அரசாணை (நிலை) எண்.581. பொது(பல்வகை)த் துறை, நாள் 17.10.2025.

4. பலதரப்பிலிருந்து வரப்பெற்ற கோரிக்கைகள்.

-

இவ்வாண்டு, 08.11.2026 ஞாயிற்றுக்கிழமை அன்று தீபாவளி பண்டிகை கொண்டாடப்படுவதை முன்னிட்டு, மாணவர்கள், அவர்தம் பெற்றோர்கள். ஆசிரியர்கள் மற்றும் அரசு அலுவலர்கள் தங்களது சொந்த ஊர்களுக்குச் சென்று விழாவினை மகிழ்வுடன் கொண்டாடி திரும்புவதற்கு ஏதுவாக, 09.11.2026 திங்கட்கிழமை அன்று ஒருநாள் மட்டும் தமிழ்நாடு முழுவதும் உள்ள அனைத்து அரசு அலுவலகங்கள், பொதுத்துறை நிறுவனங்கள், பள்ளிகள், கல்லூரிகள் மற்றும் அனைத்து கல்வி நிறுவனங்களுக்கும் உள்ளூர் விடுமுறை அளிக்குமாறு பலதரப்பிலிருந்தும் அரசுக்கு கோரிக்கைகள் வரப்பெற்றன.

2. அக்கோரிக்கைகளை, அரசு கவனமுடன் பரிசீலித்து, தீபாவளிக்கு அடுத்த நாளான 09.11.2026 திங்கட்கிழமை அன்று தமிழ்நாடு முழுவதும் உள்ள அனைத்து அரசு அலுவலகங்கள், பொதுத்துறை நிறுவனங்கள், பள்ளிகள். கல்லூரிகள் மற்றும் அனைத்து கல்வி நிறுவனங்களுக்கும் உள்ளூர் விடுமுறை அளித்து, அவ்விடுமுறையை ஈடு செய்யும் வகையில் 28.11.2026 (சனிக்கிழமை) அன்று பணிநாளாக அறிவித்து ஆணை வெளியிடப்படுகிறது.

3. மேற்கண்ட உள்ளூர் விடுமுறை நாளானது, செலாவணி முறிச்சட்டம் 1881 (Under Negotiable Instruments Act, 1881)- இன் கீழ் வரவில்லை என்பதால், அவசர அலுவல்களை மேற்கொள்ளும் பொருட்டு தமிழகத்தின் அனைத்து மாவட்டங்களிலும் உள்ள கருவூலங்கள், சார்நிலைக் கருவூலங்கள் குறிப்பிட்ட பணியாளர்களோடு செயல்படுவதற்கு தகுந்த ஏற்பாடுகள் செய்யுமாறு அனைத்து மாவட்ட ஆட்சித் தலைவர்கள் கேட்டுக் கொள்ளப்படுகிறார்கள்.

(ஆளுநரின் ஆணைப்படி)

எ. சுந்தரவல்லி

அரசு செயலாளர்

பெறுநர்

அனைத்துத் துறை கூடுதல் தலைமைச் செயலாளர்கள்/

முதன்மைச் செயலாளர்கள்/ செயலாளர்கள், தலைமைச் செயலகம்.

சென்னை-9

அனைத்து மாவட்ட ஆட்சித் தலைவர்கள்.

அனைத்து மாவட்ட கருவூல அலுவலர்கள்.

முதலமைச்சர் அலுவலகம், தலைமைச் செயலகம், சென்னை-9.

தனி அலுவலர். முதலமைச்சரின் தனிப்பிரிவு, சென்னை-9.

இயக்குநர். செய்தி மற்றும் மக்கள் தொடர்புத் துறை, சென்னை-9.

நகல்

உதிரி/இருப்பு கோப்பு.

//ஆணைப்படி / அனுப்பப்படுகிறது//

பிரிவு அலுவலர்

அரசுத் துறைகளுக்கு Outsourcing முறையில் நியமனம்

அரசுத் துறைகளுக்கு அவுட்சோர்சிங் முறையில் நியமனம்

அரசு மற்றும் பொதுத் துறை நிறுவனங்களுக்கு அவுட்சோர்சிங் முறையில் பணியாளர்கள் நியமனம் செய்ய தமிழ்நாடு அரசு அரசாணை வெளியீடு

அயல்நாட்டு வேலைவாய்ப்பு நிறுவனம் மூலம் ஆட்களை நியமிக்க வேண்டும் என அரசிதழில் குறிப்பிடப்பட்டுள்ளது; நியமனப் பொறுப்பை சென்னையைச் சேர்ந்த அயல்நாட்டு வேலைவாய்ப்பு நிறுவனத்திடம் வழங்கி அரசிதழ் வெளியீடு.

தமிழ்நாடு அரசு மற்றும் பொதுத்துறை நிறுவனங்களில் தற்காலிகப் பணியிடங்களுக்கு அவுட்சோர்சிங் (Outsourcing) முறையில் ஆட்களை நியமிக்கும் பொறுப்பு சென்னை கிண்டியில் உள்ள அயல்நாட்டு வேலைவாய்ப்பு நிறுவனத்திடம் (Overseas Manpower Corporation Ltd - OMCL) வழங்கப்பட்டுள்ளது.

முக்கிய விவரங்கள்:

• எந்தெந்தப் பணிகள்: கணக்கு அலுவலர், டேட்டா எண்ட்ரி ஆபரேட்டர், வாட்ச்மேன் மற்றும் மேலாளர் போன்ற தற்காலிகப் பணியிடங்கள் இந்த முறையில் நிரப்பப்படுகின்றன.

• சம்பளம்: பணிகள் மற்றும் மாவட்டங்களின் அடிப்படையில் ரூ. 13,000 முதல் ரூ. 40,000 வரை தொகுப்பூதியமாக நிர்ணயிக்கப்பட்டுள்ளது.

• நிரந்தரப் பணியிடங்கள்: டிஎன்பிஎஸ்சி (TNPSC) மற்றும் இதர அரசுத் தேர்வாணையங்கள் மூலம் நடக்கும் வழக்கமான நிரந்தரப் பணியிட நியமனங்கள் எப்போதும்போலவே தொடரும் என்று தெரிவிக்கப்பட்டுள்ளது.

• எதிர்ப்புகள்: இடஒதுக்கீட்டு முறை (Reservation) பாதிக்கப்படும் என்றும், நிரந்தரப் பணி பாதுகாப்பு கிடைக்காது என்றும் கூறி பல்வேறு அரசு ஊழியர் சங்கங்கள் மற்றும் தொழிற்சங்கங்கள் இந்த அவுட்சோர்சிங் முறைக்கு எதிர்ப்புத் தெரிவித்து வருகின்றன.

GOVERNMENT OF TAMIL NADU

2026

[Regd. No. TN/CCN/467/2012-14.

[R. Dis. No. 197/2009.

[Price: Re. 0.80 Paise.

No.451]

TAMIL NADU

GOVERNMENT GAZETTE

EXTRAORDINARY

PUBLISHED BY AUTHORITY

CHENNAI, WEDNESDAY, OCTOBER 21,2026

Aippasi 4, Parabhava, Thiruvalluvar Aandu-2057

Part Il-Section 2

Notifications or Orders of interest to a Section of the public

issued by Secretariat Departments.

NOTIFICATIONS BY GOVERNMENT

FINANCE DEPARTMENT

(Procurement Cell)

NOTIFICATION UNDER THE TAMIL NADU TRANSPARENCY IN TENDERS ACT, 1998

[G.O. Ms. No.225, Finance (Procurement Cell). 21st October 2026,

Aippasi 4, Parabhava, Thiruvalluvar Aandu-2057.]

No. I(2)/FIN/842(b)/2026.

In exercise of the powers conferred by sub-section (3) of section 3 of the Tamil Nadu Transparency in Tenders Act.1998 (Tamil Nadu Act 43 of 1998), the Governor of Tamil Nadu hereby nominates the Overseas Manpower Corporation Limited (OMCL), Chennai as an agency for outsourcing the manpower to the Goverment Departments, State Public Sector Undertakings and Similar Organisations.

M.A. SIDDIQUE,

Additional Chief Secretary to Govemment.

Ex-1l-2—(451)

PRINTED AND PUBLISHED BY THE COMMISSIONER OF STATIONERY AND PRINTING, CHENNAI

ON BEHALF OF THE GOVERNMENT OF TAMIL NADU

G.O. Ms. No. 225, Finance (Procurement Cell) Department, நாள்: 21 அக்டோபர் 2026 அரசாணைப் படி, தமிழ்நாடு அரசுத் துறைகள் மற்றும் பொதுத்துறை நிறுவனங்களில் அவுட்சோர்சிங் (Outsourcing) முறையில் தற்காலிக ஊழியர்களை நியமிக்கும் முதன்மை முகமையாக சென்னை கிண்டியில் உள்ள அயல்நாட்டு வேலைவாய்ப்பு நிறுவனம் (Overseas Manpower Corporation Limited - OMCL) நியமிக்கப்பட்டுள்ளது.

தமிழ்நாடு டெண்டர் வெளிப்படைத்தன்மைச் சட்டம், 1998 (Tamil Nadu Transparency in Tenders Act, 1998) பிரிவு 3, உள் பிரிவு (3)-ன் கீழ் வழங்கப்பட்டுள்ள அதிகாரங்களின் அடிப்படையில் இந்த அரசாணையைத் தமிழக ஆளுநர் பிறப்பித்துள்ளார்.

முக்கிய விவரங்கள் & வழிகாட்டுதல்கள்:

• அங்கீகரிக்கப்பட்ட முகமை: அரசுத் துறைகள், மாநில பொதுத்துறை நிறுவனங்கள் (State Public Sector Undertakings - PSUs) மற்றும் அதற்கு இணையான அரசு அமைப்புகளுக்குத் தேவையான மனிதவளத்தை அவுட்சோர்சிங் முறையில் வழங்குவதற்கான அதிகாரப்பூர்வ முகமையாக OMCL (Overseas Manpower Corporation Limited) செயல்படும்.

• அவுட்சோர்சிங் செய்யப்படும் பணியிடங்கள்: கணக்கு அலுவலர் (Accounts Officer), கணினி இயக்குபவர்கள் (Data Entry Operators), ஓட்டுநர்கள், தூய்மைப் பணியாளர்கள் உள்ளிட்ட பல்வேறு தற்காலிகப் பணியிடங்களுக்கு இந்த முகமை மூலம் ஆட்கள் நியமிக்கப்படுவர்.

• அதிகாரப்பூர்வ கையெழுத்து: இந்த அரசாணையைத் தமிழக அரசின் நிதித்துறை கூடுதல் தலைமைச் செயலாளர் எம்.ஏ. சித்திக், IAS வெளியிட்டுள்ளார்.

மத்திய அரசு ஊழியர்கள் மற்றும் ஓய்வூதியதாரர்களுக்கான அகவிலைப்படி 3 சதவீதம் உயர்வு

மத்திய அரசு ஊழியர்கள் மற்றும் ஓய்வூதியதாரர்களுக்கான அகவிலைப்படி 3 சதவீதம் உயர்வு ; மத்திய அமைச்சரவை ஒப்புதல்

Dearness Allowance for central government employees and pensioners increased by 3 percent

        மத்திய அரசு ஊழியர்கள் மற்றும் ஓய்வூதியதாரர்களுக்கான அகவிலைப்படி (DA / DR) 3 சதவீதம் உயர்த்தப்பட்டுள்ளது.

• உயர்வு விவரம்: அடிப்படை ஊதியத்தில் இதுவரை 60 சதவீதமாக இருந்த அகவிலைப்படி (D.A.) , தற்போது 3% உயர்த்தப்பட்டு 63 சதவீதமாக அதிகரித்துள்ளது.

• அமலுக்கு வரும் தேதி: இந்த உயர்வு ஜூலை 1, 2026 முதல் முன்னிலையிட்டு (Retrospective) அமலுக்கு வருகிறது.

• பயனாளிகள்: இதனால் நாடு முழுவதும் சுமார் 48 லட்சம் மத்திய அரசு ஊழியர்களும், 68 லட்சம் ஓய்வூதியதாரர்களும் பயனடைவார்கள்.

• கூடுதல் செலவு: இந்த உயர்வால் அரசுக்கு ஆண்டுக்கு சுமார் ₹10,016 கோடி கூடுதல் நிதிச்சுமை ஏற்படும்

மத்திய அரசு ஊழியர்களுக்கான அகவிலைப்படி (3%)உயர்வு குறித்த செய்திக் குறிப்பு 

முடி திருத்தகத்தில் ஒரு நூலகம் - பத்து பக்கங்களுக்கு மேல் வாசித்தால் ரூபாய் 30 தள்ளுபடி

 

தூத்துக்குடியில் முடி திருத்தகத்தில் ஒரு நூலகம் - பத்து பக்கங்களுக்கு மேல் வாசித்தால் அவருக்கு ரூபாய் 30 தள்ளுபடி 

வருகிறவர் ஏதாவது ஒரு புத்தகத்தை எடுத்து பத்து பக்கங்களுக்கு மேல் வாசித்தால் அவருக்கு ரூபாய் 30 தள்ளுபடி தந்து, அசத்துகிறார் முடிதிருத்தும் கலைஞர் பொன் மாரியப்பன்

வழக்கமான முடி திருத்தகங்களில் காணப்படும் சினிமா நடிகர் நடிகைகளின் படங்கள் இந்தக் கடையில் இல்லை. மாறாக, மர அலமாரியில், புத்தகங்கள் வரிசையாக அடுக்கிவைக்கப்பட்டிருக்க முடி திருத்த வந்தோர் அமைதியாக அந்தப் புத்தகங்களை எடுத்து வாசித்துக் கொண்டிருக்கிறார்கள்.

தன் கடைக்கு வருபவர்களிடம் வாசிப்புப் பழக்கத்தை ஊக்குவிக்கும் விதமாக, கடைக்குள்  சிறிய நூலகத்தை அமைத்துள்ளார் தூத்துக்குடி மில்லர்புரத்தில் 'சுசில்குமார் பியூட்டி கேர்' என்ற பெயரில் முடி திருத்தகம் நடத்திவரும் பொன்.மாரியப்பன். அதை முடிதிருத்தும் கடை என்பதைவிட மூளையை புதுப்பிக்கும் கடை என்று தாராளமாகச் சொல்லலாம்.

வழக்கமாக முடி திருத்தும் கடைக்குச் செல்கிறவர்கள் செய்தித்தாள்களை வாசிப்பதைத்தான் பார்த்திருக்கிறோம். ஆனால் பொன் மாரியப்பன் கடைக்குச் செல்கிறவர்கள் ஏதாவது ஒரு புத்தகத்தைப் படிப்பதை கண்டிப்பாகக் காண முடிகிறது.

பொன் மாரியப்பன்‌ கடைக்கு நாளிதழ்கள், வார இதழ்களும் வருகின்றன. அத்தோடு கதை, சிறுகதை, கவிதை, வரலாறு, இலக்கியம், ஆன்மிகம், நாவல்... என சுமார் 400-க்கும் மேற்பட்ட புத்தகங்கள் மர அலமாரியில் அடுக்கி வைக்கப்பட்டுள்ளன. முடிவெட்டுவதற்காகக் காத்திருக்கும் நேரத்தில், புத்தகங்களை ஆர்வத்துடன் எடுத்துப் படிக்கிறார்கள் வாடிக்கையாளர்கள். பேச்சு, திரைப்படப் பாடல்கள் என எந்த சப்தமுமின்றி, முடிவெட்டும் கத்தரிக்கோல் சப்தம் மட்டுமே இங்கே கேட்கிறது.

சின்ன வயதிலிருந்தே  புத்தகங்கள் வாசிக்கும் ஆர்வம் மாரியப்பனுக்கு உண்டு. 8ஆம் வகுப்பு வரைக்கும்தான் படித்திருக்கிறார். சில ஆண்டுகள் ஒரு வக்கீலிடம் சிப்பந்தியாக  வேலைகளைச் செய்து கொண்டிருந்தார். அதன் பிறகு, அப்பா செய்துவந்த இந்த முடி திருத்தும் தொழிலைத் தொடர கடை ஆரம்பித்தார். முடிவெட்ட ஆள் வராத நேரத்தில் புத்தகம் வாசிக்கத் தொடங்கி இருக்கிறார். இப்படி, முழுமையாகப் படித்து முடித்த புத்தகங்களை அலமாரியில அடுக்கி வைக்கத் துவங்கியிருக்கிறார். அது இன்று 400க்கும் மேற்பட்ட ஒரு நூலகமாக உருவெடுத்திருக்கிறது. 

இந்தக் கடையைத் துவங்கி ஆறு வருடம் ஆகிறது. 

"புத்தகங்கள் வாசிக்கும் பழக்கத்தை ஊக்கப் படுத்த வேண்டும், குறைந்தபட்சம் முடிவெட்ட வந்திருக்கும் நேரத்திலாவது புத்தகங்களைப் படிக்க வைக்க வேண்டும் என்று நினைத்தேன். தனியாக புத்தக அலமாரி ஒன்று வாங்கி, அதில் என் கைவசம் இருந்த புத்தகங்கள் அனைத்தையும் வரிசையாக அடுக்கி வைத்தேன். முடிவெட்ட காத்திருப்பவர்களிடம், பிடித்த புத்தகத்தை எடுத்துப் படிக்கச் சொன்னேன். முதலில் தயக்கம்காட்டியவர்கள், பிறகு எடுத்து மேலோட்டமாகப் புரட்ட ஆரம்பித்தார்கள். தொடர்ந்து படிக்க ஆரம்பித்தார்கள். செல்பேசியில் மூழ்கிக் கிடக்கக்கூடாது, அடிக்கடி செல்பேசி பார்ப்பதால் ஏற்படும் தீமைகள். குறித்து நாளிதழ்களில் வெளியான தகவல்கள், கட்டுரைகளையும் அனைவரின் பார்வையில் படுறமாதிரி ஒட்டி வைத்துள்ளேன்" என்கிறார் பொன் மாரியப்பன்.

எழுத்தாளர் எஸ்.ராமகிருஷ்ணன் பரிந்துரையில் இவருக்கு ’புத்தகர் விருது’ கொடுக்கப்பட்டிருக்கிறது. இவரது சேவையைப் பாராட்டி தூத்துக்குடியில் உள்ள பலரும் புத்தகங்களை வாங்கிக் கொடுத்து இருக்கிறார்கள். தூத்துக்குடி பாராளுமன்ற உறுப்பினர் திருமதி. கனிமொழி இவரது கடைக்கு வந்து நூலகத்தைப் பார்த்துப் பாராட்டியதுடன் 50 புத்தகங்களை அன்பளிப்பாகவும் வழங்கியிருக்கிறார்.

இப்போது கடைக்கு முடிவெட்ட வருகிறவர்கள் யாரும் அலைபேசி பார்ப்பதில்லை. முடிவெட்டிய பிறகும் சில நிமிடங்கள் உட்கார்ந்து புத்தகத்தைப் படித்துவிட்டு, பொறுமையாக வீட்டுக்குப் போகிறவர்களும் நிறைய உண்டு.

முடிதிருத்தும் கட்டணம் ஆண்டுக்கு ஆண்டு உயர்ந்துகொண்டு செல்லும்போதும், இந்த ஆறு ஆண்டுகளில் ஒரு ரூபாய்கூட கட்டணத்தை உயர்த்தியதில்லை மாரியப்பன். இந்த ஆண்டு உயர்த்தச் சொல்லி மற்ற கடைக்காரர்கள் வற்புறுத்தியபோதிலும், 50 ரூபாயாக இருந்த கட்டணத்தை, 80 ரூபாயாக உயர்த்தி அறிவித்திருக்கிறார், நீண்ட யோசனைக்குப் பிறகு.

இந்த நிலையில் புதிய அறிவிப்பு ஒன்றை பொன் மாரியப்பன் வெளியிட்டுள்ளார். அதாவது வரும் ஜனவரி ஒன்றாம் தேதி முதல் முடி வெட்டும் கட்டணம் ரூபாய் 80 ஆக உயர்த்தப்படுகிறது முடிவெட்ட வருகிறவர்கள் இங்குள்ள ஏதாவது ஒரு புத்தகத்தை எடுத்து பத்து பக்கங்களுக்கு மேல் வாசித்தால் அவருக்கு 30 ரூபாய் கட்டண சலுகை வழங்கப்படும். இதுதான் அந்த அறிவிப்பு.

“கட்டணத்தைக் கூட்டிச் சொல்லி, புத்தகம் வாசிச்சா 30 ரூபாய் குறைப்புன்னு சொல்றது... எப்படிப் பார்த்தாலும் அதே 50 ரூபாய் கட்டணம்தானே உனக்கு கிடைக்குது” என்று மாரியப்பனிடம் மற்ற கடைக்காரர்கள் இப்போது கேட்கிறார்கள்

 "மத்த கடைக்காரர்களுக்காக கட்டணத்தைக் கூட்டினேன். இதில் எனக்கு உடன்பாடில்லை. அதனால், புத்தகத்தை வாசிக்கச் சொல்லி குறைச்சிட்டேன். இதுல எனக்கு ஒரு மன நிறைவு” மகிழ்ச்சி பொங்கச் சொல்கிறார் பொன். மாரியப்பன்.

புத்தக வாசிப்பே அருகி வரும் இந்தக் காலத்தில் பொன் மாரியப்பனின் இந்த முயற்சி பாராட்டப்பட வேண்டியதே! முடி குறையட்டும்; அறிவு வளரட்டும்!

G.O. (Ms) No.154 , Dated : 30.09.2026 - அங்கன்வாடி மையங்களுக்கு தளவாடங்களை வாங்குவதற்காக சட்டமன்ற உறுப்பினர்கள் தொகுதி மேம்பாட்டு நிதியை பயன்படுத்தலாம் - அரசாணை வெளியீடு

 G.O. (Ms) No.154 , Dated : 30.09.2026 - அங்கன்வாடி மையங்களுக்கு தளவாடங்களை வாங்குவதற்காக சட்டமன்ற உறுப்பினர்கள் தொகுதி மேம்பாட்டு நிதியை பயன்படுத்தலாம் - அரசாணை வெளியீடு 

அங்கன்வாடி மையங்களுக்கு தளவாடங்களை வாங்குவதற்காக சட்ட மன்ற உறுப்பினர்கள் தங்களின் தொகுதி மேம்பாட்டு நிதியை பயன்படுத்தலாம்

      

        தமிழ்நாட்டின் G.O. (Ms) No.154 (நாள்: 30.09.2026) அரசாணை, MLACDS (சட்டமன்ற உறுப்பினர் தொகுதி மேம்பாட்டு நிதி - 2026–27) திட்டத்தின் வழிகாட்டுதல்களில் செய்யப்பட்ட முக்கியத் திருத்தத்தைக் குறிக்கிறது.

முக்கிய விவரங்கள்:

• அரசாணை எண்: G.O. (Ms) No.154

• வெளியிடப்பட்ட நாள்: 30.09.2026

• துறை: ஊரக வளர்ச்சி மற்றும் ஊராட்சித் துறை (Rural Development and Panchayat Raj Department)

• முக்கிய அம்சம்:

• எம்.எல்.ஏ-க்கள் (MLA) தங்கள் தொகுதி மேம்பாட்டு நிதி மூலம் அங்கன்வாடி மையங்களுக்கும் (Anganwadi Centers) உள்கட்டமைப்பு உபகரணங்கள் மற்றும் தளவாடப் பொருட்கள் (furniture and equipment) வாங்க நிதி ஒதுக்கீடு செய்ய அதிகாரப்பூர்வமாக அனுமதியளிக்கப்ப்ட்டுள்ளது.

• அரசு பள்ளிகள், ஐடிஐ (ITI) நிறுவனங்கள், கல்லூரிகள் மற்றும் விடுதிகளுக்கான வசதிகளை மேம்படுத்தும் பணிகளுக்கும் இந்த வழிகாட்டுதல்கள் விரிவாக்கம் செய்யப்பட்டுள்ளன.

அரசாணை எண் 154 (G.O. Ms. No. 154), நாள்: 30-09-2026  தமிழ்நாடு அரசின் ஊரக வளர்ச்சி மற்றும் ஊராட்சித் துறை (SGS.1) மூலம் வெளியிடப்பட்ட முக்கிய அரசாணையாகும்.

இந்த அரசாணை, சட்டமன்ற உறுப்பினர் தொகுதி மேம்பாட்டு நிதி திட்டத்தின் (MLACDS - 2026–27) உள்கட்டமைப்பு மற்றும் நிதி ஒதுக்கீடு செய்வதற்கான விதிமுறைகளில் சில முக்கிய திருத்தங்களை மேற்கொண்டுள்ளது.

முக்கிய அம்சங்கள்:

• புதிய நிதி ஒதுக்கீடு அனுமதி: இனி சட்டமன்ற உறுப்பினர்கள் (MLAs) தங்களது தொகுதி மேம்பாட்டு நிதி மூலம் அரசு கல்வி நிறுவனங்கள் மற்றும் அங்கன்வாடி மையங்களுக்குத் தேவையான கூடுதல் வசதிகளைச் செய்து தர முடியும்.

• பயன்பெறும் நிறுவனங்கள்:

• அரசுப் பள்ளிகள் (Government Schools)

• அங்கன்வாடி மையங்கள் (Anganwadi Centers)

• அரசு கல்லூரிகள் (Colleges)

• அரசு ஐடிஐ (ITI) நிறுவனங்கள்

• அரசு மாணவர் விடுதிகள் (Hostels)

• மேம்பாட்டுப் பணிகள்: மேற்கண்ட அரசு நிறுவனங்களுக்குத் தேவையான உபகரணங்கள் (Equipments) மற்றும் தளவாடப் பொருட்கள் (Furniture / Logistics) வாங்கி வழங்குவதற்கும், அவற்றின் உள்கட்டமைப்பை மேம்படுத்துவதற்கும் இந்த அரசாணையின் மூலம் அதிகாரப்பூர்வமாக வழிவகை செய்யப்பட்டுள்ளது

Schemes - Rural Development and Panchayat Raj Department - Member of Legislative Assembly Constituency Development Scheme (MLACDS) for the period from 2026-27 to 2030-31 - Inclusion of the work in the Guidelines - Amendment to the Guidelines - Orders - Issued.

Rural Development and Panchayat Raj (SGS.1) Department

G.O.(Ms) No.154, Dated: 30.09.2026

Read:

G.O.(Ms) No.128, Rural Development and Panchayat Raj

(SGS-1) Department, dated 21.07.2026.

From the Commissioner of Rural Development and Panchayat Raj letter Roc.No.27649/2026/CDS-2.1, dated 29.07.2026.

ORDER:

In the Government Order first read above, detailed guidelines were issued for the implementation of the Member of Legislative Assembly Constituency Development Scheme (MLACDS) for the period from 2026-27 to 2030-31 and orders were also issued sanctioning and releasing a sum of Rs.828.36 crore for the implementation of the Scheme during the year 2026 - 27, at the rate of Rs.3.54 crore per constituency for all the Legislative Assembly Constituencies in the State.

2. In the Letter second read above, the Commissioner of Rural Development and Panchayat Raj has sent a proposal to include in SI.No.6(a) under the Positive list of works in the Guidelines issued in the Government order first read above and has requested the Government to issue amendment as mentioned below:-

Existing Provision in the Guidelines

2026-27 Positive list of works

Proposed Amendment

6.Equipment and furniture:

Positive list of works

a. Government schools,

Colleges and Hostels.

6.Equipment and furniture:

a. Government schools, ITIs, Colleges,

Hostels and Anganwadi Centers.

ITIs and

3. The Government have carefully examined the proposal of the Commissioner of Rural Development and Panchayat Raj in detail and have decided to accept the same. Accordingly, the Government hereby amend Si.No.6(a) under the Positive list of works in the Guidelines annexed to the Government order first read above, as follows:-

AMENDMENT

In SI.No.6(a) under the Positive List of Works in the Guidelines annexed to the said Government Order, after the words "Government Schools, ITIs, Colleges,Hostels", the words "and Anganwadi Centers" shall be added.

(BY ORDER OF THE GOVERNOR)

DHARMENDRA PRATAP YADAV

PRINCIPAL SECRETARY TO GOVERNMENT

வங்காள விரிகுடா கடலில் நிலநடுக்கம் : 4.5 ரிக்டர் அளவு பதிவு

 

வங்காள விரிகுடா கடலில் நிலநடுக்கம் : 4.5 ரிக்டர் அளவு பதிவு

வங்கக்கடலில் அந்தமான் திக்லிபூருக்கு வடக்கே 121 கி.மீ. தொலைவில் நேற்று இரவு 4.5 ரிக்டர் அளவில் லேசான நிலநடுக்கம் பதிவாகியுள்ளது.

நிலநடுக்கம் பற்றிய விவரங்கள்

• பதிவான நேரம்: நேற்று (அக்டோபர் 27) இரவு 10:52 மணியளவில்.

• மையப்பகுதி: அந்தமான் திக்லிபூருக்கு வடக்கே 121 கி.மீ. தொலைவில், கடலுக்குள் 10 கி.மீ. ஆழத்தில் மையம் கொண்டிருந்தது.

• ரிக்டர் அளவு: 4.5 ஆகப் பதிவானது.

• சேதம் மற்றும் சுனாமி எச்சரிக்கை: இந்த நிலநடுக்கம் லேசான அளவில் பதிவானதால், பெரிய அளவில் பொருட்சேதமோ உயிரிழப்போ ஏற்படவில்லை. மேலும் சுனாமி ஆபத்து இல்லை எனப் பேரிடர் மேலாண்மை மையம் தெரிவித்துள்ளது.

ஆசிரியர்கள் / அலுவலகப் பணியாளர்கள் அனைவரும் தங்களது சொத்து விவரங்களை உடனடியாக IFHRMS Portal Individual Loginஇல் 31.10.2026 சனிக்கிழமைக்குள் பதிவு செய்ய முதன்மைக் கல்வி அலுவலர் சுற்றறிக்கை

 

ஆசிரியர்கள்  / அலுவலகப் பணியாளர்கள் அனைவரும் தங்களது சொத்து விவரங்களை உடனடியாக IFHRMS Portal Individual Loginஇல் 31.10.2026 சனிக்கிழமைக்குள் பதிவு செய்ய முதன்மைக் கல்வி அலுவலர் சுற்றறிக்கை

>>> தரவிறக்கம் செய்ய இங்கே சொடுக்கவும் 

முதன்மைக் கல்வி அலுவலகம்

செங்கல்பட்டு

நாள் . 26.10.2026

சுற்றறிக்கை

செங்கல்பட்டு மாவட்டத்தில் உள்ள அனைத்து அரசு / அரசு நிதியுதவி பெறும் பள்ளிகளில் பணிபுரியும் ஆசிரியர்கள்  / அலுவலகப் பணியாளர்கள் அனைவரும் தங்களது சொத்து விவரங்களை உடனடியாக IFHRMS Portal Individual Loginஇல் 31.10.2026 சனிக்கிழமைக்குள் பதிவு செய்யுமாறு கேட்டுக்கொள்ளப்படுகிறார்கள்.

முதன்மைக் கல்வி அலுவலர், 

செங்கல்பட்டு.

இணைப்பு - Secretariat-HRMD, Lr no.5568/A1/2026-1

பெறுநர்

1.மாவட்டக் கல்வி அலுவலர்கள்,தொடக்கக் கல்வி / இடைநிலை/தனியார் பள்ளிகள். (உரிய நடவடிக்கைக்காக)

2.தலைமையாசிரியர்கள் / செயலர்கள்

அரசு/அரசு நிதியுதவி பெறும் பள்ளிகள், செங்கல்பட்டு.

பள்ளி காலை வழிபாட்டுச் செயல்பாடுகள் 28-10-2026

 

பள்ளி காலை வழிபாட்டுச் செயல்பாடுகள் 28-10-2026 | School Morning Prayer Activities

>>> தரவிறக்கம் செய்ய இங்கே சொடுக்கவும்

தமிழ்நாடு அரசு பொதுத்துறை நிறுவன ஊழியர்களுக்கு Diwali Bonus அறிவிப்பு

தமிழ்நாடு அரசு பொதுத்துறை நிறுவன ஊழியர்களுக்கு தீபாவளி போனஸ் அறிவிப்பு - செய்தி வெளியீடு 

>>> தரவிறக்கம் செய்ய இங்கே சொடுக்கவும் 

பொதுத்துறை நிறுவன C மற்றும் D பிரிவு தொழிலாளரகள், பணியாளர்களுக்கு உபரித் தொகையை கணக்கில் கொண்டு 8.33% மிகை ஊதியம் மற்றும் 11.67% கருணைத் தொகை என மொத்தம் 20% வழங்கப்படும்

அரசுப் போக்குவரத்துக் கழகங்கள், நுகர்பொருள் வாணிபக் கழகம், தமிழ்நாடு பால் உற்பத்தியாளர்கள் கூட்டுறவு இணைய தகுதியுடைய C மற்றும் D பிரிவு தொழிலாளர்கள், பணியாளர்களுக்கு 8.33% மிகை ஊதியம் மற்றும் 11.67% கருணைத் தொகை என மொத்தம் 20% வழங்கப்படும்

உபரித் தொகை இல்லாத பொதுத்துறை நிறுவன C மற்றும் D பிரிவு தொழிலாளர்கள் மற்றும் பணியாளர்களுக்கு 8.33% மிகை ஊதியம் மற்றும் 1.67% கருணைத் தொகை என மொத்தம் 10% வழங்கப்படும்

வீட்டுவசதி வாரியம், சென்னை குடிநீர் வழங்கல் மற்றும் கழிவு நீரகற்று வாரிய தகுதியுடைய C மற்றும் D பிரிவு பணியாளர்களுக்கு 8.33% மிகை ஊதியம் மற்றும் 1.67% கருணைத் தொகை வழங்கப்படும்

குடிநீர் வடிகால் வாரிய தகுதியுடைய C மற்றும் D பிரிவு பணியாளர்களுக்கு 8.33% மிகை ஊதியம் வழங்கப்படும்

நுகர்பொருள் வாணியக் கழகத்தில் தற்காலிக அடிப்படையில் பணிபுரியும் தொழிலாளர்களுக்கு ரூ.3,000 கருணைக் தொகையாக வழங்கப்படும்

• தொகை வரம்பு: 

நிரந்தரப் பணியாளர்களுக்குக் குறைந்தபட்சம் ரூ. 8,400 முதல் அதிகபட்சம் ரூ. 16,800 வரை போனஸ் கிடைக்கும்.

• பயனாளிகள் & செலவு: 

இதன் மூலம் சுமார் 2.69 லட்சம் ஊழியர்கள் பயனடைவார்கள் என்றும், இதற்காக அரசுக்கு ரூ. 376.01 கோடி செலவினம் ஏற்படும் என்றும் தெரிவிக்கப்பட்டுள்ளது.

• கூட்டுறவு அமைப்புகள்: 

கூட்டுறவு அமைப்புகள் மற்றும் இதர நிறுவனங்களில் பணிபுரிவோருக்கான தனித்தனி ஆணைகள் விரைவில் வெளியிடப்படும்.

- தமிழ்நாடு அரசு அறிவிப்பு 

Recording of Property details | DEE Proceedings

சொத்து விவரங்களை பதிவு செய்தல் தொடர்பாக தொடக்கக் கல்வி இணை இயக்குநரின் செயல்முறைகள்

DEE JD Proceedings - Property Entry in IFHRMS Portal

Proceedings of the Joint Director of Elementary Education regarding the recording of property details

>>> தரவிறக்கம் செய்ய இங்கே சொடுக்கவும்