Dear CEO"s
CRC scheduled on 26th for primary school teachers is postponed .The rescheduled date will be intimated later. However,the district level cascadal training scheduled tomorrow should be conducted as planned.
தொடக்கக்கல்வித்துறை ஆசிரியர்களுக்கு இந்த (26.11.2022 ) வாரம் CRC இல்லை - CRC தேதி பின்னர் அறிவிக்கப்படும் என தொடக்கக்கல்வி இயக்குனர் அறிவிப்பு...
>>> கல்வி அஞ்சல் Youtube Channel-ஐ Subscribe செய்ய...
TAMIL NADU STATE TRANSPORT CORPORATION LTD
Notification for engagement of Graduate and Diploma Apprentices under the Apprenticeship (Amendment) Act 1973 for the year 2022 – 23
TNSTC - Villupuram, TNSTC - Kumbakonam, TNSTC - Salem, TNSTC –Madurai, TNSTC – Dindigul, TNSTC – Dharmapuri, TNSTC – Virudhunagar, and SETC TN - Chennai invites Online application from eligible Graduate/Diploma holders in Engineering ( Passed during 2020, 2021 & 2022), hailing from Tamilnadu, for undergoing one year Apprenticeship training under the Apprenticeship (Amendment) Act 1973.
I . Monthly Stipend: Rs.9000/- for Graduate Apprentice and Rs.8000/- for Diploma Apprentice Duration of Training – One Year
>>> கல்வி அஞ்சல் Youtube Channel-ஐ Subscribe செய்ய...
2001-2002ஆம் கல்வியாண்டு முதல் பொறியியல் படிப்பில் அரியர் வைத்திருக்கும் மாணவர்களுக்கு மீண்டும் தேர்வு எழுத வாய்ப்பு.
செமஸ்டர் தேர்வு நடைபெறும் போது தேர்வு எழுத அண்ணா பல்கலைக்கழகம் சிறப்பு அனுமதி வழங்கியுள்ளது.
>>> கல்வி அஞ்சல் Youtube Channel-ஐ Subscribe செய்ய...
50 ஜிபி டேட்டா இலவசமா? - பொய்யான லிங்கால் கதி கலங்கும் வாட்ஸ் அப் பயனர்கள் (Is 50GB data free? - WhatsApp users worried by fake link)...
கடந்த சில நாட்களாக சமூக வலைதளங்களில் FIFA உலகெங்கிலும் உள்ள மக்களுக்கு 2022 கார்டெல் உலகக் கோப்பையைப் பார்க்க 50 ஜிபி டேட்டாவை இலவசமாக வழங்குகிறது. நான் என்னுடையதைப் பெற்றேன். இதைத் திறக்கவும் 50 GB இலவசம் என்று ஒரு பதிவை பலரும் ஷேர் செய்து வருகின்றார்கள்.
இந்த லின்ங்கில் நீங்கள் போனால் என்ன நடக்கும்?
உடனடியாக இந்த தகவலை நீங்க 21 வாட்ஸ் குரூப்புக்கு ஷேர் பண்ணுங்க என வரும். நீங்களும் நம்பி அனுப்புவீர்கள். திரும்ப போனாலும் ஒன்றும் இருக்காது. நீங்கள் ஷேர் செய்து விட்டு போயிடுவீங்க. நீங்கள் ஷேர் பண்ண அந்த வதந்தியை அவர்கள் அடுத்தவர்களுக்கு ஷேர் செய்வார்கள். இப்படியேதான் வதந்திகள் பரவிக் கொண்டே வருகிறது.
இது போன்ற பொய்யான செய்திகளால் உங்கள் தகவல் திருடப்படலாம் என்பது ஆதாரபூர்வமான உண்மை.
மேலும் இந்த மெசேஜில் உள்ள லிங்க்கை கிளிக் செய்தால் மோசடி செய்ய அதிக வாய்ப்பு இருப்பதாக இந்திய அரசின் இணைய பாதுகாப்பு குழு ஆலோசனை வழங்கியுள்ளது.
மெசேஜை கிளிக் செய்து உங்கள் தனிப்பட்ட தகவலை தந்தால், உங்களுடைய வங்கி கணக்கில் உள்ள பணம் முழுவதும் காலியாக வாய்ப்பு இருப்பதால், இந்த மோசடியில் யாரும் சிக்கிக் கொள்ள வேண்டாம் என்றும் காவல்துறையால் அறிவுறுத்தப்பட்டுள்ளது.
>>> கல்வி அஞ்சல் Youtube Channel-ஐ Subscribe செய்ய...
பள்ளி காலை வழிபாட்டு செயல்பாடுகள் - 24.11.2022 - School Morning Prayer Activities...
திருக்குறள் :
பால் :அறத்துப்பால்
இயல்:இல்லறவியல்
அதிகாரம்: மக்கட்பேறு
குறள் : 64
அமிழ்தினும் ஆற்ற இனிதேதம் மக்கள்
சிறுகை அளாவிய கூழ்.
பொருள்:
தம்முடைய பிள்ளைகளின் சிறு கைகளால் பிசையப்பெற்ற உணவு பெற்றோர்க்கு அமிழ்தத்தை விட மிக்க இனிமை உடையதாகும்.
பழமொழி :
Feed by measure and defy the physician.
அளவறிந்து உண்டால் ஆரோக்கியமாக வாழலாம்.
இரண்டொழுக்க பண்புகள் :
1. நான் பிறருக்கு வலது கையால் செய்யும் உதவி இடது கைக்கு கூட தெரியாமல் செய்வேன்.
2. உதவி பிறரின் வருத்தம் போக்க, பிறர் என்னை புகழ அல்ல
பொன்மொழி :
நேரத்தைப் பயன்படுத்துபவர்களுக்கு நேரம் போதுமானதாக இருக்கும். --லியோனார்டோ டா வின்சி.
பொது அறிவு :
1. புனித நகரம் என்று அழைக்கப்படும் நகரம் எது?
ஜெருசலேம் .
2. உலகின் மிகப்பெரிய தீபகற்பம் எது ?
அரேபியா.
English words & meanings :
be-ar - a large wild animal, கரடி, noun. be-ar- support, கஷ்டத்தை தாங்குதல், மனதைரியம் கூறுதல். verb. வினைச் சொல். both homonyms
ஆரோக்ய வாழ்வு :
அதிக தீவிரம், சோர்வு தரும் வேலை வாய்ப்புகள் உள்ள இளைஞர்கள், நாள் முழுவதும் சுமார் 20 பாதாம் பருப்புக chளை சாப்பிடுவது, வேகவைத்த உணவுகளான கிழங்குகள் அல்லது பிஸ்கட்களுக்கு பதிலாக, அதன் தாது உள்ளடக்கத்தின் உதவியுடன் தேவையான ஆற்றல் மற்றும் ஊட்டச்சத்தை பெற முடியும். எலும்பு அடர்த்தி, இரத்த சிவப்பணுக்களின் எண்ணிக்கை மற்றும் தசை வலிமையை மேம்படுத்த தாதுக்கள் அவசியம் என்பதால் குழந்தைகளுக்கும் பாதாம் பெரிய நன்மை பயக்கும்
NMMS Q
மிகத் துல்லியத் தன்மை கொண்ட கடிகாரம் எது?
\\
விடை : அணுக்கடிகாரம்
நவம்பர் 24
அருந்ததி ராய் அவர்களின் பிறந்தநாள்
சுசானா அருந்ததி ராய் (பி. நவம்பர் 24, 1961) ஓர் இந்திய எழுத்தாளர் ஆவார்.
இவரது பல படைப்புகளில் சமுதாயத்திலுள்ள பெண் அடிமைத்தனம் , குழந்தைத் தொழிலாளர் பிரச்சனை , அமெரிக்காவின் வெளியுறவுக் கொள்கைகள் முதலியவற்றை விமர்சனத்துக்கு உட்படுத்தினார். மேதா பட்கர் தொடங்கிய நர்மதா பச்சாவோ அந்தோலன் (en:Narmada Bachao Andolan) என்ற அமைப்பில் தீவிரமாக பங்கு கொண்டார்.
1997 ஆம் ஆண்டு தனது முதல் புதினமான த காட் ஆப் ஸ்மால் திங்ஸ்க்கு புக்கர் பரிசு பெற்றார். புக்கர் பரிசு வென்ற முதல் இந்தியர்[7] என்பது குறிப்பிடத்தக்கது.
2003ஆம் ஆண்டு இவருக்கு வழங்கப்படவிருந்த சாகித்ய அகாதமி பரிசை இவர் மறுத்து விட்டார்[8].
மே 2004-ல் சிட்னி அமைதிப் பரிசையும் வென்றார்.[9]
2015 ஆம் ஆண்டுக்கான அம்பேத்கர் சுடர் விருது பெற்றிருக்கிறார்.
நீதிக்கதை
இட்லியைத் துரத்திய பாட்டி
ஒரு ஊரில் ஒரு பாட்டி இருந்தார். அந்தப் பாட்டிக்கு இட்லி என்றால் ரொம்பப் பிடிக்கும். இட்லி சமைப்பதும் அவளுக்குப் பிடிக்கும். பாட்டி தினமும் மாவை அரைத்துச் சுடச்சுட இட்லி செய்து எல்லோருக்கும் தருவார். அவர்கள் ருசித்துச் சாப்பிட்டுப் பாராட்டுவார்கள், இட்லிக்கு தருகிற காசு கூட இரண்டாம்பட்சம்தான். அவர்கள் பாராட்டுவது பாட்டிக்கு மிகவும் பிடிக்கும்.
ஒருநாள், பாட்டி இட்லிகளைத் தட்டில் வைக்கும்போது ஒரு இட்லி மட்டும் கீழே விழுந்து உருண்டு ஓட ஆரம்பித்தது. ஏய், நில்லு, நில்லு என்று கத்திக்கொண்டு இட்லியைத் துரத்தினார் பாட்டி. அப்போது, திடீரென பூமி பிளந்தது, இட்லியோடு பாட்டியும் அதற்குள் விழுந்துவிட்டார். பூமிக்குக் கீழே, இட்லி தொடர்ந்து ஓடியது, பாட்டியும் துரத்தினார்.
அங்கு, சில சாமி சிலைகள் நின்றிருந்தன. பாட்டி முதல் சிலையிடம் கேட்டார், இந்தப்பக்கமா ஒரு இட்லி வந்துச்சா? நீங்க பார்த்தீங்களா? ஆமா, பார்த்தேன் என்றார் முதல் கடவுள், ஆனா, நீ அதைத் துரத்திகிட்டுப் போகாதே. அந்தப் பக்கம் ஒரு அரக்கி இருக்கா, அவ உன்னைத் தின்னுடுவா.
நான் அரக்கியைப் பார்த்து பயப்படமாட்டேன் என்று சொல்லிவிட்டுத் தொடர்ந்து நடந்தார் பாட்டி. மீண்டும், அடுத்த சாமி சிலை வந்தது. அதனிடம் பாட்டி, இந்தப்பக்கமா ஒரு இட்லி வந்துச்சா? நீங்க பார்த்தீங்களா?
ஆமா, பார்த்தேன் என்றார் இரண்டாவது கடவுள். ஆனா, நீ அங்கு போகாதே, அந்தப் பக்கம் ஒரு அரக்கி இருக்கா, அவ உன்னைத் தின்னுடுவா. சொல்வதை கேட்காமல் தொடர்ந்து நடந்தார் பாட்டி.
சற்றுத் தொலைவில், அடுத்த சாமி சிலை வந்தது. அதனிடம் இந்தப்பக்கமா ஒரு இட்லி வந்துச்சா? நீங்க பார்த்தீங்களா? என்றார் பாட்டி. ஆமா, பார்த்தேன் என்றார் மூன்றாவது கடவுள். நீ சீக்கிரமா எனக்குப் பின்னாடி ஒளிஞ்சுக்கோ. ஏன்? இதோ, அரக்கி வர்றா. இதைக் கேட்ட பாட்டி அந்தச் சாமிக்குப் பின்னால் ஒளிந்துகொண்டார்.
சில நிமிடங்களில், அந்த அரக்கி வந்தாள். அவள் பெரிய, பயமுறுத்தும் உருவத்தில் இருந்தாள். சாமி முன் வந்து கும்பிட்டாள். பிறகு, மூக்கை உறிஞ்சி, மனுஷ வாசனை அடிக்குதே என்றாள்.
அதெல்லாம் இல்லை நீ கிளம்பு! என்றார் கடவுள். கண்டிப்பா மனுஷ வாசனை அடிக்குது என்றபடி, பாட்டியைப் பார்த்துவிட்டாள். பாட்டியிடம், உன் இட்லியைப்பத்தி நிறைய கேள்விப்பட்டிருக்கேன் என்றாள் அரக்கி. என்னோட சமையல்காரியாக வைத்துக்கொள்ள போகிறேன் வா! என்று அரக்கி பாட்டியை ஒரு படகில் ஏற்றினாள். ஆற்றில் படகு சென்றது.
இந்தச் சின்ன ஆற்றைக் கடப்பதற்குப் படகு எதுக்கு? நீதான் அரக்கியாச்சே, என்னைத் தூக்கிட்டுத் தண்ணியில நடக்கமாட்டியா? அச்சச்சோ, எனக்குத் தண்ணின்னா பயம், நீச்சலடிக்கவும் தெரியாது என்றாள் அரக்கி.
சிறிது நேரத்தில் அவர்கள் அரக்கி மாளிகைக்குள் நுழைந்தார்கள். அங்கே இவளைப்போலவே இன்னும் பல அரக்கிகள் இருந்தார்கள். இனிமே எங்களுக்கு நீதான் தினமும் சமைக்கணும் என்றாள் அரக்கி. சமைக்கறேன், ஆனா இவ்ளோ பேருக்குச் சமைக்க அரிசி வேண்டும் என்றார்.
இதோ என்று ஒரே ஒரு அரிசியை எடுத்துக் கொடுத்து இதைப் பாத்திரத்துல போட்டு இந்த மந்திரக் கரண்டியால ஒருமுறை கலக்கினாப் போதும், அது பாத்திரம் முழுக்க நிறைஞ்சுடும் என்றாள் அரக்கி.
பாட்டி ஆச்சரியத்துடன் சமையலறை சென்று ஒரு பாத்திரத்தில் அரிசியைப் போட்டுக் கலக்கினார். அந்தப் பாத்திரம் முழுக்க அரிசி நிறைந்திருந்தது. அதை வைத்து ருசியாகச் சமைத்தார். அதை அரக்கிகள் தின்று தீர்த்தார்கள்.
சிலநாள் கழித்து, பாட்டிக்கு வீடு திரும்பும் ஆசை வந்தது. அரக்கி இல்லாத நேரத்தில் படகில் ஏறிப் புறப்பட்டார் பாட்டி. ஞாபகமாக அந்த மந்திரக் கரண்டியைத் தன்னுடன் எடுத்துக்கொண்டார். அவர் ஆற்றை கடக்கும் நேரத்தில் அரக்கிகள் வந்துவிட்டனர். பாட்டி பயந்தார். ஆற்றின் இருபுறமும் அரக்கிகள். ஆனால் யாருக்கும் நீச்சல் தெரியாது. அரக்கிகள் சட்டென்று குனிந்து சில நிமிடங்களில் ஆற்று நீரை அவர்கள் முழுக்கக் குடித்துவிட்டார்கள். பாட்டியின் படகு சேற்றில் சிக்கிக்கொண்டது.
அரக்கிகள் கோபத்தோடு பாட்டியிடம் வந்தனர். பாட்டி ஓடத்தொடங்கினார். சேற்றில் பாட்டியின் கால் சிக்கி தடுமாறி விழுந்தார். இதைப் பார்த்த அரக்கிகளுக்குச் சிரிப்பு வந்தது. அவர்கள் குடித்த தண்ணீரெல்லாம் வெளியே வந்துவிட்டது. ஆறு மறுபடி ஓடத் தொடங்கியது.
சட்டென்று பாட்டி படகில் ஏறி தப்பித்து தன் வீட்டுக்குள் நுழைந்தார். பின்னர், அந்தப் பள்ளமும் மூடிக்கொண்டது. பாட்டியைப் பார்த்தவர்கள் இவ்ளோ நாளா எங்கே போனீங்க பாட்டி? உங்க இட்லி சாப்பிடாம ரொம்ப கஷ்டப்பட்டுட்டோம் என்றார்கள்.
இதோ, வந்துட்டேன் என்றார் பாட்டி. இனிமே உங்களுக்கு மட்டுமில்லை, இந்த ஊருக்கே நான் இட்லி செஞ்சு போடுவேன் என்றார். தன் இடுப்பிலிருந்த மந்திரக் கரண்டியைத் தொட்டு இட்லி சமைத்தார்.
அன்றுமுதல், பாட்டியின் வீட்டில் அரிசியும் மற்ற பொருள்களும் நிறைந்து வழிந்தன. தினமும் ஆயிரக்கணக்கானோர் அவர் தந்த இட்லியைச் சாப்பிட்டு மகிழ்ந்தார்கள்.
நீதி :
உதவும் எண்ணம் இருத்தல் வேண்டும்.
இன்றைய செய்திகள்
24.11.22
* 5 மாவட்டங்களில் செயற்கை அருவிகள் உள்ள ரிசார்ட்டுகளுக்கு சீல் வைக்க உயர் நீதிமன்றம் உத்தரவு.
* பொது சுகாதாரத் துறையின் நூற்றாண்டு விழாவை முன்னிட்டு நடைபெறும் சர்வதேச மருத்துவ மாநாட்டில் கலந்து கொள்ள 2000 மருத்துவர்கள் பதிவு செய்துள்ளதாக அமைச்சர் மா.சுப்பிரமணியன் தெரிவித்துள்ளார்.
* மயிலாடுதுறை மாவட்டத்தில் மழையால் பாதிக்கப்பட்ட குடும்பங்களுக்கு தலா ரூ.1000 வழங்க தமிழக அரசு அரசாணை வெளியிட்டுள்ளது. இதற்காக ரூ.16 கோடி நிதியை அரசு ஒதுக்கீடு செய்துள்ளது.
* மைசூரு ஆய்வகத்தில் இருந்து முதல்கட்டமாக 13 ஆயிரம் தமிழ் கல்வெட்டு படிகள் கடந்த வாரம் தமிழகத்துக்கு கொண்டுவரப்பட்டன.
* புவி ஆய்வுக்கான இஓஎஸ்-06 (ஒசோன்சாட்-03) செயற்கைக்கோளை இந்திய விண்வெளி ஆராய்ச்சி நிறுவனமான இஸ்ரோ வடிவமைத்துள்ளது. இந்த செயற்கைக்கோள் ஸ்ரீஹரிகோட்டாவில் உள்ள ஏவுதளத்தில் இருந்து பிஎஸ்எல்வி சி-54 ராக்கெட் மூலம் நவ. 26-ம் தேதி விண்ணில் ஏவப்படும்.
* சர்வதேச சுற்றுலாவை ஊக்குவிக்க ‘வியத்தகு இந்தியா’ என்ற சர்வதேச சுற்றுலா பிரச்சாரம் மீண்டும் தொடங்கப்பட்டுள்ளது.
* 2019-ம் ஆண்டில் இந்தியாவில் 5 வகை பாக்டீரியாவால் 6.8 லட்சம் பேர் உயிரிழப்பு - லான்செட் ஆய்வில் தகவல்.
* அமெரிக்காவின் நியூயார்க்கில் வரலாறு காணாத அளவுக்கு பனி பொழிந்து வருவதால் அங்கு அவசர நிலை பிரகடனப்படுத்தப்பட்டுள்ளது.
* துருக்கியில் பயங்கர நிலநடுக்கம் - ரிக்டர் அளவு கோலில் 6.1 ஆக பதிவு.
* 2024-ம் ஆண்டு உலக கோப்பை கிரிக்கெட் முறையில் மாற்றம்.
* முதலாவது டிவிசன் ஹாக்கி லீக்: எம்.ஆர்.சி. அணி வெற்றி.
* உலக கோப்பை கால்பந்து: மொரோக்கோ - குரோஷியா அணிகளுக்கு இடையிலான ஆட்டம் 'டிரா'.
Today's Headlines
* HC orders the sealing of resorts with artificial waterfalls in 5 districts
* Minister M. Subramanian said that 2000 doctors have registered to participate in the International Medical Conference being held on the occasion of the centenary of the Department of Public Health.
* The Tamil Nadu government has issued an order to provide Rs.1000 each to the rain-affected families in the Mayiladuthurai district. The government has allocated a fund of Rs.16 crore for this purpose.
* In the first phase, 13,000 Tamil inscription steps were brought to Tamil Nadu from the Mysore laboratory last week.
* The EOS-06 (Ozonesat-03) Earth observation satellite was designed by the Indian Space Research Organization (ISRO). The satellite was launched by a PSLV C-54 rocket from the launch pad at Sriharikota on Nov. It will be found on the 26th.
* International tourism campaign 'Dramatic India' has been re-launched to promote international tourism.
* 6.8 lakh people died from 5 types of bacteria in India in 2019 - Lancet study reports.
* A state of emergency has been declared in New York, USA due to record snowfall.
* The terrible earthquake in Turkey - 6.1 on the Richter scale.
* Changes will be applied in the 2024 World Cup cricket format.
* First Division Hockey League: MRC Team wins.
* World Cup Soccer: The match between Morocco-Croatia became a 'Draw'
>>> கல்வி அஞ்சல் Youtube Channel-ஐ Subscribe செய்ய...
மேஷம்
நவம்பர் 24, 2022
எதிர்பாராத சில செலவுகளின் மூலம் சேமிப்பு குறையும். புதிய பொருட்கள் வாங்குவதில் கவனம் வேண்டும். உலகியல் வாழ்க்கையை பற்றிய புதுவிதமான கண்ணோட்டம் உண்டாகும். மனதில் ஏற்பட்ட பலதரப்பட்ட சிந்தனைகளின் மூலம் குழப்பம் அதிகரிக்கும். உயர் அதிகாரிகளிடத்தில் பொறுமையுடன் செயல்படவும். வியாபார பணிகளில் ஒருவிதமான மந்தத்தன்மை ஏற்படும். சோதனை நிறைந்த நாள்.
அதிர்ஷ்ட திசை : கிழக்கு
அதிர்ஷ்ட எண் : 8
அதிர்ஷ்ட நிறம் : இளம் பச்சை
அஸ்வினி : சேமிப்பு குறையும்.
பரணி : புதுமையான நாள்.
கிருத்திகை : பொறுமையுடன் செயல்படவும்.
---------------------------------------
ரிஷபம்
நவம்பர் 24, 2022
நண்பர்கள் ஆதரவாக செயல்படுவார்கள். திருமணம் தொடர்பான முயற்சிகளில் நற்பலன்கள் உண்டாகும். உத்தியோகத்தில் எதிர்பார்த்த சில பொறுப்புகளும், உதவிகளும் கிடைக்கப் பெறுவீர்கள். திறமைகளை வெளிப்படுத்துவதற்கான சூழல் அமையும். வேலையாட்களை அனுசரித்து செல்வதால் வியாபாரத்தில் முன்னேற்றம் ஏற்படும். விவேகம் வேண்டிய நாள்.
அதிர்ஷ்ட திசை : தெற்கு
அதிர்ஷ்ட எண் : 6
அதிர்ஷ்ட நிறம் : வெளிர் நீலம்
கிருத்திகை : ஆதரவான நாள்.
ரோகிணி : பொறுப்புகள் கிடைக்கும்.
மிருகசீரிஷம் : முன்னேற்றம் ஏற்படும்.
---------------------------------------
மிதுனம்
நவம்பர் 24, 2022
உத்தியோகத்தில் திறமைகளை வெளிப்படுத்துவீர்கள். தந்தைவழி உறவினர்களிடம் அனுசரித்து நடந்து கொள்ளவும். ரகசியமான செயல்பாடுகளின் மூலம் ஆதாயம் உண்டாகும். புனித தலங்களுக்கு சென்று வருவதற்கான சூழ்நிலைகள் ஏற்படும். புதிய பயிற்சிகளை மேற்கொள்ளும் பொழுது சிந்தித்து செயல்படவும். ஆராய்ச்சி சார்ந்த துறைகளில் இருப்பவர்களுக்கு புதிய தேடல் பிறக்கும். வரவு மேம்படும் நாள்.
அதிர்ஷ்ட திசை : வடக்கு
அதிர்ஷ்ட எண் : 3
அதிர்ஷ்ட நிறம் : பொன் நிறம்
மிருகசீரிஷம் : திறமைகள் வெளிப்படும்.
திருவாதிரை : ஆதாயம் உண்டாகும்.
புனர்பூசம் : சிந்தித்து செயல்படவும்.
---------------------------------------
கடகம்
நவம்பர் 24, 2022
கணவன், மனைவிக்கிடையே இருந்துவந்த கருத்து வேறுபாடுகள் குறையும். வியாபார பணிகளில் கூட்டாளிகளின் ஒத்துழைப்பு கிடைக்கப் பெறுவீர்கள். மற்றவர்களை பற்றிய கருத்துக்கள் கூறுவதில் கவனம் வேண்டும். சுபகாரியம் சார்ந்த மகிழ்ச்சியான செய்திகள் கிடைக்கும். எந்தவொரு செயல்பாடுகளிலும் சிக்கனமாக செயல்படுவீர்கள். வியாபாரத்தில் புதுவிதமான அனுபவம் உண்டாகும். மனதிற்கு பிடித்தவர்களை பற்றிய புரிதல் ஏற்படும். ஏற்ற, இறக்கமான நாள்.
அதிர்ஷ்ட திசை : கிழக்கு
அதிர்ஷ்ட எண் : 5
அதிர்ஷ்ட நிறம் : சந்தன நிறம்
புனர்பூசம் : கருத்து வேறுபாடுகள் குறையும்.
பூசம் : கவனம் வேண்டும்.
ஆயில்யம் : புரிதல் ஏற்படும்.
---------------------------------------
சிம்மம்
நவம்பர் 24, 2022
உத்தியோக பணிகளில் இருப்பவர்களுக்கு மாற்றமான வாய்ப்புகள் கிடைக்கும். வீட்டில் குடும்ப உறுப்பினர்களிடையே ஒற்றுமை அதிகரிக்கும். வெளியூர் பயணங்களால் வெளிவட்டாரங்களில் நட்பு மேம்படும். பலவிதமான குழப்பங்களுக்கு நிலையான முடிவினை எடுப்பீர்கள். உறவினர்களால் வீண் விரயங்கள் உண்டாகும். உடனிருப்பவர்களை சூழ்நிலைக்கு ஏற்ப அனுசரித்து செல்வது நல்லது. பெண்களுக்கு ஆடம்பர பொருட்களின் மீதான ஆர்வம் மேம்படும். நலம் நிறைந்த நாள்.
அதிர்ஷ்ட திசை : தென்கிழக்கு
அதிர்ஷ்ட எண் : 6
அதிர்ஷ்ட நிறம் : வெள்ளை நிறம்
மகம் : மாற்றமான நாள்.
பூரம் : நட்பு மேம்படும்.
உத்திரம் : அனுசரித்து செல்லவும்.
---------------------------------------
கன்னி
நவம்பர் 24, 2022
வேலை நிமிர்த்தமான வெளியூர் பயணங்களை மேற்கொள்வதற்கான வாய்ப்புகள் அமையும். இழுபறியான சில பணிகளை சாதாரணமாக செய்து முடிப்பீர்கள். சகோதரர்களின் வழியில் ஒற்றுமையும், புரிதலும் ஏற்படும். மனதில் புதுவிதமான சிந்தனைகளும், அதை சார்ந்த முயற்சிகளும் உண்டாகும். நீண்ட நாள் பிரார்த்தனைகளை நிறைவேற்றுவதற்கான சூழல் அமையும். வியாபாரத்தில் உள்ள சில சூட்சுமங்களை புரிந்து கொள்வீர்கள். நன்மையான நாள்.
அதிர்ஷ்ட திசை : தெற்கு
அதிர்ஷ்ட எண் : 8
அதிர்ஷ்ட நிறம் : நீலநிறம்
உத்திரம் : வாய்ப்புகள் அமையும்.
அஸ்தம் : புரிதல் ஏற்படும்.
சித்திரை : சூட்சுமங்களை அறிவீர்கள்.
---------------------------------------
துலாம்
நவம்பர் 24, 2022
இழுபறியான தனவரவு கிடைக்கப் பெறுவீர்கள். உறவினர்களின் வழியில் மகிழ்ச்சியான செய்திகள் கிடைக்கும். புதுவிதமான கற்பனை சார்ந்த சிந்தனைகள் மேம்படும். உடனிருப்பவர்களை பற்றிய புரிதல் ஏற்படும். சுப நிகழ்ச்சிகளில் கலந்து கொண்டு மனம் மகிழ்வீர்கள். சொத்துக்கள் சார்ந்த வழக்கில் சாதகமான தீர்ப்பு கிடைக்கப் பெறுவீர்கள். முயற்சிகள் ஈடேறும் நாள்.
அதிர்ஷ்ட திசை : கிழக்கு
அதிர்ஷ்ட எண் : 9
அதிர்ஷ்ட நிறம் : வெண் மஞ்சள்
சித்திரை : மகிழ்ச்சியான நாள்.
சுவாதி : சிந்தனைகள் மேம்படும்.
விசாகம் : சாதகமான நாள்.
---------------------------------------
விருச்சிகம்
நவம்பர் 24, 2022
பழக்கவழக்கங்களில் மாற்றம் ஏற்படும். சிறு தூர பயணங்களின் மூலம் மனதில் அமைதியான சூழ்நிலைகள் உண்டாகும். மனதில் இனம்புரியாத கற்பனைகள் அதிகரிக்கும். உடல் ஆரோக்கியத்தில் சோர்வும், ஒருவிதமான மந்தத்தன்மையும் உண்டாகும். வாக்குறுதிகளை அளிக்கும் பொழுது சிந்தித்து செயல்படவும். விளையாட்டு தொடர்பான விஷயங்களில் சற்று கவனம் வேண்டும். தைரியம் வேண்டிய நாள்.
அதிர்ஷ்ட திசை : மேற்கு
அதிர்ஷ்ட எண் : 5
அதிர்ஷ்ட நிறம் : ஆகாய நீலம்
விசாகம் : அமைதியான நாள்.
அனுஷம் : கற்பனைகள் அதிகரிக்கும்.
கேட்டை : சிந்தித்து செயல்படவும்.
---------------------------------------
தனுசு
நவம்பர் 24, 2022
புதிய பொருட்களை வாங்குவதில் ஆர்வம் உண்டாகும். உத்தியோகத்தில் இருப்பவர்களுக்கு பொறுப்புகள் குறையும். பணிபுரியும் இடத்தில் உங்களின் மீதான நம்பிக்கையில் மாற்றம் ஏற்படும். வரவுக்கு ஏற்ப விரயங்கள் உண்டாகும். வியாபார பணிகளில் வேலையாட்களிடம் அனுசரித்து செல்லவும். சில பிரச்சனைகளுக்கு அனுபவ அறிவை பயன்படுத்துவது நல்லது. திருப்தி நிறைந்த நாள்.
அதிர்ஷ்ட திசை : தென்கிழக்கு
அதிர்ஷ்ட எண் : 3
அதிர்ஷ்ட நிறம் : மஞ்சள் நிறம்
மூலம் : ஆர்வம் உண்டாகும்.
பூராடம் : மாற்றமான நாள்.
உத்திராடம் : அனுசரித்து செல்லவும்.
---------------------------------------
மகரம்
நவம்பர் 24, 2022
குடும்பத்தில் மகிழ்ச்சியான சூழ்நிலைகள் உண்டாகும். வியாபார பணிகளில் இருந்துவந்த மந்தத்தன்மை நீங்கும். வெளியூர் பயணங்களால் அனுகூலமான பலன்கள் கிடைக்கும். உடல் தோற்றப்பொலிவு மேம்படும். கடன் தொடர்பான பிரச்சனைகளுக்கு தீர்வு கிடைக்கும். மனதில் இருந்துவந்த கவலை நீங்கி புத்துணர்ச்சி பெறுவீர்கள். உடல் ஆரோக்கியத்தில் இருந்துவந்த இன்னல்கள் குறையும். வருத்தம் நீங்கும் நாள்.
அதிர்ஷ்ட திசை : கிழக்கு
அதிர்ஷ்ட எண் : 8
அதிர்ஷ்ட நிறம் : பொன் நிறம்
உத்திராடம் : மந்தத்தன்மை நீங்கும்.
திருவோணம் : தீர்வு கிடைக்கும்.
அவிட்டம் : இன்னல்கள் குறையும்.
---------------------------------------
கும்பம்
நவம்பர் 24, 2022
வழக்கு சார்ந்த விஷயங்களில் எதிர்பார்ப்புகள் நிறைவேறும். சிந்தனைகளில் இருந்துவந்த குழப்பம் நீங்கி தெளிவு பிறக்கும். மனை மற்றும் வாகனம் சார்ந்த தொழிலில் முன்னேற்றம் ஏற்படும். மற்றவர்களின் குறைகளை அன்பான முறையில் எடுத்து கூறுவதால் உங்களின் மீது நம்பிக்கை உண்டாகும். வாழ்க்கை துணைவரின் வழியில் மதிப்பு அதிகரிக்கும். அமைதி நிறைந்த நாள்.
அதிர்ஷ்ட திசை : மேற்கு
அதிர்ஷ்ட எண் : 7
அதிர்ஷ்ட நிறம் : வெளிர் மஞ்சள்
அவிட்டம் : எதிர்பார்ப்புகள் நிறைவேறும்.
சதயம் : முன்னேற்றமான நாள்.
பூரட்டாதி : மதிப்பு அதிகரிக்கும்.
---------------------------------------
மீனம்
நவம்பர் 24, 2022
வெளிவட்டாரங்களில் புதிய அனுபவம் உண்டாகும். வியாபாரம் தொடர்பான பணிகளில் புதிய முதலீடுகளில் கவனம் வேண்டும். மறைமுக திறமைகளை வெளிப்படுத்துவீர்கள். மற்றவர்களுக்கு உதவும் பொழுது சிந்தித்து செயல்படவும். வேலையாட்கள் மாற்றம் பற்றிய சிந்தனைகள் மேம்படும். எதிர்பாராத சில அலைச்சல்களின் மூலம் ஆதாயம் அடைவீர்கள். வெற்றி நிறைந்த நாள்.
அதிர்ஷ்ட திசை : வடக்கு
அதிர்ஷ்ட எண் : 6
அதிர்ஷ்ட நிறம் : இளம் பச்சை
பூரட்டாதி : அனுபவம் உண்டாகும்.
உத்திரட்டாதி : திறமைகள் வெளிப்படும்.
ரேவதி : ஆதாயம் அடைவீர்கள்.
---------------------------------------
அனைத்து வகை அரசு நிதி உதவி பெறும் பள்ளி ஆசிரியர்களுக்கு ஊதியம் வழங்குகின்ற முழு அதிகாரமும் பள்ளி நிர்வாகிகளுக்கு வழங்கி உத்தரவு The order ...
