பள்ளி காலை வழிபாட்டுச் செயல்பாடுகள் 07-11-2024

  

 

 

 பள்ளி காலை வழிபாட்டுச் செயல்பாடுகள் 07-11-2024 - School Morning Prayer Activities...

திருக்குறள்:

"பால் :பொருட்பால்

அதிகாரம்: பழைமை

குறள் எண்:806

எல்லைக்கண் நின்றார் துறவார் தொலைவிடத்தும்

தொல்லைக்கண் நின்றார் தொடர்பு.

பொருள்:உரிமைவாழ்வின் எல்லையில்

நின்றவர், தமக்கு அழிவு நேர்ந்தவிடத்திலும் பழைமையாய் உறவுகொண்டு நின்றவரின் தொடர்பைக் கைவிடமாட்டார்."

பழமொழி :

தோல்வி உன்னைத் தோற்கடிக்கும் முன் தோல்வியை நீ தோற்கடித்து விடு.  

Defeat the defeat before the defeat defeats you.

இரண்டொழுக்க பண்புகள் : 

‌

*பிறரைக் குறித்து அநாகரீகமான வார்த்தைகளை உபயோகிக்க மாட்டேன்.

* தினமும் என்னாலான சிறு சிறு உதவிகளை செய்வேன்.

பொன்மொழி :

"உன்னால் முடியும் என்ற நம்பிக்கை இருந்தால், எந்த தவறும் இல்லாமல் உன்னால் அதை நிச்சயம் செய்ய முடியும்."

பொது அறிவு :

1. கத்தியால் எளிதாக வெட்டக்கூடிய உலோகம் எது?

விடை: சோடியம்     

2. . கந்தகம் எந்த நிறத்தில் காணப்படும்?

விடை: மஞ்சள்

English words & meanings :

Cinnamon-இலவங்க பட்டை,

Clove-கிராம்பு

வேளாண்மையும் வாழ்வும் :

நிலம், தாவரங்கள், விலங்குகள், மனிதர்கள் ஆகியவற்றின் ஆரோக்கியத்தை கருத்தில் கொண்டு அவற்றை நீடித்து நிலைக்கும் வகையிலும் மேம்படுத்தும் வகையிலும் செயல்படவேண்டும் (ஆரோக்கியம் பற்றிய கோட்பாடு)

நவம்பர் 07

மேரி கியூரி அவர்களின் பிறந்த நாள்

மேரி க்யூரி (ஆங்கிலம்:Marie Salomea Skłodowska-Curie, போலந்து மொழி:Maria Skłodowska-Curie, நவம்பர் 7, 1867 – ஜூலை 4, 1934) புகழ்பெற்ற போலந்து மற்றும் பிரஞ்சு வேதியியல் அறிஞர் ஆவார். இவர் போலந்தில் வார்சா எனும் இடத்தில் 1867இல் பிறந்தார். பின்னர் பிரான்சில் வசித்தார். இவர் இயற்பியல் மற்றும் வேதியியலுக்காக நோபல் பரிசை முறையே 1903, 1911 ஆம் ஆண்டுகளில் பெற்றார். (இரண்டு நோபல் பரிசுகளைப் பெற்ற முதல் நபர்) ரேடியம், பொலோனியம் போன்ற கதிர்வீச்சு மூலகங்களைக் கண்டுபிடித்தார். அத்துடன் பாரிஸ் பல்கலைக்கழகத்தின் முதலாவது பெண் பேராசிரியரும் இவரேயாவார்.

சி.வி.இராமன் அவர்களின் பிறந்தநாள்

சர் சந்திரசேகர வெங்கட ராமன் (Chandrasekhara Venkata Raman) (நவம்பர் 7, 1888 - நவம்பர் 21, 1970) பெரும் புகழ் நாட்டிய இந்திய அறிவியல் அறிஞர் ஆவார். இவர் 1930ல் இயற்பியல் துறைக்கான நோபல் பரிசைப் பெற்றார். ஒளி ஒரு பொருளின் ஊடே செல்லும் பொழுது சிதறும் ஒளியலைகளில் ஏற்படும் அலைநீள மாற்றத்தை இவர் கண்டுபிடித்தார். இப்படிச் சிதறும் ஒளியின் அலைநீள மாற்றத்திற்கு இராமன் விளைவு (Raman Effect) என்று பெயர். இக்கண்டுபிடிப்புக்குத் தான் இவருக்கு நோபல் பரிசு அளிக்கப்பட்டது. இக்கண்டுபிடிப்பு இன்று பொருள்களின் பல விதமான பண்புகளைக் கண்டறிய (பொருளுக்கு கேடு ஏதும் நேராமலும்) மிகவும் பயனுடையதும் உலகில் புகழ் பெற்றதும் ஆகும்

சி.வி.இராமன் அவர்கள் நவம்பர் 7 ஆம் நாள், 1888ஆம் ஆண்டில் இந்தியாவில், தமிழ்நாட்டிலே உள்ள திருச்சிராபள்ளிக்கு அருகில் அமைந்த திருவானைக்காவல் எனும் ஊரில் பிறந்தார். இந்தியாவிலேயே முழுமையாகப் படித்த ஓர் அறிஞருக்கு 1930ல் நோபல் பரிசு கிடைத்தது முதல் முறையாகும்.

அழ. வள்ளியப்பா அவர்களின் பிறந்தநாள்

அழ. வள்ளியப்பா (நவம்பர் 7, 1922- மார்ச் 16, 1989) குழந்தை இலக்கியங்கள் படைத்த மிக முக்கியமான கவிஞர். 2,000 க்கும் மேலான குழந்தைகளுக்கான பாடல்கள் எழுதியுள்ளார்.

நீதிக்கதை

ஒரு மாபெரும் கூட்டம்.புகழ் பெற்ற இரண்டு பேச்சாளர்கள் இடையே போட்டி யாருடைய பேச்சுக்கு அதிக கைத்தட்டல் கிடைக்கும் என்று எதிர்பார்ப்பு.

கூட்டம் துவங்குவதற்கு முன் இரு பேச்சாளர்களும் ஒரு அறையில் அமர்ந்து அந்தக் கூட்டத்தை பற்றி  பேசிக்கொண்டிருந்தனர்.

அப்போது ஒரு பேச்சாளருக்கு தொலைபேசி அழைப்பு வரவே அவர் எழுந்து பேசிக்கொண்டே வெளியில் சென்றார் ஆனால் அவர் எழுதிய அன்றைய பேச்சுக்கான குறிப்புகளை மேஜை மேலே மறந்து விட்டு சென்றார்.

அப்போது அமர்ந்திருந்த மற்றொரு பேச்சாளர் அந்த குறிப்புகளை எடுத்துப் பார்த்தார். அவர் தயாரித்த குறிப்புகளை விட அந்த குறிப்புகள் மிகவும் அருமையாக இருந்தது.

கூட்டம் துவங்கியது.குறிப்புகளை எடுத்துக் கொண்டவர்க்கே முதலில் பேச வாய்ப்பு அமைந்தது. அவரும் தன்னுடைய  குறிப்புகளை விட்டுவிட்டு   எதிர்ப்பேச்சாளர் பேச வைத்திருந்த குறிப்புகளையே தன்னுடைய குறிப்புகள் போல மிகவும் அற்புதமாக பேசி முடித்தார்.

எதிர் பேச்சாளருக்கு அப்போதுதான் விஷயம் புரிந்தது. அடுத்து அவர் பேச வேண்டும். அவர் என்ன பேசுவது என்று அவருக்கு தெரியவில்லை. மெதுவாக எழுந்து சென்று, மைக்கை பிடித்து, "முதலில் எனக்கு முன்னால் பேசியவருக்கு மிகவும் நன்றியை தெரிவித்துக் கொள்கின்றேன். எனக்கு தொண்டை கட்டு என்னால் சரியாக பேச முடியாது. எனது உரையை நீங்கள் வாசிக்க முடியுமா? என்று கூட்டம் துவங்குவதற்கு முன் கேட்டேன். அவர் பெருந்தன்மையாக ஒத்துக் கொண்டார். அவருக்கு என் நன்றிகள்" என்று  கூட்டத்தை பார்த்து கூறி அமர்ந்தார்.

நீதி :  சூழ்நிலைக்கேற்ப செயல்படுபவன் தான் புத்திசாலி

இன்றைய செய்திகள்

07.11.2024

* தமிழ்நாடு அரசு செயற்கை நுண்ணறிவு இயக்க அறிக்கைக்கு ஒப்புதல் அளித்ததுடன், இயக்கத்தை அமல்படுத்த, ரூ.13.93 கோடி நிதி ஒதுக்கி அரசாணை பிறப்பிக்கப்பட்டுள்ளது.

* மத நல்லிணக்கத்துக்காக தமிழக அரசால் வழங்கப்படும் கோட்டை அமீர் நல்லிணக்கப் பதக்கத்துக்கு தகுதியானவர்கள் வரும் நவம்பர் 25-ம் தேதிக்குள் விண்ணப்பிக்கலாம் என்று தெரிவிக்கப்பட்டுள்ளது.

* நாடாளுமன்ற குளிர்கால கூட்டத் தொடர் நவம்பர் 25-ம் தேதி தொடங்கும் என்று மத்திய அமைச்சர் கிரண் ரிஜிஜு தெரிவித்துள்ளார்.

* அமெரிக்க அதிபர் தேர்தலில் குடியரசுக் கட்சி வேட்பாளரும், முன்னாள் அதிபருமான டொனால்ட் ட்ரம்ப் வெற்றி.

* பெண்கள் டென்னிஸ் சாம்பியன்ஷிப் போட்டி: அமெரிக்க வீராங்கனை கோகோ காப் அரையிறுதிக்கு முன்னேற்றம்.

* ஐசிசி டெஸ்ட் தரவரிசை: இந்திய வீரர் ரிஷப் பண்ட் 6 வது இடத்திற்கு முன்னேற்றம்.

Today's Headlines

* The Government of Tamil Nadu has approved the Artificial Intelligence Initiative report and issued an ordinance allocating Rs.13.93 crore to implement the initiative.

*  Eligible candidates can apply for the Kottai Ameer Reconciliation Medal given by the Tamil Nadu government for religious harmony by November 25.

* Union Minister Kiran Rijiju has said that the winter session of Parliament will begin on November 25.

* Republican candidate and former president Donald Trump won the US presidential election.

* Women's Tennis Championships: American Coco Cobb advances to semifinals

* ICC Test Rankings: Indian batsman Rishabh Pant moves up to 6th place

Prepared by

Covai women ICT_போதிமரம்

Term 2 - 1 To 5th Std - Formative Assessment Time Table 2024-25

 

 எண்ணும் எழுத்தும் - 1 To 5th Standard வளரறி மதிப்பீட்டிற்கான FA கால அட்டவணை 2024-25 - Term II

Dear All, 

Please note that FA(b) Assessment Cycle 1 for 4 & 5 is scheduled tomorrow onwards.  please circulate this poster with teachers. Thank you

>>> கால அட்டவணை - தரவிறக்கம் செய்ய இங்கே சொடுக்கவும்...

அலைபேசி எண் OTP இல்லாமல் TPF Account Slip Download செய்யும் வசதி

அலைபேசி எண் கடவுச்சொல் இல்லாமல் வருங்கால வைப்பு நிதி கணக்குத்தாள் Teachers Provident Fund Account Slip பதிவிறக்கம் செய்யும் வசதி

Facility to Download TPF Account Slip without Mobile Number OTP

வருங்கால வைப்பு நிதி கணக்கு செல்போன் நம்பர் மாற்றம் செய்ய விரும்புவர்கள் தற்போது எளிதாக மாற்றம் செய்யலாம். ஓடிபி கேட்பதில் இருந்து விலக்களிக்கப்பட்டுள்ளதால் தொலைந்த செல்போன் நம்பரை பதிவு செய்தவர்கள் இந்த வாய்ப்பை பயன்படுத்திக் கொண்டு வருங்கால வைப்பு நிதி புதிய செல்போன் நம்பரை மாற்றம் செய்து கொள்ள அனைத்து ஆசிரியர்களும் பணியாளர்களுக்கும் தெரிவிக்கப்படுகிறது. மாற்றம் செய்ய விரும்புவோர் மட்டும் இதனை பயன்படுத்திக் கொள்ளலாம்.

Minister visited the school on the invitation of the Headmaster

தலைமையாசிரியரின் அழைப்பை ஏற்று பள்ளியைப் பார்வையிட்டார் அமைச்சர்

Minister visited the school on the invitation of the Headmaster

அமைச்சர் அன்பில் மகேஷ் அவர்களின் முகநூல் பதிவு 

 டி.புதூர் ஊராட்சி ஒன்றிய தொடக்கப் பள்ளியின் தலைமையாசிரியர் திருமிகு.க.வளர்மதி அவர்களின் அழைப்பினை ஏற்று இன்று அப்பள்ளிக்கு சென்றோம்.

‘எம்மாணவர்களின் கற்றல் வாசிப்புத் திறன் குறித்து ஆய்வு செய்திட வேண்டும்’ என அழைப்பு விடுத்தார் தலைமை ஆசிரியர். ‘பள்ளியில் பயிலும் அனைத்து மாணவர்களும் வகுப்பு நிலைக்கு ஏற்றவாறு தடையின்றி வாசிப்பார்களா?’ எனும் எண்ணத்தோடு அப்பள்ளிக்கு சென்றோம். 

உண்மைதான்! அனைத்து மாணவர்களும் சரளமாக வாசிக்கின்றார்கள். எழுதுகின்றார்கள். தலைமை ஆசிரியரும், ஆசிரியர்களும், மாணவர்களும் பெரும் நம்பிக்கையை விதைத்துள்ளார்கள். அவர்களுக்கு எனது மனமார்ந்த வாழ்த்துகள்.

பெருமதிப்பிற்குரிய அனைத்துப் பள்ளி தலைமை ஆசிரியர்களே நீங்களும் அழையுங்கள். தங்களின் அன்பான அழைப்பை ஏற்று சட்டமன்ற உறுப்பினர்கள், மாவட்டக் கல்வி அலுவலர்கள், பெற்றோர் ஆசிரியர் கழக உறுப்பினர்கள் தங்களின் பள்ளிகளுக்கு வருகை புரிவார்கள். மாணவர்களின் கற்றல் திறன் குறித்து ஆய்வு செய்வார்கள். நானும் வருவேன்!

இன்றே பயணத்தைத் தொடங்குவோம். மாண்புமிகு தமிழ்நாடு முதலமைச்சர் M. K. Stalin அவர்களின் வழியில் அறிவார்ந்த மாணவர் சமுதாயத்தை உருவாக்குவோம். 

Tamilnadu_School_Education_Department

💢வளர்மதி டீச்சரைப் போல ஒவ்வொரு பள்ளி தலைமை ஆசிரியரும் OPEN CHALLENGE விட வேண்டும்.. அரசுப் பள்ளிகள் வறுமையின் அடையாளம் அல்ல பெருமையின் அடையாளம்.."

ஓசூர் அடுத்த டி.புதூர் ஊராட்சியில் அரசுப்பள்ளி தலைமை ஆசிரியரின் அழைப்பை ஏற்று ஆய்வு மேற்கொண்ட பிறகு பள்ளிக்கல்வித்துறை அமைச்சர் அன்பில் மகேஸ் பேட்டி

>>> காணொளியை காண இங்கே சொடுக்கவும்...

Local Holiday on 15-11-2024 for Mayiladuthurai District - District Collector

 

மயிலாடுதுறை மாவட்டத்திற்கு 15-11-2024 அன்று உள்ளூர் விடுமுறை - மாவட்ட ஆட்சியர் அறிவிப்பு

Local Holiday on 15-11-2024 for Mayiladuthurai District - District Collector

நவம்பர் 15ல் மயிலாடுதுறைக்கு உள்ளூர் விடுமுறை

காவிரி துலா உற்சவ விழாவின் முக்கிய திருவிழாவான கடைமுக தீர்த்தவாரி விழாவை முன்னிட்டு மயிலாடுதுறை மாவட்டத்திற்கு நவம்பர் 15ஆம் தேதி உள்ளூர் விடுமுறை.

 விடுமுறையை ஈடு செய்யும் வகையில் நவ. 23ஆம் தேதி (சனிக்கிழமை) பணி நாளாக அறிவிக்கப்படுகிறது- மாவட்ட ஆட்சியர் ஏ.பி.மகாபாரதி.

Post Graduate Teacher Promotion - Additional Instructions - DSE Proceedings

 

முதுகலை ஆசிரியர் பதவி உயர்வு - வணிகவியல் பாடப்பிரிவு சார்ந்து கூடுதல் அறிவுரைகள் - DSE செயல்முறைகள்

Post Graduate Teacher Promotion Regarding Commerce Subject - Additional Instructions - DSE Proceedings

>>> தரவிறக்கம் செய்ய இங்கே சொடுக்கவும்...

பள்ளி காலை வழிபாட்டுச் செயல்பாடுகள் 06-11-2024

 

 

 

 பள்ளி காலை வழிபாட்டுச் செயல்பாடுகள் 06-11-2024 - School Morning Prayer Activities...

திருக்குறள்:

"பால் :பொருட்பால்

அதிகாரம்: பழைமை

குறள் எண்:807

அழிவந்த செய்யினும் அன்புஅறார் அன்பின்

வழிவந்த கேண்மை யவர்.

பொருள்:அன்புடன் தொன்றுதொட்டு வந்த உறவை உடையவர், அழிவு தரும் செயல்களைப் பழகியவர் செய்த போதிலும் தம் அன்பு நீங்காமலிருப்பர்."

பழமொழி :

தண்ணீரைக் கூட சல்லடையில் அள்ளலாம் அது பனிக்கட்டியாகும்வரை பொறுத்திருந்தால்.  

  Even water can be held in a seive, if you wait  till it turns to ice.

இரண்டொழுக்க பண்புகள் : 

‌

*பிறரைக் குறித்து அநாகரீகமான வார்த்தைகளை உபயோகிக்க மாட்டேன்.

* தினமும் என்னாலான சிறு சிறு உதவிகளை செய்வேன்.

பொன்மொழி :

இன்று கை கொடுக்க யாரும் இல்லை என்று வருந்தாதே, நாளை கை தட்ட உலகமே காத்திருக்கும்,  நீ முயற்சி செய்தால் ....

பொது அறிவு :

1. ஆக்சிஜன் படகு என்று அழைக்கப்படுவது எது?

விடை: ஹீமோகுளோபின்

2. மழைத்துளிகள் கோள வடிவத்தை பெறக்காரணம் என்ன?

விடை: பரப்பு இழுவிசை

English words & meanings :

Bay Leaf-நறுமண இலை,

Chilli-மிளகாய்

வேளாண்மையும் வாழ்வும் :

பன்னாட்டு அளவிலான இயற்கை வேளாண்மை இயக்கம் (IFOAM) இயற்கை வேளாண்மையை, சில முக்கிய கோட்பாடுகளின் அடிப்படையில் விளக்குகிறது.

நவம்பர் 06

போர் மற்றும் ஆயுத மோதலில் சுற்றுச்சூழலை சுரண்டுவதைத் தடுப்பதற்கான பன்னாட்டு நாள்

நீதிக்கதை

ஒரு வயதான மேஸ்திரி தனது வேலையிலிருந்து ஓய்வு பெற விரும்பினார். இனியாவது குடும்பத்துடன் சந்தோஷமாக இருக்க வேண்டும் என்பது அவரது கனவு.

தனது முதலாளியான பொறியாளரிடம் சென்று தான் ஓய்வு பெறும் செய்தியை கூறினார். தனது நீண்ட கால பணியாளர் ஒருவர் ஓய்வு பெறுவதில் முதலாளிக்கு சிறிய வருத்தம்தான்.சிறிது நேரம் யோசித்து விட்டு அவர் "எனக்கு  எனக்கு ஒரு உதவி செய்ய வேண்டும், இன்னும் ஒரே ஒரு வீட்டை மட்டும் கட்டிக் கொடுக்க  முடியுமா?" என்று பணிவோடு கேட்டார்.

மேஸ்திரி அதற்கு சம்மதித்து வேலையை தொடங்கி விட்டாலும் அவரால் அவரால் முழு மனதுடன் அந்த வேலையில் ஈடுபட முடியவில்லை. ஏதோ ஒரு பொருளை பயன்படுத்தி, ஏதோ ஒரு வடிவமைப்பை கொண்டு அந்த வீட்டை கட்டி முடித்தார். "வேலையில் இருந்து ஓய்வு பெற போகிறோம் இந்த வீட்டை மட்டும் ஒழுங்காக கட்டினால் மட்டும் இனிமேல் என்ன கிடைக்கப் போகிறது" என்று அலட்சியமான போக்கு அவருக்கு.

வேலை எல்லாம் முடிந்த பிறகு வீட்டை  பார்வையிட்டு விட்டு வந்த முதலாளி  அந்த வீட்டின் சாவியை எடுத்து மேஸ்திரியிடம்f கொடுத்தார். " இந்தாருங்கள் இந்த வீடு  தங்களுக்காக நாங்கள் அளிக்கும் அன்பு பரிசு. இத்தனை வருடங்கள் எங்கள் நிறுவனத்திற்காக வேலை செய்தமைக்கான வெகுமதி" என்று மிகவும் சந்தோஷத்துடன் கூறினார்.

மேஸ்திரியின் முகத்தில் 

ஈயாடவில்லை. "அடடா! நமக்கான வீடு என்று தெரிந்திருந்தால் இன்னும் பலப்பல டிசைன்களில் வடிவமைத்திருக்கலாம், மிக உயர்தரமான பொருட்களைக் கொண்டுஅலங்கரித்திருக்கலாம் என்று மனதில் எண்ணினார்.

நீதி : நமக்கான வாழ்க்கையை நாம் தான்  தீர்மானிக்கிறோம். செய்யும் தொழிலே தெய்வம்.

இன்றைய செய்திகள்

06.11.2024

* தமிழகத்தில் ‘முதல்வர் மருந்தகம்’ அமைக்க இணையதளம் மூலம் விண்ணப்பிக்கலாம்: தமிழக அரசு அழைப்பு.

* மின்சாதனம் இடமாற்றம், மீட்டர் வாடகை, எரிந்த மீட்டரை மாற்றுவது, மின்இணைப்பு பெயர்மாற்றம் உள்ளிட்ட 25 சேவைகளுக்கு ஜிஎஸ்டி வசூலிப்பதில் இருந்து விலக்கு அளித்து மின்வாரியம் அறிவித்துள்ளது.

* ‘பொது நன்மை’க்காக தனியார் சொத்துகளை கையகப்படுத்த அரசுக்கு அதிகாரம் இல்லை என்று உச்சநீதிமன்ற அரசியல் சாசன அமர்வு தீர்ப்பளித்துள்ளது.

* உலகிலேயே மிகவும் மாசுபட்ட நகரம் லாகூர்: டெல்லியை விட 6 மடங்கு மோசம் என தகவல்.

* பெண்கள் டென்னிஸ் சாம்பியன்ஷிப் போட்டி: பெலாரஸ் வீராங்கனை சபலென்கா அரையிறுதிக்கு தகுதி.

* தேசிய சீனியர் ஹாக்கி போட்டி: தமிழ்நாடு அணி வெற்றி.

Today's Headlines

* Apply through website to set up 'Multhalvar Dispensary' in Tamil Nadu: Tamil Nadu Government Invitation

* Electricity Board has exempted 25 services from charging GST including relocation of electrical equipment, meter rental, replacement of burnt meter, renaming of power connection.

* A constitution bench of the Supreme Court has ruled that the government has no power to acquire private property for 'public good'.

* Lahore is the most polluted city in the world: 6 times worse than Delhi.

* Women's Tennis Championships: Belarus Sabalenka advances to semi-finals

* National Senior Hockey Tournament: Tamil Nadu team wins.

Prepared by

Covai women ICT_போதிமரம்

TET is required for promotion – Notification of hearing date in Supreme Court

 

பதவி உயர்வுக்கு ஆசிரியர் தகுதித் தேர்வு TET அவசியம் - வழக்கு விசாரணைக்கு வரும் தேதி அறிவிப்பு

TET is compulsory for promotion – Notification of hearing date in Supreme Court 

ஏற்கனவே 19.11.2024க்கு ஒத்திவைக்கப்பட்ட TET வழக்கு தற்போது 22.11.2024ல் `விசாரணைக்கு வரலாம்` என அறிவிப்பு...

>>> Case Status தரவிறக்கம் செய்ய இங்கே சொடுக்கவும்...

"Remaining promises will be fulfilled soon" - Chief Minister Mr. M.K.Stalin

"எஞ்சிய வாக்குறுதிகள் விரைவில் நிறைவேற்றம்" - முதலமைச்சர் திரு. மு.க.ஸ்டாலின் அவர்கள் 

"Remaining promises will be fulfilled soon" - Chief Minister Mr. M.K.Stalin

Apply through Mudhalvar Marunthagam website to set up Chief Minister's Pharmacy - Tamil Nadu Government Announcement

முதல்வர் மருந்தகம் அமைக்க விண்ணப்பிக்கலாம் - தமிழ்நாடு அரசு அறிவிப்பு

B.pharm graduates can apply through Mudhalvar Marunthagam website to set up Chief Minister's Pharmacy - Tamil Nadu Government Announcement 

தமிழ்நாடு முதல்-அமைச்சர் மு.க.ஸ்டாலின் 15.08.2024 அன்று சுதந்திர தினவிழா உரையில், "பொதுப்பெயர் (ஜெனரிக்) மருந்துகளையும் பிற மருந்துகளையும் குறைந்த விலையில் பொதுமக்களுக்கு கிடைக்கச் செய்யும் வகையில் முதற்கட்டமாக 1,000 முதல்வர் மருந்தகங்கள் துவங்கப்படும்" என்று அறிவித்தார்கள்.

இத்திட்டத்தினை சிறப்பாக செயல்படுத்துவது தொடர்பாக 29.10.2024 அன்று முதல்-அமைச்சர் தலைமையில் ஆய்வுக்கூட்டம் நடைபெற்றது. இக்கூட்டத்தில் முதல்வர் மருந்தகங்கள் அமைக்க மேற்கொள்ளப்பட்ட பணிகள், மாவட்ட மருந்து சேமிப்புக் கிடங்குகள் அமைத்தல் உள்ளிட்ட ஏற்பாடுகள் குறித்து கூட்டுறவுத்துறை மற்றும் தமிழ்நாடு மருத்துவ சேவைக்கழகம் ஆகியோருக்கு உரிய அறிவுரைகள் வழங்கினார்.

முதல்வர் மருந்தகத்திற்கு தேவையான பொதுப்பெயர் (ஜெனரிக்) மருந்துகள் தமிழ்நாடு மருத்துவ சேவை கழகத்தால் கொள்முதல் செய்யப்பட்டு வழங்கப்படும். மருத்துவம் சார்ந்த இதர மருத்துவ உபகரணங்கள், சித்தா, ஆயுர்வேதம், இம்காப்ஸ், டாம்கால் மற்றும் யுனானி மருந்துகள், சர்ஜிக்கல்ஸ் மற்றும் நியூட்ராசூட்டிக்கல்ஸ் உள்ளிட்ட மருந்து வகைகள் தமிழ்நாடு நுகர்வோர் கூட்டுறவு இணையத்தால் கொள்முதல் செய்யப்பட்டு வழங்கப்படும்.

தமிழ்நாடு முழுவதும் பொதுமக்கள் பயன்பெறும் வகையில் முதல்வர் மருந்தகம் அமைக்க விருப்பமுள்ள பி-பார்ம், டி-பார்ம் (B-Pharm / D.Pharm) சான்று பெற்றவர்கள் அல்லது அவர்களின் ஒப்புதலுடன் மருந்தகம் அமைக்க விருப்பம் உள்ளவர்கள் கூட்டுறவுத்துறை மூலம் www.mudhalvarmarunthagam.tn.gov.in என்ற இணையதளத்தின் வாயிலாக விண்ணப்பிக்கலாம். விண்ணப்பம் செய்யும் வழிமுறைகள், தேவையான ஆவணங்கள் மற்றும் திட்ட விவரங்கள் மேற்படி இணையதளத்தில் வழங்கப்பட்டுள்ளன.

தேர்வு செய்யப்படும் விண்ணப்பதாரர்களுக்குத் தேவையான பயிற்சிகள் வழங்கவும் அறிவுரைகள் வழங்கப்பட்டுள்ளன. இத்திட்டம் மூலம் முதல்வர் மருந்தகங்கள் உருவாக்கப்பட்டு, வரும் 2025 ஜனவரி மாதம் முதல் மக்கள் பயன்பாட்டிற்கு கொண்டுவர நடவடிக்கை எடுக்க தொடர்புடைய அலுவலர்களுக்கு முதல்-அமைச்சர் மு.க.ஸ்டாலின் உத்தரவிட்டுள்ளார். இவ்வாறு அதில் கூறப்பட்டுள்ளது.

முதல்வர் மருந்தகம் அமைக்க இணையதளம் மூலம் விண்ணப்பங்கள் வரவேற்பு – தமிழ்நாடு அரசு செய்தி வெளியீடு

12.5 Crore Tamil Nadu Govt Fund Released to Conduct 25 Sports Competitions & Chess Tournament in Schools

பள்ளிகளில் 25 வகையான விளையாட்டுப் போட்டிகள் & சதுரங்கப் போட்டியை நடத்த ரூ.12.5 கோடி தமிழ்நாடு அரசு நிதி ஒதுக்கீடு

12.5 Crore Tamil Nadu Govt Fund Released to Conduct 25 Sports Competitions & Chess Tournament in Schools

அனைத்து வகைப் பள்ளிகளிலும் குறுவட்ட அளவு முதல் தேசிய அளவு வரை 38 மாவட்டங்களிலும் 25 வகையான விளையாட்டுப் போட்டிகள் நடத்தவும், மாநில அளவில் சதுரங்கப் போட்டியை நடத்தவும் ரூ.12.5 கோடி தமிழ்நாடு அரசு நிதி ஒதுக்கீடு

Fellowship to students who research on tribal people in Tamil Nadu - G.O. (Ms) No: 81, Dated : 03-10-2024

 

தமிழ்நாட்டில் உள்ள பழங்குடியினர் மக்கள் தொடர்பான ஆய்வு மற்றும் ஆராய்ச்சி மேற்கொள்ளும் மாணவர்களுக்கு உதவித்தொகை வழங்குதல் - அரசாணை (நிலை) எண்: 81, நாள் : 03-10-2024 & விண்ணப்பப் படிவங்கள் வெளியீடு

Grant of Fellowship scholarships to students undertaking study and research related to tribal people in Tamil Nadu - Ordinance G.O. (Ms) No: 81, Dated : 03-10-2024 & Application Formats 

>>> தரவிறக்கம் செய்ய இங்கே சொடுக்கவும்...

District wise Authorized Service Center Name and Address for Tablets provided to Teachers

 

Authorized Service Center Name and Address for Tablets provided to Teachers - District wise 

 THE SUPPLIER/OEM/ OEM RESELLER SHALL HAVE SERVICE CENTRES IN EACH DISTRICT AND SHALL PROVIDE THE NAME, ADDRESS AND CONTACT MOBILE NUMBER OF THE INCHARGE OF SERVICE CENTRE / AUTHORISED PERSON

மாவட்ட வாரியாக தொடக்க, நடுநிலைப் பள்ளி ஆசிரியர்களுக்கு வழங்கப்பட்டுள்ள கையடக்க கணினி Tabletக்கான Authorised Service Centre Name and Address

>>> தரவிறக்கம் செய்ய இங்கே சொடுக்கவும்...

Scholarship Details for SC, BC & MBC Students

 

SC, BC & MBC மாணவர்களுக்கான கல்வி உதவித் தொகைகள் விவரம்

Scholarship Details for SC, BC & MBC Students

>>> தரவிறக்கம் செய்ய இங்கே சொடுக்கவும்...

Chief Minister's Review Meeting in school education department On 08-11-2024

08-11-2024 அன்று முதலமைச்சர் அவர்கள் தலைமையில் பள்ளிக்கல்வித்துறை சார்ந்த ஆய்வு கூட்டம் 

 மாண்புமிகு தமிழ்நாடு முதலமைச்சர் திரு. M.K.Stalin அவர்கள் வருகின்ற 8ஆம் தேதி பள்ளிக் கல்வித்துறை சார்ந்த ஆய்வு கூட்டத்தை நடந்த உள்ளார்கள்.

அதனை முன்னிட்டு  மாண்புமிகு பள்ளிகல்வித்துறை அமைச்சர் அவர்கள் தலைமையில் Tamilnadu School Education Department இயக்ககங்களின் இயக்குநர்களுடன் கலந்தாலோசனைக் கூட்டம் நடைபெற்றது.

துறையின் சார்பில் செயல்படுத்தப்படும் திட்டங்கள் மற்றும் அறிவிக்கப்படவுள்ள புதிய திட்டங்கள் குறித்து இக்கூட்டத்தில் ஆலோசனை செய்யப்பட்டது.

 

October 2024 Pay Demand Bill Form for Temporary Teachers appointed by SMC

 பள்ளி மேலாண்மை குழு SMC School Management Committee மூலம் நியமனம் செய்யப்பட்ட தற்காலிக ஆசிரியர்களுக்கு அக்டோபர் 2024 மாத ஊதிய கேட்பு படிவம்

October 2024 Pay Bill Model Form for Temporary Teachers appointed by SMC

>>> தரவிறக்கம் செய்ய இங்கே சொடுக்கவும்...

Headmaster invited Minister to visit for inspection - Minister assured that he would come soon

ஆய்வுக்கு வருகை புரிய அழைப்பு விடுத்த தலைமை ஆசிரியர் - விரைவில் வருவதாக மாண்புமிகு பள்ளிக்கல்வித்துறை அமைச்சர் திரு. அன்பில் மகேஷ் அவர்கள் உறுதி

Headmaster invited Minister to visit for inspection - Minister assured that he would come soon

பள்ளி காலை வழிபாட்டுச் செயல்பாடுகள் 05-11-2024

 

 

 பள்ளி காலை வழிபாட்டுச் செயல்பாடுகள் 05-11-2024 - School Morning Prayer Activities...

திருக்குறள்:

"பால் : பொருட்பால்

அதிகாரம் :நட்பு

குறள் எண்: 818

ஒல்லும் கருமம் உடற்று பவர்கேண்மை சொல்லாடார் சோர விடல்.

பொருள்: தம்மால் முடியக்கூடிய செயலையும், முடிக்க முடியாதபடி கெடுப்பவரின் நட்பை, அவர் அறியும்படி எதுவும் சொல்லாமலே தளரச் செய்து கை விடுதல் வேண்டும்."

பழமொழி :

அச்சாணி இல்லாத தேர் முச்சாணும் ஓடாது.   

A car without a linch-pin will not move even three spans.

இரண்டொழுக்க பண்புகள் : 

*பிறரைக் குறித்து அநாகரீகமான வார்த்தைகளை உபயோகிக்க மாட்டேன்.

* தினமும் என்னாலான சிறு சிறு உதவிகளை செய்வேன்.

பொன்மொழி :

நடக்கும் முன்னே.. நல்லதே நடக்கும் என்று நினைத்துக்கொள், நடந்த பின்னே ... நடந்ததும் நல்லதற்கே என்று நினைத்துக்கொள்.

பொது அறிவு :

"1.கால்நடைகளில், ஆடுகளில் உண்டாகும் நோய் எது?

விடை: ஆந்த்ராக்ஸ்.     

2. உவமைக் கவிஞர் என அழைக்கப்படுபவர்?

விடை: சுரதா

English words & meanings :

Asafoetida-பெருங்காயம்,

Basil-துளசி

வேளாண்மையும் வாழ்வும் :

வளர்ந்து வரும் உலக நாடுகளில், கரிம வேளாண்மைத் தரத்திற்கு ஒப்பான, ஆனால் சான்றளிக்கப்படாத, பல மரபுப் படியான முறைமைகள் கொண்டு விவசாயம் செய்கின்றனர்.

நவம்பர் 05

விராட்கோலி அவர்களின் பிறந்தநாள்

விராட் கோலி பிறப்பு: நவம்பர் 5, 1988) ஓர் இந்தியத் துடுப்பாட்டவீரர் ஆவார். இந்திய அணியின்,ராயல் சேலஞ்சர்ஸ் பெங்களூர் அணிகளின் முன்னாள் தலைவருமாவார்.வலது கை மட்டையாளரான இவர் சர்வதேச சிறந்த துடுப்பாட வீரர்களில் ஒருவராகக் கருதப்படுகிறார். விராட் கோலி பல விருதுகளைப் பெற்றுள்ளார். குறிப்பாக 2017 ஆம் ஆண்டு சோபர்ஸ் விருது , 2012 ஆம் ஆண்டின் சிறந்த ஒருநாள் பன்னாட்டுத் துடுப்பாட்ட வீரர் விருது, 2016மற்றும் 2017 ஆம் ஆண்டுகளில் சிறந்த வீரராக விசுடன் விருது . இவரின் சிறப்பான பங்களிப்பிற்காக இந்திய அரசு இவருக்கு அர்ஜுனா விருது வழங்கியது. 2017 ஆம் ஆண்டில் விளையாட்டுத் துறை பிரிவில் பத்மஶ்ரீ விருது வழங்கியது.. துடுப்பாட்டப் போட்டிகளில் விளையாடுவது மட்டுமல்லாது இந்தியன் சூப்பர் லீக் போட்டித் தொடரில் எஃப்சி கோவா அணி,சர்வதேச டென்னிசு பிரீமியர் லீக் தொடரில் ஐக்கிய அரபு ராயல்ஸ் மற்றும் இந்திய மற்போர் போட்டித் தொடரில் பெங்களூரு யோதாஸ் அணிகளை இணைந்து விலைக்கு வாங்கியுள்ளார். மிகப் பிரபலமான விளையாட்டு வீரர்களில் ஒருவராக இவரை ஈஎஸ்பிஎன்அறிவித்தது. மேலும் மதிப்புமிக்க தடகள வீரர்களில் ஒருவராக இவரை போர்ப்ஸ் இதழ் அறிவித்தது. 2018 ஆம் ஆண்டில் டைம் இதழ் சக்தி வாய்ந்த 100 நபர்களில் ஒருவராக இவரை அறிவித்தது.[]ஏப்ரல் 22, 2021இல் ஐபிஎல் போட்டிகளில் 6,000 ஓட்டங்களை எடுத்த முதல் வீரர் எனும் சாதனை படைத்தார்.

உலக சுனாமி விழிப்புணர்வு நாள் (World Tsunami Awareness Day)

உலக சுனாமி விழிப்புணர்வு நாள் (World Tsunami Awareness Day) ஒவ்வோர் ஆண்டும் நவம்பர் மாதம் 5 ஆம் தேதியன்று அனுசரிக்கப்படுகிறது. சுனாமியின் அபாயகரமான விளைவுகள், சுனாமி முன்னெச்சரிக்கை மற்றும் சுனாமியின் முக்கியத்துவத்தின் முக்கியத்துவத்தைப் பற்றிய விழிப்புணர்வை ஏற்படுத்துவதற்காக இந்நிகழ்வு நடத்தப்படுகிறது.சுனாமி பாதிப்புகள் குறித்து மக்களிடம் விழிப்புணர்வு ஏற்படுத்துவதன் மூலம் அது குறித்த பாதிப்பை பெருமளவில் குறைக்க முடியும் என்பதே இதன் நோக்கமாகும்.

நீதிக்கதை

ஒரு நாள் அதிக மழை பெய்தது. ஏரி நீரால் நிரம்பியது. ஏரியின் குளிர்ச்சியை தாங்க முடியாத தவளை ஒன்று, மழை நின்றவுடன் கிணற்று நீர் வெதுவெதுப்பாக இருக்குமே என நினைத்து அருகில் இருந்த கிணற்றுக்குள் குதித்தது.

பல காலமாக அந்த கிணற்றில் வாழ்ந்து வந்த மற்றொரு தவளை இந்த புதிய தவளையை வரவேற்றது. மேலும்,பொந்தில்  சேமித்து வைத்திருந்த உணவுப் பொருட்களை எடுத்து புதிய  தவளைக்கு கொடுத்து மகிழ்ந்தது.

கிணற்றில் இருந்த மற்ற தவளைகளுக்கு புதியதாக வந்த தவளையை பிடிக்கவில்லை.

இரண்டு தவளைகளும் பேசிக் கொண்டிருப்பதை அருகே சென்று வேடிக்கை பார்த்தன. அப்பொழுது கிணத்து தவளை ஏரி தவளையிடம், "நண்பனே! இத்தனை நாள் நீ எங்கே தங்கி இருந்தாய்?" என்று கேட்டது.

அதற்கு புதிய தவளை,  நான் ஏரியில் தங்கி இருந்தேன் அங்கு  மீன், முதலை,ஆமை போன்றவை வாழ்கின்றன. ஏரி இந்த கிணற்றை விட மிகப்பெரியதாக இருக்கும்" என்று கூறியது.

அதற்கு அந்த கிணற்றுத் தவளை மிகவும் கோபத்துடன் "நண்பா நீ பொய் சொல்கிறாய். இந்த கிணற்றை விட மிகப்பெரிய நீர் நிலை இந்த உலகத்திலேயே இல்லை  என்று கூறியது.ஏரி தவளை எவ்வளவோ எடுத்து சொல்லியும் கிணற்றுத் தவளைகள் நம்பவில்லை.

எல்லா கிணற்றுத் தவளைகளும் ஏரி தவளையை பார்த்து," நீ பொய்யன். நீ பொய் சொல்கிறாய் கிணற்றை விட பெரிய நீர் நிலை உலகில் எதுவும் இல்லை என்று  ஒரு சேர சத்தமிட்டன.

அப்போது ஒரு பெண்மணி தண்ணீரை எடுப்பதற்காக வாழியை கிணற்றுக்குள் இறக்கினார். அந்த வாளிக்குள் ஏறி  கிணற்றில் இருந்து வெளியே வந்தது ஏரி தவளை,

குளிர்ச்சியான தண்ணீராக இருந்தாலும் பரவாயில்லை என்று மனதில் நினைத்துக் கொண்டே ஏரியை நோக்கி சென்றது.

நீதி: முட்டாள்களுடன் இருப்பதை விட தனியே இருப்பதே சிறந்தது

இன்றைய செய்திகள்

05.11.2024

* டிசம்பர் முதல் வாரத்தில் கூடுகிறது தமிழக சட்டப்பேரவை: விரைவில் அதிகாரப்பூர்வ அறிவிப்பு.

* வானிலை முன்னறிவிப்பு: தமிழகத்தில் அடுத்த 6 நாட்களுக்கு மழைக்கு வாய்ப்பு.

* 'டிஜிட்டல் அரெஸ்ட்' விவகாரத்தில் பொதுமக்கள் எச்சரிக்கையாக இருக்க வேண்டும். செல்போன், சமூக வலைதளங்களில் யாரிடமும் ஏமாறக் கூடாது என்று அமலாக்கத் துறை அறிவுறுத்தி உள்ளது.

* இந்தோனேசியாவில் எரிமலை வெடிப்பு: 9 பேர் பலி, 10,000 பேர் வீடுகளை இழந்து தவிப்பு.

* பாரீஸ் மாஸ்டர்ஸ் சர்வதேச டென்னிஸ் போட்டி: ஆண்கள் ஒற்றையர் பிரிவில் ஜெர்மனி வீரர் அலெக்சாண்டர் ஸ்வெரேவ் சாம்பியன் பட்டம் வென்றார்.

* தேசிய சீனியர் ஹாக்கி போட்டி: முதல் நாளில் கர்நாடகா, மத்திய பிரதேச அணிகள் வெற்றி.

Today's Headlines

* Tamil Nadu Legislative Assembly to meet in first week of December: Official announcement soon.

* Weather forecast: There will be chance of rain in Tamil Nadu for next 6 days.

* Public should be aware of 'Digital Arrest' issue.  The enforcement department has advised that nobody should be got  cheated through cell phones and social media.

* There is  volcano eruption in Indonesia: 9 dead and  10,000 became homeless

* Paris Masters International Tennis Tournament: Alexander Zverev of Germany won the men's singles title.

*  National Senior Hockey Tournament: Karnataka, Madhya Pradesh won on first day.

Prepared by

Covai women ICT_போதிமரம்

HC Madurai Branch Order to pay Retirement Benefit with 5% Interest to Headmaster within 2 Months

 தலைமை ஆசிரியருக்கு 5% வட்டியுடன் ஓய்வூதிய பணப்பலன் - 2 மாதத்திற்குள் வழங்க உயர்நீதிமன்ற மதுரைக் கிளை உத்தரவு

High Court Madurai Branch Order to pay Retirement Benefit with 5% Interest to Headmaster within 2 Months

>>> நாளிதழ் செய்தி - தரவிறக்கம் செய்ய இங்கே சொடுக்கவும்...

பள்ளி காலை வழிபாட்டுச் செயல்பாடுகள் 04-11-2024

 

 பள்ளி காலை வழிபாட்டுச் செயல்பாடுகள் 04-11-2024 - School Morning Prayer Activities...

திருக்குறள்:

"பால் : பொருட்பால்

அதிகாரம் : அவை அஞ்சாமை

குறள் எண்: 724

கற்றார்முன் கற்ற செலச்சொல்லித் தாம்கற்ற மிக்காருள் மிக்க கொளல்.

பொருள்: கற்றவர் முன், தாம் கற்றவற்றை அவர் மனதில் பதியும்படிச் சொல்லி,தம்மை விட அதிகமாகக் கற்றவரிடம் தாம் கற்கவேண்டிய மிகுதியைக் கற்றுக் கொள்ள வேண்டும்."

பழமொழி :

  அச்சம் இல்லாதவன் அம்பலம் ஏறுவான்.   

The fearless goes into the assembly.

இரண்டொழுக்க பண்புகள் : 

‌

*பிறரைக் குறித்து அநாகரீகமான வார்த்தைகளை உபயோகிக்க மாட்டேன்.

* தினமும் என்னாலான சிறு சிறு உதவிகளை செய்வேன்.

பொன்மொழி :

புத்தக கடையில் புரட்டி புரட்டி பார்த்து வாங்குவது நல்ல புத்தகம் அல்ல, எந்த புத்தகம் உன்னை முன்னேற்றம் நோக்கி புரட்டி போட வைக்கிறதோ அதுவே சிறந்த புத்தகம்.....

பொது அறிவு :

1.நிறமாலையில் குறைவான ஒளி அலை நீளமுடைய நிறம்

விடை: ஊதா.    

2. பித்தநீர் எப்பகுதியில் சுரக்கிறது?

விடை: கல்லீரல்

English words & meanings :

Pliers-இடுக்கி,

Sewing Machine-தையல் இயந்திரம்

வேளாண்மையும் வாழ்வும் :

சில சமயங்களில் அரசாங்கம் இயற்கை விவசாயததிற்கு அளித்த மானியத்தால் கவரப்பட்டு பல விவசாயிகள் இயற்கை விவசாய முறைமைக்கு மாறினர்..

நீதிக்கதை

ஒரு பெரிய ஆலமரத்தின் கீழே ஒரு துறவி அமர்ந்திருந்தார்.

அவருக்கு கண் பார்வை கிடையாது. அப்போது அந்த வழியாக வந்த ஒருவன் அந்த துறவியை பார்த்து, "ஏய் கிழவா, ஏற்கனவே இந்த வழியாக  யாராவது சென்றார்களா?" என்று சற்று அதிகாரத்துடன்

மரியாதையின்றி கேட்டான்.

அதற்குத் துறவி, "அப்படி யாரும் சென்றதாக தெரியவில்லை" என்று கூறினார். சிறிது நேரம் கழித்து வேறொருவர்  வந்து, "ஐயா இந்த வழியாக யாராவது சென்றார்களா?" என்று கேட்டார். அதற்குத் துறவி, "ஆம்.சற்று முன்பாக இதே கேள்வியை கேட்டுக் கொண்டு ஒருவர் சென்றார்" என்று பதில் கூறினார்.

மீண்டும் சிறிது நேரம் கழித்து,  இன்னொருவர் வந்து  "வணங்குகிறேன் துறவியாரே! இந்த வழியாக யாரேனும் செல்லும் சப்தம் தங்களுக்கு கேட்டதா?" என்று பணிவுடன் கேட்டார். அதற்குத் துறவி, "மன்னரே! வணக்கம் முதலில் ஒரு வீரனும் அதற்குப் பின் ஒரு அமைச்சரும் தாங்கள் கேட்ட கேள்வியையே கேட்டுக்கொண்டு சென்றார்கள்" என்று கூறினார்.

அப்போது மன்னர் மிகவும் ஆச்சரியத்துடன், "ஐயா, தங்களுக்கு கண் பார்வை கிடையாது ஆனால் வந்தவர் வீரன் என்றும் அமைச்சர என்றும் எவ்வாறு கண்டு கொண்டீர்கள்" என்று கேட்டார்.

அதற்குத் துறவி "இதை கண்டுகொள்ள பார்வை தேவையில்லை அவரவர் பேசும் முறையைக் கொண்டு அவர்களுக்கு என்ன தகுதி இருக்கிறது என்பதை கண்டு கொள்ளலாம்" என்றார். மேலும் "முதலில் வந்தவர் பேச்சில் கொஞ்சம் மரியாதையின்மையும் அடுத்து வந்தவர் பேச்சில் அதிகாரமும் தங்களின் பேச்சில் பணிவும் இருக்கிறது"என்று துறவி கூறினார்.

நீதி :  நமது பேச்சே நமது நடத்தையை தீர்மானிக்கிறது.

இன்றைய செய்திகள்

04.11.2024

* வடகிழக்கு பருவமழை முடியும் வரை மருத்துவ முகாம்கள் தொடர்ந்து செயல்படும் என்று சுகாதாரத் துறை அமைச்சர் மா.சுப்பிரமணியன் தெரிவித்துள்ளார்.

* செம்பரம்பாக்கம் ஏரி ரூ.22 கோடியில் சீரமைப்பு: டெண்டர் கோரியது நீர்வளத் துறை.

* நோய்களை தடுத்து ஆரோக்கியமான மக்களை உருவாக்க பனிமலை, பாலைவனம், தீவாக இருந்தாலும் தடுப்பூசி சேவை வழங்கப்படுவதாக மத்திய அரசு தகவல்.

* சீனர்கள் மீதான தீவிரவாத தாக்குதலை பாகிஸ்தான் கட்டுப்படுத்த வேண்டும்: சீன அரசு வலியுறுத்தல்.

* 31 அணிகள் பங்கேற்கும் தேசிய ஹாக்கி போட்டி; சென்னையில் இன்று தொடக்கம்.

* ஹைலோ ஓபன் பேட்மிண்டன் போட்டி; இந்திய வீராங்கனை மாளவிகா பன்சோத் இறுதிப்போட்டிக்கு முன்னேற்றம்.

Today's Headlines

* Health Minister M. Subramanian has said that the medical camps will continue to function until the northeast monsoon ends.

*  Renovation of Chembarambakkam lake at Rs 22 crore: Water resources department calls for tender.

* The central government informed that vaccination services are provided even in mountains, deserts and islands to prevent diseases and create healthy people.

*  Pakistan must curb terror attacks on Chinese: Chinese govt insists

*   National Hockey Tournament in which 31 team participate will Start today in Chennai.

* Hilo Open Badminton Tournament;  Indian player Malavika Bansod advances to final.

Prepared by

Covai women ICT_போதிமரம்

அமெரிக்காவை ஆளப் போவது யார்? - கமலா ஹாரிஸ், டொனால்ட் டிரம்ப் இடையே கடும் போட்டி

நாளை வாக்குப்பதிவு நடைபெறும் அமெரிக்கத் தேர்தல் ஒரு பார்வை

அமெரிக்காவை ஆளப் போவது யார்? நாளை வாக்குப்பதிவு - கமலா ஹாரிஸ், டிரம்ப் இடையே கடும் போட்டி

*✍️ உலகையே ஆட்டிப் படைக்கும் அமெரிக்காவை ஆளப் போவது யார் என்பதை அமெரிக்கர்கள் மட்டுமல்ல, உலகம் முழுவதும் உள்ள மக்கள் ஆவலுடன் எதிர்பார்த்து காத்திருக்கின்றனர். 

🔘  வாக்குப்பதிவு முடிந்ததும் உடனடியாக வாக்குகள் எண்ணப்பட்டு முடிவுகள் அறிவிக்கப்படும். இதில், இந்திய வம்சாவளியும், துணை அதிபருமான கமலா ஹாரிஸ், முன்னாள் அதிபர் டெனால்டு டிரம்ப் இடையே ஆட்சியை பிடிக்க கடும் போட்டி நிலவுகிறது.

🔘 அமெரிக்காவில் அதிபர் தேர்தல் ஒவ்வொரு 4 ஆண்டுக்கு ஒருமுறை நடத்தப்படுகிறது. கடந்த 2020ம் ஆண்டில் நடந்த தேர்தலில் ஜனநாயக கட்சி வேட்பாளர் ஜோ பைடன் வெற்றி பெற்று அதிபரானார். குடியரசு கட்சியின் டொனால்டு டிரம்ப் தோல்வியை சந்தித்தார். பைடனின் பதவிக்காலம் அடுத்த ஆண்டு ஜனவரி 20ம் தேதியுடன் முடிகிறது. இதற்கு முன்னதாக, அமெரிக்காவின் 47வது அதிபரை தேர்வு செய்வதற்கான தேர்தல் வரும் 5ம் தேதி நடக்க உள்ளது.

🔘 இதில், அதிபர் ஜோ பைடன் போட்டியிலிருந்து விலகியதால் ஆளும் ஜனநாயக கட்சி சார்பில் துணை அதிபர் கமலா ஹாரிசும், குடியரசு கட்சி சார்பில் முன்னாள் அதிபர் டொனால்டு டிரம்ப்பும் போட்டியிடுகின்றனர். ஆரம்பத்தில் பைடன் களத்தில் இருக்கும் வரை, டிரம்ப்பின் கை ஓங்கியிருந்த நிலையில், ஜனநாயக கட்சியின் அதிபர் வேட்பாளராக கமலா ஹாரிஸ் மாற்றப்பட்ட பிறகு நிலைமை மாறியது. டிரம்ப்புடனான நேரடி விவாதத்தில் கமலா ஹாரிசின் படபட பதில்கள் அமெரிக்க மக்கள் மத்தியில் அவர் மீதான நம்பிக்கையை அதிகரித்தன. இதனால் கமலா ஹாரிஸ் முன்னிலை பெற்றார்.

🔘 எனவே கமலா ஹாரிஸ் வெற்றி பெறுவதற்கான வாய்ப்புகள் பிரகாசமாக காணப்படுகின்றன. அவர் வெல்லும் பட்சத்தில் பல்வேறு சாதனைகளையும் படைப்பார். அமெரிக்க வரலாற்றில் முதல் பெண் அதிபர் வெள்ளை மாளிகையில் நுழைவார். இதுவரை 2016ல் ஹிலாரி கிளிண்டன் மட்டுமே பெண் வேட்பாளராக தேர்தலை சந்தித்துள்ளார். அதிலும் அவர் டிரம்ப்பிடம் தோற்றார். இதனால் கமலா ஹாரிஸ் வெல்லும் நிலையில், அமெரிக்க வரலாற்றில் மிகப்பெரும் திருப்பமாக பார்க்கப்படும்.

🔘 மேலும், அமெரிக்க அதிபராகும் முதல் இந்திய வம்சாவளி என்ற பெருமையும் கமலா ஹாரிசுக்கு கிடைக்கும். அதே சமயம் டிரம்ப்பை பொறுத்த வரையில் தொழிலதிபர்களின் ஆதரவை பெற்றுள்ளார். குறிப்பாக, உலக நம்பர்-1 பணக்காரர் எலான் மஸ்க், டிரம்ப்புக்கு நேரடியாக ஆதரவு தெரிவித்துள்ளார். இதனால், ஆரம்பத்தில் கமலாவிடம் பின்தங்கிய டிரம்ப் பின்னர் கடும் போட்டியாளராக மாறியிருக்கிறார். எனவே டிரம்ப் வெல்வதற்கும் வாய்ப்புகள் இருப்பதால், இம்முறை அதிபர் தேர்தல் முடிவு கணிக்க முடியாததாகவே உள்ளது.

🔘 கிட்டத்தட்ட 18.65 கோடி வாக்காளர்கள் வாக்களிக்க தகுதி பெற்றுள்ளனர். இதில் சுமார் 4.5 கோடி வாக்காளர்கள் முன்கூட்டியே வாக்களிக்கும் வசதியை பயன்படுத்தி தங்கள் வாக்கை செலுத்தி விட்டனர். தபால் மூலமாகவும் வாக்குகளை செலுத்தலாம். முதியவர்கள், தேர்தல் நாளன்று பணி நிமித்தம் காரணமாக பயணம் மேற்கொள்ள வேண்டியவர்கள் உள்ளிட்டோர் இந்த வசதியை பயன்படுத்திக் கொள்ளலாம். இந்த வசதி மூலம் 81 வயதான அதிபர் ஜோ பைடனும் ஏற்கனவே தனது வாக்கை செலுத்திவிட்டார்.

🔘இத்தகைய வசதி தந்தும், கடந்த 2020ல் தான் கடந்த 100 ஆண்டில் அதிகபட்சமாக 66.6 சதவீத வாக்குகள் பதிவானது. இம்முறை கமலா ஹாரிஸ், டிரம்ப் இடையே கடுமையான போட்டி நிலவுவதால் வாக்கு சதவீதம் அதிகரிக்கக் கூடும் என எதிர்பார்க்கப்படுகிறது. நவம்பர் 5ம் தேதி காலை 7 மணிக்கு தொடங்கும் வாக்குப்பதிவு இரவு 7 மணி வரை நடக்கும். அதைத் தொடர்ந்து, உடனடியாக வாக்குகள் எண்ணும் பணி தொடங்கும். நள்ளிரவில் அல்லது அடுத்த நாள் அதிகாலையில் அமெரிக்காவின் 47வது அதிபர் யார் என்பது தெரியவரும்.

*இந்தியர்கள் யாருக்கு ஆதரவு?

இந்திய வம்சாளியான கமலா ஹாரிஸ் அமெரிக்க அதிபராக வேண்டுமென்பதில் பெரும்பாலான அமெரிக்க வாழ் இந்தியர்கள் விருப்பம் கொண்டிருப்பதில் ஆச்சரியப்பட எதுவுமில்லை. கடந்த முறை டிரம்ப்புக்கு வாக்களித்த பலரும் இம்முறை கமலாவுக்குதான் தங்களின் வாக்கு என கூறி உள்ளனர். அமெரிக்காவில் மொத்தம் 52 லட்சம் இந்தியர்கள் வசிக்கின்றனர். அவர்களில் 23 லட்சம் பேர் வாக்களிக்க தகுதி பெற்றுள்ளனர்.

🔘 ஏஏபிஐ எனும் நிறுவனம் நடத்திய கருத்துக்கணிப்பின்படி, 55 சதவீத இந்திய அமெரிக்கர்கள் கமலா ஹாரிசுக்கு வாக்களிக்க விருப்பம் தெரிவித்துள்ளனர். 26 சதவீதத்தினர் மட்டுமே டிரம்ப்பை ஆதரித்துள்ளனர். கார்னெகி எண்டோவ்மென்ட் எனும் மற்றொரு நிறுவனம் கடந்த மாதம் நடத்திய ஆய்வில், 61 சதவீத இந்தியர்கள் கமலாவுக்கு ஆதரவு தெரிவித்ததாகவும், 32 சதவீத இந்தியர்கள் டிரம்ப்பை ஆதரித்ததாகவும் கூறப்பட்டுள்ளது. இந்திய பெண்களில் 67 சதவீதம் பேரின் ஓட்டு கமலாவுக்கு தான் என கூறி உள்ளனர்.

*1.4% கமலா முன்னிலை

கடந்த அக்டோபர் 30ம் தேதி நிலவரப்படி, அதிபர் தேர்தல் கணிப்பில், கமலா ஹாரிஸ் 1.4 சதவீத முன்னிலையில் உள்ளார். அவர் 48.1% மக்கள் ஆதரவை பெற்றுள்ளார். அதுவே டிரம்ப்புக்கு 46.7 சதவீத ஆதரவு உள்ளது. 5.2 சதவீத மக்கள் யாருக்கு வாக்களிப்பது என முடிவு செய்யவில்லை என புள்ளிவிவரங்கள் தெரிவித்தன. கணிப்புகளை பொறுத்த வரையில் கமலாவுக்கே வெற்றிக்கான வாய்ப்பு அதிகம் உள்ளதாக கூறப்படுகிறது.

* 7 போர்க்களங்கள்

பெரும்பாலான மாகாணங்கள் ஜனநாயகக் கட்சி அல்லது குடியரசுக் கட்சி என இரு கட்சிகளில் ஏதேனும் ஒன்றுக்கு ஆதரவான நிலையிலேயே உள்ளன. இதில் இழுபறி நிலவும் 7 மாகாணங்கள் போர்க்களங்களாக கருதப்படுகின்றன. இவையே பெரும்பாலும் வெற்றியைத் தீர்மானிக்கின்றன. இந்த ஆண்டு அரிசோனா, ஜார்ஜியா, மிச்சிகன், நெவாடா, பென்சில்வேனியா, விஸ்கான்சின் மற்றும் வட கரோலினா ஆகியவை போர்க்கள மாகாணங்களாக உள்ளன.

🔘 அரிசோனாவில் 11, ஜார்ஜியாவில் 16, மிச்சிகனின் 15, நெவாடாவில் 6, வடகரோலினாவில் 16, பென்சில்வேனியாவில் 19, விஸ்கான்சினில் 10 பிரதிநிதிகள் வாக்குகள் இருக்கின்றன. இம்மாகாணங்களில் கமலா ஹாரிசும் டிரம்பும் கூடுதல் கவனம் செலுத்தி பிரசாரம் செய்துள்ளனர்.

*தேர்தல் எப்படி நடக்கும்?

மற்ற குடியரசு நாடுகளைப் போல் அல்லாமல் அமெரிக்க அதிபர் தேர்தல் வித்தியாசமான முறையில் நடக்கும். இங்கு அதிபரும், துணை அதிபரும் மக்களால் நேரடியாகத் தேர்ந்தெடுக்கப்படுவதில்லை. எலக்ட்ரால் காலேஜ் வாக்குகள் மூலம் தேர்வு செய்யப்படுகின்றனர். மக்கள் தொகையைப் பொறுத்து ஒவ்வொரு மாகாணத்திற்கும் குறிப்பிட்ட பிரதிநிதிகள் வாக்குகள் (எலக்ட்ரால் காலேஜ்) இருக்கும்.

🔘 உதாரணமாக, கலிபோர்னியாவுக்கு 54 வாக்குகளும், டெக்சாஸ் மாகாணத்திற்கு 40 வாக்குகளும் உண்டு. மொத்தமுள்ள 50 மாகாணங்கள் மற்றும் தலைநகர் வாஷிங்டன் டி.சி. யை சேர்த்து 538 பிரதிநிதிகள் வாக்குகள் இருக்கும். இதில் 270 பிரதிநிதிகள் வாக்குகளுக்கு மேல் பெறும் வேட்பாளர் அதிபராவார்.

🔘 வாக்காளர்கள் மாகாண அளவில் கட்சிகளின் பிரதிநிதிகளைத் தான் தேர்ந்தெடுக்கிறார்கள். எந்த அதிபர் வேட்பாளர் அதிக எண்ணிக்கையிலான மக்களின் வாக்குகளைப் பெறுகிறாரோ, அவருக்கு அந்த மாகாணத்தின் அனைத்து பிரதிநிதிகள் வாக்குகளும் வழங்கப்படும். இந்த தேர்தல் மூலமாக அதிபர் மட்டுமின்றி துணை அதிபர், 100 உறுப்பினர்கள் கொண்ட செனட் அவையில் 34 எம்பிக்கள், பிரதிநிதிகள் அவையில் மொத்தமுள்ள 435 எம்பிக்கள், 13 மாகாண ஆளுநர்கள் ஆகியோரும் தேர்வு செய்யப்படுவார்கள்.

*பல நாடுகளின் தலையீடு

அமெரிக்காவின் அதிபர் என்பவர் அமெரிக்க மக்களின் தலைவிதியை மட்டுமல்ல, உலக நாடுகளின் தலைவிதியை நிர்ணயிக்கக் கூடிய சக்தி வாய்ந்தவர். அடுத்த அதிபர் யார் என்பதை பொறுத்துதான், இஸ்ரேல்-காசா போர், ரஷ்யா-உக்ரைன் போர், இஸ்ரேல், ஈரான் உரசல், சீனா, தைவான் விவகாரம் என பல்வேறு விஷயங்களின் தலையெழுத்து எழுதப்படும். டிரம்ப் அதிபராகும் பட்சத்தில் இஸ்ரேலின் ஆதிக்கம் மேலும் அதிகரிக்கும். பாலஸ்தீனர்களின் எதிர்காலம் இருண்ட காலமாகி விடும்.

🔘 ஈரான், வடகொரியா விவகாரத்தில் கடுமையான நிலைப்பாடுகள் எடுக்கப்படும் என சர்வதேச நிபுணர்கள் எச்சரித்துள்ளனர். எனவே, அமெரிக்க அதிபர் தேர்தலில் இஸ்ரேல், ரஷ்யா, சீனா, ஈரான் போன்ற நாடுகளின் உளவுத்துறைகள் பல்வேறு ரகசிய வேலைகளை செய்வதற்கான வாய்ப்புகள் நிறையவே உள்ளன. மக்களின் மனதை தங்களுக்கு சாதகமாக மாற்றுவதற்கான தொழில்நுட்ப உதவியுடன் அமெரிக்க அதிபர் தேர்தலில் மறைமுகமாக தலையிடக் கூடும் என அறியப்படுகிறது.

வித்தியாசமான அமெரிக்க அதிபர் தேர்தல் நடைமுறை - தேர்தல் எப்படி நடக்கிறது?

 வித்தியாசமான அமெரிக்க அதிபர் தேர்தல் நடைமுறை -  தேர்தல் எப்படி நடக்கிறது?

உலகமே உற்று நோக்கும் அமெரிக்க அதிபர் தேர்தல், இம்மாதம் 5-ஆம் தேதி நடைபெறும் நிலையில், இதில் வித்தியாசமான முறை பின்பற்றப்படுகிறது. அது என்ன என்பதை இந்தத் தொகுப்பில் காணலாம்.

அமெரிக்காவில் அதிபரும், துணை அதிபரும் மக்களால் நேரடியாகத் தேர்ந்தெடுக்கப்படுவதில்லை. அதற்குப் பதிலாக, அவர்கள் “Electoral College” எனப்படும் செயல்முறை மூலம் தேர்ந்தெடுக்கப்படுகிறார்கள். அமெரிக்காவின் மக்கள் தொகையைப் பொறுத்து ஒவ்வொரு மாகாணத்திற்கும் குறிப்பிட்ட பிரதிநிதிகள் வாக்குகள் இருக்கும். உதாரணமாக, கலிபோர்னியாவுக்கு 54 வாக்குகளும், டெக்சாஸ் மாகாணத்திற்கு 40 வாக்குகளும் உண்டு. 50 மாகாணங்கள் மற்றும் தலைநகரப் பகுதியான வாஷிங்டன் டி.சி. யை சேர்த்தால், மொத்தம் 538 Electoral College வாக்குகள் உள்ளன. இதில் 270 வாக்குகளுக்கு மேல் பெறும் வேட்பாளர் அதிபராவார். வாக்காளர்கள் மாகாண அளவில் கட்சிகளின் பிரதிநிதிகளைத் தான் தேர்ந்தெடுக்கிறார்கள். தேசிய அளவில் போட்டியிடும் வேட்பாளர்களை அல்ல.

அதாவது, எந்த அதிபர் வேட்பாளர் அதிக எண்ணிக்கையிலான மக்களின் வாக்குகளைப் பெறுகிறாரோ, அவருக்கு அந்த மாகாணத்தின் அனைத்து எலக்டோரல் காலேஜ் வாக்குகளும் வழங்கப்படும். உதாரணமாக, டெக்சாஸில் ஒரு வேட்பாளர் 50.1% வாக்குகளைப் பெற்றால், அவருக்கு அம்மாகாணத்தின் 40 வாக்குகளும் வழங்கப்படும்.

அதனால்தான், கடந்த 2016-ஆம் ஆண்டு ஹிலாரி கிளிண்டன் தேசிய அளவில் டிரம்பை விட 30 லட்சம் வாக்குகளை கூடுதலாகப் பெற்ற போதிலும், எலக்டோரல் காலேஜ் வாக்குகளை குறைவாகப் பெற்றதால் தோல்வியைத் தழுவினார்.

பெரும்பாலான மாகாணங்கள் ஜனநாயகக் கட்சி அல்லது குடியரசுக் கட்சி என இரு கட்சிகளில் ஏதேனும் ஒன்றுக்கு ஆதரவான நிலையிலேயே உள்ளன. எனவே, இழுபறி நிலவும் சில மாநிலங்களிலேயே கூடுதல் கவனம் உள்ளது. இந்த மாகாணங்கள் ‘swing states’ என அழைக்கப்படுகின்றன. இவையே பெரும்பாலும் வெற்றியைத் தீர்மானிக்கின்றன.

இந்த ஆண்டு அரிசோனா, ஜார்ஜியா, மிச்சிகன், நெவாடா, பென்சில்வேனியா, விஸ்கான்சின் மற்றும் வட கரோலினா ஆகியவை ‘swing states’-களாக அறிவிக்கப்பட்டுள்ளன. இம்மாகாணங்களில் கூடுதல் கவனம் செலுத்திக் கமலா ஹாரிசும் டிரம்பும் பரப்புரை மேற்கொண்டு வருகின்றனர்.

எலக்டோரல் வாக்குகளை இரண்டு வேட்பாளர்களும் சமமாகப் பெற்றால் பிரதிநிதிகள் மற்றும் செனட் உறுப்பினர்களும் வாக்களித்து அதிபரைத் தேர்வு செய்வர். அமெரிக்க தேர்தல் வரலாற்றில் 1824-ஆம் ஆண்டு நான்கு அதிபர் வேட்பாளர்களான ஆண்ட்ரூ ஜாக்சன், ஜான் குயின்சி ஆடம்ஸ், ஹென்றி க்ளே மற்றும் வில்லியம் க்ராஃபோர்ட் ஆகியோர் சம வாக்குகளைப் பெற்றனர். இதனைத் தொடர்ந்து, பிரதிநிதிகள் சபையில் நடைபெற்ற வாக்கெடுப்பில் ஜான் குயின்சி ஆடம்ஸ் அதிக ஆதரவு பெற்று அதிபரானார்.

Cyber Crime: 'போலியான சுப்ரீம் கோர்ட், நீதிபதி, போலீஸ்' - தொழிலதிபரை மிரட்டி 7 கோடி பணம் பறித்த கும்பல்

 

Cyber Crime: 'போலியான சுப்ரீம் கோர்ட், நீதிபதி, போலீஸ்' - தொழிலதிபரை மிரட்டி 7 கோடி பணம் பறித்த கும்பல்

ஆன்லைன் மோசடி கும்பல்கள் புதிய புதிய வழிகளில் பொதுமக்களிடம் தங்களது வேலையைக் காட்டி வருகின்றன. சமீபகாலமாகப் பொதுமக்களை டிஜிட்டல் முறையில் கைது செய்து அவர்களை யாரிடமும் பேசவிடாமல் தடுத்து, அவர்களது வங்கிக் கணக்கில் இருக்கும் பணத்தை மொத்தமாகப் பிடுங்கும் சம்பவங்கள் அதிகரிக்கத் தொடங்கி இருக்கின்றன.

இம்மோசடி கும்பலிடம் நன்றாகப் படித்தவர்கள் கூட ஏமாந்து விடுகின்றனர். சி.பி.ஐ., அமலாக்கப்பிரிவு, போலீஸார் எனப் பயமுறுத்தி பணத்தைப் பறித்து விடுகின்றனர். டெல்லியைச் சேர்ந்த எஸ்.பி. ஓஸ்வால் நிறுவன தலைமை நிர்வாக அதிகாரியாக இருக்கும் வரதனுக்கு (82) நேற்று முன்தினம் ஒருவர் போன் செய்து பேசியிருக்கிறார். போனில் 9வது நம்பரை அழுத்தவில்லையெனில் உங்களது போன் இணைப்பு துண்டிக்கப்பட்டுவிடும் என்று அந்த நபர் மிரட்டியிருக்கிறார். இதனால் வர்தன் தனது போனில் 9வது நம்பரை அழுத்தியிருக்கிறார்.

உடனே ஒருவர் வர்தனிடம், தான் மும்பை கொலாபாவில் உள்ள சி.பி.ஐ., அலுவலகத்திலிருந்து பேசுவதாகவும், உங்களது பெயரில் ஒரு போன் இணைப்பு பெறப்பட்டு இருப்பதாகவும் தெரிவித்திருக்கிறார். அதோடு உங்களது பெயரில் கனரா வங்கியில் ஒரு கணக்கு இருப்பதாகவும், அதனை பணமோசடிக்குப் பயன்படுத்தி இருப்பதாகவும் போனில் பேசிய நபர் தெரிவித்திருக்கிறார். ஆனால் வர்தன் தனக்கு கனரா வங்கியில் எந்த கணக்கும் கிடையாது என்று மறுக்க, உடனே போனில் பேசிய நபர் உங்களது பெயரில் திறக்கப்பட்ட வங்கிக் கணக்கானது ஜெட் ஏர்வேஸ் நிறுவனர் நரேஷ் கோயல் தொடர்புடைய நிதிமோசடிக்குப் பயன்படுத்தப்பட்டு இருப்பதாகத் தெரிவித்திருக்கிறார்.

தொழிலதிபர் தனக்கு கனரா வங்கியில் கணக்கு இல்லை என்றும், நரேஷ் கோயலை தெரியாது என்றும், தான் இதற்கு முன்பு ஜெட் ஏர்வேஸ் விமானத்தில் பயணம் செய்து இருப்பதால் அப்போது கொடுக்கப்பட்ட ஆவணங்களைத் தவறாகப் பயன்படுத்தி இருக்கலாம் என்றும் விளக்கமளித்திருக்கிறார்.

"வங்கிக் கணக்குத் திறக்க உங்களது ஆதார் கார்டு பயன்படுத்தப்பட்டுள்ளதால் உங்கள் மீது சந்தேகப்படுகிறோம். எனவே விசாரணை முடியும் வரை நீங்கள் டிஜிட்டல் முறையில் கைது செய்யப்படுகிறீர்கள். யாரையும் தொடர்பு கொள்ளக்கூடாது. இது தேசியப் பாதுகாப்போடு தொடர்புடைய விவகாரம் என்பதால் இது குறித்த தகவல்களை யாரிடமும் பகிர்ந்து கொள்ளக்கூடாது" என்று பயமுறுத்தியிருக்கின்றனர்.

வரதன்

அதோடு யாரிடமாவது பேசினால் 3 முதல் 5 ஆண்டு சிறைத் தண்டனை கிடைக்கும் என்றும் மிரட்டியிருக்கிறார். அதனைத்தொடர்ந்து, ராகுல் குப்தா என்பவர் வீடியோ காலில் வந்து, தான் தலைமை விசாரணை அதிகாரி என்று அறிமுகம் செய்து கொண்டு பேசியிருக்கிறார். அத்தொழிலதிபரிடம் அவரது இளமைக் காலம், சொத்து போன்ற விபரங்களைக் கேட்டிருக்கிறார். உடனே தனது மேலாளரிடம் கேட்டால்தான் சொத்து மதிப்பு தெரியும் என்று தொழிலதிபர் தெரிவித்திருக்கிறார். விசாரணை அதிகாரிகள் அனைவரும் சிவில் டிரஸில் இருந்தனர். ஆனால் கழுத்தில் அடையாள அட்டைகளைத் தொங்க விட்டிருந்தனர். அதில் மும்பை காவல்துறை மற்றும் அமலாக்கப்பிரிவு அடையாள அட்டைகள் இருந்தன. அவர்கள் நீதிமன்றம் அறை ஒன்றைக் காட்டியிருக்கின்றனர்.

உச்ச நீதிமன்றத் தலைமை நீதிபதி சந்திரசூட் போன்ற ஒருவரைக் காட்டி விசாரணை என்ற ஒன்றை நடத்தியிருக்கிறார்கள். உச்ச நீதிமன்றம் தலைமை நீதிபதியாக இருந்தவர் தொழிலதிபருக்குக் கைது வாரண்ட் பிறப்பித்திருக்கிறார். அதோடு 7 கோடியை உடனே செலுத்தும்படி கூறி கைது வாரண்ட் மற்றும் பணத்தைச் செலுத்துவதற்கான உத்தரவை வாட்ஸ் ஆப்பில் அனுப்பியிருக்கிறார். அவர்கள் அனுப்பிய ஆவணங்களில் உச்ச நீதிமன்றம் முத்திரை இருந்திருக்கிறது. இதையடுத்து வர்தன் அவர்கள் கேட்ட பணத்தை அனுப்பி வைத்திருக்கிறார்.

அதன் பிறகுதான் இது மோசடி என்று தெரிய வந்திருக்கிறது. உடனே இது குறித்து தொழிலதிபர் டெல்லி காவல்துறையில் புகார் செய்தார். காவல்துறை, உள்துறை அமைச்சகத்தின் ஒத்துழைப்போடு ரூ.5.25 கோடியை முடக்கினர். இம்மோசடி தொடர்பாக செளதரி மற்றும் ஆனந்த் குமார் ஆகியோர் கைது செய்யப்பட்டுள்ளனர். அஸ்ஸாமைச் சேர்ந்த ஆனந்த் குமார் தனது வங்கிக் கணக்கை மோசடி கும்பல் பயன்படுத்தக் கொடுத்துள்ளார். இம்மோசடியில் தொடர்புடைய எஞ்சியவர்களை காவல்துறையினர் தேடி வருகின்றனர்.

DEE ordered to ensure 100% correctness of number of students in attendance register & EMIS website

 

அரசு மற்றும் அரசு உதவி பெறும் பள்ளிகளில் வருகைப் பதிவேடு &  EMIS இணைய தளத்தில் பதிவேற்றம் செய்யப்பட்டுள்ள மாணவர்கள் எண்ணிக்கை 100% சரியாக இருப்பதை உறுதி செய்ய தொடக்கக் கல்வி இயக்குநர் உத்தரவு 

Director of Elementary Education ordered to ensure 100% correctness of number of students uploaded in attendance register & EMIS website in Government and Government aided schools

தொடக்கக் கல்வி இயக்குநர் இணைய வழி கூட்டம் 30.10.2024  அன்று மாவட்ட கல்வி அலுவலர், BEO (Nodal), DC -1 ஆகியோருக்கு நடத்தப்பட்டது.

    1. அனைத்து அரசு மற்றும் அரசு உதவி பெறும் பள்ளிகளில் வருகைப் பதிவேட்டின் படி உள்ள மாணவர் எண்ணிக்கை &  EMIS இணைய தளத்தில் பதிவேற்றம் செய்யப்பட்டுள்ள மாணவர்கள் எண்ணிக்கை 100% சரியாக இருப்பதை CRC அளவில் உறுதி செய்ய உத்தரவிட்டுள்ளார். 

     2. மேலும் மாணவர் எண்ணிக்கை வருகை பதிவேட்டிற்கும் & EMIS இணைய தளத்தில் உள்ள எண்ணிக்கைக்கும் வித்தியாசம் இருப்பின் உடனடியாக சரி செய்து கொடுக்க தெரிவிக்கப்பட்டுள்ளது.

      3. பள்ளிகளில் கொடுக்கப்பட்டுள்ள Raise Request & Admission Approval - pending இருப்பின் ஆசிரியர் பயிற்றுநர்கள் DC மூலம் உடனடியாக சரி செய்ய தெரிவிக்கப்பட்டுள்ளது.

        4. மாணவர்கள் Long Absent எனில் வேறு பள்ளிகளில் சேர்ந்து இருப்பின் சம்மந்தப்பட்ட தலைமை ஆசிரியர் மாணவனை Common Pool ற்கு அனுப்பிட வேண்டும்.

      மேற்கண்ட பணிகளை 04.11.2024 (திங்கள்) அன்று மாலைக்குள் முடித்திட தெரிவிக்கப்பட்டுள்ளது. எனவே ஆசிரியர் பயிற்றுநர்கள் தங்கள் குறுவளமையத்திற்குட்பட்ட பள்ளிகளில் மாணவர் எண்ணிக்கை & EMIS இணைய தளத்தில் உள்ள மாணவர் எண்ணிக்கையும் சரியாக உள்ளதை குறுவளமைய அளவில் முகாம் நடத்தி சரிபார்க்க கேட்டுக்கொள்ளப்படுகிறார்கள்.

ஆசிரியர் பயிற்றுநர்கள் மாணவர் வருகைப் பதிவேடு & பள்ளியின் EMIS இணைய தளத்தினை சரிபார்த்து 100% சரியாக இருப்பதை உறுதி செய்தல் வேண்டும். அரசின் நலத்திட்டங்கள் வழங்குவதில் ஏற்படும் சிக்கல்களை களைவதற்காக இப்பணி மேற்கொள்ளப்படுவதால், மிகுந்த கவனத்துடன் செயல்பட ஆசிரியர் பயிற்றுநர்கள் கேட்டுக்கொள்ளப்படுகிறார்கள்.

வட்டார அளவில் எண்ணும் எழுத்தும் பயிற்சி இருப்பதால் இப்பணியினை அதற்கு தகுந்தாற்போல் திட்டமிட்டு நடத்திட வட்டார கல்வி அலுவலர், வட்டார வளமைய மேற்பார்வையாளர்கள் கேட்டுக்கொள்ளப்படுகிறார்கள்.

அனைத்து பள்ளித் தலைமை ஆசிரியர்களும் தங்கள் பள்ளியின் மாணவர் விவரம் 100% EMIS இணைய தளத்தில் சரியாக உள்ளது என சான்றிதழ் அளிக்க வேண்டும்.

முதன்மைக் கல்வி அலுவலர்

கரூர்.

>>> சரிபார்ப்பு படிவம் - தரவிறக்கம் செய்ய இங்கே சொடுக்கவும்...

Months for Pensioners to submit life certificate

ஓய்வூதியர்கள் வாழ்நாள் சான்றிதழ் அளிக்க வேண்டிய மாதங்கள்

Months for Pensioners to submit life certificate

 💢 அரசாணை எண்.165 / நிதி [ஓய்வூதியம்] துறை தேதி 31.05.2023.

✅ ஓய்வூதியர்கள்  

வாழ்நாள் சான்றிதழ் 

அளிக்க வேண்டிய மாதங்கள்.

[Grace Period மாதம் உட்பட]:

🌎 ஓய்வுபெற்ற மாதம்:

💢ஏப்ரல் எனில் ஏப்ரல் & மே.

💢மே எனில் மே & ஜூன்.

💢 ஜூன் எனில் ஜூன் & ஜூலை. 

💢ஜூலை எனில் ஜூலை & ஆகஸ்ட். 

💢 ஆகஸ்ட் எனில் ஆகஸ்ட் & செப்டம்பர்.  

💢 செப்டம்பர் எனில் செப்டம்பர் & அக்டோபர்.

💢அக்டோபர் எனில் அக்டோபர் & நவம்பர். 

💢 நவம்பர் எனில் நவம்பர் &  டிசம்பர்.

💢டிசம்பர் எனில் டிசம்பர் & ஜனவரி.

💢ஜனவரி எனில் ஜனவரி & பிப்ரவரி.

💢பிப்ரவரி எனில் பிப்ரவரி & மார்ச்.

💢மார்ச் எனில் மார்ச் & ஏப்ரல்.

🌷இதனை சேமித்து வைத்துக் கொள்ளுங்கள்.

🌷பிற ஓய்வூதிய நண்பர்களுக்கும் அனுப்புங்கள்.

🌎குறிப்பு:

✅ஓய்வுபெற்ற மாதம் மற்றும் அதன் அடுத்த மாதம் [Grace Period] சேர்க்கப்பட்டுள்ளது.

✅அரசாணை பாரா 6 (ii)ன் படி 

ஓய்வூதியம் பெறுபவர் சேவை மற்றும் குடும்ப ஓய்வூதியம் [இரட்டை ஓய்வூதியம்] இரண்டையும் பெறும்போது, ​​மஸ்டரிங் மாதம், ஒவ்வொரு ஆண்டும் சேவை ஓய்வூதியதாரரின் ஓய்வு மாதமாக இருக்கும். 

💢இந்த கால அளவுக்குள் வாழ்நாள் சான்றிதழ் அளிக்காவிடில் ஓய்வூதியம் மற்றும் குடும்ப ஓய்வூதியம் நிறுத்தப்படும்.

அரசாணை (நிலை) எண். 165, நாள்: 31-05-2023 - ஓய்வூதியம் / குடும்ப ஓய்வூதியம் - ஓய்வூதியர் நேர்காணல் ( மஸ்டரிங் ) செயல்முறையை எளிதாக்குதல் - தமிழ்நாடு மாநில அரசு ஓய்வூதியம் பெறுவோர்/குடும்ப ஓய்வூதியம் பெறுவோர் ஓய்வூதியம்/குடும்ப ஓய்வூதியம் பெறுபவர்களின் ஓய்வூதியம் தொடங்கும் மாதத்தில் வருடாந்தச் சேகரிப்பு - ஆணைகள் - வெளியிடப்பட்டது 

G.O. Ms. No. 165 Dt: May 31, 2023  - PENSION/ FAMILY PENSION – Simplification of mustering process - Tamil Nadu State Government Pensioners - Annual Mustering of Pensioners/Family Pensioners during the month of their retirement/commencement – Orders - issued

>>> Click Here to Download G.O. Ms. No. 165, Datedt:  31-05-2023...